ন্যু অমসুং রিন্যুএবল ইনর্জি(এম এন আর ই) মিনিস্ত্রীনা মসিগী আর.ই পায়খৎলিবা এজেন্সিশিং নৎত্রগা মিনিস্ত্রীগী তোঙান-তোঙানবা স্কিমশিংগী মখাদা পায়খৎলিবা আর.ই প্রোজেকশিং লোকদাউন্না মরম ওইদুনা থা ৫ হায়বদি ২০২০গী মার্চ ২৫দগী ২০২০গী অগস্ত ২৪ ফাওবা শাংদোক্নবা ৱারেপ লৌরে।

ৱারেপ অসি পৱার অমসুং রিন্যুএবল ইনর্জিগী রাজ্য মন্ত্রী(মনিংতম্বা) আর.কে সিংহনা অয়াবা পীরে। থা অসিগী ১৩দা থোকখিবা মিনিস্ত্রীগী ওফিস মেমোরেন্দমদা ৱারেপ অসি লাউথোকখিবনি। কোবি-১৮ লোকদাউন্না মরম ওইদুনা আর.ই প্রোজেকশিং শাংদোক্নবা আর.ই প্রোজেক শেমগৎলিবশিংনা মিনিস্ত্রীদা হায়জরকপদগী মতম শাংদোক্নবা খন্নখিবনি। মিনিস্ত্রীনা ৱাফম অসি য়েংশিল্লবা মতুংদা ৱারেপ লৌখিবনি।

মিনিস্ত্রীগী আর.ই প্রোজেকশিং পায়খৎলিবা এজেন্সিশিংনা কোবিদ-১৯গী লোকদাউন অসি তঙাইফদবদগী থবক লেপ্পনি হায়না লৌগনি। অসিগুম্বা অথিংবা অসি এজেন্সিশিংনা ইল্লবদি, থবক মখা শাংদোক্নবগীদমক চে-চাংশিং/প্রমানশিং অমতা হংলোই। প্রোজেক অমা লোইশিন্নবা মতম অদু থবক লোইশিন্নবা শাংদোক্লিবা মতম অদুগী মনুং চনগনি।

মতম শাংদোকপগী খুদোংচাবশিং অসি প্রোজেকশিং পায়খৎলিবা এজেন্সিশিংনা অতোপ্পা মরী লৈনরিবশিং হায়বদি ইঞ্জিনিয়ারিং প্রোকিউরমেন্ত কন্সত্রক্সন কন্ত্রেক্তরশিং, মচাক অমসুং খুৎলায়শিং পীরিবশিং অমসুং ওরিজিনেল ইকুইপমেন্ত মেনুফেকচরশিংদসু ফংহনগদবনি।

কোবিদ-১৯গী লোকদাউন অসি রাজ্যশিংগী রিন্যুএবল ইনর্জি দিপার্তমেন্তশিংসু কোনশিনগদবনি অমসুং অসিগুম্বা লোকদাউন অসিনা মরম ওইদুনা মখোয়না পায়খৎলিবা থবকশিংসু মতম শাংদোক্কনি হায়রি।

কোবিদ-১৯ লাইচৎনা মরম ওইদুনা লোকদাউন লৈবদগী অপনবা পীখিবশিং অসি নমদুনা থবক লেপহনবনি হায়না লৌগনি হায়না মমাংদা মিনিস্ত্রীনা সেসি, এন.তি.পি.সি অমসুং রাজ্য/য়ু.তি সরকারশিংগী মরী লৈনবশিংদা খঙহনখ্রে।

*****