কেমিকেল্স অমসুং ফর্তিলাইজর মন্ত্রালয়
নেস্নেল ফার্মাস্যুতিকেল প্রাইসিং ওথোরিতীনা য়েংশিনবগী মখাদা কর্নাতকাদা প্রাইস মোনিতরিং অমসুং রিসোর্স য়ুনিৎ অমা শেমখ্রে
Posted On:
13 AUG 2020 6:18PM by PIB Imphal
ভারত সরকারগী কেমিকেলস অমসুং ফর্তিলাইজর মন্ত্রালয়গী ফার্মাস্যুতিকেলস বিভাগকী নেস্নেল ফার্মাস্যুতিকেল প্রাইসিং ওথোরিতী (এন.পি.পি.এ.)না য়েংশিনবগী মখাদা করনাতকাদা প্রাইস মোনিতরিং অমসুং রিসোর্স য়ুনিৎ (পি.এম.আর.য়ু.) অমা শেমখ্রে।
কেন্দ্রগী কেমিকেলস অমসুং ফর্তিলাইজর মন্ত্রী শ্রী দি.ভি. সদানন্দা গৌদানা হায়রিবা অসিবু লাউথোকপা ওইনা ত্বীৎ অমা তৌখি।
পি.এম.আর.য়ু.না রাজ্যগী থাক্তা থবক তৌগনি অমসুং মসিবু স্তেৎ দ্রগ কন্ত্রোল্লরনা এন.পি.পি.এ.দা পাউ ফাওনদুনা হকথেংননা য়েংশিনগনি। পি.এম.আর.য়ু.শিং অসি সোসাইতিজ রেজিস্ত্রেসন এক্তকী মখাদা রেজিস্তর তৌবা মশাগী মেমোরেন্দম ওফ এসোসিএসন/ বাই-লো লৈজবশিংনি। পি.এম.আর.য়ু.গী বোর্দ ওফ গবর্নরগী মনুংদা কেন্দ্র অমসুং রাজ্য সরকারগী মরী লৈনবা মীওইশিং অমসুং অতোপ্পা স্তেকহোলদরশিং য়াওই।
এন.পি.পি.এ.না মখোয়গী কঞ্জ্যুমর এৱিয়ারনেস, পব্লিসিতী অমসুং প্রাইস মোনিতরিং (সি.এ.পি.পি.এম.) হায়না মিংথোনবা সেন্ত্রেল সেক্তর স্কিমগী মখাদা কেরলা, ওরিশা, গুজরাত, রাজস্থান, হরয়ানা, নাগালেন্দ, ত্রিপুরা, উত্তর প্রদেশ, পঞ্জাব, আন্ধ্র প্রদেশ, মিজোরম অমসুং জম্মু কশমির য়াওনা রাজ্য/য়ু.তি.১২দা হান্ননা পি.এম.আর.য়ু.শিং শেমখ্রবনি। এন.পি.পি.এ.না রাজ্য/য়ু.তি. ৩৬তা পি.এম.আর.য়ু. শেম্নবা পান্দম থম্লিবনি। পি.এম.আর.য়ু. চলায়বগী চাদিং, রিকরিং অমসুং নন-রিকরিং অনিমক, অসি স্কিম অসিগী মখাদা এন.পি.পি.এ.না পুথোক্লি।
ঙসি ফাওবদা নেস্নেল ফার্মাস্যুতিকেল প্রাইসিং ওথোরিতী (এন.পি.পি.এ.)অসি নই-দিল্লী খক্তদা ময়ায় লোইশঙ ওইদুনা লৈরি অমসুং পি.এম.আর.য়ু. কয়া অমা রাজ্য/য়ু.তি.শিংদা লিংখৎলকপগা লোয়ননা মহাক্কী য়ৌবা ঙম্বশিং অসি রাজ্যগী থাক্তসু য়ৌরক্লগনি।
পি.এম.আর.য়ু.গী মপুং ওইবা থৌদাংদি এন.পি.পি.এ.শিংবু হিদাক্কী মমল য়েংশিনবা, হিদাকশিং নীংথিনা ফংহনবা অমসুং কঞ্জ্যুমরশিংদা খঙবগী চাং হেনগৎহন্নবা তেংবাংনবনি। মখোয়না এন.পি.পি.এ.শিংগা খুৎশম্ননা চৎপা খোঙলোই ওইনা চৎলি অমসুং গ্রাস-রুৎ লেবেলদা ই-পাউ খোমজিনবা পথাপ অমা ওইনা মথৌ তৌই। মখোয়না এন.পি.পি.এ. অমসুং রাজ্য/য়ু.তি.শিংগী মরী লৈনবা স্তেৎ দ্রগ কন্ত্রোল্লরশিং অনিমক্তা তঙাই ফদবা তেক্নিকেল ওইবা তেংবাং পীগনি।
এন.পি.পি.এ.না কোবিদ-১৯গী লায়চৎ মনুংদা তঙাই ফদ্রবা পুন্সি কন্নবা হিদাকশিং, মিং ওইনা পল্লবদা ঐচ.সি.ক্যু., পেরাসেতামোল, বেক্সিইনশিং, ইন্স্যুলিন অমসুং কোবিদকী কাঙলোন ইনা হিদাকশিং লেপ্তনা অমসুং পরিং চুম্না পীবা ঙম্নবা রাজ্য সরকারশিংগা লোয়ননা থবক তৌদুনা লাক্লি। রাজ্য সরকারশিংগা থবক তৌমিন্নদুনা এন.পি.পি.এ.না লৈবাক পুম্বদা হিদাক ৱাৎহন্দ্রি। পি.এম.আর.য়ু.না রিজনেল লেবেলদসু দ্রগ সেক্যুরিতী অমসুং হিদাক ফংহনবগী পথাপ্পু হেন্না খুমাং চাউশিলহনগনি হায়বগী থাজবা থম্লি।
***
(Release ID: 1645567)
Visitor Counter : 186