ইন্দিয়ন ইন্সতিত্যুৎ ওফ এস্ত্রোফিজিক্স (আই.আই.এ.)না চহি ৫০শুবা মসিগী ফাউন্দরস দে পাংথোকখ্রে লোয়ননা থৌরম অসিদা মশক নাইরবশিংনা মরু ওইবা উৎতুনা হায়খ্রে মদুদি ফাউন্দরস দাঃ ভাইনু বাপ্পু অসিনা থৱায় য়াওনা হোৎনজরম্বা অদুবু নহাশিংগী লৌশিং অমসুং মখোয়না তৌরুবা দিকেদ মঙাদা ফংখিবা ৱাখল্লোনশিং অদু পুন্সিন্দুনা কায়হন্দনা থম্বা ঙমগনি।

“৫০ শুবা চহি অসি সাইন্তিফিক ইন্সতিত্যুৎ অসিগী য়াম্না মরুওইবা খোঙচৎ অমনি, মসি দাঃ ভাইনু বাপ্পুগী অশানবা মীয়েংদগী হৌরকখিবনি। হৌজিক্তি মসি সাইন্স অমসুং আত্মানির্ভর ভারত অসিবু অমুক হন্না শেমগৎপগী মথৌ তারে অমসুং মসিগীদমক অনৌবা লুচিংবা কয়া পুথোকপা মথৌ তারি। হান্না লৈরম্বা ইন্সতিত্যুৎ অসিগী শক্তি অমসুং থৱায় য়াওবা অসি হৌজিক্তি দিকেদ মঙা অসিদা য়াম্না ফগৎলে। হৌজিক মাংলোম্দা চৎনবগীদমক নহাশিংগী খ্বায়দগী ফবা অমসুং অনৌবা ৱাখল্লোনশিং পুন্সিনবা অসিনি,” হায়দুনা দি.এস.তি.গী সেক্রেতরী প্রোফেসর আশুতোশ শর্ম্মানা আই.আই.এ.-৫০গী শঙ্গাবগী থৌরমদা হায়খি।  

আই.আই.এ.না  মগুন লৈরবা হুমেন রিসোর্সেস, ইনফ্রাস্ত্রকচর অমসুং ওবর্জাবেসনেল এস্ত্রোনোমি অমসুং মনুং ফংবা সাইন্স অমসুং চাওখৎপা মপুং ফানা হেন্না ৱাংবা অমসুং অচুম্বা মিয়েংগা লোয়ননা,” মহাক্না মখা তাখি।

ইন্দিয়ন ইন্সতিত্যুৎ ওফ এস্ত্রোফিজিক্স (আই.আই.এ.) অসি ভারত সরকারগী দিপার্তমেন্ত ওফ সাইন্স অমসুং তেক্নোলোজি (দি.এস.তি.)গী মরোমদোম লেপচবা ইন্সতিত্যুৎ অসিগী চহি ৫০শুবা মসিগী ফাউন্দরস দে অসি ২০২০গী ওগস্তকী ১০ দা ওনলাইন থৌরম অমগী খুত্থাংদা পাংথোকখি লোয়ননা প্রিন্সিপাল সাইন্তিফিক এদভাইজর গবর্নমেন্ত ওফ ইন্দিয়াগী প্রোফেসর কে. ভিজয় রাঘবন না ৱা ঙাংখি।

ইন্সতিত্যুৎ অসিনা দাঃ মানালি কালাত ভাইনু বাপ্পুগী মপোক কুমোন অসি ফাউন্দরস দে অমা ওইনা পাংথোক্লি, মহাক্না হৌজিক ওইরিবা ইন্দিয়ন ইন্সতিত্যুৎ ওফ এস্ত্রোফিজিক্স অসিদা মতেং কয়া পীখি।

প্রোফেসর অভিনাশ সি. পান্দে, চেয়রমেন, গবর্ননিং কাউসিল, আই.আই.এ. ‘দি.ও.ও.তি.’ কৌবা ই-মেগাজিন অমা ছাত্রশিংগা লোয়ননা ইন্সতিত্যুৎ অসিগীদমক ফোংখ্রে অমসুং মহাক্না হায়খি মদুদি, “মেগাজিন অসিগী মতেংদগী, ছাত্রশিংগী ওইবা মফম অমা কল্লদুনা মশানা অনৌবা পুথোকচনবগী তাঞ্জা অমা পীরি।  মসিনা সাইন্সকী ওইবা তোপ-তোপ্পা ৱাখল্লোল উৎথোক্তুনা লাইথোকহন্বা মওংদা পীগনি”।

দাইরেক্তর, প্রোফেসর অন্নাপুর্নি সুব্রামানিয়ম না ওদিয়েন্সশিংবু শেমখি অমসুং আই.আই.এ. চাওখৎলকপবু অতেনবা পাওজেল হান্নগী ইন্সতিত্যুৎকী দাইরেক্তরদগী ফংহনখি।

*****