PIB Headquarters

কোবিদ-১৯গী মতাংদা নুমিৎ খুদিংগী ফোংবা পি.আই.বি.গী বুলেতিন

Posted On: 12 AUG 2020 6:38PM by PIB Imphal

Description: Coat of arms of India PNG images free download

 

(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

 

  •  হৌখিবা পুং ২৪ অসিদা রেকোর্দ ওইনা নোংমদা ৫৬,১১০ ফগৎলকপগী রেজিস্তর তৌখ্রে;
  • ভারতকী ফগৎলকপগী চাং অসি ৭০% হেনখ্রে;
  • ভারতনা নোংমদা খ্বাইদগী য়াম্বা তেস্ত ৭,৩৩,৪৪৯ তৌখ্রে
  • এক্তিব কেসশিং (৬,৪৩,৯৪৮) ওইরি মসি অপুনবা পোজিতিব কেসশিংগী ২৭.৬৪% খক্তা ওইরি
  • কেস ফেতেলিতী রেৎ অসি ১.৯৮% ওইরি।
  • তেস্তিং লেবকী নেৎৱার্ক লেপ্পা লৈতনা হেনগৎলক্তুনা ঙসি লৈবাক অসিদা লেব ১৩৪৮ লৈরে
  • কোবিদ-১৯গী তিকা ফংহন্নবা অমসুং য়েন্থোক্নবা থবক্কী লাল্লোংগী মতাংদা কোবিদ-১৯ তিকাগী নেস্নেল এক্সপার্ত গ্রুপনা কুপ্না খন্নখ্রে 

 

Image

 

রেকোর্দ ওইনা নোংমদা ৫৬,১১০ ফগৎলকপগী রেজিস্তর তৌখ্রে; ভারতকী ফগৎলকপগী চাং অসি ৭০% হেনখ্রে; ভারতনা নোংমদা খ্বাইদগী য়াম্বা তেস্ত ৭,৩৩,৪৪৯ তৌখ্রে

অপুনবা স্তেন্দর্দ কেয়র এপ্রোচতা য়ুম্ফম ওইবা অরুবা অনবা লায়েংবগী স্তেন্দর্দাইজ ক্লিনিকেল মেনেজমেন্তগা লোয়ননা লাকশিন্নবা মপুং ফাবা লালোং লৌখৎপা, তেস্ত তৌবা কনশিনবা অমদি পাকশন্না তৌবদা মায় পাকপনা মরম ওইরগা হৌখিবা পুং ২৪দা ৫৬,১১০ রেজিস্তর তৌদুনা খ্বাইদগী য়াম্না নোংমদা ফগৎখিবগী রেকোর্দ তৌখ্রে। কেন্দ্র অমদি রাজ্য/য়ু.তি. সরকারশিংনা পুন্না হোৎনরিবশিং অসিনা নোংমদা ফগৎলকপগী চাং অসি লেপ্তনা হেনগৎলকপা ঙমহল্লি। জুলাইগী অহানবা চয়োলদা নোংমদা ফগৎলকপা কেসশিংগী চাং অসি ১৫০০০ ওইরমখিবা অদু ওগস্তকী অহানবা চয়োলদা ৫০০০০ হেন্না হেনগৎখি। মীওই কয়া ফগৎলকপা অমসুং হোস্পিতালশিং অমসুং হোম আইসোলেসন্দগী (ফীভম লুদবা অমদি মায়াই ওইরপ তৌবা কেসশিংদা) দিসচার্জ তৌবগা লোয়ননা অপুনবা ফগৎখিবশিং অসি লাখ ১৬ হেন্দুনা ১৬,৩৯,৫৯৯ য়ৌখ্রে। ফগৎলকপগী চাং অসি ৭০.৩৮% ওইদুনা হেন্না ৱাংখৎখ্রে। লৈবাক অসিগী অশেংবা কেস লোদ অসিনা এক্তিব কেসশিং (৬,৪৩,৯৪৮) ওইরি মসি অপুনবা পোজিতিব কেসশিংগী ২৭.৬৪% খক্তা ওইরি। মখোয় অসি হোস্পিতালশিংদা নত্রগা হোম আইসোলেসন তৌদুনা লায়েং চত্থরি। ফগৎলকপশিং লেপ্তনা অমসুং চাং ৱাংনা হেনগৎলপগা লোয়ননা, কোবিদ-১৯দগী ফগৎখ্রবা অনাবশিং অমসুং এক্তিব কেসশিংগী মরক্তা লৈরিবা খেৎনবা অসি লাখ ১০গী ময় য়ৌখ্রে। হোস্পিতালশিংদা অফবা অমদি কান্নবা ক্লিনিকেল ত্রীৎমেন্ত পীবা, অনাবা মীওইশিং খুদক্তা অমসুং মতম চানা লায়েং পীনবা এম্বুলেন্সতা পুবদা নন-ইনবেসিব, অফবা অমসুং পুন্না হোৎনমিন্নবদা মীৎয়েং থম্বনা মরম ওইরগা কোবিদ-১৯ নাবা মীওইশিং লেপ্তানা মপুং ফানা য়েংশিনবা ঙমহলি।। মরম অসিনা কেস ফেতেলিতী রেৎ (সি.এফ.আর.) অসি মালেমগী ওইরিবা ফীভম অসিগা চাংদম্নবদা নেম্লি । ঙসি কেস ফেতেলিতী রেৎ অসি ১.৯৮% ওইরি। ভারতকী তেস্ত, ত্রেক্ত, ত্রীৎকী লালোং অসিনা হৌখিবা পুং ২৪দা তেস্ত ৭,৩৩,৪৪৯ তৌদুনা খ্বাইদগী ৱাংনা তৌবা ঙমখ্রে। মসিনা তেস্ত তৌখিবগী অপুনবা মশিং কোতি ২.৬ হেন্না হেনখ্রে। তি.পি.এম.না ১৮,৮৫২ য়ৌখ্রে। গ্রেদেদ ওইবা খোঙথাং লৌখৎপা অসিনা মরম ওইরগা লৈবাক অসিদা তেস্তিং নেৎ হেনগৎহন্নবা তেস্তিং লালোং অমা লৈহল্লি। লালোং অসি লেপ্তনা লৌখৎপগা লোয়ননা তেস্তিং লেবকী নেৎৱার্ক লেপ্পা লৈতনা হেনগৎলক্তুনা ঙসি লৈবাক অসিদা লেব ১৩৪৮ লৈরে; লৈঙাক্কী লেব ৯৪৪ অমদি লন্নাইগী লেব ৪৭৭গা লৈরে।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1645305

কোবিদ-১৯গী তিকা ফংহন্নবা অমসুং য়েন্থোক্নবা থবক্কী লাল্লোংগী মতাংদা কোবিদ-১৯ তিকাগী নেস্নেল এক্সপার্ত গ্রুপনা কুপ্না খন্নখ্রে

অহানবা ওইনা ২০২০গী ওগস্ত ১২দা কোবিদ-১৯ তিকাগী নেস্নেল এক্সপার্ত গ্রুপকী মীফম পাংথোকখ্রে। মীফম অদুদা নিতি অয়োগকী মেম্বর দোক্তর ভি.কে পাউলনা লুচিংখি অমসুং হেল্থ অমসুং ফেমিলি ৱেলফিয়ার মিনিস্ত্রিগী সেক্রেতরিনা কো-চিয়র লৌখি। তিকা পুথোকপা অমসুং য়েন্থোকপগী থবকশিং পায়খৎনবা দিজিতেল ইনফ্রাস্ত্রকচর অমা শেমগৎপা য়াওনা খ্বাইদগী লাপ্পা মফম ফাওবদা তিক থাবগী থবকশিং খোঙ্গুল লিনবগী থবকশিং পায়খৎনবগী মতাংদা অখঙ-অহৈশিংগী কাংবু অদুনা খন্নখি। লৈবাক অসিগীদমক কোবিদ-১৯ তিকা কমদৌনা খনগদগে হায়বগী মতাংদা মখোয়না খন্নখি অমসুং নেস্নেল তেক্নিকেল এদভাইজরি গ্রুপ ওন ইম্মুনাইজেসন(এন তি এ জি আই)গী স্তেন্দিং তেক্নিকেল সব-কমিতিদগী মতেং নিখি। লৈবাক অসিনা পুথোকচবা অমসুং মালেমগী লৈবাকশিংনা পুথোকপা কোবিদ-১৯গী তিকা অনিমক লৈনবা থৌরাংশিং কাংবু অদুনা খন্নখি অমসুং করম্বা মীওই কাংলুপশিংদা তিকা থাবগী খুদোংচাবা হান্না পীগদগে হায়বগী মতাংসু খন্নখি।

অকুপ্পা ৱারোলগীদমক https://pib.gov.in/PressReleseDetail.aspx?PRID=1645363

“ অরোন-অথুপ লৈতনা তেক্স থিনবা-পুকচেল শেংবা ইকায়খুম্ননবা’ থৌরাং অমা ২০২০গী অগস্ত ১৩দা প্রধান মন্ত্রী নরেন্দ্র মোদীনা হৌদোক্লগনি

২০২০গী ওগস্ত ১৩দা ভিদিও কনফরেন্সকী খুৎথাংদা “অরোন-অথুপ লৈতনা তেক্স থিনবা-পুকচেল শেংবা ইকায়খুম্ননবা’ থৌরাং প্রধান মন্ত্রী নরেন্দ্র মোদীনা হৌদোক্লগনি। চহি খর অসিদা সি.বি.দি.তিনা দাইরেক্ত তেক্স লৌবগী মতাংদা অচৌবা অওনবা কয়া পুরকখ্রে। হৌখিবা চহিদা কোরপোরেত তেক্স রেত চাদা ৩০দগী চাদা ২২দা হন্থহনখি অমসুং অনৌবা মেনুফেকচরিং য়ুনিতশিংগী রেত চাদা ১৫দা হন্থরে। দিবিদেন্দ দিস্ত্রিবুসন তেক্সসু মুৎথৎলে।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1645041

রাজ্যগী হকশেলগী মতাংদা মৈধ্য প্রদেশকী চীফ মিনিস্তরগা দোক্তর হর্শ বর্ধনগা দিজিতেল ওইনা ৱারি শানখ্রে

হকশেল অমসুং মেদিসিনগী লমদা মৈধ্য প্রদেশকী ফিবম ফগৎহন্নবগী মতাংদা ঙসি দিজিতেল ওইনা হেল্থ অমসুং ফেমিলি ৱেলফিয়ারগী য়ুনিয়ন মিনিস্তর দোক্তর হর্শ বর্ধন্না মৈধ্য প্রদেশকী চীফ মিনিস্তর সিবরাজ সিংহ চৌহানগা ৱারি শানখ্রে। ২০২৩দা ‘অত্মানির্ভর’ মৈধ্য প্রদেশ অমা ওইহন্নবা মৈধ্য প্রদেশ সরকারগী ওফিসিএলশিংনা পায়খৎকদবা থবকশিং উৎখি। য়ুনিয়ন মিনিস্তরনা মখোয়দা মমল য়াম্লবা পাউতাকশিং পীখি। মিনিস্তরগী পাউতাকশিং থবক্তা মপুংফানা ওন্থোক্কনি হায়না চীফ মিনিস্তরনা মহাক্কী থাজবা পীখি। কোবিদ-১৯ লাইচৎ মনুংদা ৱাশক লৌরবসু মৈধ্য প্রদেশতা লাইচৎ অসি ফজনা লাকশিনবগীদমক অমসুং মহাক লায়না অসিগী ফরকপদা য়ুনিয়ন মিনিস্তরনা সিবরাজ চৌহান থাগৎখি। ওথোরিতিশিংনা মীয়ামগী হকশেলগী থবকশিং পায়খৎপা ঙম্নবা ই-সঞ্জিবানি তেলি-মেদিসিন প্লেতফোর্ম শীজিন্নগদবনি। প্রধান মন্ত্রীনা হৌদোক্কদৌরিবা “ অরোন-অথুপ লৈতনা তেক্স থিনবা-পুকচেল শেংবা ইকায়খুম্ননবা’ থৌরাং অসিনা দাইরেক্ত তেক্সকী অওনবশিং পুরক্নবা খোঙচৎ মাঙলোমদা খুমাংচাউশিল্লগনি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1645243

পুম্নমক শুপচিল্লবা অমদি তশেং তশেংবা পুৱারীগী থৌদোকশিংগী পাউদম অমা থমবা মথৌ তাই: উপ রাস্ত্রপতি

উপ রাস্ত্রপতি শ্রী ভেঙ্কয়া নাইদুনা পুম্নমক শুপচিল্লবা, মরীক চুমবা অমদি তশেং তশেংবা পুৱারীগী থৌদোকশিংগী পাউদম অমা থমবা মথৌ তাই হায়বা ৱাফম ফোঙদোকখ্রে‍। লাইরিক অসিদা ভারতকী নীংতম খোঙজঙদা নেতাজিনা লৌরমবা অচৌবা থৌদাংশিংগী মতাংদা ময়েক শেংনা তাকপা কান্নরবা চে-চাং কয়া য়াওরি হায়বা ৱাফম থম্লদুনা, উপ রাস্ত্রপতিনা ঐখোয়গী নহা ওইরিবা মীরোলনা ভারতকী পুৱারী মমুৎ তানা খঙবগী মথৌ তাবা ৱাফম ফোঙদোকখি‍। অদুগা, লৈবাক শিনবা থুংবদগী নীংতম লান্মীশিংগী থৌনা অমদি মখোয়না কত্থোকখিবশিংগী মরমদসু লাইরিকশিংদা য়াওহনগদবনি, হায়না শ্রী নাইদুনা মখা তাখি‍। শ্রী নাইদুনা হায়খিবদা কোবিদ-১৯না ভারতকুমবা লৈবাকশিংদা মপুং ফানা মরোমদোম লেপচবা ঙম্নবা হোৎনদুনা অমুক হান্নগী ফীভমদা হঞ্জিল্লকপা ঙমগদবা শেন্মিৎলোন অমা শেমগৎপগী তঙাইফদবদু উৎলি‍। প্রাইভেত সেক্তর য়াওনা স্তেকহোল্দর খুদিংমক্না অমদি একাদমিয়াশিংনসু থিজিন হুমজিন্দুনা আত্ম নিরভর কেম্পেনবু অচৌবা খোঙহৌ অমা পীবা হায়বসিনা হৌজিক তশেংনা মথৌ তারিবা ৱাফম্নি, হায়না মহাক্না মখা তাখি‍।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1645276

প্রধান মন্ত্রী সভানিধি স্কিমগী মখাদা এপ্লিকেসন লাখ ৫ হেন্না ফংলে

২০২০গী জুলাই ২দগী থবক হৌখিবদগী নুমিৎ ৪১গী মনুংদা প্রধান মন্ত্রী স্ত্রিৎ ভেন্দরস অত্মানির্ভর নিধি(পি এম সভানিধি) স্কিমগী মখাদা এপ্লিকেসন লাখ ৫ হেন্না ফংলে অমসুং লোন লাখ ১ হেন্না পীখ্রে। কোবিদ-১৯ লোকদাউন মতুংদা মখোয়গী ললোন-ইতিক্কী থবকশিং অমুক হৌনবা শেন্থং থিরিবা স্ত্রিৎ ভেন্দরশিংগী মরক্তা প্রধান মন্ত্রী সভানিধি স্কিম য়াম্না পাম্নরে। স্কিম অসিনা কোবিদ-১৯ লোকদাউন মতুংদা সহরগী মতাই/খুঙ্গংশিংদগী লাকপদা সহরশিংগী লম্বী নাকলদা পোৎ-চৈ য়োল্লিবা মীওই লাখ ৫০ রোমদা চহি অমগী ওইনা লুপা ১০,০০০ ফাওবা গরেন্তি য়াওদনা লোন পীনবা স্কিম অসিনা পান্দম থম্লি। লোন চাংনাইনা শিংলকপদা চহি অমদা চাদা ৭গী শেন্দোই সবসিদি ওইনা পীগনি অমসুং দিজিতেল ত্রান্সসেক্সন পাংথোকপা মতমদা চহিদা লুপা ১,২০০ পীগনি অমসুং মথংগী তাঙ্কক্তা লোন লৌবা য়াবগী খুদোংচাবা পীগনি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1645282

 

ফিল্দ ওফিসশিংদগী ফংবা পাউ

 

  • পঞ্জাবঃ কোবিদ-১৯ কেস হেনগৎলকপা অমসুং চৎলিবা শেনবা চহী অসিগী অহানবা ক্বার্তরদা রেবিন্যু খোমগৎপগী চাং চাদা ৫০ হন্থরকপনা মরম ওইদুনা পঞ্জাবকী মুখ্য মন্ত্রী কেপতেন অমরিন্দর সিংহনা প্রধান মন্ত্রী নরেন্দ্র মোদীদগী রাজ্য অসিদা লাইচৎ অসিনা মরম ওইদুনা কল্লেক্সন তৌবা ঙমদবদগী পুথরিবশিং অসিবু মেনখৎনবগীদমক শেলথুমগী পেকেজ অমা কাইথোকপীনবা অমসুং এস.দি.আর.এফ.তা কোবিদকা মরী লৈনবা চাদিংশিংদা কোমথোকপীনবা হায়জখ্রে।
  • হিমাচল প্রদেশঃ ই-সঞ্জিবানি পোর্তেলদা খ্বাইদগী য়াম্না কন্সলতেসন তৌরকপদা হিমাচল প্রদেশনা ভারত পুম্বদা অহুমশুবা তাখ্রে। ই-সঞ্জিবানি অমসুং ই-সঞ্জিবানি ও.পি.দি. পোর্তেলগী খুথাংদা অপুনবা ওইনা ২৪,৫২৭ কন্সলতেসন লাকখি। মসিনা তমিল নাদুগী কন্সলতেসন ৩২,০৩৫ অমসুং অন্ধ্র প্রদেশকী ২৮,৯৬০গী মতুংদা খ্বাইদগী ৱাংবদা অহুমশুবদা লৈরি।
  • মহারাস্ত্রাঃ প্রধান মন্ত্রী নরেন্দ্র মোদীগা লোইননা পাঙথকখিবা মীফম অমদা মুখ্য মন্ত্রী উধব থাকরেনা লৈবাকপোকপা নুমিত্তা মহারাস্ত্রদা সরকার অসিনা অনীশুবা তাংকক্কী কোবিদ-১৯গী ইপোম অমুক হন্না লাক্তনবা হোৎনরি হায়না ফোংদোকখ্রে। মুখ্য মন্ত্রী অসিনা হায়খি মদুদি রাজ্য সরকার অসিনা লাইচৎ অসিবু লাকশিন্নবগীদমক জিল্লা খুদিংদা অখন্নবা হোস্পিতাল অমমম থম্নবা পান্দম থম্লি। ভারতকী কেসশিংগী মরক্তগী মরি থোকপগী মশুং অমা ওইরিবা মহারাস্ত্রদা কেস লাখ ১.৪৮ লৈরি। অদুমওইনমক, কোনুং ওইরিবা মুম্বাইদদি কেস মশীং অসি লীশিং ২০দগী তাখ্রে।
  • গুজরাৎঃ প্রধান মন্ত্রী নরেন্দ্র মোদীনা কোবিদকী য়েংশিন মীফমদা গুজরাত্তা "পোজিতিব ওইরকপা য়াবগী ফিবম ৱাংবনা" মরম ওইদুনা রাজ্য অসিদা তেস্ত তৌবগী চাং হেনগৎনবা খংহনখ্রে। মসিগী পাউখুম ওইনা গুজরাৎকী মুখ্য মন্ত্রী বিজয় রুপানিনা হায়খি মদুদি রাজ্য অসিদা সরকারগী লেবোরেতরী ৩৪ অমসুং প্রাইবেৎকী ৫৯গনা পুন্না হোৎনদুনা নোংমদা তেস্ত মিল্লিয়ন অমদা তেস্ত ৪৫৬ তৌরি হায়খি। মরক অসিদা রাজ্য অসিগী রিকোবরী রেৎনা চাদা ৭৭ য়ৌখ্রে। গুজরাত্তা এক্তিব কেস ১৪১২৫ লৈরি।
  • রাজস্থানঃ লৈবাকপোকপা নুমিত্তা রাজ্য অসিদা নোংমদা খ্বাইদগী য়াম্না কেস লাকপা ওইনা কোবিদ কেস ১,২১৭ লাকখ্রে। বিকানেরদা খ্বাইদগী ৱাংবা ওইনা মীওই ১১৫ পোজিতিব ওইখি। গুজরাত্তা লাকপা অপুনবা কেস মশীং অসি ৫৪,৮৮৭নি মসিগী মনুংদগী ১৩,৬৭৭না এক্তিব কেসনি।
  • মধ্য প্রদেশঃ মুখ্য মন্ত্রী শিবরাজ সিংহ চৌহন্না হায়খি মদুদি রাজ্য অসিগী কোবিদ রিকোবরীগী চাং অসি চাদা ৭৫ য়ৌরে। মুখ্য মন্ত্রীনা পাউতাক পীরদুনা হায়খি মদুদি মাইনর সিম্পতোম ওইবশিংগীদি য়ুমদা লাইয়েং পথাপ চত্থগদবনি।
  • ছতিশগরঃ এসেম্বলী স্পীকর চরন দাস মহন্তনা হায়খি মদুদি কোরোনা মরক অসিদা এসেম্বলী সেসন অশোই অঙাম য়াওদনা পাঙথোক্নবগী শেম শাবা পুম্নমক লোইরে। ছতিশগর লেজিস্লেতিব এসেম্বলীগী  মোন্সুন সেসনসু ওগস্ত ২৫তগী হৌরগনি অমসুং লাইচৎ অসিনা মরম ওইদুনা নুমিৎ মরিনিদা লোইশিনগনি।  
  • কেরলাঃ থিরুবনন্থপুরম সেন্তেল জেলগী প্রিজনর ৫৯ কোবিদ-১৯ পোজিতিব ওইরে। মসিগী মতুং ইন্না, ইনমেৎ ১২০০ লৈবা কোবিদ ফার্স্ত লাইন ত্রিৎমেন্ত সেন্তর অমা জেল অসিগী মনুংদা লিংখৎলগনি। মরক অসিদা, রাজ্য অসিগী কোনুং ওইরিবা জিল্লা অসিদা লাইনা অসি খোংজেল য়াংনা শন্দোক্লক্তুনা কেস ২৫ অমসু পোজিতিব ওইরে। স্তেসন কয়াদা পুলিস্মেন মঙা পোজিতিব ওইরে, মীওই খরা অমগসু ওবজর্বেসন্দা থমগদৌরি। সমুদ্র খোংবালগী মফমশিংদা অকক্নবা নুমিৎশিংদা খাইদোক্তুনা ঙা ফাবা চৎপা য়াহনখিবগা লোইননা ঙসিদগী হৌদুনা সমুদ্র খোংবালদা লৈবা মীওইশিংনা ঙা ফাবা চৎপা য়ারগনি। মরুওইবা হিথাংফমশিংসু হয়েংদগী হৌদুনা হাংদোক্লগনি। ঙসি কোবিদনা মরম ওইদুনা মীওই অনী অমগা লৈখিদবগা লোইননা অপুনবা লৈখিদবা মশীং ১২২ শুখ্রে। অনাবা ১২,৭২১না হৌজিক লাইয়েংদুনা লৈরি অমসুং মীওই লাখ ১.৪৯না ওবজর্বেসন তৌদুনা লৈরি।
  • তমিল নাদুঃ পুদুচেরীগী হকশেল মন্ত্রীনা ঙসি নোংমদা খ্বাইদগী ৱাংবা ওইনা কোবিদ-১৯ কেস ৪৮১ লাকপদগী য়ু.তি. অসিদা ' ৱারেপ লৌবা ঙমদবগী' ফিবম অমা লাক্লে, হৌখিবা পুং ২৪ অসিদা মীওই মঙা অমগসু লৈখিদ্রে। য়ু.তি. অসিদা লৈবা কোবিদ কেস অসি ৬৩৮১নি অমসুং মীওই ৯৬ লৈখিদ্রে। জিল্লা অসিদগী ওগস্ত ১০ ফাওবদা দোক্তর তরুক অমসু লাইনা অসিনা মরম ওইদুনা লৈখিদ্রে হায়না মদুরাই আই.এম.এ.গী ব্রাঞ্চনা হায়রি। অনৌবা কেস ৫৮৩৪, লৈখিদ্রবা ১১৮ ঙরাং রিপোর্ত তৌরকখ্রে। অপুনবা কেসঃ ৩০৮৬৪৯, এক্তিব কেসঃ ৫২৮১০, লৈখিদ্রবাঃ ৫১৫৯;
  • করনাতাকাঃ কর্নাতাকা হাই কোর্তনা রাজ্য সরকারদা কোবিদ-১৯না মরম ওইদুনা প্রোপর্তী তেক্স কোকপীনবগী য়াথং অমগী নোতিস থোকখ্রে। থা মঙারোম অথিংবা থম্লুরবা মতুংদা কোদাগু-কেরলাগী ঙমখৈদা গারী চত্থোক চৎশিন তৌবা য়াহনখ্রে। সুপ্রীম কোর্তনা তাবা রাই অমগী মতুং ইন্না রাজ্য সরকারনা কোবিদ নারম্বদগী দিসচার্জ তৌবগী মতম অসি হান্না নুমিৎ ১৪ ওইরম্বদগী নুমিৎ ৭নিদা তেনশিনখ্রে। ঙরাং অনৌবা কেস ৬২৫৭, দিসচার্জ ৬৪৭৩ অমসুং ৮৬ লৈখিদ্রে। অপুনবা কেসঃ ১,৮৮,৬১১; এক্তিব কেসঃ ৭৯,৬০৬; লৈখিদ্রবাঃ ৩৩৯৮; দিসচার্জঃ ১,০৫,৫৯৯।  
  • অন্ধ্র প্রদেশঃ রাজ্য সরকারনা হেলথ সেন্তরদা মেদিকেল স্তাফ লৌনবা নোতিফিকেসন অমা থোকখ্রে। নোতিফিকেসন অসি মেদিকেল ওফিসর ৪২ অমসুং স্তাফ নর্স ৮৪ হেলথ সেন্তরশিংদা গ্রেতর বিশাখাপত্নম ম্যুনিসিপাল কাউন্সি কোর্পোরেসনগী মখাদা লৌনবগীদমক থোকখিবনি। প্রকাশম জিল্লাগী কল্লেক্তরনা ওঙ্গোলি ম্যুনিসিপাল কোর্পোরেসনগী মফম খুদিংদা ঙসিদগী হৌদুনা অকনবা লাকশিন্নবগী থৌরাং লৌখত্তুনা চয়োল অনী মখা চত্থনবা খংহনখ্রে। রাজ্য সরকার অসিনা কোবিদ কেস্তগী ফগৎলকপগী চাং অসি চাদা ৬৩.২৮ য়ৌরে হায়না ফোংদোকখ্রে; মতম খরগী মমাংদদি মসি চাদা ৫০দগীনা ৫৫ ফাওবা ওইরম্মি। ঙরাং অনৌবা কেস ৯০২৪ অমসুং ৮৭ লৈখিদ্রে। অপুনবা কেসঃ ২৪৪৫৪৯, এক্তিব কেস অমসুং লৈখিদ্রবা ২২০৩
  • তেলঙ্গানাঃ তেলঙ্গানাদা অনৌবা কেস ১৯০০ লাকখ্রে। লৈবাকপোকপা নুমিত্তা লাকখিবা কেসশিং অসিগী মনুংদগী চাদা ৮২ নত্ত্রগা ১,৫৫৮না গ্রেতর হায়দেরবাদ ম্যুনিসিপাল কোরপোরেসন্দগী লাকপনি। অনৌবা কেস ১৮৯৭, নাবা ফখ্রবা ১৭২০, অমসুং মীওই ৯ হৌখিবা পুং ২৪ অসিদা রিপোর্ত তৌরকখ্রে, অপুনবা কেস ১৮৯৭কী মনুংদগী ৪৭৯দি জি.ঐচ.এম.সি.দগী লাকখিবনি। অপুনবা কেসঃ ৮৪,৫৪৪, এক্তিব কেসঃ ২২,৬৯৬, লৈখিদ্রবাঃ ৬৫৪; দিসচার্জঃ ৬১,২৯৪

ফেক্ত চেক

*****



(Release ID: 1645418) Visitor Counter : 7