হকশেল অমসুং য়াইফ-য়ুম্বাল মন্ত্রালয়

কোবিদ-১৯গী তিকা ফংহন্নবা অমসুং য়েন্থোক্নবা থবক্কী লাল্লোংগী মতাংদা কোবিদ-১৯ তিকাগী নেস্নেল এক্সপার্ত গ্রুপনা কুপ্না খন্নখ্রে

Posted On: 12 AUG 2020 5:28PM by PIB Imphal

অহানবা ওইনা ২০২০গী ওগস্ত ১২দা কোবিদ-১৯ তিকাগী নেস্নেল এক্সপার্ত গ্রুপকী মীফম পাংথোকখ্রে। মীফম অদুদা নিতি অয়োগকী মেম্বর দোক্তর ভি.কে পাউলনা লুচিংখি অমসুং হেল্থ অমসুং ফেমিলি ৱেলফিয়ার মিনিস্ত্রিগী সেক্রেতরিনা কো-চিয়র লৌখি।

তিক পুথোকপা অমসুং য়েন্থোকপগী থবকশিং পায়খৎনবা দিজিতেল ইনফ্রাস্ত্রকচর অমা শেমগৎপা য়াওনা খ্বাইদগী লাপ্পা মফম ফাওবদা তিক থাবগী থবকশিং খোঙ্গুল লিনবগী থবকশিং পায়খৎনবগী মতাংদা অখঙ-অহৈশিংগী কাংবু অদুনা খন্নখি। লৈবাক অসিগীদমক কোবিদ-১৯ তিকা কমদৌনা খনগদগে হায়বগী মতাংদা মখোয়না খন্নখি অমসুং নেস্নেল তেক্নিকেল এদভাইজরি গ্রুপ ওন ইম্মুনাইজেসন(এন তি এ জি আই)গী স্তেন্দিং তেক্নিকেল সব-কমিতিদগী মতেং নিখি। লৈবাক অসিনা পুথোকচবা অমসুং মালেমগী লৈবাকশিংনা পুথোকপা কোবিদ-১৯গী তিকা অনিমক লৈনবা থৌরাংশিং কাংবু অদুনা খন্নখি অমসুং করম্বা মীওই কাংলুপশিংদা তিকা থাবগী খুদোংচাবা হান্না পীগদগে হায়বগী মতাংসু খন্নখি।

কোবিদ-১৯ তিকা লৈনবা দরকার লৈবা শেনফম অমসুং হায়রিবা শেনফম অদু ফংনবা তোঙান-তোঙানবা পাম্বৈশিংগী মতাংদা অখঙ-অহৈ কাংবু অদুনা খন্নখি। কোবিদ-১৯গী তিকা থাবগী থবক পায়খৎলকপা মতমদা তিকা য়েন্থোক্নবা থৌরাংশিং, কোল্দ চেন অমসুং মরী লৈনবা মচাক-মথুমশিং ফংহন্নবগী মতাংদা খন্নখি। মখা তানা, মরম চানা অমসুং অরোন-অথুপ লৈহন্দনা তিক ফংহন্নবগী মতাংদা পায়খৎকদবা লাল্লোংশিং অমসুং থবকশিং কুপ্না খন্নখি। তিকা অদু অশোই-অঙাম থোকহন্দবা অমসুং থিজিনবগী মতাংদা অমসুং অরোন-অথুপ লৈতবা ই-পাউ পীদুনা অমসুং ৱাখল তাহন্দুনা মীয়াম শরুক য়াহন্নবা লাল্লোংশিং খন্নখি।

ভারতকা য়ুমলোন্নরিবা লৈবাকশিং অমসুং চাউখৎ-থৌরাংগী মরুপ ওইরিবা লৈবাকশিংদা কোবিদ-১৯ তিকা ফংহন্নবা ভারতনা মতেং পাংনবা খন্নখি। ভারত খক নত্তনা লায়রবা লৈবাকশিংসু মতম চানা তিকা ফংহনবা ঙম্নবা ভারতনা লৈবাক অসিগী তিকা পুথোকপা ঙম্বগী শক্তি হেনগৎহন্নবা অমসুং মালেমগী তিকা পুথোকপা কম্পেনিশিংগা থবক তৌমিন্ননবা অখঙ-অহৈ কাংবু অদুনা খন্নখি।

তিকা লৈনবা তোখাইবা লম্বী শেমদনবা কমিতি অদুনা রাজ্যশিংদা পাউতাক পীখি।

******



(Release ID: 1645390) Visitor Counter : 51