২০২০গী জুলাই ২দগী থবক হৌখিবদগী নুমিৎ ৪১গী মনুংদা প্রধান মন্ত্রী স্ত্রিৎ ভেন্দরস অত্মানির্ভর নিধি(পি এম সভানিধি) স্কিমগী মখাদা এপ্লিকেসন লাখ ৫ হেন্না ফংলে অমসুং লোন লাখ ১ হেন্না পীখ্রে। কোবিদ-১৯ লোকদাউন মতুংদা মখোয়গী ললোন-ইতিক্কী থবকশিং অমুক হৌনবা শেন্থং থিরিবা স্ত্রিৎ ভেন্দরশিংগী মরক্তা প্রধান মন্ত্রী সভানিধি স্কিম য়াম্না পাম্নরে।

‘অত্মানির্ভর ভারত অভিয়ান’গী মখাদা হাওসিং অমসুং অর্বান এফেয়ার্স মিনিস্ত্রিনা প্রধান মন্ত্রী সভানিধি স্কিম হৌদোকখি। স্কিম অসিনা কোবিদ-১৯ লোকদাউন মতুংদা সহরগী মতাই/খুঙ্গংশিংদগী লাকপদা সহরশিংগী লম্বী নাকলদা পোৎ-চৈ য়োল্লিবা মীওই লাখ ৫০ রোমদা চহি অমগী ওইনা লুপা ১০,০০০ ফাওবা গরেন্তি য়াওদনা লোন পীনবা স্কিম অসিনা পান্দম থম্লি। লোন চাংনাইনা শিংলকপদা চহি অমদা চাদা ৭গী শেন্দোই সবসিদি ওইনা পীগনি অমসুং দিজিতেল ত্রান্সসেক্সন পাংথোকপা মতমদা চহিদা লুপা ১,২০০ পীগনি অমসুং মথংগী তাঙ্কক্তা লোন লৌবা য়াবগী খুদোংচাবা পীগনি।

সেদুল কমর্সিএল বেঙ্কশিং হায়বদি- সরকার অমসুং লনাই বেঙ্কশিং, রিজনেল রুরেল বেঙ্কশিং, কোওপরেতিপ বেঙ্কশিং, এস.ঐচ.জি বেঙ্কশিংগী মথক্তা নন-বেঙ্কিং ফাইনান্সিএল কম্পেনিশিং(এন বি এফ সি) অমসুং মাইক্রো-ফাইনান্স কমর্সিএল বেঙ্কশিংগা শম্নদুনা হায়রিবা ‘নেনো-ওন্ত্রেপ্রেনিউয়রশিংগী থোঙজিলদা বেঙ্কশিং লৈহন্নবা প্রধান মন্ত্রী সভানিধি স্কিমনা থবক পায়খৎলে। দিজিতেল পেমেন্ত প্লেতফোর্মশিংদা য়াওরবা ভেন্দরশিং অসি সহরগী শেন-থুমগী শরুক অমা ওইবনা মখোয়দা মতেং পাংনবা ক্রেদিৎ প্রোফাইল শেমগৎপা অসি য়াম্না মরুওই।

স্কিম অসি থবক ওইনা পায়খৎপদা স্মোল ইন্দস্ত্রিস দিবলপমেন্ত বেঙ্ক ওফ ইন্দিয়া(সিদবি) য়াওরি। স্ত্রিৎ ভেন্দরশিংদা শেন থাদবা পুক্নিং থৌগৎনবা ক্রেদিৎ গরেন্তি ফন্দ ত্রস্ত ফোর মাইক্রো এন্দ স্মোল ইন্তরপ্রাইজেস(সি জি তি এম এস ই)গী খুৎথাংদা হায়রিবা শেন থাদরিবা ইন্সতিতুৎশিং অসিদা গরেন্তি অমা পীরি।  

স্ত্রিৎ ভেন্দরশিং অয়াম্বা শেন্দোং য়াম্না পীক্না ফংদুনা মখোয়গী ললোন-ইতিক্কী থবকশিং পাংথোকপনি। স্কিম অসিগী মখাদা শেন্থং পীবা অসিনা ভেন্দরশিংদা অচৌবা মতেং ওইবতা নত্তনা মখোয়গী শেন-থুমগী ফিবম ফগৎহনবদা মতেং পাংগনি। আই.তি প্লেতফোর্ম (pmsvanidhi.mohua.org.in), ৱেব পোর্তেল অমসুং মোবাইল এপ্প শীজিন্নবদগী স্কিম অসিগী কান্নবা খুন্নাইগী কাংলুপ অসিদা য়ৌবা ঙম্লে।

****