গোরাখপুর, বরাওনি অমসুং সিন্দ্রিদা শেমগৎ-শাগৎলিবা হিন্দস্থান উরবারাক এন্দ রসায়ন লিমিতেদ(হুরল)গী প্রোজেক অহুমগী ফিবম ঙসি নিউ দিল্লিদগী কেমিকেলস অমসুং ফর্তিলাইজরগী য়ুনিয়ন মিনিস্তর দি.ভি. সাদানন্দা গৌরানা হন্না য়েংশিনখ্রে।

পায়খৎলিবা প্রোজে অহুম অসিগী মতাংদা হুরলগী এম.দি অরুন কুমার গুপ্তনা হায়খি, হৌজিক ফাওবদা গোরাখপুর, বরাওনি অমসুং সিন্দ্রিগী প্রোজেকশিং চাদা ৮০, চাদা ৭৪ অমসুং চাদা ৭৩ খুমাং চাউশিল্লে। অদুবু প্রোজকশিং অসি লোকদাউন, চৎথোক-চৎশিনগী অথিংবা লৈবা, শিন্মীশিং ফংদবদগী থিন্থহনখি। হৌজিক ফিবম ফগৎলে অমসুং শিন্মীশিং মতিক চানা লৈরে , অদুবু কোবিদ মমাংদা লৈরম্বা ফিবম অদুদগী চাদা ২০ হন্থনা লৈরে অমসুং মফম অহুমদা অমুক হন্না থবক হৌনবা হোৎনরে। হান্না পীখিবা মতমদগী থা ৫দগী ৬ ফাওবা চোন্থনা পোৎথোক পুথোকপা হৌরগনি। হায়রিবা প্রোজেক অহুম অসি মথং চহিগী অরোইবদা থবক হৌগনি।

মিনিস্তর গৌরানা হায়খি কোবিদ-১৯না মরম ওইদুনা মাঙখিবা মতমশিং কুপখৎনবা মতিক চাবা থৌরাং পায়খৎকদবনি। মতমগী খরগী ওইনা চৎথোক-চৎশিনগী অথিংবা লৈরিবা মরম্না মপান লৈবাকশিংগী কন্সলতেন্তশিংগা পাউ ফাওন্নবা ভিদিও কনফরেন্স শীজিন্নগদবনি।

প্রোজেক মফমশিংদা থবক অমুক হৌনবা হুরলগী মেনেজমেন্তনা হোৎনরিবশিং মহাক্না থাগৎখি। মথংগী অরোইবা শরুক্তা প্রোজেক অহুম অসি থবক হেক হৌবদগী লৈবাক অসিগী পোৎথোক পুথোকপা ঙম্বা মেত্রিক তন লাখ ৩৮.১দা হেনগৎহনগনি, য়ুরিয়া পুথোকপদা অত্মানির্ভরতা হেনগৎহল্লগনি। হায়রিবা প্রোজেকশিং অসি থবক হৌবদা মপান লৈবাকশিংদগী হার পুশিল্লকপগী মখা পোনবা হন্থহনগনি, ফোরেন একচেঞ্জ কনগনি, হকথেংননা অমসুং নাকোইননা থবক চা কয়া ফংহনগনি অমসুং সরকারনা তেক্স কয়া ফংলগনি।

ফর্তিলাইজর কোরপোরেসন ওফ ইন্দিয়া লিমিতেদ অমসুং হিন্দুস্থান ফর্তিলাইজর কোরপোরেসন লিমিতেদনা মাংজিল থাদুনা কোএল ইন্দিয়া লিমিতেদ, এন.তি.পি.সি লিমিতেদ অমসুং ফর্তিলাইজর কোরপোরেসন ওফ ইন্দিয়া লিমিতেদনা জোইন্ত ভেঞ্জর কম্পেনি অমা ওইনা ২০১৬গী জুন ১৫দা হিন্দস্থান উরবারাক এন্দ রসায়ন লিমিতেদ(হুরল)লিংখৎখি। হুরলগী খুৎথাংদা, ভারত সরকারনা গোরাখপুর, বরাওনি অমসুং সিন্দ্রিদা লৈবা এফ.সি.আই.এল অমসুং ঐচ.এফ.সি.এলগী থবক লেপ্লবা য়ুরিয়া প্লান্ত অহুম অহুম হিঙ্গৎহল্লে। হায়রিবা প্লান্ত অমমমনা চহি অমদা মেত্রিক তন লাখ ১২.৭ পুথোকপা ঙম্মি।

*****