নীতি আয়োগ

অতল ইনোবেসন মিসন অমসুং দেল তেক্নোলোজীনা স্তুদেন্তস ওন্ত্রপ্রিনরশিপ প্রোগ্রাম ২.০ হৌদোকখ্রে

Posted On: 11 AUG 2020 6:16PM by PIB Imphal

অতল ইনোবেসন মিসন(এ.আই.এম.), এন.আই.তি.আই. আয়োগ অমসুং দেল তেক্নোলোজীগা খুৎশম্নরগা অতল তিন্কেরিং লেবকী নহা ওইরিবা ইন্নোভেতরশিংগীদমক স্তুদেন্স ওন্ত্রপ্রিনরশিপ প্রোগ্রাম ২.০  (এস.ই.পি. ২.০) অমা ঙসি হৌদোকখ্রে।   

স্তুদেন্স ওন্ত্রপ্রিনরশিপ প্রোগ্রাম ১.০ মপুং ফানা মায় পাক্না চৎথখ্রবা মতুংদা, অনিশুবা পরিং ওইনা মখাগী মীওইশিং অসি য়াওনা হৌদোকখি মখোয় অদুদি, দাঃ রাজিব কুমার, ভাইস চেয়রমেন, এন.আই.তি.আই. আয়োগ; আলোক ওহরি, প্রসিদেন্ত অমসুং এম.দি., দেল তেক্নোলোজী; আর.রামানান, মিসন দাইরেক্তর, এ.আই.এম.; অমসুং দাঃ আনজলি প্রকাশ, চেয়রপর্সন, লর্নিং লিঙ্ক ফাউন্দেসন অসিনি।

 “ঙসিদি ঐহাক আশা চাওনা থাজবা লৈরে মদুদি, ঐগী মিৎমাংদা নহা ওইরিবা এ.তি.এল.শিংগী পাইওনিয়রশিংগী আশা লৈরবা অনৌবা পুথোক্পা পোৎকিদমক। হায়রিবা ইন্নোভেতরশিং অসিনা ঐবু অঙকপা অমা ফাওহল্লে মদুদি লৈবাক অসিগী নহাশিংনা খুদোংচাবা অমা হান্নগা মান্নদবা মওংদা মখোয়গী লোয়নবা নাগরিক্না থেংনরিবা অৱাবাশিং অসি মায়োক্নবা ঙম্বসিনি। ঐখোয়না এস.ই.পি. ১.০ লোয়শিনখ্রদুনা এস.ই.পি. ২.০ হৌদোক্লি, অমদি মসিগী ইনোবেসনশিং অসিনা লৈবাক অসিদা পুত্থোরকদবশিং অদুদা ঐহাক্না খৌরাংবা ফাওই ,” হায়না এন.আই.এন.আই. আয়োগকী ভাইস প্রেসিদেন্ত দাঃ রাজিব কুমারনা হায়খি।  

এস.ই.পি. ২.০না ছাত্র ইন্নোভেতরশিংবু দেলগী ভোলুনতিয়রশিংগা য়াম্না নক্না থবক তৌবা য়াগনি। মখোয়না ওজাগী মতেং ফংগনি; প্রোতোতাইপিং অমসুং তেস্তিং মতেং ফংগনি; ইন্দ-য়ুজর; ইন্তেলেকচুএল প্রোপর্তি রেজিস্ত্রেসন অমসুং ৱাখলোশিংগী পেতেন্তিং তৌবা, প্রোসেসেস, অমসুং পোত্থোকশিং; পোত্থোক শুংবগী মতেং; লোয়ন-লোয়ননা পোত্থোকশিং অসিবু বজারদা য়োনবদা মতেং ফংগনি।    

দেল তেক্নোলোজী ইন্দিয়াগী প্রসিদেন্ত অমসুং মেনেজিং দাইরেক্তর আলোক ওহরি না হায় মদুদি, “দেল অসি য়াম্না চাওখৎপা ইনখৎলক্লিবা তেক্নোলোজী অমনি মসিনা ছাত্রশিংবু মখোয় মশানা থেংনরকপশিং অদুদগী হৈ-শিংবা পুথোকপা ঙমগনি অমদি মসিনা অনৌবা পোৎ পুথোকপগী ৱাখল হেনগৎহনগনি। ঐখোয়না স্তুদেন্স ওন্ত্রপ্রিনরশিপ প্রোগ্রাম অহানবা অদুগী ছাত্রশিং অসিনা ওইরকপা অসিদা হায়নিঙাই লৈতনা হরাওজৈ অমসুং মতুং তাবা বেতচ অসিনা তৌরক্কদবা অদু য়েংদুনা লৈরি। ঐখোয়গী এন.আই.তি.আই. আয়োগকা লৈরিবা অচেৎপা মরী অসিনা অমুক্কা হেন্না সমাজগী ফনবগীদমক থম্লিবা তেক্নোলোজীগী মিয়েং অমসুং হৌগৎলক্লিবা ইন্ত্রেপ্রেন্যুরশিংবু পুক্নিং থৌগৎপদা হেন্না কান্নবা ফংহল্লি।      

থৌরম অদুদা ৱা ঙাংলদুনা, এ.আই.এম. মিসন দাইরেক্তর আর. রামানান্না হায় মদুদি, “অতল ইনোবেসন মিসন্না থম্লিবা পান্দম অসি নিওতেরিক ইন্নোভেতর মিলিয়ন অমা হেন্না পুথোকপা অসিনি অমসুং লৈবাক অসিদা মথৌ লৈবা থবক পুথোকপা অসিনি। ঐখোয়না দেল তেক্নোলোজীগা লৈনরিবা মরী অসিনা ইনখৎলক্লিবা অতল তিনকেরিং লেব ইন্নোভেতরশিংবু স্তুদেন্স ওন্ত্রপ্রিনরশিপ প্রোগ্রামদা নহা ওইরিবা ছাত্রশিংবু মথৌনা পীরি, লোয়ন-লোয়ননা লৈবাক অসিগী হৈ-শিংলবা ইন্নোভেতিবশিংগী শকখংনবগী মফম অমা কন্দুনা লৈরি”।   

এস.ই.পি. ১.০ অসি ২০১৯ জানুৱারিদা হৌদোকখি। থা ১০ চুপ্না য়াম্না চেকশিন্না চৎথরকপা থৌরম অসিদা, এ.তি.এল. মারাথোনগী মকোক ওইবা তিম ৬না ছাত্রশিংনা থেংনরিবা কমুনিতিগী অৱাবশিং খংদোক্নবা লৈবাক শিনবা থুংনা কন্তেস অমা অমসুং মখোংদগী হৌরকপা ইনোবেসন  অমসুং এ.তি.এল.গী ফল, প্রোতাইপ ওইরিবা ইন্নোভেতিবশিং অসি মপুং ফানা মথৌ তৌরবা পোত্থোক অসি হৌজিক্না বজারদা ফংলিবা অসিনি।

এ.তি.এল. মারাথোনগী অরোইবা তাংকক্তা ইনোবেসন ১৫০০পীশিনখি। য়াম্না কন্না হোৎনরবা মথাং অনিগী মতুংদা, তীম ৫০স্তুদেন্স ইন্নোভেতর প্রোগ্রামগীদমক খনগৎখ্রে। মায় পাকখ্রবা তীমগী ৭৫%দি তাইর-২ সহর অমসুং খুঙ্গংগী মফমশিংদগীনি অমসুং ৬০% অমনা সরকারগী স্কুলদগীনি। মায় পাকখ্রবা তীমগী চাওরাক্না ৪৬% ছাত্রনা নুপীমচনি। তীমশিং অসি অতল ইনকুবেসন সেন্তরনা স্তুদেন্স ওন্ত্রপ্রিনরশিপ প্রোগ্রাম ২.০গা লোয়ননা লুচিংলি। মসিনা মরম ওইরদুনা ভারতকী রাস্ত্রপতি শ্রী রাম নাথ কোভিন্দনা রাস্ত্রপতি ভবন্দা ২০১৯গী নবেম্বরগী ১৪গা মকোক থোংবা তীম ৮বু থাগৎপা ফোংদোকখি। তীম ৮ অসিনা হৌজিক মখোয়গী প্রোতোতাইপ অসিবু এস.ই.পি.গী মতেংনা পোত্থোকতা ওন্থোক্কনি।

এ.আই.এম. মিসন দাইরেক্তর আর. রামানান তীম ৬পু থাগৎপা ফোংদোকখি: “থা খর অসিগী মমাংদা, নহাক্না ইন্ত্রেপ্রেন্যুর অমা ওইনবা গ্রিত অমসুং মেতল উৎলি। নহাক্কী অখাঙ কনবনা নশাগী ওইবা স্তার্ত অপ অমসুং ইন্তরপ্রাইজেসকী ‘কো-ফাউন্দর’ ওইবা ঙমজরে। মসিনা আত্মানির্ভর ভারতকী অশেংবা মগুন্নি”। মহাক্না মখা তাখি মদুদি অসিগুম্বা ইন্দস্ত্রীগী খুৎশম্নবা অসি কায়দনবা থম্বা হায়বদি নহা ওইরিবা ছাত্রশিংগী মগুনশিং হায়বসি অরুবা থবক অমনি অমসুং গ্রহ অসিবু অফবা মফম অমা ওইহনবা ঙমগনি।

***



(Release ID: 1645254) Visitor Counter : 1