প্রধান মন্ত্রীনা  ওগস্ত ১৫, ২০১৬গী নিংখা তম্বগী নুমিত্তা ৱা ঙাংবা ত্রাইবেল ফ্রীদম ফাইতরশিংগী ম্যুজিয়ম লিংখৎপগী মতাংদা লাউথোকখিবগী মতুং ইন্না ত্রাইবেল এফিয়র্স মন্ত্রালয়না ভারতকী নিংখা তম্বা পুরক্নবা হোৎনবদা ত্রাইবেল মীয়াম্না লৌখিবা থৌদাংশিংগীদমক কত্থোকপা “ত্রাইবেল ফ্রীদম ফাইতর্স’ ম্যুজিয়মশিং” লিংখৎলগনি। প্রধান মন্ত্রীনা মহাক্কী ৱারোলদা হায়, “সরকারনা ত্রাইবেলশিংনা খুন্দারম্বা ব্রিতিশকী মায়োক্তা হনবা লৈতনা লান্থেংনখিবা রাজ্যশিংদা  মতম পুম্বগী ওইবা ম্যুজিয়মশিং শানবা অপাম্বা লৈ। ঐখোয়গী ত্রাইবেলশিং অসিনা মাংজিল থানা কত্থোকখিবশিং অদু তুংদা লাক্কদবা চারোন-শুরোনশিংনা খঙনবা অসিগুম্বা ম্যুজিয়মশিং তোঙান তোঙানবা রাজ্যশিংদা শানবা সরকারনা হোৎনগনি।”

প্রধান মন্ত্রীগী য়াথংশিংগী মতুং ইন্না, ম্যুসিয়ম পুম্নমক ভর্চ্যুল রিএলিতী (ভি.আর.), ওগমেন্তেদ রিএলিতী (এ.আর.), ৩দি/৭দি হোলোগ্রফিক পরোজেক্সনশিংগুম্বা তেক্নোলোজীশিংন শীজিন্নগনি।

এক্স সিতু দিসপ্লে লোয়ননা ইন সেতু কঞ্জর্বেসন, হিংগৎনবা খোঙথাংশিংগা পুনশিন্দুনা ম্যুজিয়মশিং অসিনা ইতিহাস লোয়ননা চীংদা অমদি উমংদা খুন্দারিবা ত্রাইবেল মীয়াম্না মখোয়গী হিংনবগী হকশিংগীদমক লান্থখিবশিং নৌহৌন্না নীংশিংহনগনি। মসি ম্যুজিয়মশিং, পোৎলমশিং লোয়ননা ৱাখল্লোনশিং ওইগনি। মসিনা লৈবাক অসি শেমগৎপদা মতেং পাংখিবা লৈবাক অসিগী বাইওলোজিকেল অমসুং কলচরেল দাইভর্সিতীগীদমক ত্রাইবেলশিংনা মখোয়না হকশিং ঙাক শেন্নবা লান্থেংনখিবা অদু উৎকনি। হীরম অসিগী মতাংদা রাজ্যশিংগা লোয়ননা ত্রাইবেল এফিয়র্স মন্ত্রালয়গা থেংখাং কয়ারক্তা খন্না ন্নৈনখ্রে। থবক্কী খোঙজেল য়েংশিনবা য়াওনা প্রপোজেলশিং য়েংশিন্নবা অমসুং অয়াবা পীনবা ত্রাইবেল এফিয়র্স মন্ত্রালয়গী সেক্রেতরীগী চ্যেরপর্সন ওইদুনা নেস্নেল লেবেল কম্মিতি(এন.এল.সি.) শেমখ্রে। শাগদবা ম্যুজিয়মশিং অসিগী কন্সেপ্ত অমসুং দিজাইন খন্ননবা রাজ্য সরকারশিংগা লোয়ননা মীফমশিং পাঙধোকখ্রে। স্তোরীলাইনগা চান্নবা মওংদা ম্যুজিয়ম দিজাইন তৌবা অমদি তেক্নোলোজী শীজিন্নবগী মতাংদা হেন্না খঙহৈনবা রাজ্য সরকারগী ওফিসিএলশিং পঞ্জাবকী  বিরাসৎ-ই-খলসা ম্যুজিয়ম অমসুং বোপালগী মনভ সংগ্রহলয়াদা য়েংবা চৎহনখি। কুপ্না য়েংলবা মতুংদা গুজরাত্তা জাতিদা কান্নবা পীগদবা খ্বাইদগী অহানবা ত্রাইবেল ফ্রীদম ফাইতর্স’ম্যুজিয়ম অমা শানবা ৱারে লৌখি। হৌজিক ফাওবদা রাজ্য ৮দা ত্রাইবেল ফ্রীদম ফাইতর্স’ম্যুজিয়ম শানবা মন্ত্রালয়না অয়াবা পীখ্রে।

শেল কায়থখ্রবা ত্রাইবেল ফ্রীদম ফাইতর্স’ ম্যুজিয়ম ৯গী মনুংদা, ম্যুজিয়ম অনিদি শাবা লোয়শিল্লক্লে অমসুং লেমহৌরিবা তরেৎনা শাবগী তোঙান তোঙানবা তাঙ্কক য়ৌরে। ২০২২গী অরোইবা শরুক্তা ম্যুজিয়মশিং অসি শঙ্গারবা য়াই হায়না পান্নরি। রাজ্যশিংগা চুংশিন্নদুনা মতুং তারকপদসু অনৌবা ম্যুজিয়মশিং মখা তানা শাগৎনবা শেল কায়থগনি।

ত্রাইবেল ফ্রীদম ফাইতর্স’ ম্যুজিয়ম শানবা শেল কায়থখ্রবা রাজ্যশিং অদু মখাদা পীরি:

শুপনম শাসন তৌদুনা, লৈবাক অমগী মশানা লৈঙাকচবগী পাঙ্গল অমসুং নিংখা তম্না হিংজরিবা মীয়ামগী নিংখা তম্না মৎপীবা অমসুং মশিং লাকঙম্রবা নুপা, নুপী অমসুং অঙাংশিংগী পুন্সি কয়াবু পীখম্নহন্দুনা ব্রিরিশ লান্মীশিংনা লম লৌশিন্নবা হোৎনরকপা মতমদা ভারত্তা নিংতম লান্মীকয়ানা লান কয়া শোক্নখিবগী খুদমশিংগী ইতিহাস লৈরি। মসি লম লৌশিল্লকপগী ফত্ত্রবা ৱাখল্লোনশিং অমদি ইশাবু ঙাকথোকচনবা শক্তিগী মরক্তা শোক্নবা লান অমনি। ত্রাইবেলশিংনা ব্রিতিশ লৈঙাক অমসুং ওৎনৈবা খঙদুনা লাকখি। চহিচা কবা ত্রাইবেলশিং তোখায় তাদুনা উমংশিংদা খুন্দাদুনা লৈ। ত্রাইব খুদিংমক্না মখোয় মশাগী ওইবা সোসিও কলচরেল দাইভর্সিতী লৈজৈ। মখোয় মশাগী লমদমশিংদা ব্রিতিশ লৈঙাক্কী ময়োক্তা ইহৌশিং হৌখি। মখোয়না মপালগী মীওইশিংগী মায়োক্তা চংশিনখিবা খোঙজংশিং অসি এন্তি-কোলোনিএল হায়না কৌবা য়াই। লম লৌশিন্নবা হোৎনবদা ওৎনৈবা, মখোয়গী লমদগী তান্থোরকপা, য়েলহৌঙৈদগী চৎন্দুনা লাক্লবা আইন অমসুং খুন্নাইদা লৈজরিবা হকশিং অমসুং চৎনবীশিং চৎনহল্লক্তবা, লমগী ভরা হেনগৎহনবা, লৌউরিবদা লম শিন্নথোকপা,লম মপু ওইনবা হোৎনবদা ফ্যুদেল অমসুং সেমি-ফ্যুদেল মুত্থৎপা হায়বশিং অসিনা মরম ওইদুনা মখোয়গী মায়োক্তা লান হৌখি। পুম্না য়েংলকপদা ইহৌশিং অসিনা খুন্নাইদা অমদি ধর্মদা কান্নবা পীরি। তশেংবদি মখোয় হিংনবগা মরী লৈনবা সমস্যাশিংগী মায়োক্তা হৌখিবনি। ত্রাবেলগী হন্বা নাইদবা ইহৌ অসি ভারতকী নিংখা তম্নবগী খোঙজংগী মরু ওইবা শরুক অমনি। ইতিহাসিক ওইরবা খোঙজং অসিদা ত্রাইবেলগী অফাওবা লুচিংবা বির্সা মুন্দা, রানি গাইদিংলু, লহ্মমন নাইক অমসুং ভীর সুরেন্দ্র সাই অমসুং অতোপ্পা কয়া অসিনা থৌনা ফবা অমগী থৌদাং লৌখি।

ত্রাইবেলগী অখংকনা ইহৌ অসিনা খ্বাইদগী মরু ওইবা মগুন অদুদি লোইলম লৈঙাকপশিংগী ময়োক্তা তঙাই ফদনা লান হৌবনি অমসুং মহাত্মা গান্ধীগী লুচিং মখাদা লৈবাক অসি নিংখা তম্নবা ইহৌ হৌদোক্লমবা ওইনা লৌবসু য়াই। অকনবা ইহৌ অসিগী মরুমদা লৈরিবা মরমশিং অমসুং ইথিলশিং অদু মরু ওইদে; ত্রাইবেল লালহৌবশিং অসি করিগুম্বা লালহৌবগী মরমদা তাকপী তম্বীবা অমসুং ত্রেনিং পীবরা অমসুং মখোয়গী খোঙথাং অদু লুচিংবীনবা লুচিংবা অমা লৈবরা হায়বা অদু মরু ওইদে। মরু ওইরিবদি মখোয়না খুন্দারিবা মফম, চহি কয়াগী চৎনবীশিং, লাইশোন তিনশোন অমসুং নাৎকী চৎনবীশিং অদুদা মীতোপ্না খুৎ থিংজিল্লকপা অদু য়েংদুনা লৈবা ঙমদে হায়বা ৱাফম অসিনি। লোইলম লৈঙাক্কী ময়োক্তা মখোয়না লৈখি অমসুং মখোয়না হৌৎনরিবা অমসুং তৌরিবা পুম্নমক অসিনা লোইলম লৈঙাকপু মরু ফংনা মুত্থৎনবা হোৎনখি।

***********