মাইক্রো, স্মোল অমসুং মেদিয়ম ইন্তর্প্রাইজেস মন্ত্রালয়
শ্রী গদকারিনা এপরেল এক্সপোর্ত প্রোমোসন কাউন্সিলগা ৱারী শানদুনা মপাল লৈবাক্তা থাদোকপগী চাং শরুক অনী হেনগৎনবগী থৌরাং লৌখৎনবা পুক্নিং চিংশিনখ্রে
মন্ত্রীনা মালেমগী কৈথেলদা পুথোকপা য়ানবগীদমক চাংদম্নবা য়াবা মমলদা পোৎকী মগুন ফগৎহন্নবগীদমক হায়খি
মনুং মপান ফাওনা উবা য়ানবা দিজিতেল মেনেজমেন্ত সিস্তেম লিংখৎপদগী হৌরগা প্রোজেক্তশিং পন্থহন্দবা অমসুং চয়েৎনবশিং লোইশিন্নবগীদমক স্কিম খুদিংমক য়েংশিনগনিঃ শ্রী গদকারি
Posted On:
11 AUG 2020 4:03PM by PIB Imphal
কেন্দ্রগী মাইক্রো, স্মোল অমসুং মেদিয়ম ইন্তর্প্রাইজেস (এম.এস.এম.ই.) মন্ত্রী শ্রী নিতিন গদকারিনা এপরেল এক্সপোর্ত প্রোমোসন কাউন্সি (এ.ই.পি.সি.)গা ৱারী শানদুনা মপান লৈবাক্তা পোৎচৈ থাদোকপগী চাং শরুক অনী হেনগৎহন্নবগী থৌরাং লৌখৎনবা খন্নখ্রে। মহাক্না মগুন হেনগৎনবা অমসুং মালেমগী কৈথেলদা লৈবা মমল চাংদম্নবা য়ানবা তেক্নোলোজী উপগ্রেদ তৌবা অমসুং রিসর্স তৌনবা পুক্নিং চিংশিনখি। ভিদিও কনফরেন্সিংগী খুথাংদা এপরেল এক্সপোর্ত প্রোমোসন কাউন্সিল অমসুং এম.এস.এম.ই. মন্ত্রালয় অনীনা অপুনবা ওইনা লৌখৎপা খোংথাংদা ভর্চুএল ওইনা পাঙথোকপা থৌরম অমদা ৱা ঙাংলদুনা শ্রী গদকারিনা হায়খি মদুদি সরকার অসিনা এম.এস.এম.ই. স্কেতরগী লিক্বিদিতী, স্ত্রেস মেনেজমেন্তকীদমক হন্দক্তা নৌনা লাউথোকখিবা পেকেজ অদুগী মখাদা মতেং পাংগনি।
শ্রী গদকারিনা পোত্থোকশিংগী ওইবা লেব তেস্তিং কেম্প অমসুং মালেমগী থাক্তা লৈবা দিজাইনশিংগী তঙাইফদবা লৈরিবসি পুথোকখি অমসুং দিজাইনগী সেন্তর অমা হাংদোক্নবসু পুথোকখি।
মহাক্না মখা তানা তেক্সতাইল ইন্দস্ত্রীদা ৱাগুম্বা অনৌবা সোর্স মতিরিএলশিং পুশিনবগী তঙাই ফদবা লৈরিবসিবুসু পুথোক্তুনা ঙাংখি। শেন্মিৎলোন্দা মরুওইনা খুঙ্গংগী লম, ত্রাইবেলশিং অমসুং হন্থবা মফমশিংদা এম.এস.এম.ই.না লৌরিবা থৌদাং অসিবু পল্লদুনা শ্রী গদকারিনা এপরেল/তেক্সতাইল ইন্দস্ত্রীশিংদা হায়রিবা মফমশিং অসিদা ক্লস্তরশিং হাংনবা অমসুং মখোয়গী চাউখৎলোন অমসুং থবক পীবদা হেন্না মরুওইবা থম্নবা খঙহনখি।
এ.ই.পি.সি.না হৌজিক লৌখৎলিবা মতীক চাবা থবকশিং অমসুং এক্সপোর্তকী ক্বালিতী ফবসি উবদা মন্ত্রীনা থাগৎখি অমসুং হেন্না ফগৎনবা হোৎনবা য়ারি হায়খি।
ৱার্কশোপ অদুদা এম.এস.এম.ই. অমসুং এপরেল ইন্দস্ত্রীদগী মীওইশিংনা ওনলাইন্দা শরুক য়াখি।
******
(Release ID: 1645069)
Visitor Counter : 135