কেন্দ্ৰীয় তথ্য আৰু সম্প্ৰচাৰ মন্ত্ৰী শ্ৰী প্ৰকাশ ডাভড়েকাৰে আজি ভাৰতৰ উপ-ৰাষ্ট্ৰপতিৰ কাৰ্যকালৰ তৃতীয় বৰ্ষপূৰ্তিত তেওঁৰ ই-বুক ‘কানেক্টিং, কমিউনিকেটিং, চেনঞ্জিং’ উন্মোচন কৰে৷ উপ-ৰাষ্ট্ৰপতিৰ নতুন দিল্লীস্থিত আৱাসত অনুষ্ঠিত এই অনুষ্ঠানতে ই-বুকৰ কফি টেবুল ছপা সংস্কৰণো উন্মোচন কৰে কেন্দ্ৰীয় প্ৰতিৰক্ষা মন্ত্ৰী ৰাজনাথ সিঙে৷ 

প্ৰকাশন বিভাগে প্ৰকাশ কৰা এই ২৫০ পৃষ্ঠাৰ গ্ৰন্থখনত ভাৰত আৰু বিদেশত উপ-ৰাষ্ট্ৰপতিৰ যাত্ৰাসমূহৰ লগতে তেওঁৰ পৰিৱৰ্তনশীল কাম-কাজসমূহ শব্দ আৰু ছবিৰ জৰিয়তে সদৰি কৰিছে৷ ইয়াত কৃষক, বৈজ্ঞানিক, চিকিসক, যুৱক-যুৱতী, প্ৰশাসক, মুখ্য উদ্যোগপতি আৰু শিল্পীৰ সৈতে তেওঁৰ মত-বিনিময়ৰ সন্দৰ্ভতো আলোকপাত কৰা হৈছে৷

গ্ৰন্থখনত উপ-ৰাষ্ট্ৰপতিৰ বিদেশ যাত্ৰা, বিশ্ব নেতাসকলৰ সৈতে তেওঁৰ মন বিনিময় আৰু বিভিন্ন দেশত প্ৰৱাসী ভাৰতীয়সকলক উদ্দেশ্যি তেওঁ আগবঢ়োৱা ভাষণৰ লগতে বিভিন্ন কাৰ্যসূচীও সন্নিৱিষ্ট কৰা হৈছে৷

ই-বুক উন্মোচন কৰি কেন্দ্ৰীয় মন্ত্ৰী জাভড়েকাৰে কয় যে এই গ্ৰন্থখনত সংবাদ সেৱাৰ সৈতে জড়িত লোক তথা পৰিৱৰ্তনশীলৰ ভাৰতৰ বিষয়ে লিখা হৈছে আৰু ইয়াৰ তৃতীয় সংস্কৰণ সেইসকলৰ ছাত্ৰৰ বাবে অতি উপযোগী হ’ব, যিসকলে উপ-ৰাষ্ট্ৰপতিৰ ভাষণসমূহ অনুসৰণ কৰিব বিচাৰে৷ তেওঁ কয় যে গ্ৰন্থখন উন্নত চিন্তাধাৰাৰ পৰিপূৰ্ণ আৰু ইয়াত ভাষাৰ সমাহাৰ পৰিলক্ষিত হৈছে৷ তেওঁ এই গ্ৰন্থ প্ৰকাশ কৰাৰ বাবে প্ৰকাশন বিভাগৰ অভিনন্দন জ্ঞাপন কৰে৷

এই উপলক্ষে প্ৰতিৰক্ষা মন্ত্ৰী ৰাজনাথ সিঙে কয় যে বাকপটুতা এক কলা৷ উপ-ৰাষ্ট্ৰপতিয়ে অন্তৰৰ পৰা সকলো কথা কয় আৰু তেওঁৰ ভাষণ, তেওঁৰ চিন্তাধাৰাৰ প্ৰতিফলন৷ তেওঁ কয় যে এখন ভাল গ্ৰন্থ এনে এক ডাঙৰ উপহাৰ, যি এটা প্ৰজন্মই আনটো প্ৰজন্মক দিব পাৰে৷

উপ-ৰাষ্ট্ৰপতিতে তেওঁৰ ভাষণত কয় যে প্ৰকাশনে বিশেষভাৱে তেওঁৰ মিচনক সফল ৰূপ দিছে৷ তেওঁ কয় যে যোৱা বছৰটো অতি ব্যস্ত সূচী আছিল৷ প্ৰতি মাহত প্ৰায় ২০টা ৰাজহুৱা অনুষ্ঠান, ১৪ দীক্ষান্ত সমাৰোহ আৰু প্ৰায় ৭০টা ৰাজহুৱা অনুষ্ঠানত ভাষণ দিবলগীয়া  হৈছিল৷ তেওঁ বিশেষকৈ কৃষক, যুৱপ্ৰজন্ম, বৈজ্ঞানিক, প্ৰশাসক, উদ্যোগপতি, চিকিৎসক আৰু প্ৰৱাসী ভাৰতীয়ৰ সৈতে বাৰ্তালাপ কৰিছে৷

এই উপলক্ষে তথ্য আৰু সম্প্ৰচাৰ বিভাগৰ সচিব অমিত খাৰে কয় যে এই গ্ৰন্থখনে সমাজৰ সকলো শ্ৰেণীৰ লোকক প্ৰেৰণা যোগাব৷

এই গ্ৰন্থখন ছপা আৰু অনলাইন উভয় মাধ্যমতে পোৱা যাব৷ গ্ৰন্থখনৰ মূল্য ছপা আকাৰত ১,৫০০ আৰু অনলাইনত ১,১২৫টকা৷

পি-বুকৰ বাবে ইয়াত ক্লিক কৰক-

http://www.publicationsdivision.nic.in/index.php?route=product/product&product_id=3693

ই-বুকৰ বাবে ইয়াত ক্লিক কৰক -

https://www.publicationsdivision.nic.in/index.php?route=product/product&product_id=3694

গুগল বুক লিংকৰ বাবে ইয়াত ক্লিক কৰক -

https://books.google.co.in/books/about/CONNECTING_COMMUNICATING_CHANGING_ENGLIS.html?id=w2n2DwAAQBAJ&redir_esc=y

*******

Saurabh Singh/DB