মালেমগী বাইওফ্যুল নুমিৎ থৌরমদা পেত্রোলিয়ম অমসুং নেচরেল গ্যাস মন্ত্রালয়না " আত্মনির্ভরগীদমক বাইওফ্যুলশিং" হায়বা ৱাখল্লোন অসিদা ৱেবিনার অমা পাঙথোকখ্রে। মালেমগী বাইওফ্যুল নুমিৎ অসি চহী খুদিংগী ওগস্ত ১০দা নোন ফোসিল ফ্যুলশিংবু মহৌশাগী ফোসিল ফ্যুলশিংগী মহুৎ ওইনা শীজিন্নবগী মতাংদা শন্দোক্নবা অমসুং বাইওফ্যুল সেক্তর অসিদা সরকার অসিনা কদাইফাওবা থবক পায়খৎলিবগে হায়বসি উৎননবগীদমক পাঙথোকই। মালেমগী বাইওফ্যুল নুমিৎ অসি পেত্রোলিয়ম অমসুং নেচরেল গ্যাস মন্ত্রালয়না ২০১৫দগী পাঙথোকপা হৌখিবনি।

বাইওফ্যুলগী থৌরমশিং অসি ভারত সরকারগী আত্মনির্ভর ভারতকা মরী য়াম্না লৈনৈ অমসুং মসিগী মখা পোন্না ২০২০গী মালেমগী বাইওফ্যুল নুমিৎ অসিগী থিম অসি খনখিবনি। কোরোনা/কোবিদ-১৯ লাইচৎকী য়েংদুনা থৌরম অসি হন্দক চহীগী ওইনা ৱেবিনারগী খুথাংদা ওইনা পাঙথোক্লে।

ঙসিগী নুমিৎ অসিনা ১৮৯৩দা লৈবাক হৱাইদগী শুংবা থাউনা ইঞ্জিন অমা চেলহনখিবা সার রুদোল্ফ দিজলনা তৌরম্বা থিজিনবগী এক্সপরিমেন্ত অদুবু ইকাই খুম্নবা উৎলি। মহাক্কী রিসর্চ এক্সপরিমেন্ত অদুনা মথংগী চহী চাম্মরোম অসিদদি মনা মশীংদগী শুংবা থাউনা ফোসিল ফ্যুলশিংবু অতোপ্পা মখলগী ইঞ্জিন শীজিন্নদুনা মহুৎ শিল্লগনি হায়বসি তাক্লি।

থৌরম অদুদা ৱা ঙাংলদুনা পেত্রোলিয়ম অমসুং নেচরেল গ্যাস মন্ত্রালয়গী সেক্রেতরী শ্রী তরুন কাপুরনা হায়খি মদুদি ভারত অসি লৌউ শিংউগী শেন্মিৎলোন ওইবা পাক চাউবা লৈবাক অমা ওইবনা লৌউ শিংউগীঙ্গরেম অপা মরাং কাইনা ফংই, মরম অসিনা লৈবাক অসিদা বাইওফ্যুল পুথোকপগী ওইথোকপসি চাউনা লৈ। মহাক্না হায়খি, করিগুম্বা ঐখোয়না বাইওফ্যুলশিংদা য়েংবা তারবদি, মরুওইবা মফম অহুম লৈরি – ইথানোল, বাইও দিজল, অমসুং বাইওগ্যাস। "করিগুম্বা ঐখোয়না হায়রিবা অহুম অসি পুথোক্নবা হোৎনবা তারবদি, ঐখোয়না ক্রুদ অমসুং গ্যাস পাক শন্না মপান্দগী লৌরিবসি হন্থহনবা ঙম্লগনি", হায়না মহাক্না হায়খি। মসিগীদমক মহাক্না মতীক চাবা তেক্নোলোজীশিং, স্কিল অমসুং প্রোফেসনেল মেনপাৱর অমসুং শেল থাদনবা ফাইনান্সিএল ইন্সতিত্যুসনশিং লিংখৎপা মথৌ তাই হায়খি। সেক্রেতরী অসিনা রাজ্য সরকারশিংদা লৌউ শিংউগী পোত্থোকশিংগী অরেম্বশিংদু ম্যুনিসিপাল সোলিদ ৱেস্তশিংনা খোমদুনা লিংখৎলক্কদবা প্লান্তশিং অসিদা থাবগী থবক তৌবদা মতেং পাংনবা পুক্নিং চিংশিনখি। শ্রী কাপুরনা স্তেকহোল্দরশিং অমসুং লৌমী অমসুং মীয়ামদা অরেম অপা কয়াবু নীংথীনা মফম চানা কান্নবা মওংদা শীজিন্নবা য়ানবা হোৎনবীনবা পুক্নিং চিংশিনখি।

বাইওফ্যুলশিং অসিগী ওইবা মখল কয়াগী কান্নবা লৈ, মখোয়শিং অদুগী মনুংদা, মপান্দগী পুশিল্লকপা হন্থবা, অকোইবদা মোৎশিনহন্দবা, লৌমী অমসুং থবক পীনবা হোৎনবদুনা অহেনবা শেন্থোক লম্বী পীবা অসিনি। ২০১৪দগী হৌদুনা ভারত সরকারনা বাইওফ্যুলশিংবু হেনগৎনবগীদমক খোংথাং কয়া অমা লৌখৎখ্রে। মরুওইবা খোংথাংশিংগী মনুংদা ইথানোলগী  য়েংশিন্নবগী মেকানিজম পুথোকপা, ও.এম.সি.না লৈবগী থবক লাইথোকহনবা, ইন্দস্ত্রীজ (দিবেলপমেন্ত অমসুং রিগুলেসন) এক্ত ১৯৫১ শেমদোকপা, মতম শাংনা লৈগদবা ইথানোল লৈবগী পোলিসী, ইথানোল শুংবগী কেপাসিতী হেনগৎহনবা অমসুং ইথানোল ব্লেন্দিং প্রোগ্রামশিং লৌখৎপা, ও.এম.সি.না ০১.১২.১৯দগীনা ০৩.০৮.২০২০ ফাওবদা বাইওদিজল লিতর কোতি ১১৩.০৯ লৈশিনখ্রে। বাইওদিজল ব্লেন্দিং প্রোগ্রাম অসিগী মখাদা ও.এম.সি.না ২০১৫-১৬দা লিতর কোতি ১.১ লৈরম্বদগী ২০১৯-২০দা লিতর কোতি ১০.৬ লৈখি।

*****