রেলৱেজ অমসুং কমর্স অমসুং ইন্দস্ত্রীগী মন্ত্রী, শ্রী পিয়ুশ গোয়ল অমসুং পার্লিয়ামেন্তরি এফিয়র্স, কোল অমসুং মাইন্সকী মন্ত্রী, শ্রী প্রলহাদ জোশিনা ঙসি  ২০২০গী ওগস্ত ০৯দা ভীদিও কনফরেন্সিংগী খুত্থাংদা হুবল্লিদা রেলৱে ম্যুজিয়ম অমা কত্থোকখি। থৌরম অদু রেলৱেজগী রাজ্য মন্ত্রী, শ্রি সুরেশ সি. অঙ্গদিনা সাভপতি ওইখি অমসুং অতোপ্পা দিগনিতরীশিং অমসুং সেনিয়র ওফিসিয়েলশিংনা শরুক য়াখি।

রেল ম্যুজিয়ম অসি নোর্থ কর্নাতকাদা অসিগুম্বা মকলগী অহানবনি অমসুং মাইসুরুদা লৈবা ইতিহাসতা পল্লবা মাইসুরু রেল ম্যুজিয়মগী মতুংদা সাউথ ৱেসতর্ন রেলৱেদা অনিশুবনি। মসি সেন্ত্রেল রেলৱে হোসপিতাল মায়োক্নবদা লৈরিবা গদাগ রোদতা হুবল্লি রেলৱে স্তেশনগী অনিশুবা চংফমগী হেক নাকন্দা ময়াই ওইরপ্না লৈ। মসিগী ম্যুজিয়ম অসি লাক্লিবা ভিজিতরশিংবু মহাক্কী অকোইবদা লৈরিবা ফজবশিং অদুনা শুমহৎনবননি। লৈবাক অসিগী মফম কয়াদগী লাকপা অমসুং মপান লমদগী লাকপা ভিজিতরশিংনা হুবল্লি ম্যুজিয়মদা লৈরিবা রেলৱে ম্যুঝিয়মদা হৌখিবা চহিশিংগী রেলৱে হেরিতেজকী পোৎশকশিং উবা ফংগনি।

থৌরম অদুদা ৱা ঙাংলদুনা, শ্রী পিয়ুশ গোয়লনা হায়খি, “রেলৱেজনা ঐখোয় খুদিংমক্কা পুক্নীংগী ওইবা মরী লৈ। রেলৱেজনা ঐখোয়গী পুন্সিদা মরু ওইবা থৌদাং অমা লৌরি অমসুং তোঙান তোঙান তাঙ্কক কয়া অমদা ইশা-ইশাগী পুন্সিগী খোংচত্তা শরুক য়ামিন্নখি। মহাক্না মহাত্মা গান্ধি পল্লদুনা হায়খি মদুদি গান্ধি জিসু ত্রেনশিংগী খুত্থাংদা ভারতপু মশক খঙবনা হেন্না পামখি। রেলৱেজ মশামক অচৌবা অহোংবা কয়া অমা থেংনখ্রে। স্তীম এরাদগী মোদর্ন বুলেত ত্রেনগী এরা ফাওবদা রেলৱেজগী অহোংবা লাকখিবগী ৱারি অসি শিংথানীংঙাইনি। রেলৱে ম্যুজিয়ম অসি থোইদোক হেন্দোকপা অহোংবা অদুবু ইকাইখুম্নবা উতপগী খুদোল অদুগী নীংশিন ফুরানি। কোবিদকি মতুংদা লাক্কদবা মতমশিংদসু অহোংবা কয়া অমা উবা ফংগনি। ম্যুজিয়ম অসিনা থাইনগী মতম অমসুং কলচরগী মতাংদা খুনাইবু খঙহনবদা মতেং পাংগনি। মসিনা ঐখোয়গী রুতশিং অমসুং ফাউন্দেশনশিংগী মতাংদা তাক্কনি। ঐখোয়না ঐখোয়গী মেমরীশিং অমসুং লেগসীশিং ঙাক্তুনা থমগদবনি। ঐখোয়না হৌজিক রেলৱেশিংবু মপুং ফানা এলেক্ত্রিফাই  তৌরগনি অমসুং ১০০% গ্রীন ওইহল্লনি। রেলৱেজনা লেপ্তনা অহোংবা অমসুং অওনবা পুরকখিগনি। লেগসীসু অদুমক মমিং চৎখিগনি অমসুং মসিবু তৌইনা ঙাক-শেন্দুনা থম্বা মথৌ তাগনি।”

মহাক্না লোকদাউন মনুংদা থোইদোক হেন্দোকপা থবক্কীদমক্তা রেলৱে ওফিসিয়েলশিংবু থাগৎখি। রেলৱেজনা তহরিলিয়ন ৫গী ইকোনোমীদা অমসুং আত্মা নির্ভর ভারত্তা শরুক য়াগনি হায়না ৱাশকখ্রে হায়নসু মহাক্না পনখি।

থৌরম অদুদা ৱা ঙাংলদুনা, শ্রী প্রলআদ জোশিনা হায়খি, “ ম্যুজিয়ম অসি খ্বাইদগী হেন্না চানৈ মরমদি হুবল্লি অসি থাইনগী হৌখ্রবা মতমগী ওইনসু য়াম্না মরু ওইবা রেলৱে জঙ্কশন অমনি। মসি রিজন অসিদা য়াম্না মমিং চৎপা তুরিস্তকী মফম অমা ওইরক্কনি.”

মহাক্না শ্রী গোয়লবু অনৌবা ম্যুজিয়ম অসিগীদমক্তা তৌবীমল খঙবা উৎখি। মহাক্না রিজন অসিদগি স্পেসিয়েল শ্রামিক ত্রেন ২২৯ চেলহনবগীদমক্তা রেলৱেশিংবু তৌবীমল খঙবা উৎখি। শ্রী জোশিনা হুবল্লি রেলৱে স্তেশন শেমজিনবগী থৌদাং লৌবগীদমক্তা ভারত রেলৱেজতা মহাক্কী মাইকৈদগি তৌবীমল খঙবা উৎখি।

থৌরম অসিদা ঙাংলদুনা, শ্রী সুরেশ সি, অঙ্গদিনা হায়খি মদুদি ঙসি হুবল্লিগী মীয়ামগীদমক্তা য়াম্না চাউরবা থৌরম অমা ওইখি.  মাস্কশিং উপ্পা মিশিং ওইনা কোচ অমা অমসুং মতমশিং অসি নিংশিংনবা তুংগী মীরোলগীদমক্তা শ্রামিক কোচ ওইনা কোচ অমা ওইহন্নবা মহাক্না ৱাফম অমা হৌদোরকখি।

ম্যুজিয়ম অসিনা রেলৱেজগী ব্রাঞ্চশিংগী চাউথোক্নীংঙাই ওইরবা হেরিতেজ ঙাক্না থম্বা অমসুং উৎপগী পান্দম থম্লি অমসুং রেলৱেগী থবক্তা ইরম খুদিংমক্তা এদভান্স ওইরবা শীস্তেমশিংগী তপ্না তপ্না অহোংবা লাকখিবশিং অদুসু উৎলি। হুবল্লি ম্যুজিয়মদা, আর্তিফেক্তশিং অদু পাক শন্না সেক্স অহুমদা শিন্দোককি হায়বদি মালাপ্রভা অমসুং ঘতাপ্রভা আয়না মিং থোনবা কোতেজ অনিদা অমসুং আউতদোর সেক্সন্দা।

ম্যুজিয়ম অদুগী হাইলাইতশিং:

• রোল্লিং স্তোক্কী গেলেক্সী

• মলাপ্রভা অমসুং ঘতাপ্রভা কোতেজশিং

• থিয়েতর কোচ

• সুরুচি কেফেতেরিয়া

• তোই ত্রেন

• মেমোরেবিলিয়া শোপ

• তিক্কেৎ প্রিন্তিং মেছিন

• মোদেল ত্রেন রন

• অঙাংশিংগী এক্তিভিতী রুম

চংফমদা লৈবা চাউরবা আর্ক অমনা হৌখ্রবা এরাদা ময়াম্বু তরাম্না ওক্লি। সাউথ ৱেস্তর্ন রেলৱেজগী মশক তাক্লিবা খুদম্না লৈতেং ওইদুনা, রিজন অসিবু সেবা তৌখিবা হায়বদি সাউদর্ন মাহরত্তা রেলৱে, মাইসোর অমসুং সাউদর্ন মাহরত্তা রেলৱে অসিনচিংবা, ৱেলকম আর্ক অসিনা ভিজিতরশিংবু রেলৱেশিংগী তাইবংবু এক্সপ্লোর তৌনবা পুক্নীং চিংশিল্লি।

আউতদোর লেন্দস্কেপ: নেরো গেজকী লোকোমোতিভ অনি (ত্রেন ইঞ্জিনশিং) অদুনা ম্যুজিয়ম অদুগী মরু ওইনা পুক্নীং চিংশিল্লি।  ত্রেক্তা চেল্লিবা একজিবিতশিং অমসুং ত্রেক্কা মরী লৈনবা খুদম ওইনা রোলিং স্তোক (ইঞ্জিনশিং), কোচ, ৱেগন, তেঙ্কর, রেলশিংগুম্বা পার্মনেন্ত ৱে মেতরিয়ল, স্লীপরশিং, লেভেল ক্রোশিং গেত, সিগ্নেলশিং অসিনচিংবশিং অসি ম্যুজিয়মগী ইংলবা অশং-অমানশিংগী মরক্তা শেম্বা গেলরীশিংদা উৎলি।

লৈবাক অসিগী তোঙান তোঙানবা মফম কয়াদগী ওইবা পেসেঞ্জরশিংগী লাইফ সাইজ মীতমগা লোইননা “য়ুনিতী ইন দাইভর্সিতী” উৎলিবা নেরো গেজ কোচ অসিনা ভিজিতরশিংগীদমক্তা হেন্না পুক্নীং চিংশিন্নীংঙাই ওইহল্লি।

১৯০৭দা শাবা ফজরবা কোতেজ অনি, অসি রিজন অসিগী তুরেল অনিগী মতুং ইন্না মলাপ্রভা অমসুং ঘতাপ্রভা হায়না মিং থোন্দুনা ম্যুজিয়মগী শরুক অনি ওইনা ওন্থোকখ্রে।

ঘতাপ্রভা কোতেজ: কোতেজশিং অসিনা অরিবা মতমগী তোপ তোপ্পা ফজবা, ইন্দোর আর্তিফেক্তশিংগী হাউস কলেক্সন উৎলি। ঘতাপ্রভা কোতেজনা অচেনবা  ত্রেন, সিগ্নেলগী ইনন্সত্রুমেন্তশিং অসিনচিংবা লৈবা মোদেল রুম অমা উৎলি। লোমোতিবশিংগী হিস্ত্রী, ৱেগনশিং, কোচশিং অসি এম্তিক বুক্সশিং অমসুং প্লান্তশিংগা লোইননা উৎলি। রেলৱেশিংনা মেদিকেল অমসুং সেক্যুরিতী ফ্রন্তশিংদা থবক তৌবগী শক্তম উবা ফংখি। ফন ফেক্তশিংগা লোইননা মচু কয়ানা লৈতেংলবা অঙাংশিংগী এক্তিভিতী রুম অসিসু ঘতাপ্রভাগী শরুক অমনি। সোভেনিরশিং লৈবা য়াবা মেমোরেবিলিয়া কাউন্তর অমসুং রেলৱে কমপনীশিংগি হিস্ত্রীগী হিসত্রী কোর্নর কোতেজ অসিদা য়াওরি।

মলাপ্রভা কোতেজ: মলাপ্রভাগি চংফমদা ফজরবা চার্কোলনা য়েকপা লাই কয়া অমনা শেম্বা আর্ত গেলরি. তিক্কেৎ কাউন্তর, প্রিন্ত তৌরবা তিকগকেৎশিং, য়োৎকী পাক্সি য়াওবা বুকিং ওফিস অসিনা দিকেদ কয়া মমাংগী তিকগকেত্তিংগী মতাংদা নীংশিংহল্লি। স্তেশন মাস্তর রুম অমা পেনেল, এপরেতস, রেজিস্তরশিং, ফর্নিচর অমসুং স্তেশন মাস্তর অমসুং পোইন্তস মেনগীমীগা চাউবা চপ মান্নবা মীতম ফাওবা য়াওরবা অমা চপ মান্ননা শেমখি। থংনবা কা অদুনা এন্তিক ফর্নিচর য়াওরবা ৱেতিং রুমগী মওংদা শেমখি। পার্সেল ওফিস অমগী শক্তমসু  চই ১৫০ শুরবা পার্সেলগী অরুম্বা ওন্নবা মেছিনগা লোইননা শেমখি।

পার্মনেন্ত ৱে, রেলশিং. স্লীপরশিং, ত্রেক ফিত্তিং, তেলি কম্যুনিকেশন, ইলেক্ত্রিকেল আইতেমশিং আদু মতম মতমগী তেক্নোলোজীগা চুনবা মওংদা অহোংবা লাকখিবা অমসুং চাউখৎলকখিবগী মতাংদা ম্যুজীয়মদা ময়েক শেংনা উৎলি।

থিয়েতর অমসুং রেস্তোরেন্ত কোচশিং য়াওবা প্লেতফোর্ম: নীংথিনা লৈতেংলবা য়ুম্বিশিংগা লোইননা চিংলেম্লবা প্লেতফোর্ম অসিনা রেস্তোরেন্ত অমসুং থিয়েতর কারদা এক্সেস তৌহল্লি। এন্তরতেন্নিং ওইবা অমসুং এজুকেতিব ওইবা অতেনবা মুভীশিং অমসুং ভীদিওশিং কোচ থিয়েতরদা অকক্নবা শোগী মতমদা উৎনবা থৌরাং তৌখি।

তোই ত্রেনদা তোংবা: স্তীম ইঞ্জিন্না চেল্নবা মচু কয়ানা লৈতেংলবা কেরিয়েজশিং অসিনা অঙাংশিং অমসুং অহলশিংবু নুংঙাইহনগনি। তোই ত্রেন অসি হুবল্লি ৱার্কশোপ্না শাবনি। সাউন্দ অমসুং স্তীম ইফেকশিং য়াওরবা তোই ত্রেন অসিদা তোংদুনা অমসুংঅতেনবা ত্রিপ অমা চৎলুবদা ভিজিতরশিংবু অরিবা এরাদা পগনি অমসুং ঐখোয়দা য়াওরিবা অঙাংগী ৱাখল অদু অমুক হন্না নীংশিনহল্লগনি।

সুরুচি কেফেতেরিয়া: ভিজিতরশিং চানীংবা থক্নীংবশিং অদুবু পেলহন্নবা, ম্যুজিয়মদা পীরিবা সুরুচি কেফেতেরিয়ানা এন্তিক পিলরশিংগা লোইননা পুক্নীং হুনীংঙাই ওইবা মওংদা দিজাইন তৌরবা এক্সতেরিয়রশিংদা লমদম আদুগী ওইবা অহাও-অথুমশিংগী মেন্যু পীরি।

ম্যুজিয়ম অসিগী তোপ-তোপ্পা ফীচরদা মসিদা লৈরিবা খুদিংমক মেতরিয়েলশিং অমসুং মেন পাৱর শিজিন্নদুনা অরৈবা রিসোর্সশিংনা শেমখিবনি।

কোবিদকী লাইচৎ অসিগী মরক অসিদা লৌগদবা চেকশিন-থৌরাংশিং অসি য়েংলগা, ম্যুজিয়ম অসিদা ভিজিতরশিং চংবগী মশিং অদু অমুক্তা মেম্বর ৩০দগী হেন্দে। ভিজিতরশিংদা ম্যুজিয়ম অসি চংবদা পীরিবা সেনিতাইজর দিসপেন্সর অদু শিজিন্নদুনা তোইনা মখুৎশিং অদু সেনিতাইজ তৌনবা, ফেস মাস্ক উপ্নবা অমসুং সোসিয়েল দিস্তেন্সিং শোইদনা তৌনবা হায়গনি। থিয়েতর কোচ অসি লোকদাউন মপুং ফানা কোমথোক্ত্রিবা ফাওবা অমসুং হান্নগী ফিভমদা লাক্ত্রিবা ফাওবা থিংদুনা লৈখিগনি।  

২০২০গী ওগস্ত ১১দগী ম্যুজিয়ম অসিগীদমক্তা ওইবা থবক তৌবগী পুংশিং অদুদি মখাদা পীরি:

• নোর্মল নুমিৎশিং (লৈবাকপোকপা দগী ইরাই) নুংথিল পুং ১২দগী ৭ পি.এম. ফাওবা 

• ৱীকেন্দ অমসুং পব্লিক হোলিদেশিং নুংথিল পুং ১২দগী ৮ পি.এম. ফাওবা

• নিংথৌকাবা খুদিংগী থবক লেপকনি

চংবগী তিক্কেৎ মমল

• অহল (চহি ১২গী মথক)       লুপা ২০/-

• অঙাং (চহি ৫-১২)              লুপা ১০/-

• চহি ৫গী মখা         লেম্না  

থিয়েতর কোচ

• শোগী মতমশিং (পুং খুদিংগী ১২.০০ পি.এম.দগী হৌরগা ১ পি.এম, ২ পি.এম., ৩ পি.এম., ৪ পি.এম., ৫ পি.এম.)

• মেম্বর ১০গী গ্রুপ্তা তিক্কেৎ অমমমদা  লুপা ১০/-

• শোগী মতম          মিনত ১৫

তোই ত্রেন তিক্কেৎ (ত্রিপ অমা)

• তিক্কেৎ অমদা       লুপা ১০/-

* হন্দোক-হঞ্জিন রাউন্দ অহুম্না ত্রিপ অমা ওই ।

*****