(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• ভারতনা নোঙমদা খ্বাইদগী য়াম্বা ওইনা তেস্ত ৭,১৯,৩৬৪ পাঙথোকখ্রে; অপুনবা তেস্ত মশিং ২,৪১,০৬,৫৩৫ শুরে
• অপুনবা নাবা ফবগী মশিং ১৪,৮০,৮৮৪ য়ৌদুনা রিকোবরী রেৎ ৬৮.৭৮% য়ৌখ্রে
• ঙসি ফাওবদা এক্তিব কেস ৬,২৮,৭৪৭ লৈরি
• ফেতেলিতী রেৎ হন্থরক্তুনা ঙসি ২.০১%দা লৈখ্রে
• পি.এম.না এগ্রিকলচর ইনফ্রাস্ত্রকচর ফন্দগী মখাদা লুপা কোতি লাখ ১গী শেনফম পীবগী ফেসিলিতী অমা লাঊথোকখ্রে
• শ্রী পিয়ুশ গোয়লনা লোকদাউন মনুংদা থোক্লক্তুনা লৈবাক শিনবা থুংবদা তঙাই ফদ্রবা পোৎ-চৈশিং ফংহনবগী থৌওং পাঙথোকখিবগী ত্রেদরশিংবু থাগৎখি

ইন্দিয়ানা নোংমদা তেস্ত ৭,১৯,৩৬৪ তৌদুনা অনৌবা খ্বাইদগী ৱাংবা ওইখ্রে

ঙসি অনৌবা খ্বাইদগী মশিং য়াম্বা ওইনা, ইন্দিয়ানা নোংমা খক্তদা তেস্ত লাখ ৭ হেনবা তৌদুনা খ্বাইদগী মশিং য়াম্বা ওইখ্রে। অসুম লেপ্পা লৈতনা চৎথরকপনা নোংম্দা লাখ ৬ হেনবা তেস্ত তৌরকপ্না ইন্দিয়াগী তেস্ত অসি নোংমগী মশিং য়াম্না তৌবা হেনগৎলক্লী। পুং ২৪গী মনুংদা পুন্না তেস্ত ৭,১৯,৩৬৪ তৌখ্রে। অসিগুম্বা খোঙথাং অসিনা ফগৎলকপগী চাং অসি অদুক্কী মতিক হেনগৎলক্লি। ঙরাং কোভিদকী অনাবা মশিং ৫৩,৮৭৯ ফগৎলক্তুনা অমসুং ময়ুম্দা হন্নখিবা অসিনা নোংমদা ফগৎলকপগী মশিং খ্বাইদগী ৱাংবা ওইদুনা ইন্দিয়ানা রেকোর্দ থম্লি। মসিগা লোয়ন্না ফগৎলকপগী মশিং পুন্না অমুক ১৪,৮০,৮৮৪ য়ৌখি। মসিনা এক্তিব কেসকী মশিংদগী শরুক অনি হেল্লি (৬,২৮,৭৪৭ ঙসিগী)। ফগৎলকপগী মশিং অতোপ্পা অমনা শরুক ২.৩৬মুক এক্তিব কেস্ততগী হেল্লি হায়রিবা অসি হিদাক লাংথক্না য়ুম্দা নাইতোম লৈবা নত্রগা হোস্পিতালদা লৈবশিংনি। অনাবা ফগৎলকপগী মশিং অসি সেন্তর অমসুং স্তেত/য়ু.তি. সরকারনা মখল কয়াগী পায়খৎখিবা থবকশিং অসিননি অমসুং হায়রিবশিং অসি হোস্পিতাল অমসুং ক্লিনিকশিংনা সেন্তরনা পীরকপা ক্লিনিকেল ত্রিৎমেন্ত প্রোতোকোল অদুগী য়েংলগা খ্বাইদগী ফবা ত্রিৎমেন্ত পীবদগী ফংবা ফলনি। হায়রিবা অসিগী মরম্না কেস ফেতেলিতি রেত অসি হন্থরকপনি অদুগা চাং অসি ঙসি ২.০১% য়ৌখি।

 অকুপ্পা মরোল: https://pib.gov.in/PressReleseDetail.aspx?PRID=1644551

হেল্থ মিনিস্ত্রীনা পায়খৎপা তেলি-মেদিসিন প্লেতফোর্ম ই-সঞ্জিবানি পামনহনবদা রাজ্যশিংনা লৌখিবা থৌদাংবু দোক্তর হর্শ্ বর্ধন্না থাগৎলি

হেল্থ মিনিস্ত্রীনা পুথোকপা তেলি-মেদিসিন প্লেতফোর্মশিংদা তেলি-কন্সলতেসন লাখ ১.৫ পাংথোকখ্রবা মতুংদা ‘ই-সঞ্জিবানি’ অমসুং ‘ই-সঞ্জিবানি ও.পি.দি’ প্লেতফোর্মশিং হন্না য়েংশিনবগী মীফম অমা ঙসি য়ুনিয়ন হেল্থ অমসুং ফেমিলি ৱেলফিয়ার মিনিস্তর দোক্তর হর্শ্ বর্ধন্না লুচিংদুনা পাংথোকখ্রে। ২০১৯গী নবেম্বরদগী, ‘ই-সঞ্জিবানি’ অমসুং ‘ই-সঞ্জিবানি ও.পি.দি’গী তেলি-কন্সলতেসন রাজ্য ২৩(অপুনবা মীশিংগী চাদা ৭৫)দা পায়খৎখ্রে অমসুং অতোপ্পা রাজ্যশিংসু মসি পায়খৎনবা থৌরাং তৌরি।

অকুপ্পা মরোল: https://pib.gov.in/PressReleseDetail.aspx?PRID=1644584

প্রধান মন্ত্রীনা বিজয়ৱাদাগী কোবিদ সেন্তরদা মৈ চাকপদা পুন্সি মাংখ্রবশিংগীদমক অৱাবা ফোংদোকখ্রে

প্রধান মন্ত্রী শ্রী নরেন্দ্র মোদীনা বিজয়ৱাদাগী কোবিদ সেন্তরদা মৈ চাকপদা পুন্সি মাংখ্রবশিংগীদমক অৱাবা ফোংদোকখ্রে

ত্বীত অমদা, প্রধান মন্ত্রীনা হায়খি, “বিজয়ৱাদাগী কোবিদ সেন্তরদা মৈ চাকপগী থৌদোক অসি থম্মোয় শোক্না নুঙাইতবা ফাওই। লৈখিদ্রবশিংগী নুংশিজরবা মরী মতাশিংগী অৱাবদা শরুক য়াজরি। ঐহাক্না অশোকপাশিংবু য়াম্না থুনা ফরক্নবা থৌনিজরি। থৌদোক অসিগা মরী লৈননা সি.এম. @ysjagan জীগা ৱা খন্নখ্রে অমসুং পাংবা য়াবা মতেং পাংলগনি”।

অকুপ্পা মরোল: https://pib.gov.in/PressReleseDetail.aspx?PRID=1644518

পি.এম.না এগ্রিকলচর ইনফ্রাস্ত্রকচর ফন্দগী মখাদা লুপা কোতি লাখ ১গী শেনফম পীবগী ফেসিলিতী অমা লাঊথোকখ্রে

প্রধান মন্ত্রী শ্রী নরেন্দ্র মোদীনা ঙসি লুপা কোতি লাখ ১গী শেনফমগী এগ্রিকলচর ইনফ্রাস্ত্রকচর ফন্দগী মখাদা শেল থাদবগী খুদোংচাবা পীবা অনৌবা সেন্ত্রেল সেক্তর স্কিম অমা হৌদোকখ্রে। স্কিম অসিনা লৌউবশিং, পি.এ.সি.এস.শিং, এফ.পি.ও.শিং অমসুং এগ্রি-ওন্তোপ্রিনরশিংবু কম্ম্যুনিতী ফার্মিং এসেৎ অমসুং পোস্ত-হার্বেস্ত এগ্রিকলচর ইনফ্রাস্ত্রকচরশিংদা তেংবাংগনি। মসিগী এসেৎশিং অসিনা লৌউবশিংদা মখোয়গী পোত্থোকশিংবু মতম কুইনা থম্বা য়াহন্দুনা য়োনবদা, মাংহনদবদা অমসুং প্রোসেসিং অমসুং বেল্যু এদিসন হেনগৎহন্দুনা অহেনবা শেন্থোক লৈহনবদা তেংবাংগনি। কেবিনেৎনা স্কিম অসিগী অয়াবা পীরবা মতুং নুমিৎ ৩০নিগী মতুংদা ঙসি স্কিম অসিগী ওইনা লৌউবগী সোসাইতী ২২৮০ হেনবদা লুপা কোতি ১০০০গী অহানবা শেনফম পীথখ্রে। থৌরম অসি ভিদিও কনফরেন্সিংগী খুত্থাংদা পাঙথোকখি অমসুং লৌউবা লাখ কয়া, এফ.পি.ও.শিং, কো-ওপরেতিবশিং, পি.এ.সি.এস.শিং অমসুং লৈবাক শিনবা থুংবগী মীয়াম্না শরুক য়াখি। থৌরম অসিমক্তদা প্রধান মন্ত্রীনা পি.এম.-কিসান স্কিমগী ৬শুবা ইন্সতোলমেন্ত ওইনা লুপা কোতি ১৭০০০গী শেনফম অসি লৌউবা কোতি ৮.৫দা পীখ্রে। শেনফম অসি মখোয়গী আধার লিঙ্ক তৌবা অকাউন্তশিংদা বত্তন অমা ক্লিক তৌদুনা হকথেংননা পীখি। স্কিম অসিনা লৌউবশিং অমসুং লৌউ-শিংউগী সেক্তরশিংদা শেলগী তেংবাং পীদুনা খুমাং চাউশিলহন্দুনা ভারতনা মালেমগী থাক্তা চাংয়েংনবা ঙমহল্লগনি হায়নসু হায়খি। প্রধান মন্ত্রীনা ৱেয়রহাউজিং, কোল্দ চেন অমসুং ফুদ প্রোসেসিংগুম্বা লৌরোক মতুংগী ফিভম শেন্নবগী ৱারোইশিনগী ওইবা শেল থাদবা য়াবা খুদোংচাবা কয়া অমা লৈ হায়খি অমসুং ওর্গানিক অমসুং ফোর্তিফাইদ চিঞ্জাকশিংগী ওইনা মালেমদা মফম অমা কনবা ঙমগনি হায়নসু মখা তানা হায়খি। মসিগী স্কিম অসিনা স্তার্ত-অপশিংনা খুদোংচাবা কয়া ফংদুনা মখোয়গী থবক চাউথোকহন্নবা খুদোংচাবা কয়া পীগনি অমসুং মসিগী মতুং ইন্না লৈবাক খুদিংগী লৌউবশিংদা য়ৌবা ঙম্বা ইকোসীস্তেম অমসু শেম্লগনি হায়খি।

অকুপ্পা মরোল: https://pib.gov.in/PressReleseDetail.aspx?PRID=1644529

পী.এম.না ভি.সি.গী খুত্থাংদা এগ্রিকলচর ইনফ্রাস্ত্রকচর ফন্দগী মখাদা ফাইনান্সিং ফেসিলিতী লোঞ্চ তৌবা

অকুপ্পা মরোল: https://pib.gov.in/PressReleseDetail.aspx?PRID=1644536

শ্রী পিয়ুশ গোয়লনা পোৎ-য়োনবশিংদা মেক ইন ইন্দিয়াগী পোত্থোকশিং খুমাং চাউশিলহন্নবা কস্তমরশিংগী খঙহনবগী থৌওং পাঙথোক্নবা হায়খ্রে; লোকদাউন মনুংদা মখোয়না পাঙথোকখিবা থৌদাংবু থাগৎখি

কেন্দ্রগী কম্মর্স অমসুং ইন্দস্ত্রী অমসুং রেলৱেজকী মন্ত্রী শ্রী পিয়ুশ গোয়লনা পোৎ-য়োনবগী খুন্নাইশিংনা আত্মানির্ভর ভারত কেম্পেন মায় পাকহনবদা শরুক য়ানবা হায়খ্রে। লৈবাক্কী পোৎ-য়োনবশিংগী নুমিৎকী থৌরমদা ভিদিও কনফরেন্সিংগী খুথাংদা ললোনবা খুন্নাইগী মীওইশিংগা ৱারী শাবদা মখোয়না ভারত্তা শাবা পোত্থোকশিং মীয়াম্না লৈহন্নবা কস্তরমরশিং ভাব তাহনবগী কেম্পেন চত্থগদবনি হায়খ্রে। শ্রী গোয়লনা পোৎ-য়োনবশিং অসিনা কোবিদ লায়চৎ মনুংদা লৌরিবা থৌদাং, মরু ওইনা লোকদাউন মনুংদা থোক্লক্তুনা লৈবাক শিনবা থুংবদা তঙাই ফদ্রবা পোৎ-চৈশিং ফংহনবগী থৌওং পাঙথোকখিবা অসিবু থাগৎখি। শ্রী গোয়লনা খুন্নাই অসিদা নেস্নেল ত্রেদর্স ৱেলফিয়ার বোর্দ অমা অথুবা মতমদা শেম্লগনি হায়বগী থাজবা পীখি। মহাক্না পোৎ-য়োনবা মীওইশিংদা মখোয়গী মখাদা থবক তৌরিবা মীওইশিংবুসু ত্রেদর্দ পেন্সন স্কিমদা য়াওহল্লসি হায়খি।

 অকুপ্পা মরোল: https://pib.gov.in/PressReleseDetail.aspx?PRID=1644545

এন.সি.ও.ই. বেঙ্গলুরুদা থম্লিবা কোবিদ পোজিতিব ওইরবা হোকীগী শান্নরোই মঙামক ফীভম ফনা লৈরি

ওগস্ত ৭তা কোবিদ পোজিতিবকী তেস্ত তৌখিবা হোকীগী শান্নরোই মঙা ফীভম ফনা লৈরি। মখোয়শিং অসি সাইগী ইন-হাউস দোক্তরশিংগা লোয়ন-লোয়ননা সাইনা হায়জরুবদা মফমদুদা থবক শিন্নখিবা রাজ্য সরকারগী দোক্তর অমনসু য়েংশিল্লি। মসিদা নত্তনা সাইদা শান্নরোইশিং অদুবুসু য়েংশিনখিবা মনিপাল হোসপিতালদগী য়াম্না অহৈবা দোক্তরশিং য়ৌরকখ্রে।

অকুপ্পা মরোল: https://pib.gov.in/PressReleseDetail.aspx?PRID=1644422

এম.ও.দি.গী আত্মানির্ভর ভারত খোঙথাংগী শাফু

দিপার্ত্মেন্ত ওফ মিলিতরী এফিয়ার্স (দি.এম.এ.), মিনিস্ত্রী ওফ দিফেন্স (এম.ও.দি.)না হায়খিবা মতমগী মতুংদা লৈবাক অসিদা পুশিল্লকপা য়াররোইদবা পোৎ ১০১গী লিস্ত অমা শেমখ্রে। মসি ঙাকশেলগী মরমদা মরোমদোম লেপচবা ঙম্বগী য়াম্না চাউবা খোঙথাং অমনি। মসিনা পুশিল্লকপা য়াররোইদ্রবা পোত্থোকশিং অসি  ভারতকী ইন্দস্ত্রীশিংনা মখোয়গী হৈজবীগী মতুং ইন্না শেম-শাদুনা নত্ত্রগা দি.আর.দি.ও.না শেম শাবা তেক্নোলোজী অমসুং দিজাইন শিজিন্নদুনা শেম-শাদুনা লাক্কদৌরিবা মতমশিং অসিদা ভারতকী আর্মদ ফোর্সকী তঙাই ফদবশিং পীবা ঙম্নবা হোৎনদুনা শেম শাবগী খুদোংচাবা অমা পীরবনি।

অকুপ্পা মরোল: https://pib.gov.in/PressReleseDetail.aspx?PRID=1644570

ফিল্দ ওফিসশিংদগী লাকপা ইনপুৎশিং

• পঞ্জাবঃ রাজ্যসিদা কোবিদ কেস মশিং হেনগৎলকপগী মরম ওইদুনা মুখ্য মন্ত্রীনা লায়চৎ অসিনা হেন্না শোকহল্লবা লুধিয়ানা, জলন্ধর অমসুং পতিয়ালাদা নুমিদাং পুং ৯দ্গী অয়ুক্কী পুং ৫ ফাওবগী কর্ফিয়ু থমখ্রে অমসুং অচৌবা শহরশিং/তাউনশিংনা সরকারগী অমসুং লন্নাইগী ফেসিলিতীশিংদা লায়না অসিবু লায়েংনবা শেম শাদুনা লৈনবা খঙহনখ্রে।
• হরয়ানাঃ রাজ্যগী মুখ্য মন্ত্রী শ্রী মনোহর লালনা ফরিদাবাদনা হৌজিক চত্থরিবা কোবিদ-১৯গী লায়চৎ অসিগা অকনবা লান্থেংনরি অমসুং য়াম্না নুংঙাইবা ওইনা জিলা অসিগী দব্লিং রেৎ অসি নুমিৎ ৫৯নিদা হন্থরে। কোবিদ-১৯গী কেস মশিং হন্থরক্নবা তেস্ত মশিং য়াম্না তৌনবা হায়দুনা মরী লৈনবা ওফিসারশিংদা খঙহনখ্রে। মসিগী মথক্তা য়ারিবমখৈ প্লাস্মা থেরাপীগী থৌওং লায়েংনবসু হায়খ্রে।
• মহারাস্ত্রাঃ মুম্বাইগা থংনবা রাইগর জিলাগী পেন অসি গনপতিগী মুর্তী শাবগীদমক্তা মমিং চৎলি। তৌবতবু মফমসিগী আর্তিসানশিংনা হন্দক্কী চহিদি কোবিদ লায়চৎ অমসুং লোকদাউন অসিনা তুংগী পুন্সিদা তং তাদবা অমা ওইরে। মুর্তী শাবশিং অসিনা দোমেস্তিক ওর্দরদা ৪০% অমসুং এক্সপোর্ত ওর্দরদা ৬০%গী চাং হন্থরে। তাল্লক অসিদা রাজ্যসিনা কেস মশিং লাখ ৫ হেন্দুনা থাংজ নুমিত্তা অনৌবা কেস ১২৮২২ লাক্তুনা অপুনবা কেস মশিং লাখ ৫.০৩ য়ৌখ্রে।
• গুজরাতঃ রাজ্যসিগী কোবিদ-১৯দগী ফবগী চাং অসি ৭৫.৪৮% য়ৌরে। থাংজ নুমিত্তা রাজ্যসিদা অনৌবা কেস ১১০১ অমসুং নাবা ফরবা মীওই ১১৩৫ লৈবগী পাউ লাকখি। ঙসি ফাওবগী ওইবা এক্তিব কেস মশিং অসি ১৪৫৩০নি।
• রাজস্থানঃ রাজ্য সরকারনা য়াম্না থুবা অদুবু চুম্বদি ৱাৎপা রেপিদ এন্তিজেন তেস্তকী মহুত্তা আর.তি.-পি.সি.আর. তেস্তিং মিৎয়েং চংনবা ৱারেপ লৌখ্রে। রাজ্যসিগী কোবিদ-১৯গী ফিভম য়েংশিনবদা সি.এম. শ্রী অশোক গেহলোৎনা কেস মশিং হেনগৎলবসু মোর্তেলিতী রেৎ লাকশিনবা ঙম্লবদি মসিসু অচৌবা মায় পাকপা অমনি হায়খ্রে। রাজ্যসিগী এক্তিব কেস ৫১৯২৪ লৈরি অমসুং লৈখিদবা মীওই ৭৮৪ শুরে।
• গোৱা: রাজ্যসিগী গোৱা মেদিকেল কোলেজকা মরী লৈনবা চাউরাক্না দাক্তর ২০ অমসুং হকশেলগী থৌমী ১০দগী ১৫ ফাওবা কোবিদ-১৯ পোজিতিব ওইখ্রে। ঙসি ফাওবদা রাজ্যসিদা অপুনবা কেস ৮২০৬ লৈরে অমসুং মসিগী মনুংদা ২২৩২দি এক্তিব কেসনি।
• কেরলাঃ ঙসি রাজ্যসিদা কোবিদতগী মীওই ৩ লৈখিদবগী পাউ লাকপদগী অপুনবা লৈখিদ্রবা মীওই ১০৬ শুখ্রে। সাউদি অরাবিয়াদা লৈবা কেরলা মচা অমসু লৈখিদ্রে। রাজ্যসিদা হন্দক্কী চয়োলসিদা অনৌবা কেস ৯৫০৭ লাকখি। কেস অয়াম্বদি লোকেল ত্রান্সমিসন ঙাক্তনি। তাল্লক অসিদা মুন্নারদা লৈবাক নিংখাইবদা লৈখিদবা মীওই ৪২ শুখ্রে। অকায় অতোয় মরক্তগী হকচাং ২৮ লৌথোক্কদবা ৱাৎলি। রাজ্যসিদা নোং কন্না তাবগা লোয়ননা মসিগী রীলিফ কেম্পতা লৈরিবা মীয়াম্বু য়েংশিনবদা রেবেন্যু অমসুং হেলথ ওথোরিতীশিংনা কোবিদকী কাঙলোন ইনবদা ৱানা থোক্লি। ঙরাং রাজ্যসিদা অনৌবা কেস ১৪২০ লাকখি। অনাবা ১২১০৯ লায়েংলি অমসুং রাজ্যসিগী জিলা শিনবা থুংনা মীওই ১৪৮২৪১দি কন্না য়েংশিন্দুনা থম্লি।
• তমিল নাদুঃ কোবিদ-১৯গী কেস য়ামখৎলকপগা লোয়ননা ঙসিদগী পুদুচেরী য়ু.তি.গী য়ানমদা নুমিৎ ৩নিগী তোতেল লোকদাউন থমখ্রে অমসুং য়ু.তি. অসিদা লাকখিবা অপুনবা কেস ২৬৮গী মনুংদগী য়ানমদা এক্তিব কেস ১১৩ লৈরি। লায়চৎ থোক্লবসু রাজ্যসিগী শেন্মিৎলোন অসিনা লৈবাক্কী চাংচত্তগী হেন্না শাহৌ লৌরি। মীওই লৈখিদবা খুদিংমক য়েংশিন্দুনা কোবিদ-১৯গী ফেতেলিতী হন্থহন্নবা মিৎয়েং থম্লি। ঙরাং অনৌবা কেস ৫৮৮৩, নাবা ফবা ৫০৪৩ অমসুং মীওই ১১৮ লৈখিদবগী পাউ লাকখি। অপুনবা কোবিদ-১৯ কেস-২৯০৯০৭, এক্তিব কেস-৫৩৪৮১, লৈখিদবা-৪৮০৮ শুরে। চেন্নইগী অপুনবা এক্তিব কেস-১১৭৩৪নি।
• করনাতকাঃ মেদিকেল এজুকেসন মন্ত্রীনা বেঙ্গালোরগী রাজাজিনগরদা লৈবা ই.এস.আই. হোস্পিতালদা কোবিদ-১৯গী অনাবশিংগী লৈখিদবগী চাং য়াম্না ৱাংলিবা অসিগী মরমদা য়েংশিন্ননবা কম্মিত্তী অমা শেম্লগনি হায়খ্রে। থাংজ নুমিত্তা মীওই ৯৩ লৈখিদবগী পাউ লাকখিবদগী রাজ্যসিগী অপুনবা লৈখিদবা মশিং অসি ৩০০০ হেনখ্রে। রাজ্যসিদা নোঙমদা কেস মশিং খ্বাইদগী য়াম্না লাকখিবসি ঙরাং ওইদুনা অনৌবা কেস ৭১৭৮ লাকখি। মসিদগী ২৬৬৫দি বেঙ্গালোর শহরদগীনি। রাজ্যগী অপুনবা কেস মশিং-১৭২১০২; এক্তিব কেস-৭৯৭৬৫; অপুনবা লৈখিদবা-৩০৯১ অমসুং দিসচার্জ-৮৯২৩৮নি।
• আন্ধ্র প্রদেশঃ এ.পি.গী হেলথ মন্ত্রীনা বিজয়ৱারাদা অঙনবা অয়ুক্তা মৈ চাকপগী থৌদোক্তা কোবিদ-১৯গী অনাবা ১০ লৈখিদবগী মরী লৈননা স্বারনা পেলেস হোতেল অমসুং রমেশ হোস্পিতালগী মেনেজমেন্তশিংগী মথক্তা কেস অমা রেজিস্তর তৌখ্রে। হোতেল অসি লীজতা লৌদুনা কোরোনা ভাইরসকী অনাবশিং লায়েংনবা হায়দুনা কোবিদ-১৯ কেয়র সেন্তর ওইনা ওন্থোকখিবনি। থৌদোক অসি থোকখিবা মতমদা কোবিদ-১৯গী অনাবা ৩১ লায়েংদুনা লৈরিবনি হায়না হকশেল মন্ত্রীনা হায়খি। লৈখিদ্রবা মীওইশিংগী ইমুং মনুংদা খেতি পুরোন ওইনা লুপা লাখ ৫০ পীরগনি হায়না সি.এম.না লাউথোকখ্রে। তি.তি.দি. একজেক্যুতিব ওফিসার অমগী মতুং ইন্না তি.তি.দি.গী থৌমী ৭৪৩দি কোবিদ-১৯না নারে হায়খ্রে। মখোয়শিংদুগী মরক্তগী ৪০২দি নাবা ফরবা তুংদা দিসচার্জ তৌখ্রে অমসুং লেমহৌরিবশিং অদুনা শহরগী তোঙান তোঙানবা হোস্পিতালশিংদা লায়েংলি হায়রি।
• তেলাঙ্গানাঃ গ্রেতর হায়দ্রবাদ ম্যুনিসিপাল কোরপোরেসন (জি.ঐচ.এম.সি.) এপ্রিল ২৬কী মতুংদা অহানবা ওইনা লোঙমদা কেস ৫০০দগী তাথনা লাকখ্রে। হৌখিবা পুং ২৪দা রাজ্যসিদা অনৌবা কেস ১৯৮২, নাবা ফবা ১৬৬৯ অমসুং মীওই ১২ লৈখিদবগী পাউ লাকখি। অনৌবা কেসশিং অসিগী মনুংদগী ৪৬৩দি জি.ঐচ.এম.সি.দগীনি। অপুনবা কেস-৭৯৪৯৫, এক্তিব কেস-২২৮৬৯, লৈখিদবা-৬২৭ অমসুং দিসচার্জ তৌখিবা-৫৫৯৯৯নি।
• অসমঃ রাজ্যসিগী ওইনা জুলাই ১৬তগী ওগস্ত ৮ ফাওবগী ওইনা কোবিদ-১৯ পোজিতিব ওইবগী চাং অসি ১৮%দগী ৪.৫%দা হন্থরে। নোঙমদা পোজিতিব ওইবগী চাংসু হন্থরক্লি হায়না রাজ্যগী হকশেল মন্ত্রী শ্রী হিমন্তা বিস্বা শর্মনা ত্বীত তৌখ্রে।
• মনিপুরঃ “কোবিদ-১৯ অমসুং য়েলহৌমীগী নিংহন্নবা লৈতবা” হায়বা হীরমগা লোয়ননা ঙসি রাজ্যসিগী উখ্রুলদা ২৬শুবা মালেমগী য়েলহৌমীগী নুমিৎ পাঙথোকখ্রে।
• মিজোরমঃ ৮/৮/২০২০দগী ৯/৮/২০২০গী অয়ুক্কী পুং ১১ ফাওবদা রাজ্যসিদা অনৌবা মীওই ৪৩ কোবিদ-১৯ পোজিতিব ওইখি। রাজ্যসিগী কোবিদকী অপুনবা মশিং অসি এক্তিব কেস ৩১২ অমসুং নাবা ফখ্রবা কেস ২৯৬ লৈদুনা ৬০৮ য়ৌখ্রে।
• নাগালেন্দঃ রাজ্যসিদা সেম্পল ৮০০ তেস্ত তৌবদা ঙসি অনৌবা পোজিতিব কেস ৯৩ লাকখি। মখোয়শিং অসি দিমাপুরদগী ৬২, কোহিমাদগী ২০, পেরেন্দগী ৮, মোন্দগী ২ অমসুং জুনহেবোতোদগী ১নি।
• সিক্কিমঃ ঙসি রাজ্যসিদা কোবিদ-১৯গী অনৌবা কেস ৬ লাকখি। ঙসি ফাওবদা কেস ৪৯৪ নাবা ফদুনা দিসচার্জ তৌখ্রে। অপুনবা এক্তিব কেস ৩৭১ লৈরি।

ফেক্তচেক

************