दिल्ली-मुंबई, 9 ऑगस्ट 2020

(कोविड-19 संबंधी पत्र सूचना कार्यालयाद्वारे जारी बातम्‍या आणि सत्‍यता पडताळणी बातम्‍या समाविष्‍ट)

• पंतप्रधान नरेंद्र मोदी यांनी आज 1 लाख कोटी रुपयांच्या कृषी पायाभूत विकास निधी अंतर्गत वित्तपुरवठा सुविधेच्या केंद्रीय क्षेत्र योजनेचा शुभारंभ केला. ही योजना शेतकरी, प्राथमिक कृषी पत संस्था (पीएसीएस ), शेतकरी उत्पादक संघ (एफपीओ), कृषी-उद्योजक इत्यादींना सामुदायिक शेतीची मालमत्ता आणि कापणीनंतरची कृषी पायाभूत सुविधा उभारण्यात मदत करेल. या मालमत्तांमुळे शेतकऱ्यांना त्यांच्या उत्पादनांना अधिक मूल्य मिळू शकेल कारण ते शेतमालाचा साथ करून वाढीव दराने विक्री करू शकतील, नासाडी कमी होईल आणि प्रक्रिया वाढेल तसेच मूल्यवर्धन होईल.

• विजयवाडा येथील कोविड केंद्रातील आगीमुळे झालेल्या जीवितहानीबद्दल पंतप्रधान श्री नरेंद्र मोदी यांनी शोक व्यक्त केला आहे.

आरोग्य मंत्रालयाची कोविड-19 घडामोडींवरील माहिती :

1. एक नवीन उच्चांक स्थापन करत , भारताने एकाच दिवसात 7 लाखाहून अधिक चाचण्या केल्या. गेले अनेक दिवस एकाच दिवसात 6 लाखाहून अधिक चाचण्या सुरू ठेवल्यामुळे भारताच्या चाचण्यांची संख्या झपाट्याने वाढत आहे. गेल्या 24 तासांत 7,19,364 चाचण्या घेण्यात आल्या. अशा सर्वाधिक चाचण्यामुळे दररोज बाधित रुग्ण आढळण्याची संख्याही झपाट्याने वाढेल. मात्र राज्यांना व्यापक शोध मोहीम, त्वरित अलगीकरण आणि प्रभावी उपचारांवर भर देतानाच टेस्ट, ट्रॅक , ट्रीट या केंद्र-प्रणित रणनीतीचा अवलंब करण्याचा सल्ला देण्यात आला आहे. गेल्या आठवड्यात ज्या राज्यांमध्ये मृत्यूचे प्रमाण जास्त आहे अशा राज्यांबरोबर अनेक बैठका घेण्यात आल्या आहेत. अशा भरीव कामगिरीचे परिणाम दिसायला सुरुवात झाली आहे आणि रुग्ण बरे होण्याचे प्रमाणही झपाट्याने वाढत आहे . काल एका दिवसात सर्वाधिक 53,879 कोविड रुग्ण बरे होऊन घरी परतले. याबरोबरच बरे झालेल्या एकूण रुग्णांची संख्या 14,80,884 वर पोहोचली आहे. उपचार सुरु असलेल्या सक्रिय रुग्णांच्या संख्येपेक्षा बरे झालेल्या रुग्णांची संख्या दुपटीपेक्षा जास्त आहे (आज 6,28,747) बरे झालेल्या रुग्णांची संख्या सक्रिय रुग्णांच्या 2.36 पटीने अधिक असून हा नवा उच्चांक आहे. सक्रिय रुग्ण घरी अलगीकरणात किंवा रुग्णालयात वैद्यकीय उपचार घेत आहेत.

इतर अपडेट्स:

•  पंतप्रधान नरेंद्र मोदी यांच्या आत्मनिर्भर भारत मोहिमेच्या आवाहनाची दखल घेत सैन्य व्यवहार विभाग (डीएमए) आणि संरक्षण मंत्रालयाने (एमओडी) संरक्षण विषयक 101 सामग्रींची यादी तयार केली असून परिशिष्ठामध्ये दिलेल्या मुदतीनंतर त्यासाठी आयातीवर बंदी घालण्यात येणार आहे. संरक्षण क्षेत्रात आत्मनिर्भर होण्याच्या दृष्टीने हे सर्वांत मोठे पाऊल आहे. भारतीय संरक्षण उद्योगाला स्वतःच्या डिझाइनचा उपयोग करून बंदी असलेल्या सामग्रीच्या यादीमध्ये वस्तू तयार करण्यासाठी आणि क्षमतांचा विकास करण्याची किंवा संरक्षण संशोधन आणि विकास संघटनेद्वारे (डीआरडीओ) डिझाइन केलेले आणि विकसित केलेल्या तंत्रज्ञानाचा अवलंब करण्याची संधी निर्माण होईल, यातून येत्या काही वर्षांत सशस्त्र सैन्याच्या गरजा भागविता येतील.

•  केंद्रीय वाणिज्य , उद्योग आणि रेल्वे मंत्री पीयूष गोयल यांनी आत्मनिर्भर भारत अभियानाच्या दिशेने पूर्णपणे योगदान देण्याचे आवाहन व्यापारी समुदायाला केले आहे. राष्ट्रीय व्यापारी ’दिनानिमित्त आज नवी दिल्लीत आभासी संवादाच्या माध्यमातून व्यापारी बंधूंशी बोलताना ते म्हणाले की, लोकांनी 'मेक इन इंडिया' म्हणजे भारतात निर्मित वस्तू खरेदी करावी यासाठी त्यांनी ग्राहक जागरूकता मोहीम हाती घ्यायला सांगितले. मित्र नसलेल्या देशांमधून कमी दर्जाच्या वस्तूंची आयात करण्याकडे कल असलेल्या अप्रामाणिक व्यापारी आणि व्यावसायिकांना सर्वांसमोर आणण्यासाठी व्हिसल ब्लोअर म्हणून काम करण्याचे आवाहन केले.

• एनसीओई, बेंगळुरु येथील पाच हॉकी खेळाडू 7 ऑगस्ट रोजी केलेल्या चाचणीत पॉझिटीव्ह आढळून आले होते, आता त्यांची प्रकृती उत्तम आहे. भारतीय क्रीडा प्राधिकरणाचे डॉक्टर आणि राज्य सरकारने नियुक्त केलेले एक डॉक्टर त्यांच्यावर उपचार करत आहेत. तसेच मणिपाल रुग्णालयांच्या तज्ज्ञ डॉक्टरांचेही या खेळांडूवर लक्ष आहे. राज्य सरकारने नियुक्त केलेले डॉक्टर अविनाश एच. आर यांनी सांगितले की, “पाचही खेळाडूंचे तापमान, ऑक्सिजन पातळी नियमितपणे तपासली जात आहे, सर्वांमध्ये सौम्य लक्षणे दिसून आली आहेत.

महाराष्ट्र अपडेट्स :

मुंबईनजीकच्या रायगड जिल्ह्यातील पेण उत्कृष्ट गणेशमूर्तींसाठी प्रसिद्ध आहे. मात्र, कोविड संक्रमण आणि टाळेबंदीचा मुर्ती कारागिरांना फटका बसला आहे. मुर्तींची स्थानिक मागणी 40% आणि निर्यात मागणी 60% नी कमी झाल्याचे कारागिरांनी सांगितले. तथापी, महाराष्ट्रात कोविड रुग्णसंख्येने 5 लाखांचा टप्पा गाठला, संख्या 5.03 लाखांवर पोहचली. शनिवारी 12,822 रुग्णांची नोंद झाली.

FACT CHECK

***

B.Gokhale/ S.Thakur/P.Kor

***

सोशल मिडियावर आम्हाला फॉलो करा@PIBMumbai    /PIBMumbai    /pibmumbai  pibmumbai[at]gmail[dot]com