প্রধান মন্ত্রী শ্রী নেন্দ্র মোদীনা লৈবাক মীয়ামদা মে ১২, ২০২০দা পীখিবা ৱারোলদা ভারতনা য়ুম্বী মঙাদা মদুদি ইকোনোমী, ইনফ্রাস্ত্রকচর, সিস্তেম, দেমোগ্রাফী অমসুং দিমান্দদা য়ুম্ফম ওইরগা মরোমদোম লেপনবা হায়খি অমসুং ভারতনা মরোমদোম চেপনবা ‘অত্মানির্ভার ভারত’ কৌবা অখন্নবা ইকোনোমিক পেকেজ অমা লাউথোকখি। ৱাফম অসিগী মতুং ইন্না মিলিতরী এফিয়র্স বিভাগ (দি.এম.এ.), ঙাকশেল মন্ত্রালয়না (এম.ও.দি.) পোৎলম ১০১গী লিস্ত অমা শেমখ্রে, মসিদা হাপলিবা এনেকচর অসিগী মতুং ইন্না মখোয়না পোৎ পুশিল্লকপগী পীরিবা মতমদগী হেল্লগা পুশিল্লকপদা অথিংবা থম্লগনি।

মসি ঙাকশেলগী ওইনা মরোমদোম লেপচনবগী অচৌবা খোঙথাং অমনি। মসিনা ভারতকী দিফেন্স ইন্দস্ত্রীনা তানফম অসিদা নেগেতিব লিস্ততা য়াওবা পোৎলমশিং মখোয়গী মশাগী দিজাইন অমসুং পুথোকপা ঙম্বশিং শীজিন্নদুনা নত্রগা দিফেন্স রিসর্চ এন্দ দিবেলপমেন্ত ওর্গনাইজেসন (দি.আর.দি.ও.)না দেজাইন অমদি দিবেলপ তৌবা তেক্নোলোজীশিং শীজিন্নদুনা তুংদা লাক্কদৌরিবা চহিশিং অসিদা আর্ম ফোর্সশিংগী মথৌ তাবশিং ফংহনবা ঙম্নবা পুথোক্নবা হোৎনবদা অচৌবা খুদোংচাবা অমসু পীরি।

আর্মী, এয়র ফোর্স, নেভী, দি.আর.দি.ও., দেফেন্স সেক্তর অন্দর্তেকিংশিং (দি.পি.এস.য়ু.শিং), ওর্দিনান্স ফেক্তরী বোর্দ (ও.এফ.বি.) অমসুং লনাই ইন্দস্ত্রী য়াওবা স্তেকহোল্দর পুম্নমক্কা লোয়ননা ভারত মনুংদা তোঙান তোঙানবা এম্ম্যুনিসন/খুলাইশিং/প্লেৎফোর্মশিং/ইক্বিপমেন্ত ভারতকী ইন্দস্ত্রীনা হৌজিক অমসুং তুংদা শাবা ঙমগদ্রা হায়না থেংখাং কয়া খন্নরবা মতুংদা লিস্ত অসি এম.ও.দি.না শেমখিবনি।

এপ্রিল ২০১৫ অমসুং ওগস্ত ২০২০গী মনুংদা ত্রাই-সর্ভিসেসনা অসিগুম্বা পোৎলমশিংগী স্কিম ২৬০ রোমগী লুপা কোতি লাখ ৩.৫রোম ওইগদবা কন্ত্রেক তৌখি। পোৎলম ১০১ পুশিল্লকপদা নৌনা অথিংবা থমখিবগা লোয়ননা, লাক্কদৌরিবা চহি মঙাদগী তরেৎ ফাওবদা লৈবাক অসিগী ইন্দস্ত্রীদা লুপা কোতি লাখ মরিগী কন্ত্রেক্তশিং পীরবা য়াই হায়না পান্নরি। হায়রিবা মতম অসিদা, পোৎলমশিংগী মনুংদা লুপা কোতি ১,৩০,০০০রোমগী পোৎলম অনি আর্মীগী অমা অমসুং এয়র ফোর্সকী অমা ওইরবা য়াই পান্নরি অমরোমদা লুপা কোতি ১,৪০,০০০রোমগী পোৎলমশিংনা নেভীগী ওইরবা য়াই।

অথিংবা থমখ্রবা পোৎলম ১০১দা ইচম চম্বা পার্তশিং খক নত্তনা আর্তিলেরী গনশিং, এসোল্ত রাইফলশিং, কোর্বেত্তশিং, সোনর সিস্তেমশিং, ত্রান্সপোর্ত এয়রক্রাফশিং, লাইৎ কোম্বেৎ হেলিকোপ্তরশিং (এল.সি.ঐচ.শিং), রাদরশিং য়াওনা হাই তেক্নোলোজী ৱিপন সিস্তেম খরা অমসুং ঐখোয়গী দিফেন্স সর্ভিসশিংগী মথৌ তাবশিং ফংহন্নবা অতোপ্পা  পোৎলম কয়া য়াওরি। লোয়ননা পুশিল্লকপা থিংবগী তাং দেসেম্বর ২০২১ ওইদুনা লিস্ত অসিদা চকা পানবা অর্মোর্দ ফাইতিং ভেহিকলশিংসু (এ.এফ.ভি.) য়াওরি, মসিদা আর্মীনা লুপা কোতি ৫,০০০গী মথক ওইগদবা কন্ত্রেক্ত ২০০ ওইরবা য়ানা লৈ। মসিগা মান্নবা মওংদা, নেভীনা পুশিল্লকপা থিংবগী তাং দেসেম্বর ২০২১ ওইদুনা সবমেরিনশিংগী দিমান্দ তৌগদৌরি, মসিদা লুপা কোতি ৪২,০০০ ওইগদবা কন্ত্রেক্ত তরুক ওইরবা য়াই। এয়র ফোর্সকী ওইনা অথিংবা থম্বগী তাং দেসেম্বর ২০২০ ওইবগা লোয়ননা লাইৎ কোম্বেৎ এয়রক্রাফ এল.সি.এ. এম.কে. ১এ হাপনবা ৱারেপ লৌখ্রে। মসিগী মনুংদা লুপা কোতি ৮৫,০০০গী মথক ওইগদবা ১২৩ লৈরবা য়াই। অসুম্না, পোৎলম ১০১গী লিস্ত অসিদা য়াম্না অরুবা প্লেৎফোর্মশিং য়াওরি, খুদম অহুমগী অকুপ্পা ৱারোলশিং মথক্তা থমখ্রে।

মপালদগী পোৎ পুশিল্লকপদা অথিংবা থম্বা অসি লেপ্তনা ২০২০দগী ২০২৪গী মনুংদা ইমপ্লিমেন্ত তৌনবা থৌরাং তৌরি। লিস্ত অসি শেম্বগী নুংগী ওইবা পান্দমদি ভারতকী দেফেন্স ইন্দস্ত্রীনা আর্ম ফোর্সশিংনা মথৌ তারিবা অদু খঙহন্নবনি, অসুম তৌদুনা মখোয়না  ইন্দিজেনাইজেসনগী পান্দম ফংবা হেন্না ঙমহনগনি। এম.ও.দি.না দেফেন্স প্রদক্সনগী মতেংনা ‘ইজ ওফ দুইং বিজিনেস’ থৌগৎনবা অমসুং খুদোংচাবা পীনবা চাউখৎ থৌরাং কয়া লৌখৎলি। নেগেতিব ইমপোর্ত লিস্তকী মতুং ইন্না ইক্বিপমেন্তশিং অসিগী পুথোকপগী মতম ফংহন্নবা মথৌ তাবা খোঙথাং পুম্নমক লৌখৎকদবনি, মসিদা দিফেন্স সর্ভিসশিংনা ইন্দস্ত্রীবু লমজিংদুনা পুন্না হোৎনবা য়াওগনি।

অসিগুম্বা ইক্বিপমেন্ত অসি মপানদগী পুশিল্লকপদা অথিংবা থম্নবা স্তেকহোল্দর পুম্নমক্কা লোয়ননা খন্নদুনা দি.এম.এ.না লেপ্তনা খঙদোক্কনি।

মসিগী মতাংদা দিফেন্স এক্বিজিসন প্রোসিদ্যুর (দি.এ.পি.)দনা খঙজিন্দুনা তুংদা নেগেতিব লিস্ততা য়াওবা পোৎ পুশিল্লক্তনবা হোৎনগনি।

অতোপ্পা মরী লৈনবা খোঙথাং অমদি, এম.ও.দি.না ২০২০-২১গী কেপিতেল প্রোক্যুর্মেন্ত বজেৎতা দোমেস্তিক অমসুং ফোরেন কেপিতেল প্রোক্যুর্মেন্তগী লম্বীশিং খায়দোক্কনি। চৎলিবা শেনবা চহি অসিদা লুপা কোতি ৫২,০০০গী দোমেস্তিক কেপিতেল প্রোক্যুর্মেন্তগী তোঙানবা বজেৎ হেদ অমা শেমখ্রে।

দিফেন্স খুশু খুলাইশিং/প্লেৎফোর্মশিংগী পুশিল্লকপদা অথিংবা থমখ্রবা লিস্ত

*****