ঙসিদগী শ্রী গিরিস চন্দ্র মুর্মুনা ভারতকী কম্পত্রোল্লর অমসুং ওদিতর জেনেরেলগী ওফিস পায়খ্রে। মহাক গুজরাত কেদর (১৯৮৫ বেতচ)গী আই.এ.এস.নি। ইরাই নুমিৎতা ওফিস থাদোকখ্রবা রজিব মেহরিসিগী মহুৎ মুরমুনা শীনখিবনি। মসিগী মমাংদা মুরমু য়ুনিয়ন তেরিতোরি জম্মু অমসুং কাস্মিরগী অহানবা লেপ্তনেন্ত গভর্নর ওইরমখি।

ঙসি অয়ুক রাস্ত্রপতি ভাবন্দা্ পাংথোকপা থৌরম অমদা রাস্ত্রপতি রাম নাথ কোবিন্দনা মুরমু ওফিস পায়বা অমসুং অরোনবা ঙাকপগী ৱাশক লৌখি। থৌরম অদুদা উপ-রাস্ত্রপতি এম.ভেনকিয়া নাইদু, প্রধান মন্ত্রী নরেন্দ্র মোদী, ফাইনান্স মিনিস্তর শ্রীমতি নিরমালা সিতারমন, হান্নগী সি.এ.জি রজিব মেহরিসি শরুক য়াখি।

ৱাশক লৌরবা মতুংদা, মুরমু সি.এ.জি ওফিসতা লাকখি অমসুং মফম অদুদা মহাক ইন্দিয়ান ওদিৎ এন্দ একাউন্তস দিপার্তমেন্তগী সেনিয়র ওফিসারশিংনা তরাম্না ওকখি। মহাক্না সি.এ.জি ওফিসতা লৈবা মহাত্মা গান্ধী অমসুং বি.আর অম্বেকারগী মীতমশিংদা লৈ কৎতুনা ইকায়খুম্বা উৎখি।

জে অমসুং কেদা চৎত্রিঙৈ মমাংদা, মুরমুনা এক্সপেন্দিচর দিপার্তমেন্তদা জোইন্ত সেক্রেতরি ওইনা, ফাইনান্সিএল সর্বিসেস অমসুং রেভিনিউ দিপার্তমেন্তদা এদিসনেল সেক্রেতরি ওইনা অমসুং দিপার্তমেন্ত ওফ এক্সপেন্দিচরদা স্পিসিএল সেক্রেতরিদগী মপুংফাবা সেক্রেতরি ওইনা ফম পায়রমখি। মহাক্না দিল্লিদা লাক্ত্রিঙৈ মমাংদা, মুরমুনা গুজরাত সরকারগী মরুওইবা থবক কয়া পাংথোক্লমখি। মহাক লৈবাক ঙাকপা, শেন-থুম অমসুং ইনফ্রাস্ত্রকচরগী লমদা য়াম্না খঙলবা অমনি।

*****