প্রধান মন্ত্রী শ্রী নরেন্দ্র মোদীনা হায়র এজুকেসনগী কনক্লেভতা থৌরম হৌদোকপগী ৱারোল পীখ্রে।

নেস্নেল এজুকেসন পোলিসী অসি চহি ৩-৪ হেন্না কুপ্না খন্নরবা মতুং অমসুং পাউতাক লাখ-লাখকী মথক্তা লৌশিল্লবা মতুংদা  অয়াবা পীখিবনি হায়না পি.এম.না থমখি। লৈবাক শিনবা থুংনা নেস্নেল এজুকেসন পোলিসীগী মতাংদা অফবা দেবেৎ অমসুং খন্ন ন্নৈনবা কয়া পাঙথোকখি।

জাতিগী কান্নবশিং অমসুং জাতিগী পান্দমশিংদা মীৎয়েং থমদুনা নহাশিং তুংগীদমক শেম-শানবা নেস্নেল এজুকেসন পোলিসীনা পান্দম থম্লি।

শ্রী নরেন্দ্র মোদীনা হায় পোলিসী অসিনা অনৌবা ভারত, ২১শুবা চহিচাগী ভারত, ভারত মপাঙ্গল কনখৎনবা নহাশিংগী এজুকেসন অমসুং স্কিল পীবদা, চাউখৎপগী অৱাংবা থাক্তা পুখৎপা অমসুং মখা তানা ভারতকী প্রজাশিংবু মখোয়গা চান্নবা খুদোংচাবা খ্বাইদগী য়াম্না ফংহন্নবা য়ুম্বী ওইরগনি।

প্রধান মন্ত্রীনা হায় চহি কয়া ঐখোয়গী এজুকেসনগী সিস্তেম অসি অহোংবা লৈতনা লৈরি মসিনা অহোনা কয়া লৈহন্দুনা মীয়াম্না দোক্তর, ইঞ্জিনীয়র নত্রগা উকিল অমা ওইহনবা খক্তদা মীৎয়েং থমখি। মহাক্না হায় অপাম্বা, তৌবা ঙম্বা অমসুং মথৌ তারিবা অসিদা য়েংশিল্লুদে।

প্রধান মন্ত্রীনা ঐখোয়গী এজুকেসনদা , এজুকেসনগী ফিলোসোফীদা, এজুকেসনগী কান্নবদা পুক্নিং চংদ্রবদি নহাশিংদা কান্নবা ৱাখল্লোন অমসুং অনৌবা ৱাখল্লোন করম্না পোকহনগনি হায়না ৱাহং হংখি।

 প্রধান মন্ত্রীনা হায় নেস্নেল এজুকেসন পোলিসী অসিনা গুরু রবিন্দ্রনাথকী এজুকেসনদা লৈরম্বা ৱাখল্লোন অদু য়াওরি, মহাক্কী পান্দমদি লৈরিবা মীওইবশিংগী মরক্তা শন্তি লৈনবা হিংমিন্নবনি। মহাক্না হায়, নেস্নেল এজুকেসন পোলিসী অসি মায় পাকপা ঙম্নবা অপুনবগী ওইবা খোঙথাং অমা মথৌ তাই।

মহাক্না হায় পোলিসী অসি ৱাখলদা অচৌবা ৱাহং অনি হংদুনা শেমখিবনি: ঐখোয়গী এজুকেসন সিস্তেম অসিনা ঐখোয়গী নহাশিংদা হৈশিংবা, খঙনিংবা অমসুং কত্থোকপদা য়ুম্ফম ওইবা পুন্সি অমা হিংনবগী ইথিল পীবরা? অমসুং ঐখোয়গী এজুকেসন সিস্তেমনা ঐখোয়গী নহাশিংবু থোগৎপরা, মসিনা লৈবাক অসিদা অফবা খুন্নাই অমা শেমবদা মতেং পাংবরা? মসিনা মহাক্না হায় নেস্নেল এজুকেসন পোলিসী অসিনা হায়রিবা সমস্যাশিং অসি য়েংশিনগনি খনবদা অপেনবা ফোঙদোকখি।

প্রধান মন্ত্রীনা হায় ভারতকী এজুকেসন সিস্তেম অসি মতমগী মতুং ইন্না অহোংবা পুরকপা মথৌ তাই। ৫+৩+৩+৪গী করিকুলম অসিগী অনৌবা মওং অসি মায়কৈ অসিদা চংশিল্লিবা খোঙথাং অমনি হায়না মহাক্না মখা তাখি। মহাক্না হায় ঐখোয়গী মহৈরোয়শিংনা গ্লোবেল সিতিজেনশিং ওইবা ঙম্নবা অমসুং হৌরকফম কাওহল্লোইদবনি।

পি.এম.না হায় অনৌবা এজুকেসন পোলিসী অসিনা ‘করম্না খনগনি’ হায়বদা মীৎয়েং থম্লি। ৱাহং হংবদা য়ুম্ফম ওইবা, খঙনিংবদা য়ুম্ফম ওইবা অমসুং এনালাইসিস্তা য়ুম্ফম ওইবা অঙাংশিংগী মহৈ তম্বগী পাম্বৈশিংদা মীৎয়েং থম্বনা মখোয়না ক্লাসশিংদা হৈনিংবা অমসুং শরুক য়ানিংবা হেনগৎহনগনি হায়না মহাক্না ফোঙদোকখি।

পি.এম.না হায়খি মহৈরোয় খুদিংমক্না মখোয়না পামজবা অদু ইন্দুনা চৎনবা খুদোংচাবা অদু ফংফম থোকই। মহৈরোয় অমনা মহাক্কী কোর্স অমা লোয়রগা থবক অমা থিবা চৎপা মতমদা মহাক্না তমলুরিবা অদু থবক অদুদা কান্নফম খঙদবা কয়া তোয়না থোক্লি। মহাক্না মহৈরোয় কয়ানা কোর্স থাদোকখিবসু য়াওই। অসিগুম্বা মহৈরোয় পুম্নমক্কী মথৌ তাবা অদু ফংহন্নবা অনৌবা এজুকেসন পোলিসী অসিদা মখল কয়াগী এন্ত্রী-একজিৎকী খুদোংচাবা ফংহল্লি হায়না মহাক্না ফোঙদোকখি।

পি.এম.না হায় অনৌবা এজুকেসন পোলিসী অসিনা ক্রেদিৎ বেঙ্ক অমা পীরি মসিনা মহৈরোয়শিংনা কোর্স অমা মরক্তা তোকপা য়াহনগনি অমসুং মখোয়না কোসর্শিং অদু অমুক হন্না তমগে খল্লকপা মতমদা মসি মখোয়না তুংদা শীজিন্নবা য়াগনি। মহাক্না হায় ঐখোয়না অনৌবা চহিচা অমদা চংশিল্লি মসিদা মীওই অমনা লেপ্তনা স্কিল হেনগৎহনবা অমসুং মশাদা স্কিল লৈহনবা য়ারগনি।

পি.এম.না হায় লৈবাক অমগী চাউখৎ থৌরাংদা খুন্নাই অসিগী শরুক খুদিংমক্কী থাক অসিনা অচৌবা  থৌদাং অমা লৌরি। মরম অসিনা নেস্নেল এজুকেসন পোলিসী অসিদা মহৈরোয়শিংগী এজুকেসন অমসুং শিন্মীগী থাক্তা মীৎয়েং কয়া চংলি।

পি.এম.না হায় ভারতনা মালেম পুম্বদা তেলেন্ত অমসুং তেক্নোলোজীগী সোলুসনশিং পীবা ঙম্লি অমসুং নেস্নেল এজুকেসন পোলিসী অসিনা থৌদাং অসি লৌদুনা, তেক্নোলোজীদা য়ুম্ফম ওইবা কন্তেন্ত অমসুং কোর্সশিং দিবেলপ তৌনবা পান্দম থম্লি। মহাক্না হায় ভর্চ্যূল লেবশিংগী ৱাখল্লোনশিং অসিনা লেব এক্সপিরিমেন্ত মথৌ তাবা সবজেক্তশিং পাবা থোক্লমদবা মহৈরোয় মিলিয়ন কয়াদা এজুকেসন পীবদা ফগৎহল্লগনি। নেস্নেল এজিকেসন পোলিসী অসিনা লৈবাক অসিগী রিসর্চ অমসুং এজুকেসনগী মরক্তা লৈবা অহোবা অদু মত্থৎপদা মরু ওইবা থৌদাং অমা লৌরগনি।

পি.এম.না হায় মসিগী অহোংবশিং অসি লোয়শঙশিং অমসুং ইনফ্রাস্ত্রকচরদা পুরক্লবা মতমদা নেস্নেল এজুকেসন পোলিসী অসি ইমপ্লিমেন্ত তৌবা ঙমগনি হায়না পি.এম.না হায়খি। মহাক্না হায় হৌজিক খ্বাইদগী মরু ওইরিবা অসি খুন্নাইদা ইন্নোবেসনগী কান্নবা অসি খঙহনবা অসিনি অমসুং মসি ঐখোয়গী লৈবাক্কী লোয়শঙশিংদগী হৌগদবনি।

প্রধান মন্ত্রীনা হায়খি মদুদি ওতোনোমীগী খুত্থাংদা হায়র এজুকেসনগী লোয়শঙশিং ফগৎহনবা মথৌ তাই। মহাক্না ওতোনোমীগী মতাংদা ৱাখল্লোন খেৎনবা মখল অনি লৈ। অমনা হায় পুম্নমক সরকারগী কন্ত্রোল মখাদা চেকশিন্না লৌখৎকদবনি, অমরোমদা অমনা হায়রি লোয়শঙ পুম্নমক ওতোনোমী ওইহনগদবনি। মআক্না হায় অহানবা ওপ্সন অসি সরকারগী নত্তবা লোয়শঙশিংদা থাজদবদগী লাকপনি অমরোমদা অনিশুবা এপ্রোচতা ওতোনোমী হায়বা অসি শকতাক্নবা ওইনা লৌই। মহাক্না হায় অফবা ক্বালিতী এজুকেসন অসি ৱাখল্লোন ২ অসিগী মরক্তা লৈরি।

মহাক্না ক্বালিতী লৈবা এজুকেসনগীদমক থবক তৌরিবা লোয়শঙদা মনা পীবা হেনগৎপগী অপাম্বা ফোঙদোকখি। মসিনা ক্বালিতী লৈহনবদা থৌগৎকনি অমসুং মীপুম খুদিংদা ফগৎনবা মতেং পীগনি। নেস্নেল এজুকেসন পোলিসী লাকপনা এজুকেসনগী ওতোনোমী হেন্না ফগৎলক্লগনি হায়না মহাক্না আশা তৌখি।

লৈবাক অসিগী হান্নগী রাস্ত্রপতী, দা এ.পি.জে. এবদুল কলমনা হায়রম্বা “এজুকেসনগী মথৌ অসি স্কিল অমসুং মহৈগা লোয়ননা অফবা মীওইবা অমা শেম্বা অসিনি। লৌশিংগী মঙাল ফংলবা মীওইবা অসি ওজাশিংনা শেমগনি।” অদু পল্লদুনা

প্রধান মন্ত্রীনা হায় পোলিসী অসিনা অফবা মহৈ মশিং তাকপী তম্বীবগী  সিস্তেম অমা শেমগনি মসিদা ওজাশিংনা অফবা শিনফমশিং অমসুং অফবা প্রজশিং পুথোকপা ঙমহন্নবা মীৎয়ৈং থম্লি। নেস্নেল এজুকেসন পোলিসী অসিদা ওজাশিং ত্রেনিং পীবদা অচৌবা মীৎয়েং চংলি, মখোয়না লেপ্তনা মখোয়গী স্কিলশিং হেনগৎহল্লি, মসিদা মীৎয়েং কয়া চংলগনি।

পি.এম.না মীয়ামদা নেস্নেল এজুকেসন পোলিসী অসি ইমপ্লিমেন্ত তৌনবা পুন্না হোৎনসি হায়খি। মহাক্না হায়খি মসিদগী হৌদুনা য়ুনিভর্সিতীশিং, কোলেজশিং, স্কুল এজুকেসন বোর্দশিংগা লোয়ননা তোঙান তোঙানবা রাজ্যশীং, তোঙান তোঙানবা স্তেকহোল্দরশিংগা দাইলোগশিং মথং মথং হৌরগনি। মহাক্না নেস্নেল এজুকেসন পোলিসী অসিগী ৱেবিনার লেপ্তনা তৌদুনা খন্ন-ন্নৈনবা হায়খি। কনক্লেভ অসিদা নেস্নেল এজুকেসন পোলিসী মপুং ফানা ইমপ্লিমেন্ত তৌবগী মতাংদা অফবা পাউতাকশিং, কান্নবা সোলুসনশিং ফংগনি হায়বগী মহাক্না থাজবা থম্লি হায়না ফোঙদোকখি।

******