দেবলালিদগী ধানাপুর ফাওবা চেনবা অহানবা “কিসান রেল” ঙসি দেবলালিদগী ভারত রেলৱেজনা লমথাখ্রে। ভিদিও কনফরেন্সকী খুৎথাংদা ত্রেন অদু এগ্রিকলচর অমসুং ফামরস ৱেলফিয়ার, রুরেল দিবলপমেন্ত অমসুং পঞ্জয়াতি রাজগী য়ুনিয়ন মিনিস্তর নরেন্দ্র সিংহ তোমার অমসুং রেলৱেজ অমসুং কমর্স অমসুং ইন্দস্ত্রিগী য়ুনিয়ন মিনিস্তর পিয়ুস গোয়ালনা লমথাখি।

থৌরম অদুদা রেলৱেজগী রাজ্য মন্ত্রী সুরেস সি অঙ্গাদি, এগ্রিকলচর অমসুং ফামরস ৱেলফিয়ার অমসুং পঞ্জয়াতি রাজগী রাজ্য মন্ত্রী পারসোত্তাম খোদাবাই রুপালা, এগ্রিকলচর অমসুং ফামরস ৱেলফিয়ারগী রাজ্য মন্ত্রী কাইলাস চৌধুরি, কঞ্জুমর এফেয়ার্স, ফুদ অমসুং পব্লিক দিস্ত্রিবুসনগী রাজ্য মন্ত্রী রাও সাহেব পতিল ধানবে, মহারাস্ত্রা লেজিসলেতিপ এশেমব্লিগী ওপোজিসনগী লুচিংবা দেবেন্দ্র ফাদনাসবিস, মহারাস্ত্রা সরকারগী ফুদ, সিবিল সপ্লাইস অমসুং কঞ্জুমর প্রোতেক্সনগী মিনস্তর ছাগান বুজবাল অমসুং অতৈ শক্নাইরবশিং শরুক য়াখি। 

অহানবা ওইনা ভি.পি ১০+১ য়াওবা ত্রেন অসি চয়োলগী ওইনা চেনগনি। পুং ৩১.৪৫ চঙনা কিলোমিতর ১৫১৯ চেল্লবা মতুংদা ত্রেন অসি হয়েং পুং ১৮.৪৫দা ধানাপুরদা থুংগনি।

থৌরম অদুদা নরেন্দ্র সিংহ তোমারনা হায়খি মসি লৌমীশিংগী মরুওইবা নুমিৎ অমনি। কিসান রেল বজেৎতা লাউথোকখিবনি। লৌউ-শিংউগী পোৎথোকশিং ফজনা য়েন্থোকপা অমসুং শেন ফংবা দরকার ওই। করিগুম্বা শিংনবা নৎত্রগা অৱা-অনা অমতনা মখোয় অপনবা পীবা ঙম্লোই হায়বা ভারতকী লৌমীশিংনা উৎলে। কিসান রেলনা লৌউ-শিংউগী পোৎথোকশিং লৈবাক অসিগী কাচিন অমদগী কাচিন অমা ফাওবা পুগনি। মসিগী ত্রেন অসিনা লৌমীশিং অমসুং পোৎ লৈরিবশিং কান্নবা পীগনি।

লৈবাক শীনবা থুংনা লৌউ-শিংউগী পোৎথোকশিং য়াংনা পুবদা কিসান রেলনা অহোংবা অমা পুরক্লগনি। কোবিদ লাইচৎ মতমদা চানবা মহৈ-মরোংশিং ফংহনবগীদমক শ্রী তোমারনা ভারত রেলৱেজ থাগৎখি।

থৌরম অদুদা পিয়ুস গোয়ালনা হায়খি, লৌমীশিংগী থবক তৌনবা ভারত রেলৱেজনা ত্রেনশিং চেনহল্লে। প্রধান মন্ত্রী নরেন্দ্র মোদীনা লমজিংবদগী ভারত রেলৱেজনা কিসান রেল হৌদোকখিবনি। মসিগী ত্রেন অসিনা লৌমীশিংগী শেন্থোক শরুক অনি হেনগৎহনবা ঙম্লগনি। কোবিদ থেংনবদা ভারত রেলৱেজ অমসুং ভারতকী লৌমীশিং মাংজিল থারি। কোবিদ লাইচৎ মনুংদা চীঞ্জাক পুবা ফ্রেদ শরুক অনি হেনগৎলে। ভারতকী লৌমীশিংগী য়াইফনবা মমাংদা অমুক্তা ওইখিদ্রিবা মওংদা থবক পায়খৎলে। কিসান রেলগী খুৎথাংদা কাস্মিরগী এপ্পলশিং কন্যাকুমারি য়ৌরকপা নুমিৎ অদু য়েংনবা ঐ খৌরাংনা ঙাইরি।

সেন্ত্রেল রেলৱেজগী মথক্তা, বুসাৱাল দিবিজন অসি লৌউ-শিংউদা য়ুম্ফম ওইবা মরুওইবা দিবিজন অমনি। নাসিক অমসুং মসিগী অকোয়বা লমদমশিংদা অতেকপা উহৈ-ৱাহৈশিং, মনা-মশিং, লৈ, তিলহৌ অমসুং অতোপ্পা পৎকন পুমগনবা পোৎথোকশিং ফংলি। হায়রিবা পৎকন পুমগনবা পোৎথোকশিং অসি পাতনা, প্রায়াগ্রাজ, কাতনি, সাতনাদা পুখি।

ত্রেন অসি নাসিক রোদ, মানমাদ, জালগাওন, বুসাৱাল, বুরহানপুর, খান্দৱা, ইতারসি, জবালপুর, সাতনা, মানিকপুর, প্রায়াগ্রাজ, ছেওকি, পন্দিৎ দিনদয়াল উপধ্যা নাগর অমসুং বুজারদা লেপকনি।

অচৌবা স্তেসন অনিগী  মরক্তা লৌগদবা চার্জশিং মখাদা পীরি:

ফ্রেদ পর তন:

কিসান রেল হৌদোক্তুনা লৌমীশিংগী শেন্থোক শরুক অনিদা হেনগৎহন্নবা ভারত রেলৱেজনা পান্দম থম্লি। মসিগী ত্রেন অসিনা পৎকনবা লৌউ-শিংউগী পোৎথোকশিং অতেনবা মতমগী মনুংদা কৈথেলদা য়ৌহনগনি। ফ্রোজন কন্তেন্নর য়াওবা ত্রেন্না পৎকনবা পোৎথোকশিং হায়বদি ঙা, শা অমসুং শঙ্গোম য়েন্থোক্কনি।

ভারত রেলৱেজনা মমাংদা পোৎ অমা খক পুবা অখন্নবা ত্রেনশিং হায়বদি বানানা স্পিসিএল চেনখ্রে। মসিগী ত্রেন অসি মখল কয়াগী পোৎলমশিং পুবা অহানবা ত্রেন ওইরগনি ,মসিনা কফোই, লফোই, অঙ্গুর, কেপসিকম, কোবিফুল, কোবি, তিলহৌ, মোরোক পুগনি। মসিগী ত্রেন অসিগী ফ্রেদ চার্জ অসি ‘পি’ স্কেলদা চুম্নগী ত্রেনগী পর্সেল চার্জ অদু লৌদুনা লৌমীশিং মতেং পাংগনি।

******