PIB Headquarters

কোবিদ-১৯গী মতাংদা নুমিৎ খুদিংগী ফোংবা পি.আই.বি.গী বুলেতিন

Posted On: 06 AUG 2020 6:25PM by PIB Imphal

Coat of arms of India PNG images free download

 

(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

 

  • ভারতকী কোবিদ-১৯দগী ফগৎখ্রা অপুনবা মশিং ১৩.২ লাখ হেনখিবগা লোয়ননা ফগৎলকপগী চাং ৬৭.৬২% য়ৌখ্রে
  • কোবিদ-১৯দগী ফগৎলকপগী চাং ৬৭.৬২% য়ৌখ্রে
  • কেস ফেতেলিতী রেৎ (সি.এফ.আর) মখাতানা হন্থরক্তুনা ২.০৭%দা ফগৎখ্রে
  • রাজ্যশিং/য়ু.তিশিংদা কোবিদ-১৯ ফাইনান্সিএল পেকেজগী অনিসুবা ইন্সতোলমেন্ত ওইনা কেন্দ্র সরকারনা লুপা করোর ৮৯০.৩২ থাদোকখ্রে
  • আর.বি.আই.না হাউজিং, রুরেল অমসুং প্রাইওরিতী সেক্তরশিংদা অহেনবা শেলগী তেংবাং পীরগনি

ভারতকী কোবিদ-১৯দগী ফগৎখ্রা অপুনবা মশিং ১৩.২ লাখ হেনখিবগা লোয়ননা ফগৎলকপগী চাং ৬৭.৬২% য়ৌখ্রে ; কেস ফেতেলিতী রেৎ (সি.এফ.আর) মখাতানা হন্থরক্তুনা ২.০৭%দা ফগৎখ্রে

কোবিদ-১৯ অনাবশিংগী ফগৎলকপগী অপুনবা মশিং অসি হৌখিবা পুং ২৪দা কোবিদ-১৯ অনাবা ৪৬,১২১ দিসচার্জ তৌখিবগা লোয়ননা ১৩,২৮,৩৩৬তা হেনগৎখ্রে। মসিগী লেপ্পা লৈতনা ফগৎলকপা অসিনা ফগৎখ্রবা অনাবশিং অমসুং কোবিদ-১৯ এক্তিব ওইরিবা কেসশিংগী মরক্তা লৈরবিবা খেন্নবা অসি ৭,৩২,৮৩৫ শুখ্রে।  কোবিদ-১৯ অনাবশিংগী মরক্তা ফগৎলকপগী চাং অসি মখাতানা মশিং হেনগৎলক্তুনা রেকোর্ত ওইনা ৬৭.৬২% য়ৌখ্রে। লৈবাক অসিগী অশেংবা কেস লোদ মদুদি এক্তিব কেসশিং (৫,৯৫,৫১) অসি অপুনবা পোজিতিব কেসশিংগী ৩০.৩১% ওইরি। মখোয় অসি হোস্পিতালশিংদা নত্রগা হোম আইসোলেসন তৌদুনা লায়েং চত্থরি। অপুনবা কেসশিংগী এক্তিব কেসকী চাদা অসি শীংথানিংঙাই ওইনা হন্থরকপা উবা ফংলে মসি জুলাই ২৪, ২০২০দা ৩৪.১৭% ওইরম্বদগী ঙসি ৩০.৩১%দা হন্থখ্রে। কেস ফেতেলিতী রেৎ (সি.এফ.আর.) অসি মালেমগী ওইরিবা ফীভম অসিগা চাংদম্নবদা নেম্লি অমসুং মসি লেপ্তনা হন্থরক্লি। ঙসি কেস ফেতেলিতী রেৎ অসি ২.০৭% ওইরি।

অকুপ্পা মরোলগীদমক্তা: https://pib.gov.in/PressReleseDetail.aspx?PRID=1643730

দাঃ হর্শ বর্ধন্না দবল্যু.ঐচ.ও.গী রীজনেল দাইরেক্তর অমসুং খা নোঙপোক এসিয়াগী মফমশিংগী হকশেল মন্ত্রীশিংদা ৱারী শাখ্রে

কেন্দ্রগী হকশেল অমসুং য়াইফ য়ুম্বাল মন্ত্রী দাঃ হর্শ বর্ধন্না দবল্যু.ঐচ.ও.গী খা নোঙপোক এসিয়াগী (এস.ই.এ.) রীজনেল দাইরেক্তর দাঃ পুনম খেত্রপাল সিংহ অমসুং খা নোঙপোক এসিয়াগী মফমশিংগী হকশেল মন্ত্রীশিংগী মীফম অমদা বর্চুএলগী খুত্থাংদা শরুক য়াখ্রে। মীফম অসিনা কোবিদ-১৯ লায়চতকা মরী লৈননা চংদ্রবা য়াদ্রবা থবকশিং অমসুং পব্লিক হেলথ প্রোগ্রামশিংগী হীরমশিংদা মিৎয়েং চংখি। দাঃ হর্শ বর্ধন্না ভারতনা লায়চৎ অসিগা মায়োক্নরিবা অসিগী মতাংদা ৱা ঙাংখি। “ভারতনা তঙাই ফদবা হকশেলগী সেবাশিং অসি কোবিদ-১৯গী লায়চৎ শেন্নবগা লোয়ননা মতম অমত্তদা ফংহনখি” হায়না মহাক্না মখা তারদুনা মীয়ামদা হায়খি।

অকুপ্পা মরোলগীদমক্তা: https://pib.gov.in/PressReleseDetail.aspx?PRID=1643754

রাজ্যশিং/য়ু.তিশিংদা কোবিদ-১৯ ফাইনান্সিএল পেকেজগী অনিসুবা ইন্সতোলমেন্ত ওইনা কেন্দ্র সরকারনা লুপা করোর ৮৯০.৩২ থাদোকখ্রে

কোবিদ-১৯গী হকশেলগী অথু-অকায়গী থবকশিংদা শীজিন্ননবা রাজ্যশিং/য়ু.তিশিং ২২দা ভারত সরকারনা অনিসুবা ইন্সতোলমেন্ত ওইনা লুপা করোর ৮৯০.৩২ থাদোকখ্রে। রাজ্যশিং অদুগী মনুংদা ছতিসগর, ঝারখান্দ, মৈধ্য প্রদেস, ওরিসা, রাজাস্থান, তেলাঙ্গানা, অন্ধ্র প্রদেস, গৱা, গুজরাত, কর্নাতাকা, কেরলা, পঞ্জাব, তামিল নাদু, নোংচুপ বঙ্গাল, দদ্রা অমসুং নগর হাভেলি অমসুং দমন অমসুং দিউ, অরুনাচল প্রদেস,অসাম, মেঘলয়, মনিপুর, মিজোরম, নাগালেন্দ অমসুং সিক্কিম য়াওরি। রাজ্যশিং/য়ু.তিশিং অসিদা লৈরিবা কেস মশিংদা য়ুম্ফম ওইরগা শেন্থং অসি পীবনি। রাজ্যশিং/য়ু.তিশিংনা তেস্তকী খুদোংচাবশিং শেমগৎনবা, হোস্পিতালশিং শেমগৎনবা, থিজিনবগী থবকশিং পাংথোক্নবা অমসুং দরকার লৈবা খুৎলায়শিং অমসুং হিদাক-লাংথকশিং লৈনবা ২০২০গী এপ্রিলদা অহানবা ইন্সতোলমেন্তগী লুপা করোর ৩০০০ থাদোকখ্রে। মসিগী পেকেজ অসিগী শরুক অমা ওইনা, রাজ্যশিং/য়ু.তিশিংনা আইসোলেসন ফমুং ৫,৮০,৩৪২, ওক্সিজেন য়াওরবা ফমুং ১,৩৬,০৬৮ অমসুং আই.সি.য়ু ফমুং ৩১,২৫৫ শেমগৎলে। মখোয়না তেস্তিং কিৎ ৮৬,৮৮,৩৭৫ অমসুং ভাইএল ত্রান্সপোর্ত মেদিয়া ৭৯,৮৮,৩৬৬ লৈখ্রে।

অকুপ্পা মরোলগীদমক্তা: https://pib.gov.in/PressReleseDetail.aspx?PRID=1643694

আর.বি.আই.না হাউজিং, রুরেল অমসুং প্রাইওরিতী সেক্তরশিংদা অহেনবা শেলগী তেংবাং পীরগনি

রীজর্ব বেঙ্ক ওফ ইন্দিয়ানা ঙসি ভারত অমসুং মালেমদা কোবিদ-১৯গী লায়না শন্দোক্লক্লিবগী মনুং অসিদা শেল লাকপা হেনগৎনবা অমসুং শেল-থুমগী পথাপ অসিদা মখা তানা তেংবাংবা ঙম্নবা অহেনবা চাউখৎপা অমসুং কাংলোন ইনগদবা পোলিসী অমা লাউথোকখ্রে। আর.বি.আই.গী গবর্নর শ্রী শক্তিকান্তা দাসনা হায়রিবা খোঙথাং অসিনা মালেম অসিদা চহি ১০০গী মতুংদা থোক্লকপা হকশেল অমসুং শেন্মিৎলোন্দা অঙকপা ফংনা শোকহল্লিবা থৌদোক অসিনা শেল থুমগী হীরমদা খুদোংচাদবা কয়া থোকহল্লিবা অসিবু কোকহনবা ঙমগনি হায়খি।

অকুপ্পা মরোলগীদমক্তা: https://pib.gov.in/PressReleseDetail.aspx?PRID=1643736

কোরোনা ৱারিয়রশিংগীদমক ই.এন.সি. বেন্দগী লাইফ পর্ফোর্মেন্স

৭৪শুবা নিংখা তম্বগী নুমিৎ পাল্লন তৌবগী শরুক ওইনাম ইস্তর্ন নেভেল কম্মান্দনা ওগস্ত ০৫, ২০২০দা সনকরম বিসাখাপতনমগী বোজ্জনা কোন্দাদা কোরোনা ৱারিয়রশিংদা ইকাই খুম্নবা উৎপা ওইনা নেভী বেন্দনা লাইফ পর্ফোর্মেন্স উৎখ্রে। থৌরম অসিগীদমক নেভেল ওফিসর-ইন-চার্জ (অন্ধ্র প্রদেশ)কী কোমোদোর সঞ্জীব আইসরনা অনাকাপলি লোক সভা কন্সতিত্যুন্সীগী মেম্বর ওফ পার্লিয়ামেন্ত ওইরিবা দা বীসেত্তি ভেঙ্কত্তা সত্যাবাতি, অথোইবা মীথুংলেন অমসুং দিস্ত্রিক্ত এদমিনিস্ত্রেতরনা খনগৎলবা ইকাই খুম্নরবা কোরোনা ৱারিয়রশিংবু তরাম্না ওকখি। পুং মরি শাংবা পর্ফোর্মেন্স অদুদা মার্সিএলদগী হৌরগা ইংলিশ পোপ ম্যুজিক্তগী পুক্নিং নুংশিরবা লৈবাক নিংবা ইশৈশিং খনগৎলবা মখলশিং য়াওরি। পর্ফোর্মেন্স অসিদা মমিং লৈরবা অমসুং মতম কুইনা পাম্নরিবা ‘সুনো গোর সে দুনিয়া ৱালোন’ অমসুং ‘এ্ মেরে ৱতন কে লোগোন’ অমসুং ত্রাই-সর্ভিসেসকী ঈশৈশিংনা থৌরম অসি লোইশিল্লকপদা মগুন হাপকি। দিদি হাইদ্রবাদনা বেন্দকী পর্ফোর্মেন্স অসি দি.দি. সপ্তাগিই অমসুং দি.দি. য়দাগিরিদা লাইফ থাদোকখি। লৈবাক শিনবা থুংনা লৈরিবা মিলিতরী বেন্দশিংনা অহানবা ওইনা, মখোয়গী পর্ফোর্মেন্সশিং লৈবাক শিনবা থুংনা ওগস্ত ১দগী হৌদুনা উত্তুনা নিংখা তম্বগী নুমিৎ পালন তৌরি।, মসিদা মখোয়না লৈবাক অসিদা থৱায় খুপাক্তা হাপ্তুনা কোরোনা ভাইরস শন্দোরকপা অসি থিংনবা লন্থেংনরিবা লৈবাক পুম্বগী কোরোনা ৱারিয়রশিংবু তৌবিমল খঙবা অমদি থাগৎপা উৎলি।

অকুপ্পা মরোলগীদমক্তা: https://pib.gov.in/PressReleseDetail.aspx?PRID=1643685

নোংমগী থবক শুবা মীওই করোর ১৭তা থবক ফংহনখ্রে অমসুং গরিব কলয়ান রোজগার অভিয়ানগী মখাদা চয়োল ৬তা শিন্মীশিংদা লুপা করোর ১৩,২৪০ পীখ্রে ; রাজ্য ৬গী জিলা ১১৬দা লৈবা শিন্মীশিংদা গরিব কলয়ান রোজগার অভিয়ান্না হিংনবা লম্বীশিং ফংহল্লে

কোবিদ-১৯ লাইচৎ লাকপদগী অৱাবা তারবা খুঙ্গংশিংগী খুঞ্জাশিং অমসুং খুঙ্গংশিংদা হল্লক্লবা শিন্মীশিংদা থবক পীনবা অমসুং হিংনবা লম্বীশিং ফংহন্নবা পায়খৎখিবা গরিব কলয়ান রোজগার অভিয়ান্না হৌজিক রাজ্য ৬গী জিলা ১১৬দা লৈবা খুঞ্জাশিংদা থবক ফংহল্লে। গরিব কলয়ান রোজগার অভিয়ান অসি মখোয়গী পোক্নফম খুঙ্গংশিংদা হল্লক্লবা রাজ্য ৬ হায়বদি বিহার, ঝারখান্দ, মৈধ্য প্রদেস, ওরিসা, রাজস্থান অমসুং উত্তর প্রদেসকী শিন্মীশিংদা থবক ফংহন্নবা পায়খৎপনি। চয়োল ৬ অসিদা : নোংমগী থবক শুবা মীওই করোর ১৭তা ১৭গী থবক ফংহনখ্রে অমসুং হৌজিক ফাওবদা লুপা করোর ১৩,২৪০ চাদিং তৌখ্রে। হৌজিক ফাওবদা গরিব কলয়ান রোজগার অভিয়ানগী মখাদা শেমগৎ-শাগৎখিবশিংগী মনুংদা ঈশিং তুংশিন্নবা মফম ৬২,৫৩২, য়ুম লাখ ১.৭৪, শঙ্গোন ১৪,৮৭২, পুখ্রি ৮,৯৬৩, লৈকাইগী তোইলেত কমপ্লেক্স ২,২২২, দিস্ত্রিক মিনরেল ফন্দসগী মখাদা থবক ৫,৯০৯, গ্রাম পঞ্জায়ত ৫৬৪দা ইন্তরনেত কন্নেক্সন পীবা অমসুং কৃষি বিগ্যান কেন্দ্রশিংগী খুৎথাংদা মীওই ১৬,১২৪দা স্কিল ত্রেনিং পীবা য়াওরি।

অকুপ্পা মরোলগীদমক্তা: https://pib.gov.in/PressReleseDetail.aspx?PRID=1643632

দাঃ জিতেন্দ্র সিংহনা কোবিদ-১৯ লায়চৎ মনুংদা নীংথিনা লৈঙাকপগী আই.তি.ই.সি.-এন.সি.জি.জি.গী ইন্তর্নেস্নেল ৱর্কশোপ শঙ্গাখ্রে

পর্সোন্নেল, পি.জি. অমসুং পেন্সনগী কেন্দ্র মন্ত্রী দাঃ জিতেন্দ্র সিংহনা ঙসি ভারতনা প্রধান মন্ত্রী শ্রী নরেন্দ্র মোদীগী লুচিং মখাদা কোবিদকী মতাংদা মালেমদা খুৎশম্ননা চৎনবা লম্বী য়াৎখ্রে হায়খি। হৌখিবা চহি তরুক্তা শ্রী মোদীনা মীরমগী লৈবাকশিংগা থোইদোক হেন্দোকপা মরী শাগৎখিবা অসিনা লায়চৎ অসিগী মতাংদা মালেমগী ওইবা খুৎশম্নবা পুরকপদা য়াম্না মতেং পাংখি হায়খি। মহাক্না কোবিদ-১৯ লায়চৎ মনুংদা নীংথিনা লৈঙাকপগী আই.তি.ই.সি.-এন.সি.জি.জি.গী ইন্তর্নেস্নেল ৱর্কশোপ অমগী শঙ্গাবগী থৌরমদা ৱা ঙাংবদা ৱাফম অসি হায়খিবনি। থৌরম অসিদা দাঃ জিতেন্দ্র সিংহনা অমত্তা ওইনা থবক তৌমিন্নবা, মীওইবগী অৱাবা খঙবা অমসুং মীয়ামদা পাউ ফাওহনবা ঙম্বা সরকারগী থৌওং অসিনা ভারত সরকারনা কোবিদ-১৯গী লায়চৎ থেংনবা ঙমদুনা চাউরবা দিজিতেল ফ্রেমৱর্ক অমনা শৌগত্তুনা খুদোংচাদবশিং অসি থেংনবা ঙমখি হায়খি। হৌজিক্কী ওইবা মাংদা লৈরিবা মিৎয়েংদি “দো গজ দুরী”গী হায়রিবা অনৌবা মহৌশা ওইবগী মওং চেনবা সোসিএল দিস্তেন্সিং চৎহনবনি হায়না মন্ত্রীনা হায়খি।

অকুপ্পা মরোলগীদমক্তা: https://pib.gov.in/PressReleseDetail.aspx?PRID=1643811

 ফিল্দ ওফিসশিংদগী লাকপা ইনপুৎশিং

  • পঞ্জাবঃ পঞ্জাব আই.তি.আই.গী মহৈরোয়শিংনা মিসন ফতেহগী মখাদা রাজ্যসিদা মাস্ক লাখ ১৭ শাদুনা কোবিদ-১৯গা লান্থেংনবদা মশক থোক্না তেংবাংলি। লৈবাক অসিগে রাজ্য অমত্তদা লৈবা তেক্নিকেল এজুকেস্নেল ইন্সতিত্যুসন অমত্তনা হায়রিবা মশিং অসিগা মান্নবা মাস্ক শাদ্রি।
  • হরিয়ানাঃ কোবিদ-১৯গী মরক্তা শেলগী খুদোংচাদবা থেংনরিবা মহৈরোয়শিংদা তেংবাংবগী মখা তাবা থবক পাঙথোকপা ওইনা জে.সি. বোস য়ুনিবর্সিতী ওফ সাইন্স অমসুং তেক্নোলোজী, ৱাই.এম.সি.এ., ফরিদাবাদনা তুইসন ফীগী ১০০% ফাওবা হন্দোকপগী খুদোংচাবা পীবা অমসুং ইমুং মনুংদা শেলগী অৱাবা লৈবদগী ফী পীবা ঙমদবা মহৈরোয়শিংদগী এপ্লিকেসন কৌবা শেন্মিৎলোন্দা শোত্থবা অমসুং লায়রবা মহৈরোয়শিংবু তেংবাংনবা পোলিসী অমা হৌদোক্তুনা থবক ওইনা পাঙথোকপা হৌখ্রে।
    • হিমাচল প্রদেশঃ দাঃ রাজেন্দ্র প্রসাদ মেদিকেল কোলেজ তন্দা, কাঙ্গরানা হৌখিবা থা খরা অসিদা কোবিদ-১৯গী অনাবশিং নীংথিনা য়েংশিনখিবা অসি থাগৎনিংঙাইনি হায়না রাজ্যপালনা হায়খ্রে। হোস্পিতাল অসি কোবিদ হোস্পিতাল ওইনা লাউথোক্ত্রবসু মসিগী ওথোরিতীশিংনা ইরাং অসি শেন্ননবা থবক মতিক চানা পায়খৎখি হায়খি। হোস্পিতাল অসিনা হান্নদি তেস্ত তৌবগী চাং অসি সেম্পল ১০৭ ওইরম্বনি অদুবু ঙসিদি সেম্পল ৭০০ হেন্না তেস্ত তৌবা ঙমদুনা তেস্তিং ফেসিলিতীসু ফগৎহল্লে। মহাক্না ঈ-দান তৌবা মীওইশিংসু পুক্নিং থৌগত্তুনা অতোপ্পা বলন্তিয়রশিংগা পাউ ফাওনদুনা ব্লদ কেম্প শীন্নবসু হায়খ্রে। হোস্পিতাল অসিগী ঈগী য়ুনিৎ ১০০০ থম্বা ঙম্বগী মতিক লৈ অমসুং বেঙ্কতা ঈগী অৱাৎপা লৈতে হায়না মহাক্না চাউথোক্না হায়খি।
    • অরুনাচল প্রদেশঃ রাজ্য অসিগী ওইনা মপান্দগী লাকপা মীওইশিংনা হোম ক্বারেন্তাইন (ঐচ.ক্যু.) ওইনা তৌনিংলবদি dmoiccitanagar@gmail.com দা পীরিবা ফোর্মেৎ অসিদা মাংজৌননা হায়বা য়াগনি হায়না রাজ্য সরকারনা হায়খ্রে। মসিগী অয়াবা পীরবা তুংদা মীওই অমনা চেক গেত্তা রিপোর্ত তৌগদবনি অমসুং মখোয়গী রিপোর্ত অদু নেগেতিব ওইরবা সিম্পতম উত্তবা ওইরগদি মখোয়বু ঐচ.ক্যু. তৌবগী অয়াবা পীগনি।
    • মনিপুরঃ রাজ্যসিগী থৌবাল অমসুং ককচিংগী কোবিদ-১৯গী মিনিস্তর-ইন-চার্জ পুরিবা দাঃ থোকচোম রাধেশ্যামনা জিলাগী লৈঙাক্লোইশিংগী জিলা অসিদা কোবিদ-১৯ লাকশিনবগী থবক থৌরমগী মতাংদা খন্ননবা খুদক্কী ওইবা মীফম অমা পাঙথোকখ্রে। বিশ্নুপুর জিলাগী ফুবালাদগী চহি ১৫ শুরবা কোবিদ-১৯ পোজিতিব ওইবা নুপামচা অমা নেফ্রোতিক সীন্দ্রোমগী মরম ওইদুনা ঙসি লৈখিদ্রে।
    • মিজোরমঃ মিজোরম স্তেৎ ইলেক্সন কম্মিসন্না লোকেল বোদীগী মীখল পাঙথোক্লগনি হায়না লাউথোকখ্রে। থা অসিগী ২৭তা মীখল পাঙথোক্কনি।
    • নাগালেন্দঃ ঙসি রাজ্যসিদা কোবিদ-১৯গী অনৌবা কেস ৮২ লাকখি। সেম্পল ৬০৬ তেস্ত তৌবগী মনুংদা লাক্লিবা কেস অসি দিমাপুরদগী ৫৮, কোহিমাদগী ২২ অমসুং ফেক্তগী ২নি। রাজ্যসিগী অপুনবা কেস অসি ২৫৮০ শুরে।
    • কেরলাঃ রাজ্যগী কোনুং তিরুবন্থাপুরমদা রেপিদ এন্তিজেন তেস্ত তৌবদা ঙসি নুংথিল ফাওবগী মনুংদা মীওই ১০৪ পোজিতিব ওইদুনা কোবিদ-১৯ শন্দোকপগী চাং অসি অঙকপা ফংনা হেনগৎলক্লি। জিলা অসিদা অচৌবা কম্ম্যুনিতী ক্লস্তর ১৩ লৈ। মফমসিদা মীওই অমা লৈখিদবগী পাউসু লাক্লি। কোবিদ শন্দোকপা থিংনবা পুলিস্না দুকান, মোল অমসুং বেঙ্কশিংনা ইনগদবা অনৌবা কাঙলোনশিং খঙহনখ্রে। রাজ্য অসিগী ময়ায় অমসুং অৱাং থংবা মফমশিংদা নোং কন্না তাবদগী কোবিদকী কাঙলোন ইন্দুনা তেংবাং পীবদা অয়েৎপা কয়া পীখ্রে। ঙরাং রাজ্যসিদা অনৌবা কেস ১১৯৫ অমসুং নাবা ফবা মশিং ১২৩৪ ওইবগী পাউদম লাকখি। লায়না অসিনা নাবা মীওই ১১৪৯২ হৌজিক লায়েং চত্থরি অমসুং রাজ্য শিনবা থুংনা মীওই ১৪৭৯৭৪না য়েংশিন্দুনা থম্লি।
    • তমিল নাদুঃ পুদুচেররীদা অনৌবা কোবিদ-১৯গী কেস ১৯৫ অমসুং মীওই ৫ লৈখিদবগী পাউ লাকপদগী অপুনবা পোজিতিব কেস মশিং ৪৬২১, এক্তিব কেস ১৭৪৩ অমসুং লৈখিদ্রবা মশিং ৭০ য়ৌখ্রে। য়ুমশকৈশ নুমিত্তা দিন্দিগুলদা পাঙথোক্কদবা মুখ্য মন্ত্রী ইদাপরি পালানিস্বামিগী মীফম য়াওগনি হায়না তৌরম্বা মীওই ৩০ হেন্না কোবিদ পোজিতিব ওইখ্রে। ঙরাং রাজ্যসিদা অনৌবা পোজিতিব কেস ৫১৭৫ লাকখি অমসুং হান্নগী মশিংদগী তাথরি অমসুং মীওই ১১২ লৈখিদে অমসুং মসিনা নোঙমগী খ্বাইদগী য়াম্বা মশিংনি। রাজ্যসিদা হৌজিক এক্তিব কেস ৫৪১৮৪ লৈরি অমসুং অপুনবা লৈখিদ্রবা মশিং অসি ৪৪৬১ শুখ্রে।
    • করনাতকাঃ মুখ্য মন্ত্রী বি.এস. য়েদিয়ুরপ্পানা জিলাগী ইন-চার্জ পুবা মন্ত্রীশিংদা রাজ্য অসিদা নোং কন্না তারকপা অসিগা লোয়ননা চেকশিন থৌরাং লৌখৎনবা খঙহনখ্রে। মহাক্না মন্ত্রীশিংবু মশাগী কন্সতিত্বেন্সীশিংদা লৈদুনা অৱাবা তারবা মফমশিংদা চত্তুনা য়েংশিন্নবা হায়খ্রে। রাজ্যসিদা কোবিদ-১৯ কেস মশিং হেনগৎলকপগী পাউ লাকখি অমসুং ওগস্ত ৭, ২০২০দা হাই কোর্তকী প্রিন্সিপাল কোর্ত থোঙ লোনগনি। ঙরাং অনৌবা কেস ৫৬১৯, দিসচার্জ ৫৪০৭ অমসুং মীওই ১০০ লৈখিদবগী পাউ লাকখি। অপুনবা কেস-১৫১৪৪৯, এক্তিব কেস-৭৩৯৫৮ অমসুং লৈখিদ্রবা-২৮০৪ শুরে।
    • আন্ধ্র প্রদেশঃ রাজ্যগী হকশেল মন্ত্রীনা রাজ্যসিনা কোবিদ লাকশিনবা ঙম্নবা থা অমদা লুপা কোতি ৩৫০ চাদিং তৌরি অমসুং লৈবাক অসিদা তাখিদ্রিবা মওংদা কোরোনাভাইরস তেস্ত পাঙথোক্লি হায়খ্রে। অরাপ্পা মফমশিংদগী কোবিদ সেম্পল লৌখৎনবা সঞ্জিবনি বস কৌবা থৌওং হৌদোকখ্রে হায়খি। রাজ্যগী সি.পি.আই.গী সেক্রেতরীনা সি.এম.দা রুলিং পার্তীগী মীওইশিংনা কোবিদ-১৯গী লায়েংনবা হায়দ্রবাদতা চৎলিবা অসিগী মতাংদা চিথি ইরদুনা এ.পি.দা লায়েংলিবা কোবিদকী অনাবশিং অসিন মখোয়গী সরকারদা থাজখিগদরা হায়বা ৱাহং হঙখি। ঙরাং অনৌবা কেস ১০১২৮, দিসচার্জ ৮৭২৯ অমসুং মীওই ৭ লৈখিদবগী পাউ লাকখি। অপুনবা কেস-১৮৬৪৬১, এক্তিব কেস-৮০৪২৬ অমসুং লৈখিদ্রবা-১৬৮১ শুরে।
    • তেলঙ্গানাঃ তেস্ত তৌবদা পোজিতিব ওইরবা মীওইশিংবু রাজ্য শিনবা থুংবদা লৈবা সরকারগী হোস্পিতালশিং অমসুং ফীবর ক্লিনিক্কী খুত্থাংদা দাক্তরশিংগা ৱারী শান্নহনবগী তঙাই ফদবগী মতাংদা রাজ্যগী হেলথ ওফিসিএলশিংনা মিৎয়েং চংখ্রে। ঙরাং অনৌবা কেস ২০৯২ , দিসচার্জ ১২৮৯  অমসুং মীওই ১৩ লৈখিদবগী পাউ লাকখি। লাকখিবা কেস ২০৯২গী মনুংদগী ৫৩৫দি জি.ঐচ.এম.সি.দগীনি।  অপুনবা কেস-৭৩০৫০, এক্তিব কেস-২০৩৫৮ অমসুং লৈখিদ্রবা-৫৮৯ অমসুং দিসচার্জ ৫২১০৩ শুরে। কেস ফেতেলিতী রেসৎ অসি ওগস্ত ৩দা ০.৮১দগী ০.৮০দা খরা তাখ্রে অমসুং মসি লৈবাক্কী ওইরিবা ২.০৯% অসিদগীদি য়াম্না তাথরিবনি।
    • মহারাস্ত্রাঃ য়ুমশকৈশা নুমিত্তা পুনে জিলানা পোজিতিব কেসকী মশিং লাখ ১ হেনখ্রে অমসুং অপুনবা মশিং অসি ১০১২৬২ য়ৌখ্রে। থানেনা কেস ৯৯৫৬৩ লৈদুনা য়াম্না নক্ননা লৈরি। পুনেনা লাখ অমা হেন্না লৈবা দিল্লী, মুম্বাই অমসুং চেন্নইগী পরিংদা য়াওখ্রে। ঙসি ফাওবদা মহারাস্ত্রাগী অপুনবা এক্তিব কেস লাখ ১.৪৫ লৈরি।
    • গুজরাতঃ অহমেদবাদতা লৈবা কোবিদ-১৯গী হোস্পিতালদা মৈ হৌরকপদগী অনাবা ৮ লৈখিদ্রে। মখোয় অসি নবরংপুরাদা লৈবা শ্রে হোস্পিতালগী আই.সি.য়ু.দা লায়েং চত্থদুনা লৈরকখিবনি। থৌদোক অসিগী মতুংদগী অনাবা ৪০মুক সরদার বল্লবভাই পতেল হোস্পিতালদা হোংদোকখ্রে। প্রধান মন্ত্রীনা লৈখিদ্রবা মীওইশিংগী ইমুংদা লুপা লাখ ২গী খেতি পুরোন পীরগনি লাউথোকখ্রে।
    • রাজস্থানঃ মতম খরগী মমাংদা নাবা ফবগী চাংদা খ্বাইদগী মকোক্তা লৈরম্বা রাজ্যসিদা কোবিদ কেস মশিং য়াম্না হেনগৎলক্লি। মসিনা অহানবা কেস ১৩০০০ য়ৌরকখিবদা নুমিৎ ১০৮ চংখিবনি অদুবু হৌখিবা নুমিৎ ১২নিদা কেস ১৩০০০ লাকখি। হৌখিবা পুং ২৪দা অনৌবা কেস ৫৯৩ লাকখি অমসুং এক্তিব কেসকী মশিং অসি ১৩৬৩০দা লৈরি।
    • মধ্য প্রদেশঃ য়ুমশকৈশা নুমিত্তা কোবিদ-১৯গী কেস অনৌবা ৬৫২ লাক্তুনা অপুনবা কেস মশিং ৩৫৭৩৪ য়ৌখ্রে। তাল্লকসিদা মুখ্য মন্ত্রী শিবরাজ সিংহ চাউহানসু লায়না অসিদগী নাবা ফদুনা হোস্পিতালদগী দিসচার্জ তৌখ্রে। মহাকপু নুমিৎ ৭নিগী হোম আইসোলেসন তৌনবা হায়রখ্রে।
    • গোৱা: রাজ্যসিদা লমকোয়বশিং লাকপগী অনৌবা চৎন-কাংলোন অমা এয়রপোর্ত ওথোরিতী ওফ ইন্দিয়ানা ফোংখ্রে। মখোয় খুদিংমক নুমিৎ ১৪নিগী ক্বারেন্তাইন তৌগদবনি। রাজ্যসিদা য়ৌরক্ত্রিঙৈগী মমাংগী পুং ৪৮দগী হেন্দবা অমসুং আই.সি.এম.আর.না শকখংলবা লেব অমনা পীবা কোবিদ-১৯ নেগেতিব ওইবগী সর্তিফিকেৎ পুথোকপা ঙম্লবদি ক্বারেন্তাইন তৌদ্রবসু য়াগনি।

Image

Image

*******



(Release ID: 1643909) Visitor Counter : 9