হকশেল অমসুং য়াইফ-য়ুম্বাল মন্ত্রালয়

রাজ্যশিং/য়ু.তিশিংদা কোবিদ-১৯ ফাইনান্সিএল পেকেজগী অনিসুবা ইন্সতোলমেন্ত ওইনা কেন্দ্র সরকারনা লুপা করোর ৮৯০.৩২ থাদোকখ্রে

Posted On: 06 AUG 2020 1:00PM by PIB Imphal

কোবিদ-১৯গী হকশেলগী অথু-অকায়গী থবকশিংদা শীজিন্ননবা রাজ্যশিং/য়ু.তিশিং ২২দা ভারত সরকারনা অনিসুবা ইন্সতোলমেন্ত ওইনা লুপা করোর ৮৯০.৩২ থাদোকখ্রে। রাজ্যশিং অদুগী মনুংদা ছতিসগর, ঝারখান্দ, মৈধ্য প্রদেস, ওরিসা, রাজাস্থান, তেলাঙ্গানা, অন্ধ্র প্রদেস, গৱা, গুজরাত, কর্নাতাকা, কেরলা, পঞ্জাব, তামিল নাদু, নোংচুপ বঙ্গাল, দদ্রা অমসুং নগর হাভেলি অমসুং দমন অমসুং দিউ, অরুনাচল প্রদেস,অসাম, মেঘলয়, মনিপুর, মিজোরম, নাগালেন্দ অমসুং সিক্কিম য়াওরি। রাজ্যশিং/য়ু.তিশিং অসিদা লৈরিবা কেস মশিংদা য়ুম্ফম ওইরগা শেন্থং অসি পীবনি।

কোবিদ-১৯ লাকশিন্নবা অমসুং লায়েংনবা কেন্দ্র সরকারনা রাজ্যশিং/য়ু.তিশিংদা তেক্নিকেল অমসুং শেন-থুমগী মতেং কয়া পীরি অমসুং কোবিদ-১৯ ইমর্জেন্সি রেন্সপোন্স এন্দ হেল্থ সিস্তেম প্রিপারনেস পেকেজ অসি প্রধান মন্ত্রীনা লাউথোকখিবনি। ২০২০গী মার্চ ২৪দা পীখিবা ৱারোলদা মহাক্না হায়খি, কোরোনাভাইরস অনাবশিং লায়েংনবা অমসুং লৈবাক অসিদা মেদিকেলগী মচাক-মথুমশিং শেমগৎনবা কেন্দ্র সরকারনা লুপা করোর ১৫ কাইথোক্লে। মসিনা কোরোনা তেস্ত তৌফমশিং , পি.পি.ইশিং, আইসোলেসন ফমুংশিং, আই.সি.য়ু ফমুংশিং, ভেন্তিলেতরশিং অমসুং অতোপ্পা তঙাইফদবা পোৎলমশিং মশিং হেনগৎহনবা ঙমগনি। মেদিকেল অমসুং পেরামেদিকেলগী মীওইশিংসু ত্রেনিং পীরে। হৌজিক মখোয়না অনা-লায়েংগী থবকশিং অসি অহানবা ওইনা অমসুং মরুওইনা লৌনবা ঐনা রাজ্যশিংদা হায়জরি।

অনিসুবা ইন্সতোলমেন্ত ওইনা পীরিবা শেনফম অসিনা মীয়াম তেস্ত তৌনবা মচাক-মথুমশিং হায়বদি আর.তি-পি.সি.আর মেছিনশিং,আর.এন.এ এক্সত্রেসন কিৎশিং, ত্রুনেত অমসুং সি.বি.এন.এ.এ.তি মেছিনশিং অমসুং বি.এস.এল-২ কেবিনেতশিং লৈবদা শীজিন্নগনি; লায়েংনবা মচাক-মথুমশিং শেমগৎপা অমসুং আই.সি.য়ু ফমুংশিং শেমগৎপদা শীজিন্নগনি; ওক্সিজেন জেনেরেতরশিং, ক্রাইয়োজেনিক ওক্সিজেন তেঙ্কশিং, মেদিকেল গ্যাস পাইপলাইনশিং অমসুং ফমুং নাকলগী ওক্সিজেন কন্সেনত্রেতরশিং লৈবদা শীজিন্নগনি। মসিগী মথক্তা শেনফম অসিনা কোবিদকী মথৌ পাংথোক্লিবা ভোলুন্তিয়ারশিং হায়বদি অশাশিং অমসুং হকশেলগী অতৈ মীওইশিংদা শেনগী মতেং পীবদা শীজিন্নগনি। অমরোমদা, কোবিদ ৱারিয়রস পোর্তেলদা মিংচল্লবা ভোলুন্তিয়ারশিং কোবিদকী থবকশিংদা শীজিন্নবা য়াই।

রাজ্যশিং/য়ু.তিশিংনা তেস্তকী খুদোংচাবশিং শেমগৎনবা, হোস্পিতালশিং শেমগৎনবা, থিজিনবগী থবকশিং পাংথোক্নবা অমসুং দরকার লৈবা খুৎলায়শিং অমসুং হিদাক-লাংথকশিং লৈনবা ২০২০গী এপ্রিলদা অহানবা ইন্সতোলমেন্তগী লুপা করোর ৩০০০ থাদোকখ্রে।

মসিগী পেকেজ অসিগী শরুক অমা ওইনা, রাজ্যশিং/য়ু.তিশিংনা আইসোলেসন ফমুং ৫,৮০,৩৪২, ওক্সিজেন য়াওরবা ফমুং ১,৩৬,০৬৮ অমসুং আই.সি.য়ু ফমুং ৩১,২৫৫ শেমগৎলে। মখোয়না তেস্তিং কিৎ ৮৬,৮৮,৩৭৫ অমসুং ভাইএল ত্রান্সপোর্ত মেদিয়া ৭৯,৮৮,৩৬৬ লৈখ্রে। রাজ্যশিং/য়ু.তিশিংদা থবক তৌনবা মীওই ৯৬,৫৫৭ হাপচিনখ্রে অমসুং মীওই ৬,৬৫,৭৯৯দা মতেং পীখ্রে। পেকেজ অসিনা স্তাফ ১১,৮২১দা চৎথোক-চৎশিনগী মতেং পাংখি।

****



(Release ID: 1643797) Visitor Counter : 213