সরকারনা সিবিল সর্বিস একজামিনেসন, ২০১৯গীদমক থোকপা অহাংবা ফম মশীংদগী লৌবা কেন্দিদেৎ মশীংনা নেম্বগী মতাংদা অরানবা পাউ খরা শন্দোক্লে হায়বসি য়ুনিয়ন পব্লিক সর্বিস কম্মিসন্না তারে।

সিবিল সর্বিস একজামিনেসনগী মখাদা খনগদবা থবক/ফমশিংগীদমক্তদি কম্মিসন অসিনা ভারত সরকারনা থোকপা একজামিনেসনগী কাংলোনশিং চেৎনা ঙাক্তুনা চৎলি।  চেরোল অসিনা শেংদোক্লি মদুদি সিবিল সর্বিস একজামিনেসন, ২০১৯গীদমক থোকপা অহানবা ফম ৯২৭ লৈবদা, কম্মিসন্না অহানবগী ওইনা কেন্দিদেৎ ৮২৯গী ফল লাউথোকখি অমসুং সিবিল সর্বিস একজামিনেসন রুল, ২০১৯গী রুল-১৬ (৪) অমসুং (৫)কী চৎন-কাংলোন মতুং ইন্না রিজর্ব লিস্ত অমসু খাক্তুনা থমখি।

হায়রিবসি চহী কয়াগী মমাংদগী চৎনদুনা লাক্লবা থবকনি, করিগুম্বা জেনরেলগী কাংলুপতা খন্নবা রিজর্ব কেতেগোরিদা চনবা কেন্দিদেৎ অমনা মখোয়গী রিজর্ব অদুগী স্তেতস্তা য়ুম্ফম ওইদুনা মখোয়দা কান্নবা ফংবা সর্বিস নত্ত্রগা কেদর খনবা পামদুনা খনখ্রবদি লেমহৌরিবা অহাংবা ফম অদু রিজর্ব লিস্ততগী লৌখত্তুনা মেনশিনবা য়াই। রিজর্ব লিস্ত অসিদা রিজর্ব কেতেগোরীদা চনবা মথক্কী জেনরেল স্তেন্দার্দ অসিদা য়াওরিবশিংনা মখোয়গী অপাম্বগী মতুং-ইন্না খনখিবদা লেমহৌরিবা অহাংবদু মেনশিন্নবগীদমক মশীং নীংথীনা খাক্তুনা থম্লি। য়ূ.পি.এস.সি.না হায়রিবা অপাম্বা খনবগী থবক অসি হেক লোইদ্রিফাওবদি সিবিল সর্বিস একজামিনেসন, ২০১৯গী রুল ১৬ (৫)গী মতুং ইন্না রিজর্ব লিস্ত অসি কনফিদেন্সিএল ওইনা থম্বা মথৌ তাই।

*********