কেন্দ্রগী গৃহ মন্ত্রী শ্রী অমিত শাহনা অয়োধ্যাদা পাংথোকখিবা রাম জন্মভুমী লাইশঙগী ভুমী পুজা তৌবা অসি পুৱারীগী ওইবা অমদি ভারতকী ওইনা চাওথোকচবা অমনি হায়না ফোংদোকখ্রে।
ত্বীতকী পরিং অমদা শ্রী অমিত শাহনা প্রধান মন্ত্রীনা প্রভু শ্রী রামগী পোক্নফম লমদমদা খ্বাইদগী চাউরবা রামগী লাইশঙ অসিগী ভুমী পুজা তৌগদৌরিবা অমদি উরেপ-উয়ুং তমগদৌরিবা অসিনা ভারতকী অথোইবা ইনাৎ অমসুং সিভিলাইজেসন্দা সনাগী লমায় অমা ইখ্রে অমদি মসি অনৌবা য়ুগ অমা হৌদোকপনি হায়না হায়খি।

অয়োধ্যাদা রামগা লাইশঙ শাবা অসি চহি চা কয়াদগী মালেমসিদা লৈরিবা হিন্দুশিংগী থাজবগী খুদম্নি হায়না ফোংদোক্লদুনা শ্রী অমিত শাহনা হায়খি, "ঐহাক্না প্রধান মন্ত্রী নরেন্দ্র মোদীজী অমসুং শ্রী রাম জ্মভুমী তীর্থ ক্ষেত্রবু রাম লাইশঙ অসিগী ভুমী পুজা পাংথোক্তুনা  মীয়াম বিলিয়ন কয়াগী থাজববু ইকাই খুম্নবিবগীদমক্তা তৌবিমল খংবা উৎচরি”

কেন্দ্রগী গৃহ মন্ত্রীনা হায়খি, “প্রভু শ্রী রামগী ৱাখল্লোন অমসুং ৱাখল অসি ভারতকী থৱায়নুংদা লৈরি। মহাক্কী লমচৎ-শাজৎ অমসুং ফিলোজোফী অসি ভারতকী নাৎকী য়ুম্ফম্নি।  "রামগী লাইশহ শাবা অসিনা অয়োধ্যাগী শেলবা লমদম অসি মালেম পুম্বদা মপুং ফাবা মঙালগা লোয়ননা অমুক হন্না হৌগৎলক্লগনি। লাইনিং-লিচৎ অমদি চাওখৎলকপা অসিনা পুন্না থবক ফংবগী খুদোংচাবশিং ওইহল্লগনি”

শ্রী অমিত সাহনা হায়খি, মসিগী কাওবা নাইরোরইদবা নুমিৎ অসিগীদমক্তা ভারতকী মীয়াম পুম্বদা খ্বাইদগী অথোইবা য়াইফ-পাউজেল পীজরি “খ্বাইদগী অথোইবা রামগী লাইশঙ অসি শাবা অসি প্রধান মন্ত্রী নরেন্দ্র মোদীগী মপাঙ্গল কল্লবা অমদি ৱারেপ লৌবা ঙম্বা লুচিংবা ওইবগী থক্তোরকপা মঙালনি। মোদী সরকারনা মতম পুম্নমক্তা ভারতকী নাৎ অমদি মাগী মতিক-ময়াইশিংবু ঙাক-শেন্নবা অমসু য়োকখৎনবগীদমক্তা ৱাশক্লি"

শ্রী অমিত শাহনা অসুম্নসু ফোংদোকখি, “প্রভু শ্রী রামগী লাইশঙ শাবা অসি চহি চা কয়াদগী মশিং নাইদ্রবা অখংবা অমদি খংদবা রামগী ভক্তশিংগী চোকথবা নাইদনা অমদি লেংদ্রবা লান্থেং অমদি কত্থোকপা অদুগী মহৈনি “ঐহাক্না ‘সনাতনা’(নুংগী ওইবা লাইনিং-লিচৎ)কী পারী-পুরীগী ওইবা মমল নাইদ্রবশিংগীদমক্তা লান্থেংনখিবশিংগী মফমদা ইকোক নোনজরী। জয় শ্রী রাম!”

*****