নীতি আয়োগ

এ.তি.এল. তিনকরিং মরাথোন ২০১৯গী মাইপাক্লবশিং নীতি আয়োগকী অতল ইন্নোবেসন মিসন্না লাউথোক্লে

মাংজিল থারিবা থবক অসিনা নহা ওইরিবা অনৌবা পুথোকপা মহৈরোয়শিং শেমগৎনবা পান্দম থম্লি

Posted On: 05 AUG 2020 6:26PM by PIB Imphal

লৈবাক শীনবা থুংনা অতল তিনকরিং লেবস ৫০০০ হেনবদা পাংথোকখিবা চহিগী ওইবা অনৌবা পুথোকপগী মারাথোন এ.তি.এল. তিনকরিং মরাথোন ২০১৯গী ফলশিং অতল ইন্নোবেস মিসন, নীতি আয়োগনা লাউথোক্লে অমসুং মরাথোন অসিদা মাইপাক্লবা কাংবু ১৫০গী মমিং লাউথোক্লে। চহি অসিগী ওইনা, চাংদম্নবা অসি অতল ইন্নোবেসন মিসন্না মাইগোভগা লোয়ননা মাইগোভকী ইন্নোবেদ প্লেতফোর্মদা পাংথোকখি।

চাংদম্নবা অসিগী মপুংওইবা পান্দমদি “থিজিনবা, অনৌবা পুথোকপা, থবক পাংথোকপা-হেন্না ফনবা অনৌবা ৱাখল খনবা” অসিনি, চহি অসিগী মরাথোন অসি মহৈরোয়শিংনা মশানা দিজাইন তৌজবনি। চাংদম্নবা অসিগী অহানবা তাঙ্কক্তা মহৈরোয়শিংনা মখোয়গী অকোয়বদা লৈবা লৈকায়শিংদা থেংনবা খুদোংচাদবশিং ময়াম চুংশিন্নদুনা কোকহনবা য়াওরি। অহানবা তাঙ্কক্তা ইন্ত্রি ৪৩০০ হেন্না লাকখি। অনিসুবা তাঙ্কক্তা, খন্দোক্লবা খুদোংচাদবশিং অদু ভোৎ লৌনবা য়াওরি।মহৈরোয়শিংনা খল্লবা খুদোংচাদবশিং অদু চাউরাক্না ভোৎ ৫০০০ হেন্না ফংখি। চহি অসিগী মরাথোন অসিদা অনৌবা পুথোক্ত্রিঙৈ মমাংদা থিজিনবগী থবকশিং পাংথোকপা অসিদা অকনবা মিৎয়েং থম্লি।

অহানবা অমসুং অনিসুবা তাঙ্ককশিংদা য়ুম্ফম ওইদুনা তোঙান-তোঙানবা খুদোংচাদবা মরি খনগৎলে, মখোয় অদুদি- তুংকোইনা চৎনগদবা অকোয়বগী ফিবম অমসুং অচুম্বা লৈহনবা, মগুন লৈবা লাইরিক তম্বা, হকশেল অমসুং লু-নানবা ফগৎহনবা, অপুনবা অমসুং থোং মান্নবা লৈহনবা অসিনি। মথক্কী খুদোংচাবা মরি অসিদগী মহৈরোয়শিংনা মখোয়গী অপাম্বা অমা নৎত্রগা অমদগী হেন্না মীয়াম্না থেংনরিবা খুদোংচাদবশিং খঙদোক্লে অমসুং কোকহন্নবা অনৌবা পাম্বৈশিং প্রোতোতাইপশিং ওইনা নৎত্রগা মিনিমম ভাইএবল প্রদক(এম ভি পি) ওইনা শেমগৎলে।

পাম্বৈ পুথোক্নবগী অরোইবা তাঙ্কক্তা লৈবাক অসিগী রাজ্যশিং অমসুং য়ু.তিশিং পুন্না ২৯দগী ইন্ত্রি ১১৯১ হেন্না ফংখি। নিংথিনা য়েংশিল্লবা মতুংদা, মকোক থোংবা কাংবু ১৫০ খল্লে। মাইপাক্লবা কাংবুগী চাদা ৪০ খুঙ্গংশিংদগীনি অমসুং চাদা ৫৭না সরকারগী স্কুলশিংদগীনি। মাইপাক্লবা মহৈরোয় কাংবুগী মনুংদা চাদা ৪৫ রোম নুপীমচা মহৈরোয়শিংনি। মখোয়গী অনৌবা পাম্বৈশিং অসি হেন্না ফগৎহন্নবা মতেং পাংনবা অমসুং তোঙান-তোঙানবা জাতি থাক্কী মফম কয়াদা উৎনবা মাইপাক্লবা কাংবুদা মনা কয়া পীদুনা মতেং পাংগনি।

অতল ইন্নোবেসন মিসনগা চৎমিন্নরিবা সরকার অমসুং লনাই সেক্তরশিংগী মীওইশিং য়াওনা শক্নাইরবা পেনেলিস্তশিংগী মমাংদা অনৌবা ভর্চুএল থৌরম অমদা মাইপাক্লবা তিম ১৫০ অদু লাউথোকখি। থৌরম অদুদা মাইগোভকী সি.ই.ও অবিশেক সিংহ, আই.বি.এম ইন্দিয়াগী জেনেরেল মেনেজর সন্দিপ পতেল, আই.বি.এমগী ইন্দিয়াগী মেনেজিং দিরেক্তর বি রুদ্রমনি, দেল তেক্নোলোজিসিগী ভাইস প্রসিদেন্ত সানমুখ নাতারাজন, এদোব ইন্দিয়াগী ভাইস প্রসিদেন্ত কে রামা দেবী, এ.আই.সি এলিপ ৱি-হবকী চেয়রপর্সন সেনহাল সেতি শরুক য়াখি।

থৌরম অদুদা অতল ইন্নোবেসন মিসনগী দিরেক্তর আর রামানন্না হায়খি, এ.তি.এল তিনকরিং মরাথোন অসি মহৈরোয়শিংনা য়াম্না পাম্নবা থৌরম অমা ওইরে অমসুং মসিনা মখোয়দা মখোয়গী ৱাখল খনবা অমসুং অনৌবা পুথোক্নবা হোৎনবগী খুদোংচাবা অমা ফংহল্লে। তুংগী মীরোলশিংনা মখোয় মশামক ৱাখল খঞ্জদুনা অমসুং খুদোংচাদবশিং মশক খঙদোকপা ঙম্নবা চহি অসিদা ঐখোয়না তোঙানবা মওংদা মরাথোন অসি পাংথোক্লে।

মহাক্না মখা তানা হায়খি, নখোয়গী অনৌবা পুথোকপগী খোঙচৎ হৌবতা ঙাইরি। নহাক্না দরকার ওইবা রিছার্স তৌগদবনি, নহাক্না অনৌবা ৱাখল পুথোক্কদবনি, নহাক্না অনৌবা অমা পুথোক্কদবনি। হৌজিক খোঙচৎ অসি কমদৌনা অনোবা অনৌবা অমা কৈথেলদা খুদক্তা য়োনবা য়ারবা পোৎথোক অমা ওন্থোক্কনি হায়বা অসিদা চংশিনবা হৌরবনি। চাংদম্না অসি মাইপাকপা নৎত্রগা পাক্তবা থিদনা নখোয়গী মাংদা লৈরিবা খোঙচৎ অদু ইথিল পীনবা ঐখোয়না নখোয় খুদিংম থাগৎলি। থবক অসি সরকার অমসুং লনাই কম্পেনিশিংগা পু্ন্না চৎমিন্নবদগী পাংথোকপা ঙম্বনি। অতল ইন্নোবেসন মিসন্, নীতি আয়োগনা মখা তানা মকোক থোংলবা তিম ১৫০ অসি মথংগী ইন্নোবেসন অমসুং ওন্ত্রেপ্রেনিউয়রশিপগী থবকশিংদা মতেং পাংগনি।

মাইপাক্লবশিং থাগৎলদুনা মাইগোভকী সি.ই.ও অবিশেক সিংহনা হায়খি, মসি মরাথোন মাইপাকপা অদু খক নত্তে। মরাথোন অমা চেনবা অসি মাইপাকপা অদুগুম্না মরুওই । অনৌবা ৱাখল্লোনশিং চুংশিন্নদুনা পুথোকপা, ভোৎ পীবা অমসুং মরাথোনগী তাঙ্ককশিংদা মতেং পাংখিবশিং ঐনা থাগৎলি। অতল ইন্নোবেসন মিসনগী কাংবু অসি ঐনা থাগৎলি। লৈবাক শীনবা থুংনা অনৌবা পুথোকপগী চৎনবী অমা শেমগৎনবা মসিগী মরাথোন অসিগী খোঙথাং খুদিংমক মরুওই।

মাইপাক্লবা কাংবুশিং মখোয়গী প্রোতোতাইপশিং হেন্না ফগৎহন্নবা মিসনগা লোয়ননা থবক তৌমিন্নরিবশিংনা খুদোংচাবা কয়া পীগনি। মসিদা অতল ইনকুবেসন সেন্তরশিংগা লোয়ননা ইসতুদেন্ত ইন্নোবেতর প্রোগ্রাম, আই.বি.এমগা লোয়ননা ইসতুদেন্ত ইনতর্নসিপ প্রোগ্রাম, এদোবকা লোয়ননা দিজিতেল ইনতর্নসিপ প্রোগ্রাম য়াওরি। মকোক তারবা নুপীগী কাংবুদা দেল তেক্নোলোজিসনা মতেং পাংগনি।

এ.তি.এল মরাথোন ২০১৯দা মাইপাক্লবশিংগী অকুপ্পা মরোলশিংগীদমক মখাদা নম্বীয়ু https://aim.gov.in/ATLMarathon2019Announcement.pdf

****



(Release ID: 1643629) Visitor Counter : 3