(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• ভারতনা নোংমদা অনাবা মশিং ৫১,৭০৬ ফহন্দুনা খ্বাইদগী ৱাংবা রেকোর্দ ওইরে; অনাবা ফগৎলকপগী চাং চাদা ৬৭.১৯% য়ৌরে
• কেস ফেতেলিতি রেত (সি.এফ.আর)না অসুম তাথরক্তুনা ২.০৯% ওইরি
• থংনা- থংননা নুমিৎ নিনিশুবা ওইনা, হৌখিবা পুং ২৪দা ভারত্তা তেস্ত লাখ ৬ হেন্না তৌখ্রে; পুন্না সেম্পল কোতি ২.১৪ হেন্না তেস্ত তৌখ্রে
• তেস্তস পর মিলিয়ন (তি.পি.এম.) ১৫৫৬৮ য়ৌখ্রে
• হৌজিক্কী কোবিদকী মতম অসিগী ‘মরিয়াদা’ অসি ‘দো গজ কী দুরি-মাস্ক হে জরুরী’ ওইহনসি হায়না পি.এম.না হায়খি

ভারতনা নোংমদা অনাবা মশিং ৫১,৭০৬ ফহন্দুনা খ্বাইদগী ৱাংবা রেকোর্দ ওইরে; অনাবা ফগৎলকপগী চাং চাদা ৬৭.১৯% য়ৌরে; কেস ফেতেলিতি রেত (সি.এফ.আর)না অসুম তাথরক্তুনা ২.০৯% ওইরি

নোংমদা অনাবা ফগৎলকপগী চাং অসি ইন্দিয়ানা খ্বাইদগী ৱাংবা ওইদুনা পুং ২৪গী অসিগী মনুংসিদা রেকোর্দ থমখ্রে। কোভিদ-১৯গী অনাবশিং ফগৎলকপা ৫১,৭০৬তা খঙহেন হেনগৎতুনা অনাবা ফগৎলকপগী চাং অসি ৬৭.১৯% য়ৌরে অমসুং নুমিৎ খুদিংগী ফবা হেনগৎলক্লি। হৌজিক ফাওবদা পুন্না ১২,৮২,২১৫ নাবা ফগৎলক্তুনা এক্তিব কেস্তগী শরুক অনি থোক্না হেল্লী। কোভিদ-১৯ অনাবশিং ফগৎলকপা অসি অশুম হেনগৎলক্তুনা ফগৎলকপগী চাং নুমিৎ ১৪ অসিদা ৬৩.৮% য়ৌখ্রে। মীয়াম অমসুং লনাই পুন্না হোৎনমিদুনা মতিক চারবা হোস্পিতালদা নমদুনা তেস্ত তৌদুনা অনাবা ফগৎলকপগী চাং অসি নুমিৎ ১৪নি অসিদা ৬৩%দগী ৬৭%দা য়ৌরকখিবনি। অসুম্না লেপ্তনা ফগৎলকপগী চাং হেনগৎলকপনা কোভিদ-১৯গী অনাবা ফগৎলকপা অসি লাখ ৭ হেন্না খেৎনরে। ফগৎলকপা চাং অসি য়াম্না হেনগৎলকপনা এক্তিব কেসকী মশিং অসি ৫,৮৬,২৪৪দা হন্থখ্রে (৫,৮৬,২৯৮ ঙরাংগী রেকোর্দতগী তানা) অমসুং পুম্নমক মেদিকেলগী মিয়েং মখাদা চৎথবনি। য়ুনিয়ন অমসুং স্তেত/য়ু.তিয় সরকারনা চৎথরিবা “তেস্ত, ত্রেক, ত্রীত” লালোং অসিনা থাজবা থম্লি মদুদি সি.এফ.আর. অসি মালেমগী লৈরিবা অসিগা য়েংনবদা য়াম্না নেম্লি অমসুং তপ্না তপ্না তাথরক্লি। ঙসিগী কেস ফেতেলিতি রেত অসি ২.০৯%নি।

অকুপ্পা মরোলগীদমক্তা: https://pib.gov.in/PressReleseDetail.aspx?PRID=1643507

থংনা- থংননা নুমিৎ নিনিশুবা ওইনা, হৌখিবা পুং ২৪দা ভারত্তা তেস্ত লাখ ৬ হেন্না তৌখ্রে ; পুন্না সেম্পল কোতি ২.১৪ হেন্না তেস্ত তৌখ্রে; তেস্তস পর মিলিয়ন (তি.পি.এম.) ১৫৫৬৮ য়ৌখ্রে

থংনা-থংননা নুমিৎ নিনিদা ভারতনা কোবিদ-১৯গী সেম্পল লাক ৬ হেন্না তেস্ত তৌরি। হৌখিবা পুং ২৪দা তেস্ত ৬,১৯,৬৫২ তৌখিবগা লোয়ননা ঙসি ফাওবদা পুন্না তেস্ত তৌখিবগী মশিং অসি ২,১৪,৮৪,৪০২ য়ৌখ্রে। তেস্ত পর মিলিয়ন অসি ১৫৫৬৮তা খঙহেন হেনগৎখ্রে। সরকারগী লেব ৯২০ অমদি লনাই লেব ৪৪৬ শুবগা লোয়ননা ঙসি ফাওবদা লৈবাক অসিদা লেব নেৎৱার্ক ১৩৬৬ লৈরে।

অকুপ্পা মরোলগীদমক্তা: https://pib.gov.in/PressReleseDetail.aspx?PRID=1643522

পি.এম.না ‘শ্রী রাম জন্মভুমী মন্দির’দা ভুমী পুজা পাঙথোকখ্রে;
লায়শঙ অসি অমগা অমগা নুংশি চান্নবা অমসুং মচিন-মনাও ওইবদা য়ুম্ফম ওইদুনা শাগদবনি হায়না পি.এম.না হায়খ্রে

প্রধান মন্ত্রী শ্রী নরেন্দ্র মোদীনা ঙসি অয়োধ্যাগী “শ্রী রাম জন্মভুমী মন্দির”দা ভুমী পুজা পাঙথোকখ্রে। মসিবু পুৱারী ওইবনি হায়রদুনা মহাক্না ভারতনা ঙসিদগী লৈবাক পুম্বগী মীওইশিংনা চহি-চা কয়াদগী ঙাইজরক্লবা অমসুং মখোয়গী মপুন্সিদা অমুক উগনি হায়না থাজরুদ্রবা পান্দম অমা ফংদুনা মায় পাকপগী তাঙ্কক অমা হৌরবনি হায়না হায়খ্রে। রাম মন্দির অসিনা ঐখোয়গী নাৎ, থাজবা, লৈবাক্কী ইথিল অমসুং অপুনবা শক্তিগী হৌজিক্কী মতমগী খুদম অমা ওইদুনা লাক্কদৌরিবা চারোন-শুরোনশিংদা ইথিল পীগনি হায়খি। ‘সবকা সাথ’কী খুত্থাংদা ‘সবকা বিশ্বাস’কা লোয়ননা ঐখোয়না ‘সবকা বিকাস’ ফংবা ঙমগনি হায়খি। লায়শঙ অসি শাবদগী মফম অসিগী শেন্মিৎলোন ফগৎলগনি অমসুং হৌজিক্কী কোবিদকী মতম অসিগী ‘মরিয়াদা’ অসি ‘দো গজ কী দুরি-মাস্ক হে জরুরী’ ওইহনসি হায়না পি.এম.না হায়খি।

অকুপ্পা মরোলগীদমক্তা: https://pib.gov.in/PressReleseDetail.aspx?PRID=1643501

উত্তর প্রদেশকী অয়োধ্যাদা পাঙথোকখিবা “শ্রী রাম জন্মভুমী মন্দির”গী ভুমী পুজাদা প্রধান মন্ত্রীনা ৱা ঙাংখিবা

অকুপ্পা মরোলগীদমক্তা: https://pib.gov.in/PressReleseDetail.aspx?PRID=1643518

উপ রাস্ত্রপতীগী ইমুং-মনুংনা লুপা লাখ ১০ কৎখ্রে ; কোবিদ-১৯ লান্থেংনবগী অমসুং অয়োধ্য লাইশঙগী লুপা লাখ মঙা-মঙা কৎখ্রে

ভারত উপ রাস্ত্রপতী শ্রী ভেঙ্কয়া নাইদুগী ইমুং মনুংনা কোবিদ-১৯গী হৌজি লান্থেংনরিবা অসিগী অমসুং অয়োধ্যদা শারিবা লাইশঙ অসিগী তেংবাং ওইনা লুপা লাখ ১০ কৎখ্রে। শ্রীমতী নাইদুনা লুপা লাখ ৫গী চেক অমা পি.এম.কেয়র্স ফন্দদা কোবিদ-১৯ লান্থেংনরিবা অদুগী মতেং ওইনা অমসুং অতোপ্পা লুপা লাখ ৫গী চেক অমনা ঙসি ভুমি পুজাগা লোয়ননা অয়োধ্যদা রামগী লাইশঙ শাবা হৌদোকখিবা অদুগী মতেং ওইনা শ্রী রাম জন্মভুমি তির্থছেত্র ত্রুস্ততা থাখি।  

অকুপ্পা মরোলগীদমক্তা: https://pib.gov.in/PressReleseDetail.aspx?PRID=1643508

প্রধান মন্ত্রী গরিব কল্যান অন্ন য়োজনা ফেস- I: এপ্রিল ২০২০দগী জুন ২০২০
এল্লোকেৎ তৌখিবা চেং হৱাইশিংগী ৯৩.৫% রাজ্যশিং/য়ু.তি.শিংনা নফসা বেনিফিসরীশিংদা এপ্রিল-জুন ২০২০গী য়েন্থোকখ্রে

ফুদ কোর্পরেসন ওফ ইন্দিয়াগী রিপোর্তশিংগী মতুং ইন্না, রাজ্য/য়ু.তি. পুম্নমক্না এফ.সি.আই দিপোৎশিং/সেন্ত্রেল পুলশিংদগী নফসা বেনিফিসরীশিংদা অহেনবা চেং হৱাইশিং লেম্না য়েন্থোক্নবা থা অহুমগী চেং হৱাইগী এল.এম.তি. ১১৮ (৯৯%) চিংখ্রে। মখা তানা রাজ্য/য়ু.তি. পুম্নমক্না এপ্রিল-জুন ২০২০গী এল্লোকেৎ তৌ্খিবা চেং হৱাইগী এল.এম.তি. ১১.৫২ (৯৩.৫%) য়েন্থোকখিবগী রিপোর্ত লাক্লি। এফ.সি.আই.গী মতুং ইন্না থা খুদিংগী বেনিফিসরী কোতি ৭৪ রোমদা এপ্রিল অমসুং মে ২০২০গী চেং হৱাইগী এল.এম.তি. ৩৭.৫ (৯৪%) অমসুং জুন থাদা বেনিফিসরী কোতি ৭৩গী মথক্তা চেং হৱাইগী এম.এল.তি. ৩৬.৫৪ (৯২%) য়েন্থোকখ্রে। হৌখিবা মার্চ ২০২০দা লৈবাক অসিদা কোবিদ-১৯ লায়চৎনা মরম ওইরগা শেন্মীৎলোনদা শোকহনবনা মরম ওইরগা লায়রবা অমসুং শোথরবশিংনা মায়োক্নরিবা অৱাবশিং কোকহন্নবা লাউথোকখিবা প্রধান মন্ত্রী গরিব কল্যান পেকেজ (পি.এম.জি.কে.পি.)কী মখা চত্থরকপা ওইনা ফুদ এন্দ পব্লিক দিস্ত্রিব্যুসন বিভাগনা “প্রধান মন্ত্রী গরিব কল্যান অন্ন য়োজনা (পি.এম.-জি.কে.এ.ৱাই.)” অসি থা অহুমগী মদুদি এপ্রিল, মে অমসুং জুন ২০২০গী ওইনা ইমপ্লিমেন্ত তৌবা হৌখ্রে, মসিনা নফসাগী মখাদা লৈবা লায়রবা অমসুং শোথরবা বেনিফিসরীশিং অসি খুদোংথিবা মতম অসিগী মনুংদা চেং হৱাই ৱাৎপগী অৱাবা ময়োক্নহল্লোই।

অকুপ্পা মরোলগীদমক্তা: https://pib.gov.in/PressReleseDetail.aspx?PRID=1643542

ফিল্দ ওফিসশিংদগী লাকপা ইনপুৎশিং

• চান্দিগরঃ য়ু.তি. চান্দিগরগী এদমিনিস্ত্রেতরনা প্রিন্সিপাল হেলথ সেক্রেতরীদা দাইলাইসিস মতম চানা তৌদবা য়াদবা কোবিদনা নাবশিংগী দেদিকেতেদ কোবিদ ফেসিলিতী থম্নবা হায়খ্রে। মহাক্না তঙাই ফদবা মতমদা মখোয়ব্য লায়েংবা য়ানবা মখোয়গী তোঙানবা ফেসিলিতী অমা থম্নবা মফম অমা থিনবা দীপ্যুতী কম্মিস্নরদা খঙহনখ্রে। মীয়ামগী লৈফমদগী লাপ্না লৈবা কম্ম্যুনিতী হোলশিং অসি হীরম অসিগীদমক্তা শিজিন্নরগনি হায়খ্রে।
• পঞ্জাবঃ মুখ্য মন্ত্রী কেপ্তেন অমরিন্দর সিংহনা রাজ্যগী লৌউবশিংনা কোবিদকী মরক অসিদা হৌজিক চত্থরিবা খরিফ লৌরোক্কী মতম অসিদা ফাওবা মখোয়গী মহৌশাগী ওইনা ফৌ থানবা লৌফমগী পাক চাউবগী হেক্ত্যার লাখ ২.২৮ খায়দোকপা অমসুং খরিফ ২০২০গী লৌরোকশিংসু মায় পাক্না লোকপা ঙম্বগীদমক থাগৎপা ফোঙদোকখি।
• কেরলাঃ ওগস্ত-সেপ্তেম্বর মনুংদা কেস মশিং য়াম্না হেনগৎলকপা য়াবগী পাউ লৈরিবা অসিগী মনুংসিদা রাজ্যগী কেবিনেৎনা কন্তেনমেন্ত তৌবগী থৌওং কন্সিন্নবা ৱারেপ লৌখ্রে। সি.এম. পিনারায়ি বিজয়ন্না কেবিনেত্তা কন্তেনমেন্ত তৌবগী থৌওংদা পুলিস্তা অহেনবা থৌদাং শিন্নবগী মতাংদা ৱাফম কয়া থমখি। রাজ্যগী ওফিসিএলশিংদা চয়োল অনিগী মনুংদা লায়না শন্দোকপগী চাং হন্থহন্নবসু হায়খ্রে। তৌবতবু লায়না অসি রাজ্যগী কোনুংগী রুরেল মফমশিংদা য়াম্না য়াঙনা শন্দোরক্লি। তাল্লক অসিদা রাজ্যসিদা ঙসি কোবিদনা মরম ওইদুনা মল্লাপুরমদা মীওই অমা লৈখিদবগী পাউ লাক্তুনা অপুনবা মশিং ৮৮ শুখ্রে। ঙরাং অনৌবা কেস ১০৮৩ লাকখি। মীওই ১১৫৪০ কন্না লায়েংলি অমসুং রাজ্য শিনবগী ওইনা মীওই লাখ ১.৪৫ য়েংশিন্দুনা থম্লি।
• তমিল নাদুঃ হোস্পিতালগী পাউগী মতুং ইন্না তি.এন.গী গবর্নরনা হৌজিক ফাওবদা সিম্পতম উত্ত্রি; বনৱারিলাল পুরোহিৎ থাংজ নুমিদাংদা কোবিদ-১৯ পোজিতিব ওইখিবনি। হৌখিবা নুমিৎ খরনি অসিদা তেস্তিং তৌবা অমসুং ফীবর কেম্প পাক শন্না পাঙথোকপদগী কোবিদ কেসকী মসিং য়াম্না হন্থরে; হকশেল সেক্রেতরীনা হায়খিবদা ত্রেক্কিং, ত্রেসিং অমসুং অনাবশিংখি আইসোলেসন তৌবগী থৌওং অসিনা মসি ওইহনবনি হায়খি। রাজ্যসিদা  অনৌবা কেস লাকপগী মশিং হন্থবগী ফিভম উখি অমসুং ঙরাং মীওই ৫০৬৩ পোজিতিব ওইখি অমসুং মীওই ৬৫০১ নাবা ফখি। মীওই ১০৮ লৈখিদবা থারগা অপুনবা মশিং ৪৩৪৯ শুরে। অপুনবা কেস-২৬৮২৮৫, এক্তিব কেস-৫৫১৫২ অমসুং লৈখিদ্রবা-৪৩৪৯ শুরে।
• করনাতকাঃ আই.সি.এম.আর.না অয়াবা পীখ্রবা রাজ্যসিগী খ্বাইদগী অহানবা মোবাইল তেস্তিং লেব অসি মেদিকেল এজুকেসন মন্ত্রী দাঃ কে. সুধাকরনা ঙসি বেঙ্গালোরদা শঙ্গাখ্রে। আই.আই.এস.সি.না শাখিবা লেব অসিনা পুং মরিগী মনুংদা রীজল্ত পীগনি অমসুং নোঙমদা পুন্না তেস্ত ৪০০ তৌবা ঙমগনি। কোবিদকী অনাবা অমসুং মখোয়গী মরী-মতাশিংনা থেংনরিবা খুদোংচাদবশিং য়েংশিন্নবা হায়দুনা বি.বি.এম.পি.না লন্নাইগী কোবিদ হোস্পিতাল খুদিংদা হেল্প দেস্ক থম্নবা ৱারেপ লৌখ্রে। লৈবাকপোকপা নুমিত্তা রাজ্যসিনা অনাবা মশিংগা চাংদম্নবদা নাবা ফবা মশিংনা হেনবদা খ্বাইদগী ৱাংবা ওইখি। ঙরাং অনৌবা কেস ৬২৫৯, দিসচার্জ ৬৭৭৭ অমসুং মীওই ১০ লৈখিদবগী পাউ লাকখি। অপুনবা কেস-১৪৫৮৩০, এক্তিব কেস-৭৩৮৪৬ অমসুং লৈখিদ্রবা-২৭০৪ শুরে।
• আন্ধ্র প্রদেশঃ অনাবা লায়েংউ য়াদবা লন্নাইগী হোস্পিতালশিংগী মথক্তা অকনবা থবক লৌখৎকনি অমসুং অসিগুম্বা থৌওং অসি মতুংদা থোকপা থেংনরবদি মতিক চাবা চৈরাক পীগনি হায়না হকশেল মন্ত্রীনা হায়খি। কোবিদ-১৯গী কেসশিং লাকশিনবা ঙম্নবা রাজ্যনা সরকারগী হোস্পিতাল পুম্বগী ওইনা দাক্তর, পেরামেদিক্স  অমসুং নর্সিং স্তাফ ১৭০০০ লৌনবা শেম-শাবা লোইরে হায়খ্রে। রাজ্যগী ইলেক্ত্রিসিতী মন্ত্রী কোবিদ পোজিতিব ওইখ্রে। রাজ্যগী মফম শিনবা থুংবদা লৈবা ক্বারেন্তাইন সেন্তর অমসুং আইসোলেসন সেন্তরগী ৱারোল খঙনবা অমসুং দাক্তর অমসুং এ.এন.এম.শিংগা ৱারী শানবা রাজ্যনা কোবিদ ইমর্জেন্সী নম্বর অমা থমখ্রে। ঙরাং অনৌবা কেস ৭৮২২, দিসচার্জ ৫৭৮৬ অমসুং মীওই ৬৩ লৈখিদবগী পাউ লাকখি। অপুনবা কেস-১৬৬৫৮৬, এক্তিব কেস-৭৬৩৭৭ অমসুং লৈখিদ্রবা-১৫৩৭ শুরে।
• তেলঙ্গানাঃ রাজ্যসিদা নুপীনা লায়না পকপগী চাং হন্থবতা নত্তনা চহি কাংলুপশিংগী মনুংদগী চহি ২১-৩০ ফাওবগী মনুংদা লৈবা নুপীনা লায়না অসি পকপগী চাং ৱাংলি। রাজ্যসিগী অপুনবা পোজিতিব কেসকী মনুংদগী নুপানা ৬৫.৬%নি অমসুং নুপীনা ৩৪.৪%নি। মসিগী মনুংদা চহি ২১-৩০গী মনুংদা লৈবী নুপীশিংনা পোজিতিব ওইবা মশিংগী চাং (২২%) খ্বাইদগী ৱাংলি। হৌখিবা পুং ২৪দা অনৌবা কেস ২০১২, দিসচার্জ ১১৩৯ অমসুং মীওই ১৩ লৈখিদবগী পাউ লাকখি। কেস ২০১২ অসিগী মনুংদগী ৫৩২ কেস্তী জি.ঐচ.এম.সি.দগীনি। অপুনবা কেস-৭০৯৫৮, এক্তিব কেস-১৯৫৬৮ অমসুং লৈখিদ্রবা-৫৭৬ অমসুং দিসচার্জ তৌখিবা-৫০৮১৪ শুরে।
• মনিপুরঃ মনিপুরগী চীফ সেক্রেতরীনা রাজ্যগী পুলিস, আর্মী অমসুং পেরামিলিতরী ফোর্সকী মকোক থোংবশিংগা য়েংশিনবগী মীফম অমা ফমদুনা কোবিদ-১৯ থেংননবগী থৌরাং য়াৎপগী মতাংদা খন্নখ্রে।
• নাগালেন্দঃ রাজ্যসিদা ঙসি কোবিদ-১৯গী অনৌবা কেস ৯৪ লাকখি। মসিগী মনুংদা ৮৯দি দিমাপ্রদগীনি অমসুং ৫না কোহিমাদগীনি। তঙাই ফদবা কন্তেক্ত ত্রেসিং তৌখ্রে অমসুং প্রাইমরী কন্তেক্ত খুদিংমক আইসোলেসন তৌদুনা থমখ্রে।
• মহারাস্ত্রাঃ রাজ্যসিদা এক্তিব কেসকী মশিংদগী নাবা ফবগী মশিংনা শরুক অনি হেল্লে অমসুং রিকোবরী রেৎ অসি হৌজিক লৈবাক্কী ওইরিবা ৬৬%গা নকশিন্নরক্তুনা ৬৫%দা লৈরে। অপুনবা কেস লাখ ৪.৫৭কী মনুংদগী লাখ ২.৯৯দি নাবা ফখিদুনা এক্তিব কেসকী মশিং অসি লাখ ১.৪২ ওইরি। মুম্বাইবু মহৌশাগী ফিভমদা অমুক পুরক্নবা মরু ওইনা লৌখিবা ৱারেপ অমদা শহরগী লৈঙাক্লোইশিংনা ত্রেদকী থবক কয়াগী অয়াবা পীদুনা লোকদাউনগী কাঙলোন কয়া অমা কোম্থোকখ্রে। দুকান হাংবগী ওদ-ইবন রুল চৎনদ্রে অমসুং মোলশিং হাংবা য়াহনখ্রে।
• গুজরাতঃ মাইক্রো কন্তেনমেন্ত জোনগী মনুংদা লৈবা অনৌবা মফমশিংদা লৈবা য়ুম্থোং খুদিংদা চত্তুনা য়েংশিনবা অমসুং মাস স্ক্রীনিং তৌবগী থৌওং রাজ্যসিনা হৌদোকখিবগা লোয়ননা গুজরাত্তা কোবিদ-১৯ তেস্তিং তৌবগী চাং য়াম্না হেনগৎলে। ঙরাং তেস্ত ২০৭৩৫ তৌখ্রবা তুংদা হৌজিক ফাওবগী ওইবা অপুনবা তেস্ত তৌবগী মশিং অসি লাখ ৮.৫৪ য়ৌখ্রে। রাজ্য অসিদা এক্তিব কেস ১৪৮১১ লৈরি।
• রাজস্থানঃ রাজ্যসিদা সরকারগী অনলোক ৩.০ থৌরাংগী মতুং ইন্না য়োগ সেন্তর অমসুং জীম অমুক ঙসিদগী হাংবা হৌখ্রে। হকশেল মন্ত্রী রঘু শর্মনা হায়খিবদা প্লাস্মা থেরাপী পাঙথোকখিবা কোবিদকী অনাবশিংগী ফিভম ফগৎলক্লি হায়খ্রে। রাজ্যসিদা এক্তিব কেস ১৩১১৫ লৈরি।
• মধ্য প্রদেশঃ রাজ্যসিদা মীয়াম্বু কোরোনা নাবদগী ঙাকথোক্নবা হায়বগী পান্দমদা পাঙথোকপা ‘এক মাস্ক- অনেক জিন্দগী’গী মখাদা হৌজিক ফাওবদা মাস্ক বেঙ্ক ৪১৩ থমখ্রে। হৌজিক ফাওবদা মায় পাক্লে হায়না খন্নরিবা কেম্পেন অসিগীদমক্তা মীয়াম অমসুং ইন্সতিত্যুসন কয়া অমনা মাস্ক লাখ অমগা লিশিং কুনথ্রা হেন্না মতেং পাংলকখি। লৈবাকপোকপা নুমিত্তা রাজ্যসিদা অনৌবা কেস ৭৯৭ লাকখি।

**********