ভারত সরকারগী স্বদেশ দর্সন স্কিমগী মখাদা মিজোরমদা পায়খৎপা মালেম থাক্কী “থেনজোল গোল্ফ রিসোর্ত” ভর্চুএল ওইনা কলচর অমসুং তুরিজমগী রাজ্য মন্ত্রী(মনিংতম্বা) প্রাহলাদ সিংহ পতেলনা ঙসি নিউ দিল্লিদগী শঙ্গাখ্রে। থৌরম অদুদা মিজোরমগী তুরিজম মিনিস্তর রোবার্ত রোমাৱিয়ারোইতে অমসুং মিজোরম সরকারগী তুরিজম দিপার্তমেন্তগী কমিসন্নর অমসুং সেক্রেতরি শ্রীমতি ইস্থর লালরুতকিমিসু শরুক য়াখি।

প্রোজেক অসি স্বদেশ দর্সন-নোর্থ ইস্ত সরকুইতকী ইন্তেগ্রেতেদ দিবলপমেন্ত ওফ নিউ ইকো তুরিজমগী মখাদা সেরছিপ অমসুং রিয়েক জিলাশিংগী থেনজোল অমসুং সাউথ জোতেদা পায়খৎপনি। প্রোজেক অসিগী কাইথোকখিবা অপুনবা শেনফম লুপা করোর ৯২.২৫গী মনুংদা থেনজোলদা গোল্ফ কোর্স শেমগৎনবা লুপা করোর ৬৪.৪৮গী শেনফম অমা য়াওরি।

মালেমগী লৈবাক অতৈশিংগা চাংদম্নবদা ঈশিং-নুংশিৎকী ফিবম অসি য়াম্না নুংঙাইবা মরম্না ভারত্তা গোল্ফ তুরিজমগী খুদোংচাবা কয়া মরাংকাইনা লৈরি। লৈবাক অসিগী পুক্নিং হুনা ফজবা মফমশিং অমসুং লৈফম-চাফমগী অফবা খুদোংচাবশিং লৈবা অসিনা ভারত্তা গোল্ফ তুরিজমগী নুংঙাইবা হেনগৎহল্লে।হৌজিক ভারত্তা গোল্ফ কোর্স ২৩০ হেন্না লৈরে।  লৈবাক অসিদা গোল্ফ তুরিজম চাউখৎহন্নবা ভারত সরকারগী তুরিজম দিপার্তমেন্তনা থবক কয়া পায়খৎলে। ভারত্তা মালেম থাক্কী গোল্ফ কোর্স কয়া লৈরে অমসুং ভারত্তা পাংথোকপা গোল্ফ থৌরমশিং লৈবাক মনুং অমসুং মালেমগী লমকোয়বশিংনা য়াম্না পাম্নরে। গোল্ফ তুরিজম পাম্নবা হেনগৎলক্লিবা অসিগী খুদোংচাবা লৌনবা অমসুং লৈবাক মনুং অমসুং মালেমগী লমকোয়বশিংগী পুক্নিং চিংশিন্নবা ভারত্তা গোল্ফ তুরিজম চাউখৎহন্নবা ভারত সরকারগী তুরিজম দিপার্তমেন্তনা অপুনবা থৌরাং অমা পায়খৎলে।

কানাদাগী মমিং লৈরবা গোল্ফ কোর্স শেমগৎপা ফার্ম গ্রাহাম কুক এন্দ এসোসিয়েদনা থেনজোলগী গোল্ফ কোর্স অসি দিজাইন তৌবনি। মফম অসিগী অপুনবা পাক-চাউবনা একর ১০৫ অমসুং শান্নফম্না একর ৭৫নি, মসিদা হোল ১৮ লৈরি। মসিদা য়ু.এস.এগী রেন বার্দনা শাবা সেরিং ফিয়ারৱে অমসুং মশা মতোমতা ঈশিং চাইনবা সিস্তেম য়াওরি। কোর্স অসিদা ইকো-লোগ হত ৩০, অচা-অথক চাফম, লমহাংদা চাফম-থকফম, মী ওক্নবা অমসুং ঙাইনবা মফম য়াওরি অমসুং সাইবেরিয়াগী উচান্না শাবা মালেমগী থাক্কী তেবল অমসুং চৌক্রিশিংনা নিংথিনা লৈতেংলি।

থেনজোল গোল্ফ কোর্সকী খুদোংচাবা অমনা মসিনা অহোংবা মমলদা মালেম থাক্কী গোল্ফ শান্নবগী নুংঙাইবা অমসুং খুদোংচাবশিং পীগনি।  

********