ভারতকী রাস্ত্রপতি শ্রী রাম নাথ কোবিন্দনা ঙসি (ওগস্ত ৩, ২০২০) রাস্ত্রপতি ভবন্দা নর্সিংগী শিনফমদা লৈবা মীওইশিংগা রক্সা বন্ধন পাঙথোকমিন্নখ্রে। রাস্ত্রপতিগা উন্নদুনা রাখিগী য়াইফ পাউজেল পীখিবা মীওইশিংগী মনুংদা ত্রেন্দ নর্স এসোসিএসন ওফ ইন্দিয়া, মিলিতরী নর্সিং সর্বিস অমসুং প্রসিদেন্তস ইস্তেৎ ক্লিনিক্কী মীহুৎশিং য়াওখি।

য়াম্না তেন্তক্না ৱারী শাবগী সেসন অদুদা নর্সসিংনা রাস্ত্রপতিদা রাখি পীখি অমসুং কোবিদ লায়চৎ মনুংদা মখোয়না থেংনরকপশিং পাউদমখি। রাস্ত্রপতিনা মখোয়বু ইকায় খুম্নবা উত্তুনা মখোয়না মশাগী পুন্সিবু খুদোংথিবদা থমদুনা অতোপ্পগী পুন্সি কন্নবা হোৎনরিবা থৱাই কনবা মীওইশিংনি হায়খি। অসিগুম্লবা মথৌদা থৱাই চংবা থৌওংশিং অসিগী মরম্না মখোয়বু ফ্রন্ত-লাইন্দা লৈবা কোরোনাগী লান্মী হায়বগী মীয়াম্না ইকাই খুম্নরিবনি হায়না মহাক্না হায়খি।

চৎনবী অমা ওইনা রক্সা বন্ধন কুমহৈগী নুমিৎ অসিদা মচে-মচল ওইবীশিংনা মখোয়বু তেক্ত কায়দনা থম্বীনবা হায়দুনা মবুং-মৌপ্বাগী য়াইফ-থৌজাল লৌনৈ হায়না মহাক্না হায়খি অমসুং নর্সশিংগী ওইনদি, মীয়াম পুম্ববু তেক্ত কায়দনা থম্নবা থবক্তা কত্থোকপা অমসুং থৱাই চংবা থৌওংগী খুত্থাংদা মখোয়না মখোয়গী মবুং-মৌপ্বাশিংদা তেংবাংলি হায়না মখা তারদুনা হায়খি।

অনাবা লায়েংবগী মনুংদা কোবিদ-১৯ পোসিতিব ওইখিবা অমসুং কোন্না নাবা ফখ্রবা মিলিতরী নর্সিং সর্বিস (এন.এম.এস.) মীওই অনিগী মরমদা পল্লদুনা মখোয় অনিমক হৌজিক অনৌবা ইনোৎ অমগা লোয়ননা থবক্তা অমুক য়াওরে হায়রদুনা রাস্ত্রপতিনা নর্সিং ফ্রেতর্নিতী পুম্নমকপু লায়চৎ অসিগী মনুংদা মীয়ামদা থৱাই য়াওবা অমসুং খোঙফম চেৎপা সেবা পীবগীদমক্তা থাগৎপা ফোঙদোকখি। মহাক্না রক্সা বন্ধনগী কুমহৈনা লাকপসিদা নর্সিং খুন্নাইগী মীওই খুদিংমক্তা য়াই পাউজেল পীখি।

অহানবদা, মখোয়না কোবিদ-১৯না নারবা মীওইশিং লয়েংবদা থেংনখিবা কয়াগী মতাংদা পাউদমখি অমসুং নর্স খুদিংমক্না মখোয় মখোয়না থেংনখিবা তোঙান তোঙানবা ৱারীশিং লিখি। পুম্নমক অসিদা উবা ফংবা মখোয়গী অমত্তা ওইবা ৱাখল্লোন্দি লায়না অসিগী মরমদা অরানবা লৌশিংনা কোবিদ-১৯গী অনাবশিংদা ৱাখল হেন্না ৱাহল্লোইদবনি অমসুং অসিগুম্বা হীরম অসি নীংথিনা তাকপী তম্বীদুনা মেদিকেলগী ওইবা থৌওংগী মতুং ইন্না ৱারোয়শিং পুরক্কদবনি হায়বা অসিনি। রাস্ত্রপতিনা নর্সশিংগী পাউদম খুদিংমক পুক্নিং চংনা তাখি অমসুং মখোয়না লৈবাক্কীদমক্তা পাংলিবা থৌদাং কয়া অসিগী থাগৎপা ফোঙদোকখি।

*****