ইমুং-মনুংগী চৎনা লোনচৎতা অমসুং মরীশিংদা মীৎয়েং থম্বা হায়বা অসি ভারতকী চৎনবীগী তোপ তোপ্পা মগুন অমনি অমসুং মসিগী মরী অসি য়োকখৎপদা কুম্মৈনা অচৌবা থৌদাং অমা লৌরি হায়না উপ রাস্ত্রপতি শ্রী এম. ভেঙ্কয়া নাইদুনা ঙসি ফোঙদোকখি।

রক্ষা বন্ধনগী থৌরম অসিগী মতাংদা ফেসবুক পোস্ত অমদা উপ রাস্ত্রপাতিনা হায় মসি মচে-মচলশিং অমসুং মখোয়গী মবুং-মৌপাশিংগী ওইনা য়াম্না মরু ওইবা নুমিৎ অমনি। মহাক্না হায় মচিল-মনাওশিংগী মরক্তা লৈরিবা মরী অদুবু নৌহৌনা চেৎশিলহল্লিবা অমদি নুংঙাইবা ফোঙদোক্নবা থৌরম অমা ওইরি।

ঐখোয়গী কুম্মৈশিং অসিগী কান্নবা অমসুং পাঙথোকপগী মরমগী মতাংদা হৌগৎলক্লিবা নহাশিংদা খঙহনবা মথৌ তাই হায়না থম্লদুনা মহাক্না হায়খি: “মসিনা অসিগুম্বা কুম্মৈশিং অসিগী নুংগী ওইবা অফবা কান্নবশিং অমসুং লমচৎশিং অদু মখোয়দা তমশিনহন্নবা ঙমগনি”

রামায়নদগী খুদম অমা পীরদুনা মহাক্না হায় চহি কয়াদগী হৌনা মসিগী ইমুং মনুংগী ওইবা মরীশিং অসি মহা কাব্যশিং, ফুঙ্গা ৱারী, খুন্নাইগী চৎনবীশিং অমসুং কুম্মৈশিংগী খু্ত্থাংদা য়ৌখৎতুনা অমদি হৌগৎতুনা লাক্লি। মালেমনা খঙনরবা ভারতকী জোইন্ত ফেমিলীগী সিস্তেম অসিনা অপুনবগী মরী অমসুং লৌশিং হেনগৎহনবা খক নত্তনা ইমুংগী মীওইশিংদা অপুনবগী ওইবা ৱাখল্লোন অদুসু পোকহল্লি। “হায়রিবা সিস্তেম অসি নুংশিবা, ইকাই খুম্নবা, কত্থোকপা অমসুং থৌদাংশিংদা য়ুম্ফম ওইবা অমনি”, হায়না মহাক্না মখা তাখি।

করৱা চোথ, অহোয় অস্তমী, গুরু পুর্নিমাগুম্বা মীওইবগী মরক্তা লৈনরিবা মরীশিং চেৎশিন্নবা পাঙথোক্লিবা ভারতকী অখন্নবা কুম্মৈ কয়া পল্লদুনা, উপ রাস্ত্রপতিনা হায় চহি অসিগী রক্ষা বন্ধন অসি মালেম পুম্বনা কোরোনাভাইরস লান্থেংনরিঙৈ মতম অসিদা য়ৌরক্লে। “পুন্সি কয়া অমসুং মীওই কয়াগী হিংনবগী পাম্বৈশিংদা চাউনা অকায়বা পীবগী মথক্তা ভাইরস অসিনা মখল কয়াগী কুম্মৈশিং পাঙথোকপদা অকায়বা পীরি”, হায়না মহাক্না হায়খি।

ঐখোয়না নুংশিজরিবশিংবু ঙাকথোক্নবা অমদি লায়না অসি মায়থিবা পীনবগীদমক ইমুং-মনুং পুনবা অমসুং মীয়াম পুন্নবা তৌদনবা মহাক্না অকনবা ৱা থম্লদুনা হায় চেকশিনবা নত্তনা অতোপ্পা পাম্বৈ অমত্তা লৈতে।

লায়চৎ অসিনা ঐখোয়গী হরাও তয়াম্বা নুংঙাইবনা থল্লবা কুম্মৈ অসি লেপ্পা তারি হায়না ফোঙদোক্লদুনা শ্রী নাইদুনা হায়খি: “ভাইরস অসি মায়থিবা পীনবা  ঐখোয় পুন্না খোঙফম চেৎনা অমসুং অপুনবা মওংদা লেপ্পা মথৌ তাই। অদু ফাওবদি, প্রজা খুদিংমক্না সোসিএল দিস্তেন্সিং য়াওনা সরকারনা পীরিবা চৎনা কাঙলোন পুম্নমক চেকশিন্না অমদি ঙাকনা চৎসি।”

*****