দ্রগস কন্ত্রোল্লর জেনেরেল ওফ ইন্দিয়া (দি.জি.সি.আই.)না পুনেগী সীরম ইন্সতিত্যুৎ ওফ ইন্দিয়াদা ওক্সফোর্দ য়ুনিবর্সিতী-এস্ত্রা জেনেকা কোবিদ-১৯ বেক্সিন (কে.ও.ভি.আই.এস.ঐচ.আই.ই.এল.দি.) গী ফেজ ২+৩গী ক্লিনিকেল ত্রাইএল অসি ভারত্তা পাঙথোকপগী অয়াবা পীখ্রে। মসিনা কোবিদ-১৯গী বেক্সিন পুথোকপগী খোঙজেল য়াংহল্লগনি।

ভারতকী কেস ফেতেলিতী রেৎ (সি.এফ.আর.) ফগৎপা হেনগৎলক্লি অমসুং মসিনা মরম ওইদুনা মালেমগী মনুংদা কোবিদ ফেতেলিতী রেৎ খ্বাইদগী নেম্বশিংগী মনুংদা লৈরি। মখা তানা হন্থরক্তুনা ঙসিদি হায়রিবা অসি ২.১১%দা লৈখ্রে। পুম্নমক অসি লৈবাক শিনবা থুংনা কোবিদ-১৯ শেন্নবদা তেংবাংখিবা “তেস্ত ত্রেক ত্রীৎ” তৌবগী নীংথিনা থৌরাং য়াত্তুনা থবক ওইনা পাঙথোকখিবা থৌওং কয়াগী অমগী মহৈনি।

কোবিদ-১৯ শেন্নবগী থৌওং অসিদা ঙন্না লাইওং খংদোকপা অমসুং নীংথিনা অনাবা য়েংশিনবগী থৌওং অমা ওইনা অনাবশিংবু আইসোলেসন তৌবা অমসুং ফিল্দদা লৈরিবা হেলথ কেয়রগী থৌমীশিং শিজিন্নদুনা খুদোংথিবা হেন্না নংবা য়াবা মীশিং খন্দোকপগী মওং কয়া য়াওই অমসুং মসিগী মতুং ইন্না লৈবাক অসিদা লায়না অসিদগী নাবা ফবশিংগী মশিং হেনগৎলক্লিবনি। হৌখিবা পুং ২৪দা ভারত্তা মীওই ৪০,৫৭৪দগী হেন্না নাবা ফখি। মসিনা অপুনবা নাবা ফরবা মশিং অসি ১১,৮৬,২০৩ য়ৌহন্দুনা কোবিদ-১৯গী অনাবশিংগী রিকোবরী রেৎ ৬৫.৭৭%দা লৈহল্লি।

নোঙমদা নাবা ফবগী মশিং হেনগৎলকপদগী নাবা ফরবা অমসুং এক্তিব কেসকী মরক্তা লৈবা অহাঙবা অসি হৌজিক্তি লাখ ৬ হেল্লে। অহাঙবা অসি হৌজিক ৬,০৬,৮৪৬ ওইরি। মসিনা হায়বদি এক্তিব কেসকী তসেংবা মশিং অসি ৫,৭৯,৩৫৭নি অমসুং মখোয়শিং অসি কন্না লায়েংলি। 

হকশেল অমসুং য়াইফ য়ুম্বাল মন্ত্রালয়না মে ২৪, ২০২০দা থোকখিবা গাইদলাইনগী মহুৎ শিনবা ওইনা অনৌবা রিবাইজদ গাইদলাইন ফোর ইন্তর্নেস্নেল এরাইবেলগী গাইদলাইন অমা থোকখ্রে। হায়রিবা অসি ওগস্ত ৮, ২০২০গী পুং ০০.০১দগী চৎনবা হৌগনি। অকুপ্পা মরোলদি মখাগী অসিদগী খঙবা য়াগনি।

https://www.mohfw.gov.in/pdf/RevisedguidelinesforInternationalArrivals02082020.pdf

অচুম্বা, অমসুং খুদক্কী ওইবা কোবিদ-১৯গা মরী লৈনবা তেক্নিকেল ইস্যু, গাইদলাইন অমসুং এদ্ভাইজরীশিংগী ঈ-পাউশিংগীদমক https://www.mohfw.gov.in/ দা অমসুং @MoHFW_INDIA দা চাং নাইনা চঙবীয়ু।

কোবিদ-১৯গা মরী লৈনবা তেক্নিকেল ক্বেরীসিংগীদমক technicalquery.covid19[at]gov[dot]in দা থাবীয়ু অমসুং অতোপ্পশিংগী ওইনা ncov2019[at]gov[dot]in and @CovidIndiaSevaদা থাবীয়ু।

কোবিদ-১৯গী ক্বেরীশিংগী ওইনা হকশেল অমসুং য়াইফ য়ুম্বাল মন্ত্রালয়গী হেল্পলাইন নম্বর +91-11-23978046 নত্ত্রগা 1075 (তোল-ফ্রী) দা কোল তৌবীয়ু, রাজ্যশিং/য়ু.তি.শিংগী হেল্পলাইন নম্বরশিংগী লিস্তসু https://www.mohfw.gov.in/pdf/coronvavirushelplinenumber.pdf তা ফংবীগনি।

****