মাইক্রো, স্মোল অমসুং মেদিয়ম ইন্তর্প্রাইজেস মন্ত্রালয়

এম.এস.এম.ই. মন্ত্রী শ্রী নিতিন গদকরিনা ভারতপু ধুপ পুথোকপদা আত্মানির্ভর ওইহন্নবা অনৌবা স্কিম অমগী অয়াবা পীখ্রে

কে.ভি.আই.সি.না থবক লিশিং কয়া অমা লৈহন্নবা অমসুং মীরমদগী পুশিল্লকপা পোত্থোক্তা মীপান তাংদনবা অথুবা মতমদা পাইলোৎ প্রোজেক্ত অমা হৌদোক্লগনি

Posted On: 02 AUG 2020 2:19PM by PIB Imphal

কেন্দ্রগী এম.এস.এম.ই. মন্ত্রী শ্রী নিতিন গদকরিনা খাদি অমসুং বিলেজ ইন্দস্ত্রীজ কম্মিসন (কে.ভি.আই.সি.)না হৌদোকখিবা থবক পীবগী অখন্নবা স্কিম অমা ভারতপু ধুপ পুত্থোকপদা আত্মানির্ভর ওইহন্নবা স্কিম অমগী অয়াবা পীখ্রে। “খাদি ধুপ আত্মানির্ভর মিসন” হায়না মিংথোনবা প্রোগ্রাম অসিনা লৈবাক অসিগী তোঙান তোঙানবা মফমদা লৈরিবা থবক ফংদবা অমসুং মাইগ্রেন্ত শিন্মীশিংদা থবক পীদুনা ভারতকী ওইনা ধুপ পুথোকপা অসি হেনগৎহনবদা পান্দম থম্লি। হৌদোকখিবা অসি মমাং থাদা এম.এস.এম.ই. মন্ত্রালয়দা পীশিনখি। পাইলোৎ প্রোজেক্ত অসি অথুবা মতমদা লোঞ্চ তৌরগনি অমসুং প্রোজেক্ত অসিনা মথৌ নীংথিনা তৌরকপা মতমদা ধুপ ইন্দস্ত্রীদা থবক লিশিং কয়া অমসু লৈরগনি।

কে.ভি.আই.সি.না পি.পি.পি. মোদতা শেম-শাবা স্কিম অসি শেল থাদবদা য়াম্না হন্থবগী মওং চেন্দুনা হীরম খুদিংদা তোঙাল্লি অমসুং মসিনা থবক কয়া অমা পীবা ঙমদুনা ধুপ পুত্থোকপা মীওইশিংনা শেল থাদদনা পোত্থোক পুথোকপা হেনগৎহনগনি। স্কিম অসিগী মখাদা কে.ভি.আই.সি.না ব্যুজিনেস পার্তনর ওইবা য়াবগী য়ানচেদা খুৎয়েক পীবা মায় পাক্না  ধুপ পুথোক্লিবা লন্নাইগী মীওইশিংগী খুত্থাংদা আর্তিসানশিংদা ধুপ শানবা ওতোমেতিক মেছিন অমসুং মিক্সিং মেছিন পীগনি। কে.ভি.আই.সি.না লোকেলগী পোত্থোক পুথোকপবু পুক্নিং থৌগৎপা ওইনা ভারতকী মেছিন শাবশিংনা লমদম অসিদা শাজবা মেছিন খক্তমক লৈবগী ৱারেপসু লৌখি।

কে.ভি.আই.সি.না মেছিনগী মমলগী ২৫% সবসিদী ওইনা পীদুনা লেমহৌরিবা শেনফম অসিগী ৭৫%দি থা খুদিংগী ওইনা আরতিসানশিংদগী ইন্সতোলমেন্ততা লৌগনি। ব্যুজিনেস পার্তনরশিংনা আর্তিসানশিংদা ধুপ শানবা পোৎলমশিং পীগনি অমসুং থবক্তা য়ুম্ফম ওইদুনা খুৎশুমন পীগনি। আর্তিসানশিংবু ত্রেনিং তৌবদা চংবা শেনফম অসি কে.ভি.আই.সি.না অপুনবা শেনফমগী ৭৫% পুথোক্কনি অমসুং অতোপ্পা ২৫% অসিনা খুৎশম্নরিবা ব্যুজিনেস পার্তনরশিংনা পুথোক্কনি।

ধুপ পুথোকপগী ওতোমেতিক মেছিন অমমম্না নোঙমদা ধুপ কিলো ৮০ পুথোক্তুনা মীওই ৪দা হকথেংনা থবক পীগনি। ধুপ শানবা মেছিন ৫/৫গী ওইনা মিক্সিং অমমম পীগনি অমসুং মসিনা মীওই ২দা থবক পীগনি।

হৌজিক চৎনরিবা ধুপ শাবগী মমল অসি কিলোদা লুপা ১৫নি। চৎনরিবা মমল অসিদা ধুপগী শানবা ওতোমেতিক মেছিন অমদা মীওই মরিনা থবক তৌদুনা কিলো ৮০ পুথোকপা মতমদা নোঙমদা য়ামদ্রবদা লুপা ১২০০ তানবা ঙমগনি। মতৌ অসুম্না আর্তিসান খুদিংমক্না য়ামদ্রবদা নোঙমদা লুপা ৩০০ শোয়দনা তানবা ঙমগনি। মসিগা মান্নবা ওইনা পাউদর মিক্স তৌনবা মেছিন্দা থবক তৌরিবা মীওই অমনা নোঙমদা লুপা ২৫০ শুংসোয় শোয়দনা তানগনি।

স্কিম অসিগী মতুং ইন্না আর্তিসানশিংগী খুৎশুমন অসি ব্যুজিনেস পার্তনরশিংনা চয়োলগী ওইনা মখোয়গী একাউন্তশিংদা দি.বি.তি.গী খুত্থাংদা হকথেংননা হাপকনি। আর্তিসানশিংদা পোৎ শানবা পোৎলম পীবা, লোজিস্তিক্স, মগুন য়েংশিনবা অমসুং শাবা লোয়রবা পোত্থোকশিং য়োনবা অসিদি ব্যুইজিনেস পার্তনরশিংগী থৌদাং ওইগনি। মেছিনগী মমলগী ৭৫% ফংলবা তুংদদি মেছিনশিং অসিগী মপু অসি আর্তিসানশিংনা ওইগনি।

হীরম অসিগী মতাংদা কাংলুপ অনিগী ওইবা য়ানচে অমা কে.ভি.আই.সি. অমসুং ধুপ শাবা লন্নাইগী পোত্থোক পুথোকপশিংগী মরক্তা প্রোজেক্ত অসিনা পি.পি.পি. মোদতা মায় পাক্না পাংথোক্লবা তুংদা খুৎয়েক পীনগনি।

স্কিম অসি শ্রী গদকরিনা হৌদোকখিবগী মতুং ইন্না কম্মর্স মন্ত্রালয় অমসুং শেলথুম মন্ত্রালয়না মথংশিৎনা লৌখিবা অচৌবা ৱারেপ অনিগী মতুং ইন্না শেমখিবনি- শেম শাদ্রিবা ধুপ মীরমদগী পুশিল্লকপদা অথিংবা থম্বা অমসুং মীরমদগী ৱা পুশিল্লকপগী ইম্পোর্ত দ্যুতী হেনগৎপা।

কে.ভি.আই.সি.গী চেয়রমেন শ্রী বিনয় কুমার সক্সেনানা হায়রিবা কেন্দ্র সরকারগী ৱারেপশিং অসিনা ধুপ ইন্দস্ত্রীদা থবক কয়া অমা পীবগী খুদোংচাবা লৈহল্লে হায়খি। “থবক য়াম্না পীবা ঙমগদৌরিবা খুদোংচাবশিং অসি লৌশিনবা ওইনা কে.ভি.আই.সি.না ‘খাদি ধুপ আত্মানির্ভর মিসন’ কৌবা প্রোগ্রাম অমস শেম-শারে অমসুং মসিগী অয়াবা ফংবগীদমক্তা এম.এস.এম.ই. মন্ত্রালয়দা পীশিনখ্রে”, হায়না সক্সেনানা হায়খি।

প্রোগ্রাম অসিনা আর্তিসানশিংবু লমজিংদুনা লোকেল ধুপ ইন্দস্ত্রীবু শৌগৎপগী পান্দম থম্লি। হৌজিক হৌজিক লৈবাক অসিদা ধুপ শিজিন্নবগী চাং অসি নোঙমদা এম.তি. ১৪৯০নি অদুবু ভারতনা নোঙমদা পুথোকপা ঙম্বা অসি শুপ্নগী এম.তি. ৭৬০নি। মীয়াম্না পাম্বা অমসুং মখোয়দা পীবা ঙম্বগী মরক্তা চাউরবা অহাঙবা অমা লৈরি মরম অদুনা মসিনা থবক ময়াম অমা পীবা ঙম্বগী মতিক লৈ।

*****



(Release ID: 1643036) Visitor Counter : 114