মখল অসিগী অহানবা থৌরম অমা ওইনা, ২০২০গী জুলাই ৩১দা মতম লোইরবা ভারত রেলৱেজগী ওফিসারশিং/স্তাফশিং থবক্তগী পোথাবগী থৌরম অমা রেলৱেজ মিনিস্ত্রীনা শীন্দুনা ভর্চুএল ওইনা পাংথোকখ্রে। থৌরম অদুদা জোনশিং/দিবিজনশিং/প্রদক্সন য়ুনিতশিংগী ওফিসারশিং অমসুং স্তাফশিং প্লেতফোর্ম অমদা পুনখি। ভারত রেলৱেজগী পুৱারিদা অহানবা ওইনা, ২০২০গী জুলাই ৩১দা থবক্তগী পোথারবা ওফিসার/স্তাফ ২৩২০ রেলৱেজ মিনিস্তরগা ৱারি শানখি। থৌরম অদুদা রেলৱেজ, কমর্স অমসুং ইন্দস্ত্রি মিনিস্তর পিয়ুস গোয়াল, রেলৱেজগী রাজ্য মন্ত্রী সুরেস সি অঙ্গাদি, রেলৱেজ বোর্দকী চেয়রমেন সুসান্ত কুমার মিশ্রা অমসুং রেলৱেজগী সেনিয়র ওফিসারশিং শরুক য়াখি।

থৌরম অদুদা মিনিস্তরনা হায়খি, ঙসি অসি হরাওবা অমসুং নুংঙাইবা নুমিৎ অমনি। স্তাফশিংনা হিরম কয়াদা মতম শাংনা থবক তৌরকপা মরম্না নুমিৎ অসি হরাওবা নুমিৎ অমনি। নখোয়না পাংথোক্লম্বা থবকশিং অসিনা হেন্না ফবা রেলৱেজ অমা ওইবা ঙম্বনি অমসুং রেলৱেজগীদমক নখোয়না পাংথোক্লম্বা থবকশিং অদু নিংশিংদুনা লৌহৌরগনি।

কোবিদ লাইচৎ মনুংদা পোৎ-চৈ পুবা ত্রেনশিং, পার্সেল ত্রেনশিং, শ্রামিক স্পিসিএল ত্রেনশিং চেল্লে। লাইচৎ মনুংদা লৈবাক্কী থবক তৌনবা রেলৱেজনা কন্না হোৎনরি। রেলৱেজগী স্তাফশিং ময়ামদগী হন্থবা কোরোনা লান্মীশিং নত্তে। কোবিদ থেংননবা শোক্নরিবা লান মনুংদা থবক ফজনা পাংথোকখিবগীদমক ঐনা স্তাফশিং থাগৎলি হায়না মিনিস্তরনা মখা তাখি।  

মিনিস্তরনা মখা তানা হায়খি, মসিগী পোথাবা অসি কনাগুম্বা অমগী পুন্সিগী খোঙচৎতা লৈবা মরক্কী স্তেসন অমনি , খোঙচৎ অসিগী লেমহৌরবা শরুক অদু লৈবাক্কী য়াইফনবা করিগুম্বা খর পাংথোক্লবদি হেন্না নুংঙাইগনি। করিগুম্বা ঐখোয়গী পুন্সিদা অহাংবা মতম খরা লৈরবদি মতম অদু লৈবাক্কী য়াইফনবা অমসুং ঐখোয়গী লৈবাক্কী তুংগী ফিবম ফনবা শীজিন্নগদবনি। তুংগী মীরোলশিং ঐখোয়না পুক্নিং থৌগৎকদবনি অমসুং মখোয়গী হেন্না ফবা পুন্সি অমা শেম্বীরমগদবনি। লু-নানবা অসি অপীকপা থবক অমা ওইরবসু মসিনা অচৌবা অহোংবা অমা পুরকপা ঙম্মি। নোংগী ঈশিং তুংশিনবা, অমোৎ-অকাইদগী হার পুথোক্নবা অমসুং লৌমীশিংগী চাথোক হেনগৎহন্নবা অনৌবা পাম্বৈশিং পুথোক্নবা খুন্নাইগী থবকশিংদা অহোংবা পুরক্নবা থবক্তগী পোথারবশিংনা মতেং পাংগদবনি।

মহাক্না হায়খি থবক্তগী পোথারবা রেলৱেজগী ওফিসারশিং অমসুং স্তাফশিং সরকারগী থবক তৌবগী লৌশিং য়াম্না লৈরবা ঙাক্তনি। মখোয়না মখা তানা মীচম মীয়ামদা সরকারগী থৌশিলশিং অমসুং থবকশিংগী মতাংদা তাকপী-তম্বীগদবনি। মসিনা মখোয়গী পুন্সি য়াইফনবা অচৌবা মতেংশিং ওইগনি।

রাজ্য মন্ত্রী সুরেসনা হায়খি, রেলৱেজ স্তাফশিংনা পাংথোকখিবা থবকশিং রেলৱেজ অমসুং লৈবাক অসিনা মতম পুম্নমক্তা কাউরোই । নখোয়গী পাউতাক অদুনা নহা ওইরিবা স্তাফশিং পুক্নিং থৌগৎনবা মতম পুম্নমক্তা তরাম্না ওক্কনি। নখোয়গী থৌনা হাপ্না ঐনা ঈশ্বরদা খুরুমজরি। রেলৱেজগী মীওই অমা মতম পুম্নমক্তা রেলৱেজগী মীওই অমা ওইগনি।

ওফিসার অমসুং স্তাফশিংনা রেলৱেজ মিনিস্তর অমসুং রাজ্য মন্ত্রীগা ৱারি শানখি অমসুং মখোয় থবক্তগী পোথাবগী থৌরম অসি নিংশিংদুনা লৌহৌরগদবা থৌরম অমা ওইহনবগীদমক মখোয়না থাগৎখি। মখোয় মতম পুম্নমক্তা রেল পরিবারগী শরুক অমা ওইগনি হায়না মখোয়না ফোঙদোকখি।

ভারত রেলৱেজগী অপুনবা ওফিসার/স্তাফ ২৩২০ থবক্তগী পোথাখ্রে।

*****