সাইন্স অমসুং তেক্নোলোজী, হকশেল অমসুং য়াইফ য়ুম্বাল অমসুং আর্থ সাইন্সকী মন্ত্রী দাঃ হর্শ বর্ধন্না ঙসি অহানবা ওইনা পেন-ইন্দিয়াগী সারস-কোভ-২গী  জীনোম ১০০০ সিক্বেন্সিং তৌবদা মায় পাক্লে লাউথোকখ্রে। মহাক্না বাইওতেক্নোলোজী বিভাগ (দি.বি.তি.)কা লোয়ননা মীফম অমা ফমখি অমসুং দি.বি.তি., বাইওতেক্নোলোজী ইন্দস্ত্রী রিসর্চ এসিস্তেন্স কাউন্সিল (বি.আই.আর.এ.সি.) অমসুং দি.বি.তি.-ওতোনোমস ইন্সতিত্যুসন (এ.আই.)শিংনা পাংথোকপা কোবিদ-১৯গা মরী লৈনবা থবকশিং য়েংশিনখি।

মীফম অদুদা দাঃ হর্শ বর্ধন্না হায়নখিবা মতমগী মনুংদা বাইওতেক্নোলোজী বিভাগনা শাখিবা দেদিকেতেদ কোবিদ-১৯ রিপোজিতরী মঙাগী খ্বাইদগী চাউবা চাউরবা নেৎৱর্ক অমসু লোঞ্চ তৌদুনা লৈবাক্কী ওইনা কত্থোকখি। হায়রিবশিং অসি ত্রান্সলেস্নেল হেলথ সাইন্স অমসুং তেক্নোলোজী ইন্সতিত্যুৎ (তি.ঐচ.এস.তি.আই.), ফরিদাবাদ; ইন্সতিত্যুৎ ওফ লাইফ সাইন্স (আই.এল.এস.), বুবনেশ্বর; ইন্সতিত্যুৎ ওফ লিভর অমসুং বিলিয়ারী সাইন্স (আই.এল.বি.এস.), নই-দিল্লী; নেস্নেল সেন্তর ফোর সেল সাইন্স (এন.সি.সি.এস.), পুনে অমসুং ইন্সতিত্যুৎ ফোর স্তেম সেল সাইন্স অমসুং রিজেনেরেতিব মেদিসিন (ইনস্তেম), বাঙ্গালোরদা লোই। মহাক্না দি.বি.তি.না “লায়চৎ অসিবু হন্থহন্নবা লেপ্তনা চত্থরিবা লান”গী থবক থৌরমশিং অসিবু থাগৎপা ফোংদোকখি।

দাঃ হর্শ বর্ধন্না হায়খি, “মসিগী ৱারোল অসিনা কোবিদ-১৯ শন্দোকপগী মতাংদা থিজিনবগী তঙাইফদবা লৈবা মীয়ামগী হকশেলগীদমক্তা হোৎনরিবা খোঙথাং কয়াদা মরু ওইবা অসি য়েংলদুনা সিক্বেন্স দেতা অসি মালেম শিনবা থুংনা থিজিন হুমজিল্লিবা মীওইশিংনা শিজিন্নবা য়ানবা গ্লোবেল ইনিসিএতিব ওন শ্যারিং ওল ইনফ্লুএঞ্জা দেতা (জি.আই.এস.এ.আই.দি.)দা থাদোক্লগনি”। “দেতাবেজ অসিদা য়াওরিবা ই-পাউশিং অসিনা ভাইরস অসি মতৌ করম্না শন্দোকপগে হায়বদু ঐখোয়দা মুন্না খঙহন্দুনা মসিনা শন্দোকপগী পথাপ কায়হন্দুনা অনৌবা মহিক চঙবা থিংবা অমসুং মসিদগী ঙাকথোক্নবা থিজিনবগী থৌওংশিংদা শাফু পীরগনি”, হায়না মহাক্না মখা তাখি। মন্ত্রীনা মখা তানা হায়খিবদা হৌজিক চত্থরিবা দেতা য়েংশিনবা অসিনা ঐখোয়না কোবিদ-১৯গা লান্থেংনরিবা অসিদা অফবা অমসুং নুংঙাইবা ৱারোয়শিন পীবা য়াই হায়না হায়খি।

দাঃ হর্শ বর্ধন্না বেক্সিন কেন্দিদেৎ ১৬ অমসু শেম-শাবগী তোঙান তোঙানবা থাক্তা লৈরি হায়খি। “বি.সি.জি. বেক্সিন অসিনা ফেজ ৩গী ত্রাইএলদা, জাইদস কেদিলা দি.এন.এ. বেক্সিন অসিনা ফেজ ১/২ ত্রাইএল অমসুং বেক্সিন কেন্দিদেৎ ৪না প্রি-ক্লিনিকেল স্তদীজকী অৱাংবা থাক্তা লৈরে। গুদ ক্লিনিকেল লেবোরেতরী প্রেক্তিস (জি.সি.এল.পি.) ক্লিনিকেল ত্রাইএল তৌনবা মফম ৫সু শেম্লে অমসুং বেক্সিন দিবেলপমেন্তেল স্তদীগী শা ৬কী মোদেলসু শেম-শাদুনা লৈরে”, হায়না মহাক্না হায়খি।

দি.বি.তি.গী ওতোনোমস ইন্সতিত্যুৎশিংনা অতোপ্পা লৈবাক্কী লেবোরেতরী অমসুং ক্লিনিকেলগী থবক তৌবা লুপশিংগা পাংথোকমিন্ননবা হায়দুনা চহিসিগী মে থাদা বাইওতেক্নোলোজী বিভাগনা পেন ইন্দিয়াগী সারস-কোভ-২গী আর.এন.এ. জীনোম ১০০০ সিক্বেন্সিং তৌবগী প্রোগ্রাম অমা হৌদোকখিবনি।

নেস্নেল ইন্সতিত্যুৎ ওফ বাইওমেদিকেল জীনোমিক্স (এন.আই.বি.এম.জি.-কল্যানি), নোংচুপ-বেঙ্গল অমসুং অতোপ্পা নেস্নেল ক্লস্তর ৫, আই.এল.এস.-ভুবনেশ্বর, সেন্তর ফোর দি.এন.এ. ফিঙ্গরপ্রিন্তিং অমসুং দাইগ্নোস্তিক (সি.দি.এফ.দি.)-হায়দ্রবাদ, ইনস্তেম-নেস্নেল সেন্তর ফোর বাইওলোজিকেল সাইন্স (এন.সি.বি.এস.)-আই.আই.এস.সি.-বেঙ্গালোর অমসুং এন.সি.সি.এস. পুনেনা শিল-লাংবা কন্সোর্তিয়ম অসিনা সিক্বেন্সিং অমসুং এনালাইসিস তৌবদা য়াম্না কন্না থৱাই চংলি। মসিদা খুৎশম্নরিবা নেস্নেল ইন্সতিত্যুৎ অমসুং ক্লিনিকেল ওর্গনাইজেসনশিং অদুদি আই.সি.এম.আর.-নেস্নেল ইন্সতিত্যুৎ ওফ কোলেরা অমসুং এন্তেরিক দিজিজ, ইন্সতিত্যুৎ ওফ পোস্ত-গ্রেজুএৎ মেদিকেল এজুকেসন অমসুং রিসর্চ (আই.পি.জি.এম.ই.আর.)-কোলকতা, আই.আই.এস.সি.-বেঙ্গালোর, এ.আই.আই.এম.এস.-রিশিকেশ (উত্তরাখন্দ), মাউলানা অজাদ মেদিকেল কোলেজ (এম.এ.এম.সি.)-দিল্লী, তি.ঐচ.এস.তি.আই.-ফরিদাবাদ, গ্রান্ত মেদিকেল কোলেজ (জি.এম.সি.)-ঔরঙ্গাবাদা, মহাত্মা গান্ধী ইন্সতিত্যুৎ ওফ মেদিকেল সাইন্স (এম.জি.আই.এম.এস.)-ৱার্ধা, আর্মদ ফোর্স মেদিকেল কোলেজ (এ.এফ.এম.সি.) অমসুং বাইরামজী জীজীভোয় মেদিকেল কোলেজ (বি.জে.এম.সি.)-পুনে অমসুং অতোপ্পা হোস্পিতালশিংনি।

কন্সোর্তিয়ম অসিনা রিএল তাইম পি.সি.আর. তেস্ত তৌবদা কোবিদ-১৯ পোজিতিব ওইরবা মীওইশিংদগী লৌখৎপা নেজোফেরঞ্জিএল অমসুং ওরোফীঞ্জিএল স্বাবশিংদগী ১০০০ সারস-কোভ-২ জীনোম সিক্বেন্সিং তৌবগী অহানবা পান্দম অদু মায় পাক্না পাংথোকপা ঙম্লে হায়খ্রে। সেম্পলশিং অসি ভারত মনুংদা লৈবা জোন কয়া য়াওদুনা রাজ্য ১০দগী খোমগৎখিবনি।

দি.বি.তি.না মতম খরগী মনুংদা অনৌবা অমসুং তোঙানবা তেক্নোলোজীগী ওইবা থৌওং অমা পুথোকপা ঙম্নবা নীংথিনা থৌরাং য়াৎপা থবক্কী খুত্থাংদা কোবিদ-১৯গী বাইও রিপোজিতরী অসিবু শৌগৎলি। মসিগী বাইও রিপোজিতরী অসিগী মরু ওইবা থৌদাংদি নেজো-ওরোফেরিঞ্জিএল স্বাবশিং, মথী-ময়ুং, তিন, সীরম, প্লাসজমা, পি.বি.এম.সি. অমসুং সীরমশিং য়াওনা মথৌ তৌদ্রবা ভাইরস অমসুং ক্লিনিকেল সেম্পলশিংবু নীংথিনা থমজিনবনি।

মসিগী খনগৎলবা বাইও রিপোজিতরীশিং অসিনা আর. এন্দ দি.গী থবক্কীদমক্তা ক্লিনিকেল সেম্পলশিং শিজিন্নগনি অমসুং মখোয়না সেম্পলশিং অসি হায়জরকপগী মতুং ইন্না অমসুং লৈবাক্কী অফবা ওইগনি হায়বগী হীরমশিং য়েংশিল্লবা তুংদা  মহৈ-তম্বীবদা, দাইগ্নোস্তিক, থেরাপ্যুতিক্স, বেক্সিন্নচিংবা শেম শাবগা মরী লৈনবা ইন্দস্ত্রী অমসুং কম্মর্সিএল এনিতিতীশিংদা পীবা য়াবগী অয়াবা লৈ। সেম্পল খোমজিনবা, পুথোক-পুশিন তৌবা, এলিকুওতিং, থম্বা অমসুং পীথোক পীশিন তৌবগী স্তেন্দর্দ ওপরেতিং প্রোসিজর (এস.ও.পি.)শিংসু শেম্লে। ঙসি ফাওবদা ক্লিনিকেল সেম্পল ৪৪৪৫২ খোমজিন্দুনা মফম মঙাদা থমখ্রে। সেম্পল ৫০০০ হেনববা পীথোক পীশিন তৌখ্রে।

দি.বি.তি.গী সেক্রেতরী দাঃ রেনু স্বারুপনা শরুক য়াখিবা মীফম অদুদা দি.বি.তি. অমসুং মসিগী ওতোনোমস ইন্সতিত্যুৎশিং অমসুং পব্লিক সেক্তরগী বি.আই.আর.এ.সি. অমসুং বি.আই.বি.সি.ও.এল.গী সেনিয়র ওফিসারশিংনা ভিদিও-লিঙ্ককী খুত্থাংদা য়াওরকখি অমসুং মীফম অসিদা মন্ত্রীনা রিসর্চ গ্রুপ ১৫০ হেনবনা ইন্দস্ত্রী/একাদমিয়া কোল্লাবোরেসন চাউরাক্না ৮০, একাদমিক রিসর্চ ইন্সতিত্যুৎ ৪০ অমসুং স্তার্ত-অপ রিসর্চ গ্রুপ ২৫ হেন্না শৌগৎপগী থবক পাংথোক্লিবা দি.বি.তি.-বি.আই.আর.এ.সি. কোবিদ-১৯ রিসর্চ কন্সোর্তিয়াগী অপদেৎ পীখি।

কন্সোর্তিয়ম অসিনা নোঙমদা আর.তি.পি.সি.আর. দাইগ্নোস্তিক কেৎ লাখ ৫ হেন্না পুথোকপা ঙমদুনা ১০০% মরোমদোম লেপচবা ঙম্বদা মায় পাক্লে। দি.বি.তি. এ.আই.গী তেক্নোলোজী ৪সু দাইগ্নোস্তিক কিৎ শানবা হায়দুনা ইন্দস্ত্রীশিংদা পীখ্রে। দি.বি.তি. এ.আই.না দাইগ্নোস্তিক তেস্তিং, কিৎ বেলিদেসন অমসুং এন্তিবাইরেল তেস্তিংগী সেবাশিংসু পীরি।

• শেম-শাবগী তোঙান তোঙানবা থাক্তা লৈরিবা বেক্সিন কেন্দিদেৎ ১৬কী অকুপ্পা মরোল (পি.পি.তি.) মফম অসিদা ক্লিক তৌদুনা খঙবা য়াগনি
• দি.বি.তি.না কোবিদ-১৯গা মরী লৈননা পাংথোকপা থবকশিং (পি.পি.তি.) মসিদা ক্লিক তৌদুনা খঙবা য়াগনি

*****