ইলেক্ত্রোনিক্স অমসুং আই.তি. মন্ত্রালয়

পি.এল.আই. স্কিম্না মোবাইল ফোন অমসুং ইলেক্ত্রোনিক্সকী পোৎচাকশিং শাবগী হীরমদা অনৌবা মওং পীরগনি

মথংগী চহি ৫দা লুপা কোতি লাখ ১১.৫০গী পোত্থোক পুথোক্তুনা লুপা কোতি লাখ ৭কী পোত্থোকশিং মপান্দা থাদোকপা ঙমগনিঃ শ্রী রবি শঙ্কর প্রসাদ

প্রধান মন্ত্রী নরেন্দ্র মোদীগী মেক ইন ইন্দিয়া অমসুং আত্মানির্ভর ভারতপু অচৌবা মওংদা খুমাং চাউশিলহল্লগনি

Posted On: 01 AUG 2020 1:44PM by PIB Imphal

প্রদক্সন লিঙ্কদ ইন্সেন্তিব স্কিম (পি.এল.আই.)গী এপ্লিকেসন থাজিল্লকপা লোয়শিনবগী পাংথোকপা প্রেস কনফরেন্স অমদা মীদিয়াগী মীওইশিংদা ৱা ঙাংবদা কেন্দ্রগী ইলেক্ত্রোনিক্স অমসুং আই.তি., কম্ম্যুনিকেসন, লো অমসুং জস্তিস্কী কেন্দ্র মন্ত্রী শ্রী রবি শঙ্কর প্রসাদনা পি.এল.আই. স্কিম অসিদা মালেমগী অমসুং লৈবাক্কী মোবাইল ফোন শাবা কম্পেনীশিং অমসুং ইলেক্ত্রোনিক্সকী পোৎচাক শাবা কম্পেনী কয়াদগী এপ্লিকেসন ময়াম অমা লাক্তুনা  অচৌবা মায় পাকপা ওইখি হায়খি। মালেমগী থাক্তা লৈবা পোত্থোক পুথোকফম ওইবগী ফম কল্লিবা ভারত্তা ইন্দস্ত্রীশিংনা অমুক্কা হন্না থাজবা থম্লে অমসুং মসিনা প্রধান মন্ত্রীনা আত্মানির্ভর ভারত- মরোমদোম লেপচবা ঙম্বা ভারত ওইহন্সি হায়রিবা অসি ওইথোকহল্লে। মন্ত্রীনা মখা তানা হায়খিবদা “ঐখোয়না য়াম্না থাজবা লৈরে অমসুং বেল্যু চেন পুম্নমক্কী ওইবা মপাঙ্গল লৈবা ইকোসীস্তেম অমা শেম্নবা হোৎনরি অমসুং মসিগা মালেমগী বেল্যু চেনগা পুন্সিন্নদুনা লৈবাক অসিদা ইলেক্ত্রোনিক্সকী পোত্থোকশিং শাবগী ইকোসীস্তেম অসি হেন্না মপাঙ্গল কনখৎহল্লগনি”।

লার্জ স্কেল ইলেক্ত্রোনিক্স মেন্যুফেকচরিংগী প্রদক্সন লিঙ্কদ ইন্সেন্তিব স্কিম (পি.এল.আই.) অসি এপ্রিল ১, ২০২০দা লাউথোকখিবনি। পি.এল.আই. স্কিম্না পান্দম থম্লিবা কাংলুপকী মনুংদা লৈবা মতিক চাবা কম্পেনীশিংনা ভারত্তা শাবা পোত্থোকশিং য়োনবা হেনগৎপগী (বেজ চহিদা য়ুম্ফম ওইদুনা) মতুং ইন্না বেজ চহি (এফ.ৱাই. ২০১৯-২০)গী মখা তারকপা চহি ৫গী ওইনা ৪%দগী ৬% ফাওবগী ইন্সেন্তিব পীরি। স্কিম অসিদা য়াওনবগীদমক্তা চে থারকপগী মতম অসি ৩১/৭/২০২০ ওইখি। স্কিম অসিগী মখাদা ১/৮/২০২০দগী ইন্সেন্তিব অসি চৎনবা হৌগনি।

পি.এল.আই. স্কিমগী মখাদা অপুনবা কম্পেনী ২২না এপ্লিকেসন থারকখি। মোবাইল ফোন সেগমেন্ত (আই.এন.আর. ১৫,০০০ অমসুং মথক্কী ইনবোইস বেল্যু)কী মখাদা চে থারকখিবা মালেমগী মোবাইল ফোন শাবা কম্পেনীশিং অদুদি সেমসুং, ফোক্সকোন হোন হাই, রাইজিং স্তার, ৱিস্ত্রোন অমসুং পেগাত্রোন্নি। মসিগী মনুংদা কম্পেনী অহুম, মিং ওইনা পল্লবদা ফোক্সকোন হোন হাই, ৱিস্ত্রোন অমসুং পেগাত্রোন অসিদি এপ্পল আই.-ফোনগী কন্ত্রেক্ত মেন্যুফেকচররশিংনি। এপ্পল (৩৭%) অমসুং সেমসুং (২২%) অনি অসিনা মালেমগী মোবাইল ফোন য়োনবগী শেনফমগী চাউরাক্না ৬৬%গী শরুক কল্লি অমসুং মসিগী স্কিম অসিনা লৈবাক অসিদা মখোয়গী পোত্থোক হেন্না পুথোকহনবদা তেংবাংগনি হায়না থাজনরি।

মোবাইল ফোন (দোমেস্তিক কম্পেনীশিং) সেগমেন্ত অসিদা লাভা, দিক্সোন তেক্নোলোজীজ, ভগ্বতি (মাইক্রোমেক্স), পদজেৎ ইলেক্ত্রোনিক্স, সোজো মেন্যুফেকচরিং সর্বিসেস অমসুং ওপ্তিমস ইলেক্ত্রোনিক্স য়াওবা ভারতকী কম্পেনীশিংনা চে থারকখি। মসিগী কম্পেনীশিং অসিনা মখোয়গী পোত্থোক পুথোকপগী থৌওংবু মশক থোকপা মওংদা হেনগৎহন্দুনা লৈবাক অসিগী মোবাইল ফোন পুথোকপা কম্পেনী অফবশিংগী মনুংদা চন্দুনা চাউখৎপা পুরক্কনি। অকক্নবা ইলেক্ত্রোনিক্সকী পোৎচাকশিংগী মনুংদা কম্পেনী ১০না চে থারকখি। মখোয়শিং অদুদি এ.তি. অমসুং তি., এসসেন্ত সরকিৎস, ভিসিকোন, ৱালসিন, সহাসরা, ভিতেস্কো অমসুং নিওলিঙ্কনি।

মথংগী চহি ৫গী মনুংদা স্কিম অসিগী মখাদা অপুনবা লুপা কোতি ১১,৫০,০০০ (লুপা কোতি লাখ ১১.৫)গী শেনফমগী পোত্থোক পুথোকপা ঙমগনি হায়না থাজনরি। মসিগী অপুনবা অসিগী মনুংদা মোবাইল ফোন (আই.এন.আর. ১৫,০০০ অমসুং মথক্কী ইনবোইস বেল্যু) সেগমেন্তকী মখাদা লৈবা কম্পেনীশিংনা লুপা কোতি ৯,০০,০০০, মোবাইল ফোন (দোমেস্তিক কম্পেনী) সেগমেন্তনা লুপা কোতি ২,০০,০০০ অমসুং অকক্নবা ইলেক্ত্রোনিক্সকী পোৎচাক পুথোকপশিংনা লুপা কোতি ৪৫,০০০গী পোত্থোক পুথোক্কনি হায়রি।

স্কিম অসিনা মপান লমদা পোত্থোক থাদোকপদসু মশক থোক্না তেংবাংগনি হায়না থাজনরি। মথংগী চহি ৫দা লুপা কোতি ১১,৫০,০০০গী পোত্থোক পুথোকপা অসিগী মনুংদা ৬০%গী শরুক্তি লুপা কোতি ৭,০০,০০গী ওর্দর ফংদুনা মপান লমদা পোত্থোক থাদোকপনা তেংবাংগনি। স্কিম অসিনা লুপা কোতি ১১,০০০গী অহেনবা শেল থাদরকপসু পুশিল্লক্কনি।

স্কিম অসিনা মথংগী চহি ৫দা হকথেংননা লাখ ৩গী থবক পীবগী খুদোংচাবা লৈহনগনি অমসুং মসিগী শরুক ৩ হেনবা নাকোয়ননা পীবা থবক্কী খুদোংচাবসু পীগনি। দোমেস্তিক বেল্যু এদিসন অসি মোবাইল ফোনগী ওইনা হৌজিক লৈরিবা ১৫-২০%দগী ৩৫-৪০% ফাওবদা অমসুং ইলেক্ত্রোনিক্সকী পোৎচাকশিংগী ওইনা ৪৫-৫০%দা হেনগৎলগনি হায়না থাজনরি।

ইং ২০২৫ ফাওবগী মনুংদা ভারত্তা লৈরিবা ইলেক্ত্রোনিক্সকী দিমান্দ অসি চাউনা হেনগৎলক্কনি হায়বগী থাজবগী মতুং ইন্না মন্ত্রীনা পি.এল.আই. স্কিম অমসুং অতোপ্পা খোঙথাং কয়া অসিনা ইলেক্ত্রোনিক্সকী পোত্থোক পুথোকপদা খুমাং চাউশিলহন্দুনা ভারতপু ইলেক্ত্রোনিক্সকী পোত্থোক পুথোকপগী চাংয়েংনবদা য়াওবা ঙম্বা মফম অমা ওইহন্দুনা আত্মমানির্ভর ভারতপুসু খুমাং চাউশিনহল্লগনি। স্কিম অসিগী মখাদা ইলেক্ত্রোনিক্সকী পোত্থোক পুথোকপা ভারতকী কম্পেনী কয়া শেম্বা ঙমদুনা মালেমদা পোৎ য়োনবগী পান্দম থম্বতা নত্তনা ভোকেল ফোর লোকেলগী ৱাখল্লোনসু অচুম্বা ওইহল্লগনি।

প্রধান মন্ত্রী শ্রী নরেন্দ্র মোদীগী লুচিং মখা অমসুং মহাক্কী তুং কোয়না চৎকদবা ‘দিজিতেল ইন্দিয়া’ অমসুং ‘মেক ইন ইন্দিয়া’ প্রোগ্রামগী থৌওংশিংগী মখাদা ভারতনা হৌখিবা চহি ৫দা ইলেক্ত্রোনিক্সকী পোত্থোক পুথোকপদা মশক নায়রবা শাহৌ লৌবা ঙমখি। ইলেক্ত্রোনিক্সকী নেস্নেল পোলিসী ২০১৯দা সাইজ অমসুং স্কেল, মপান লমদা পোত্থোক থাদোকপা হেনগৎহনবা অমসুং ইন্দস্ত্রী কয়ানা মালেমদা চাংয়েংনবা ঙম্নবা অকোয়বা অমা শেমদুনা দোমেস্তিক বেল্যু এদিসন হেনগৎহনবদা মিৎয়েং পীদুনা ভারতপু ইলেক্ত্রোনিক্স সীস্তেম দিজাইন অমসুং মেন্যুফেকচরিং (ই.এস.দি.এম.)গী মালেমগী হব অমা ওইহন্নবগী থৌওংশিং য়াওরি।

******



(Release ID: 1642857) Visitor Counter : 6