প্রধানমন্ত্রীগী লোইশঙ
প্রধান মন্ত্রীনা স্মার্ত ইন্দিয়া হেক্কাথোন ২০২০গী গ্রান্দ ফিনালেদা ৱা ঙাংগনি
Posted On:
31 JUL 2020 1:04PM by PIB Imphal
প্রধান মন্ত্রী শ্রী মরেন্দ্র মোদীনা অগস্ত ১, ২০২০দা ভিদিও কনফরেন্সকী থোংদা স্মার্ত ইন্দিয়া হেক্কাথোন ২০২০গী গ্রান্দ ফিনালেদা ৱা ঙাংগদৌরি। থৌরম অসিদা মহাক্না মহৈরোইশিংগা ৱারী শান্নগনি।
স্মার্ত ইন্দিয়া হেক্কাথোন অসি মহৈরোইশিংদা ঐখোয়গী নুতিগী পুন্সি মহিংদা প্রপ-প্রপ তকশিল্লক্লিবা খুদোংচাদবশিং অদু ফহন্নবা পাম্বৈ পুথোক্নবগীদমক্তা প্লেতফোর্মা অমা ফংহল্লিবা মালেমগী ওইনা পায়খৎপা থৌরাংনি অমসুং অসিগুম্না থোরকপা ইনৌ-নৌবা মওং অমসুং খুদোংচাদবশিং অসি লোয়শিন্ননবগী ৱাখল পোকহল্লকই। মসি নহারোলশিংগী ৱাখলদা আওত-ওফ-দি-বোক্সকী ৱাখল্লোন অদু হেনগৎহনবদা অদুক্কী মতিক মায় পাকপগী খুদম ফংই।
স্মার্ত ইন্দিয়াগী হেক্কাথোন ২০১৭গী অহানবা ইদিসন্দা মহৈরোই ৪২০০০ শরুক য়াবা উখিবদা ২০১৮দা লাক্ষ ১ অদুগা ২০১৯দা লাক্ষ অনিদা হেনগৎলকখি। স্মার্ত ইন্দিয়াগী হেক্কাথোন ২০২০গী অহানবা রাউন্দ অসি দা মহৈরোই লাক্ষ ৪.৫ শরুক য়াবা উখি। হন্দক্কী চহিগী সোফৱেয়র ইদিসনগী গ্রান্দ ফিনালে অসি লৈবাক অসিদগী শরুক য়ারিবা মহৈরোইশিংগা অখন্ননা শেমগৎপা প্লেতফোর্ম অমদা শম্নদুনা ওনলাইন্দা পাংথোক্লগনি। মহৈরোই ১০,০০০দগী হেনবনা কেন্দ্রগী বিভাগ ৩৭, রাজ্য সরকার ১৭ অমসুং ইন্দস্ত্রী ২০দগী প্রোব্লেম স্তেতমেন্ত সোল্ব তৌনবা চাংদম্নগনি।
****
(Release ID: 1642577)
Visitor Counter : 188
Read this release in:
Malayalam
,
Bengali
,
English
,
Urdu
,
Marathi
,
Hindi
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada