(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

· ভারতকী কোবিদ-১৯দগী ফগৎখ্রবা অপুনবা মশিং লাখ ১০ হেনখ্রে।

· থংন-থংননা নুমিৎ ৭নিদা অনাবা মশিং ৩০,০০০দগী হেন্না ফগৎখ্রে।

· রাজ্য/য়ু.তি. ১৬না লৈবাক অসিগী নাবা ফবগী চাংচৎ ৬৪.৪৪দগী হেনখ্রে।

• রাজ্য/ য়ু.তি. ২৪না লৈবাক অসিগী কেস ফেতেলিতী  রেৎকী চাংচত্তগী হেন্না নেম্না রেজিস্তর তৌখ্রে; ভারত্তা পুন্না সেম্পল করোর ১.৮২ তেস্ত তৌখ্রে; তেস্ত পর মিলিয়ন (তি.পি.এম.) অসি ১৩,১৮১দা হাইগৎখ্রে।
• রাজ্য/য়ুনিয়ন তেরিতোরী ২১দগী রিপোর্তা পোজিতিব ওইবগী চাং অসি ১০দগী হন্থরি।
• এম.ঐচ.এ.না অনলোক ৩গী গাইদলাইনশিং ফোঙখ্রে, কন্তেনমেন্ত জোনশিংগী ৱাংমদা অহেনবা থবক থৌরমশিংদগী অথিংবা লৌথোকখ্রে, কন্তেনমেন্ত জোনশিংদা ওগস্ত ৩১, ২০২০ ফাওবা লোকদাউন থমখিগনি।

ভারতকী কোবিদ-১৯দগী ফগৎখ্রবা অপুনবা মশিং লাখ ১০ হেনখ্রে; থংন-থংননা নুমিৎ ৭নিদা অনাবা মশিং ৩০,০০০দগী হেন্না ফগৎখ্রে রাজ্য/য়ু.তি. ১৬না লৈবাক অসিগী নাবা ফবগী চাংচৎ ৬৪.৪৪দগী হেনখ্রে

অচৌবা মায় পাকপা অমা ওইনা ভারতকী কোবিদ-১৯দগী ফরবা অপুনবা মশীং লাখ ১০ হেনখ্রে। নুমিৎ তরেৎনি থংন-থংননা নোংমদা অনাবা ৩০,০০০ হেন্না নাবা ফরে। নোংমদা নাবা ফবগী চাংচৎ অসিসু জুলাইগী অহৌবা চয়োলদা ১৫,০০০ ওইরম্বদগী অরোইবা চয়োলদা ৩৫,০০০ ওইরে। হৌখিবা পুং ২৪ অসিদা অনাবা ৩২,৫৫৩ নাবা ফখিবগা লোইননা অপুনবা ওইনা নাবা ফখ্রবগী মশীং অসি ১০,২০,৫৮২ য়ৌরে। ঙসি লৈখিবা কোবিদ-১৯ নাবা ফবগী চাংনা ৬৪.৪৪% ওইখি। নাবা ফরবা মশীংগা কোবিদ-১৯ এক্তিব ওইরিবা মশীংগগী মরক্তা লৈবা খেন্নবসি হৌজিক্কী ওইনা ৪,৯২,৩৪০ ওইরে। মসিগী ফিগর অসিগা লোইননা নাবা ফরবগী চাং অসি এক্তিব কেসকী মশীংদগী শরুক ১.৯ ওইরি (মেদিকেল সুপর্বিজন পুম্নমক্কী মখাদা লৈরিবা ৫,২৮,২৪২) রাজ্য/য়ু.তি. সরকারশিংনসু মখোঙদগী হৌদুনা হোস্পিতালগী ইনফ্রাস্ত্রকচর ফগৎহন্দুনা লাইয়েংবগী পথাপ ফগৎনবা হোৎনরি। মায় পাকপশিং অসি রাজ্য/য়ু.তি. ১৫ তা উবা ফংদুনা লৈবাক অসিগী নাবা ফবগী চাংচত্তগী হেন্না নাবা ফরি। মালেমগী চাংচৎ ৪% লৈরিবসিগা চাংদম্নবা মতমদা ভারত অসি ২.২১% লৈদুনা মালেমগী ওইনা কেস ফেতালিতী রেৎ নেম্বা লৈবাকশিংগী মনুং চললি। রাজ্য/য়ু.তি. ২৪না লৈবাক অসিগী চাংচত্তগী সি.এফ.আর. হেন্না নেম্লি অমসুং রাজ্য.য়ু.তি. ৮না সি.এফ.আর. অসি ১%দা লৈরি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1642388

ভারত্তা পুন্না সেম্পল করোর ১.৮২ তেস্ত তৌখ্রে; তেস্ত পর মিলিয়ন(তি.পি.এম.) অসি ১৩,১৮১দা হাইগৎখ্রে; রাজ্য/য়ুনিয়ন তেরিতোরী ২১দগী রিপোর্তা পোজিতিব ওইবগী চাং অসি ১০দগী হন্থরি

হৌখিবা পুং ২৪দা সেম্পল ৪,৪৬,৬৪২ তেস্ত তৌখ্রে। নুতীগী তেস্ত তৌবগী চাংচৎ অসি(চয়োল-চয়োলগী ওইনা মথং-মথং ওল্লকপা মওং অমদা) জুলাইগী অহানবা চয়োলদা লাক্ষ ২.৪দগী জুলাইগী অরোইবা চয়োলদা লাক্ষ ৪.৬৮দা হেনগৎখ্রে। হৌজিক ফাওবদা লৈবাক অসিগী লেব ১৩২১ অসিদা তেস্ত তৌনবগী লেবকী নেতৱর্ক অসি লেপ্তনা মপাঙ্গল কনখৎহল্লি; সরকারগী সেক্তরদা লেব ৯০৭ অমসুং লনাইগী লেব ৪১৪ লৈরি। লৈবাক অসিদা তেস্ত তৌবা অসি খংহেন হেনগৎহনবনা মরম ওইদুনা লৈবাক শিনবা থুংনা পোজিতিব ওইবগী চাং হন্থরক্লি। হৌজিক-হৌজিক রাজ্য/য়ুনিয়ন তেরিতোরী ২১দগী রিপোর্ত তৌরকপদা পোজিতিব ওইবগী চাং অসি ১০দগী হন্থনা লৈরি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1642386

এম.ঐচ.এ.না অনলোক ৩গী গাইদলাইনশিং ফোঙখ্রে, কন্তেনমেন্ত জোনশিংগী ৱাংমদা অহেনবা থবক থৌরমশিংদগী অথিংবা লৌথোকখ্রে, কনতেনমেন্ত জোনশিংদা ওগস্ত ৩১, ২০২০ ফাওবা লোকদাউন থমখিগনি

হোম পুবা মন্ত্রালয় (এম.ঐচ.এ.)না কন্তেনমেন্ত জোনশিংগী ৱাংমদা লৈবা মফমশিংদা অহেনবা থবক থৌরমশিংদা অথিংবা লৌথোক্নবা ঙসি অনৌবা গাইদলাইনশিং ফোঙখ্রে।ওগস্ত ১, ২০২০দগী চৎনবা হৌগদবা অনলোক ৩ অসিনা তাঙ্কক নাইবা মওংদা থবক থৌরমশিং অমুক হন্না হাংবা য়ানবা থবক মখা চত্থরি। ঙসি ফোঙখিবা অনৌবা গাইদলাইনশিং অসি রাজ্যশিং অমসুং য়ু.তি.শিংদগী লাকপা পাউতাকশিংদা অমসুং মরী লৈনবা কেন্দ্রগী মন্ত্রালয়শিং অমসুং বিভাগশিংগা কুপ্না খন্ননবা পাঙথোকখিবা খ্ন্ন-নৈনবদা য়ুম্ফম ওইখি।অনৌবা গাইদলাইনশিং অসিগী মওং মতৌশিং খরদি নুমিদাংগী মতমদা চত্থোক চৎশিন তৌবা য়ারমদবা (নুমিদাংগী কর্ফিয়ু) অদু লৌথোকপা, স্কুলশিং, কোলেজশিং অমসুং কোচিং তৌবা লোয়শঙশিং ওগস্ত ৩১, ২০২০ ফাওবা মখা তানা লোনশোগনি। নিংখা-তম্বগী নুমিৎকী থৌরম অসি সোসিএল দিস্তেন্সিং ঙাক্তুনা অমসুং হকশেলগী কাঙলোনশিং ঙাক্লগা পাঙথোকপা য়াগনি খুদম ওইনা মাস্ক অসিনচিংবা উপ্পা। হীরম অসিদা এম.ঐচ.এ.না ২১.০৭.২০২০দা পীখিবা য়াথংশিং ঙাক্না চৎকদবনি। কেন্তেনমেন্ত জোনশিংদা লোকদাউন অসি ওগস্ত ৩১ ফাওবা চেকশিন্না ইমপ্লিমেন্ত  তৌখিগনি। এম.ও.ঐচ.এফ.দবল্যু.না থোকখিবা গাইদলাইনশিং অদুগী মতুং ইন্না কোবিদ-১৯ শন্দোকপা লাকশিন্নবা রাজ্য/য়ু.তি. সরকারশিংনা চেকশিন্না দিমার্কেৎ তৌদুনা কন্তেনমেন্ত জোন অসি খায়দোকপা তঙাই ফদে।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1642115

এ.আই.আই.এ.না কোবিদ-১৯গী অনাবশিংদা লেম্না তেস্ত তৌবা অমদি লায়েংবগী খুদোংচাবা ফংহনবা হৌখ্রে

অয়ুশকী কেন্দ্র মন্ত্রী শ্রী শ্রিপদ য়েসো নায়ক্না ওল ইন্দিয়া ইন্সতিত্যুৎ ওফ অয়ুর্বেদ (এ.আই.আই.এ.), ন্যু-দিল্লীনা মসিগী কোবিদ-১৯ হেলথ সেন্তর (সি.ঐচ.সি.)দা লেম্না তেস্ত তৌবা অমসুং কোবিদ-১৯গী অনাবশিংবু লেম্না লায়েংবা হৌখ্রে হায়না লাউথোকখ্রে। শ্রী নায়ক্না সি.ঐচ.সি. অসিদা জুলাই ২৮, ২০২০দা সেন্তর অসিদা কোবিদ-১৯গী অনাবশিং লায়েংবগী থৌওংশিং য়েংশিনবা চৎখি। খোংচৎ অদুদা মহাক্না সি.ঐচ.সি. অসিদা তেস্ত তৌবগী শেল লৌররোয় অমসুং অনাবশিংবু লেম্না লায়েংলগনি হায়না লাউথকখিবনি। বেন্তিলেতরগী খুদোংচাবা অমসুং অতোপ্পা আই.সি.য়ু.গী পোৎলমশিং য়াওবা সি.ঐচ.সি. অসিগী ইন্তেন্সিব কেয়র য়ুনিৎ অমসু মহাক্না শঙ্গাখি। এ.আই.আই.এ. অসি দিল্লী সরকারনা কোবিদ-১৯গী তেস্ত (আর.তি.-পি.সি.আর. অমসুং রেপিদ এন্তিজেন তেস্তিং) তৌফম্নি হায়নসু লাউথোকখ্রবনি। মীয়াম্না তেলিফোন্দা কোবিদ-১৯গা মরী লৈনবা ৱাহং কয়া হংলকপদা পাউখুম পীননবা এ.আই.আই.এ.না কোবিক কোল সেন্তর অমসু হাংদোকখ্রে। অয়ুশ মন্ত্রালয়গী থৌওং মখাদা ইন্সতিত্যুৎ অসিনা অশ্বাগন্ধা, নীম, কালামেঘা, গিলোয়নচিংবশিংগী হীরমদা লায়নাদগী ঙাকথোকপা, লায়েংবা অমসুং রিসর্চ তৌবগী থবক কয়া পাংথোক্তুনা মরু ওইবা থৌদাং লৌরিবনি। অয়ুশ মন্ত্রালয়গী মখাদা পাংথোক্লিবা দিল্লী পুলিসকী মীওই ৮০,০০০বু লায়নাদগী ঙাকথোকপদা তেংবাংগী ‘অয়ুরকশা’ প্রোগ্রাম্বু মন্ত্রীনা থাগৎপা ফোংদোকখি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1642256

বেঙ্কশিং অমসুং এন.বি.এফ.সিশিংগী মরী লৈনবশিংগা প্রধান মন্ত্রীগা ৱারি শানখ্রে

তুংগী পান্দম অমসুং লম্বী খন্ননবা ঙরাং প্রধান মন্ত্রী নরেন্দ্র মোদীনা বেঙ্কশিং অমসুং এন.বি.এফ.সিশিংগী অপুনবা মরী লৈনবশিংগা ৱারি শানখ্রে। চাউখৎনবা মতেং পাংবদা ফাইনান্সিএল অমসুং বেঙ্কিংগী থবকশিংগী মরুওইবা থৌদাং খন্নখি। মখোয়গী দরকার ওইবা শেন্থং ফংনবা অমসুং চাউখৎনবা ইন্সতিতুৎশিংনা পীবা শেন্থং লৌনবা অপীকপা ওন্ত্রেপ্রেনিউয়রশিং, এস.ঐচ.জিশিং, লৌমীশিং পুক্নিং থৌগৎকদবনি হায়না মীফম অদুদা খন্নখি। শেন্থং পীবা হেনগৎহন্নবা বেঙ্কশিংনা মখোয়না পায়খৎলিবা থবকশিং অমুক হন্না য়েংশিনবা দরকার ওই। শেন্থং লৌনবা হায়রকপা খুদিংমক বেঙ্কশিংনা চপ মান্নবা নাপচৈ অমনা ওল্লোইদবনি অমসুং শেন থাদবা য়াবা থবকশিং খন্দোকপা অমসুং মশক খঙদোকপা দরকার ওই অমসুং মখোয়গী অফবশিং অদুদা য়েংলগা মখোয়দা ফন্দ পীগদবনি অমসুং মমাংগী এন.পি.এশিংগী মমিংদা অৱাবা নঙহল্লোইদবনি। বেঙ্কগী থবকশিং সরকারনা মপুংফানা শৌগৎলি হায়না মীফম অদুদা ফোঙদোকখি। বেঙ্ক শৌগৎনবা অমসুং মসি চাউখৎপা হেনগৎহন্নবা দরকার ওইবা থবক অমা হেক্তা পায়খৎনবা সরকারনা থৌরাং তৌরি। বেঙ্কশিংনা ফিনতেক হায়বদি সেন্ত্রেলাইজ দেতা প্লেতফোর্মশিং, দিজিতেল দোকুমেন্তেসন শীজিন্নগদবনি অমসুং কস্তমরশিংগী থবকশিং দিজিতেল ওন্থোক্নবা ই-পাউ লৌনবদা মতেং পীনগদবনি। মসিনা শেন্থং হেন্না পীবা, কস্তমরশিং থবক লাইনা পাংথোকপা, বেঙ্কশিংগী চাদিং হন্থহনবা অমসুং খদ্রক তৌবা হন্থহনবা ঙমগনি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1642178

প্রধান মন্ত্রী নরেন্দ্র মোদী অমসুং মোরিসসকী প্রধান মন্ত্রী শ্রী প্রবিন্দ জগনাথনা পুন্না অনৌবা সুপ্রিম কোর্ত বিল্দিং শঙ্গাখ্রে

ঙসি ভিদিও কনফরেন্সকী খুৎথাংদা মোরিসসতা প্রধান মন্ত্রী নরেন্দ্র মোদী অমসুং মোরিসসকী প্রধান মন্ত্রী প্রবিন্দ জগনাথনা পুন্না অনৌবা সুপ্রিম কোর্ত বিল্দিং শঙ্গাখ্রে। অহানবা ওইনা ভারতকী মতেংগা লোয়ন্না কোনুং ওইরিবা সহর পোর্ত লুইজদা শাবা বিল্দিং অসি কোবিদ লাইচৎ মতুংদা হাংদোক্কদবনি। শিংথানিংঙাই ওইরবা প্রোজেক অসি ভারত সরকারগী য়ু.এস.দোল্লর মিল্লিয়ন ২৮.১২গী মতেংগা লোয়ন্না শাবা লোইশিনখিবনি। থৌরম অদুদা প্রধান মন্ত্রী নরেন্দ্র মোদীনা হায়খি মীওইবা খুন্নাইগী মরুওইবা অদু খনবনা চাউখৎ-থৌরাংগী থবকশিংদা ভারতনা মতেং পাংবগী নুঙগী ওইবা ফিলোসোফিনি অমসুং মীয়ামগী য়াইফনবা পায়খৎলিবা শেমগৎ-শাগৎপগী প্রোজেকশিং অসিনা ভারত অমসুং মোরিসসকী মরক্তা লৈনরিবা মরীশিং হেন্না চেৎশীনহল্লগনি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1642276

ইন্দিয়ন রেদ ক্রোস সোসাইনতীনা কে.ভি.আই.সি.দগী লুপা লাক্ষ ১.৮০গী ফেস মাস্ক লৈরগনি

অফবা অমদি মমল হোংবনা মরম ওইদুনা লৈবাক অসিদা খাদী ফেস মাস্ক অসি হেন্না পাম্নবা হেনগৎলকখিবনা খাদী অমসুং বিলেজ ইন্দস্ত্রী কমিসন(কে.ভি.আই.সি.)না ইন্দিয়ন রেদ ক্রোস সোসাইতীদগা ফেস মাস্ক ১.৮০ লাক্ষ লৈনবগী লেমজনিংঙাই লৈনবগী ওর্দর ফংখ্রে। কে.ভি.আই.সি.গী মতুংইন্না আই.আর.সি,এস. মাস্ক অসি চাদা চামা অনিরক হন্না থুপচিল্লবা খুৎনা শাবা কোনা মচুদা অঙাংবনা মপান চৎপা লংজম ফীনা তুবনি। কে.ভি.আই.সি.না মসিগী মরোল অনি লোনবা লংজমগী মাস্ক অসি ইন্দিয়ন রেদ ক্রোস সোসাইতীগীদমক্তা মখোয়না পীরকখিবা সেম্পলগী মতুং ইন্না অখন্ননা তুবনি। মাস্ক অসিদা আই.আর.সি.এস.কী লোগোনা ওয় থংবদা অদুগা খাদী ইন্দিয়াগী তেগনা য়েৎ থংবদা হাপকনি। মাস্ক অসিগী সপ্লাই অসি মথংগী থাদগী পীবা হৌরগনি। মসিগী থবক অসি তৌবদা ফী মিতর ২০,০০০ চংঙগা খাদীগী আর্তিসন ৯০০০ হাপচিলহল্লক্কনি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1642274

ফিল্দ ওফিসশিংদগী ফংবা পাউ

• চান্দিগর: চান্দিগর য়ু.তি.গী এমিনিস্ত্রেতরনা ম্যুনিসিপাল কোর্পোরেসনগী কম্মিসনরদা সোসিএল দিস্তেন্সিংগী কাঙলোনশিং থুগাইবা মী চিনবা মফমশিং অমসুং কৈথেলশীং খঙদোক্লগা হায়রিবা মফমশিং অসিদা চয়োলগী অরোইবা নুমিৎশিংদা থোং লোনবা, ওদ-ইভনগী ফোর্মুলা  অসিনচিংবা শীজিন্নদুনা অকনবা চেকশিল থৌরাংশিং লৌখৎনবা য়াথং পীখ্রে।
• পঞ্জাব: মুখ্য মন্ত্রী কেপ্তেন অমরিন্দ্র সিংহগী য়াথং ইন্দুনা, বসশিংদা কোবিদ-১৯গা মরী লৈনবা প্রোতোকলশিং ঙাকনা চৎনবা রাজ্য শিনবা থুংনা অখন্নবা দ্রাইফ অমা চত্থখ্রে। পেসেঞ্জর ৩৫০০ পুবা বস ১৮৬ চেক তৌখি অমসুং মীওই ৯৬ খক্তা মাস্ক উপ্লমদে। দ্রাইফ অসি ত্রান্সপোর্ত বিভাগ অমসুং সব দিবিজনেল মেজিস্ত্রেৎশিংনা পঞ্জাব পুম্বদা হৌদোকখি অমসুং মাস্ক উপ্লমদবা মীওইশিং চলান ককহনখি। ত্রান্সপোর্ত বিভাগনা বস স্তেন্দশিংদা মাস্কশিং, সেনিতাইজরশিং অমসুং গ্লোবশিং তঙাই ফদনা ফংহনখি।
• হরিয়ানা: হরিয়ানাগী মখ্য মন্ত্রী মিস্তর মনোহর লালনা লাক্লিবা নুমিৎ ১০নিদা রাজ্য অসিদা অনৌবা কোবিদ-১৯ তেস্তিং লেব মাপল লিংখৎনবা অমসুং অনলোক-৩দা মীয়ামদা মাস্ক উপ্পা হৈনহন্নবা অখন্নবা কেম্পেন অমা পাঙথোক্নবা ওফিসরশিংদা য়াথং পীখ্রে। মুখ্য মন্ত্রীনা পুলিস দিপার্তমেন্দা মাস্ক উপ্নবা অকনবা চেকশিল থৌরাং লৌখৎনবা অমদি মদু ঙাক্তবশিংদা মফম অদুমক্তদা চলান ককনবা য়াথংসু পীখি।
• হিমাচল প্রদেশ: মুখ্য মন্ত্রী শ্রী জাই রাম থাকুরনা হায় কোবিদ-১৯ লায়চৎ মনুং অসিদা ঐখোয়না অমগা অমগী মরক্তা ৱারী শাবদা ইনফোর্মেসন তেক্নোলোজীনা চাউনা মতেং পাংলি অমসুং মসি পুম্নমক অসিগী মনা অসি প্রধান মন্ত্রী নরেন্দ্র মোদীগী দিজিতেল ইন্দিয়াগী ৱাখল্লোনদা পীনিংঙি। মহাক্না হায় রাজ্য সরকারশিংনা কোবিদ-১৯ মপুং ফানা লাকশিন্নবা দিস্ত্রিক্ত ওফিসরশিংগী ভিদিও কনফরেন্সকী খুত্থাংদা চাং নাইনা মীফমশিং পাঙথোকপা খক নত্তনা রাজ্য সরকারনা হৌদোকখিবা তোঙান তোঙানবা য়াইফ থৌরাংগী স্কিমশিংগী বেনিফিসরীশিংগা লোয়ননা ভর্চ্যুএল মীফমশিং পাঙথোক্তুনা ৱারী ৱাতাই শাখি।
• কেরেলা :  ঙসি নুমিৎ য়ুংবা ফাওবদা রাজ্য অসিদা কোবিদ-১৯দগী লৈখিদবা অহুম রিপোর্ত তৌরকখ্রে। মসিগা লোয়ননা লৈখিদবগী মশিং ৭১ শুখ্রে। কোবিদ নারবা মীওইশিং মখোয়গী ময়ুমদা লায়েং চত্থবগী অহানবা খোঙথাং ওইনা হৌজিক্তি কোবিদ নারবা হেল্থ ৱার্করশিংনা মখোয়গী ময়ুমদা লায়েংবা য়ারগনি। হীরম অসিদা গাইদলাইনশিং ফোঙখ্রে। মতুং তারকপদা লাইওং উত্তবা কোবিদ নাবা মীওইশিংনা ময়ুমদা লৈবা য়ারগনি অমসুং মদুদা লায়েং চত্থরগনি। ঙরাং রাজ্য অসিদা অনৌবা কেস ৯০৩ রিপোর্ত তৌরকখি। মসিগী মনুংদা ৭৩৯না লৈকাই-লৈকাইদগী লৌনরকখিবনি। মীওই ১০,৩৫০ হৌজিক লায়েং চত্থরি অমদি মীওই লাখ ১.৪৭না ওবজর্বেসন্দা লৈরি।  ঔহৌ
  • তামিল নাদু:  পুদুচেরীদা ঙসি কোবিদ-১৯গী অনৌবা কেস ১২২ অমসুং লৈখিদবা অমা রিপোর্ত তৌরকখি, মসিগা লোয়ননা য়ু.তি. অসিগী অপুনবা কেস ৩২৯৩ য়ৌখ্রে, এক্তিব কেসনা ১২৯২ অমসুং লৈখিদবনা ৪৮ ওইরি। তামিল নাদু সরকারনা ওগস্ত ৩১ ফাওবা কোবিদ-১৯গী লোকদাউন শাংদোকখ্রে; অমরোমদা দাইন-ইনগী সর্ভিস অসি চেন্নাইগী রেস্তোরেন্তশিং অমসুং চা য়োনবা দুকানশিংদা থারিবা ফমফমগী চাদা ৫০দা অয়ুক ৬ তদী নুমিদাং পুং ৭ ফাওবা অয়াবা পীখ্রে, রাজ্যগী অতোপ্পা মফমশিংগী অপিকপা লাই খুরুম্ফমশিংদা মীয়ামনা লাই  খুরুম্বা লাকপা য়াখ্রে। হৌখিবা চয়োল অনিদা, মধুরাইদা রিপোর্ত তৌরকখিবা ভাইরস অসিগী কেসশিংগী তঙখায় অমদি কোবিদ-১৯ নাবা মীওইগা শোক্না শম্নরুবদগীনি; হৌজিক মধুরাইদা এক্তিব কেস অসি ২৩৯২ লৈরি। অনৌবা কেস ৬৪২৬, ফগৎখিবা ৫৯২৭ অমসুং লৈখিদবা ৮২ ঙরাং রিপোর্ত তৌখরকখি। ঙসি ফাওবদা অপুনবা কেস: ২,৩৪,১১৪; এক্তিব কেস: ৫৭,৪৯০; লৈখিদবা: ৩৭৪১; চেন্নাইগী এক্তিব কেস: ১২,৭৩৫:
  • কর্নতক: কোবিদকী খুদোংথিবা মরক অসিদা প্রোফেসনেল কোর্সশিংগী কম্মন এন্ত্রান্স তেস্ত ঙসিদগী হৌখ্রে অমসুং মহৈরোয় লাখ ১.৯৪রোমনা চাংয়েং অসি থাখি। কোবিদ পোজিতিব ওইবা মহৈরোয়শিংনা ক্যের সেন্তরদা সি.ই.তি. থাগনি; ইনবিজিলেতরশিংনা পি.পি.ই.কিৎশিং শেৎকনি অমদি চেকশিন থৌরাংশিং ঙাক্না চৎকনি হায়না উপ মুখ্য মন্ত্রীনা ফোঙদোখ্রে।  কর্নতকতা আই.সি.য়ু.দা মথৌ তৌবা ত্রেন তৌরবা দোক্তরশিং ওইরিবা ইন্তেন্সিবিস্তশিংগী অৱাৎপা লৈ; এক্সপর্তশিংগী মতুং ইন্না রাজ্য অসিদা মখোয় অসি শুপ্নতগী ১,০০০ খক লৈ অমসুং লৈবাক অসিদা পুন্না ১৫,০০০ লৈ। অনৌবা কেস ৫৫০৩, দিসচর্জ তৌখিবা ২৩৯৭ অমসুং লৈখিদবা ৯২ ঙরাং রিপোর্ত তৌখরকখি, মসিদা কেস ২২৭০না বেঙ্গলোর সিতীদগীনি। অপুনবা কেস: ১,১২,৫০৪; এক্তিব কেস: ৬৭,৪৪৮; লৈখিদবা: ২১৪৭।
  • অন্ধ্র প্রদেশ:  রাজ্য অসিদা কোবিদ-১৯ কেসশিং হেনগৎলক্লিবা অসি তেস্ত মশিং য়াম্না তৌবনা মতেং পাংশিল্লি। রাজ ভাৱনদা মথৌ তৌবা সেক্যুরিতী পর্সনেল ১৫ কোবিদ তেস্ততা পোজিতিব ওইরকখ্রে। কোরোনাভাইরস শন্দোকপা লাকশিনবদা মতেং পাংনবা রাজ্য অসিদা মেদিকেল পোস্ত ২৬,৭৭৮ (মেদিকেল ওফিসরশিং, স্পেসিএলিস্ত দোক্তরশিং, স্তাফ নর্সশিং অমসুং তেক্নিসিয়নশিং) লৌনবা সরকারনা অয়াবা পীখ্রে। ঙসিদগী হৌদুনা ৱাক-ইন-ইন্তরভ্যুগী খুত্থাংদা ওগস্ত ৫ ফাওবদা পোস্তশিং অসি মেনশিন্নবা দিস্ত্রিক্ত কল্লেকতরশিংনা য়াথং পীখ্রে। কোবিদ-১৯না মরম ওইদুনা লৈখিদবগী চাং অসি মপুং ফানা হন্থহন্নবা সরকারগী হোস্পিতালশিংদা রেমদেসিবির, তোলিসিজুমবগুম্বা এন্তিভাইরেল দ্রগশিং ফংহন্নবা রাজ্যনা খোঙথাংশিং লৌখৎখ্রে। অনৌবা কেস ১০,০৯৩, দিসচর্জ তৌখিবা ২৭৮৪ অমসুং লৈখিদবা ৬৫ ঙরাং রিপোর্ত তৌখরকখি। অপুনবা কেস: ১,২০,৩৯০; এক্তিব কেস: ৬৩,৭৭১; লৈখিদবা: ১২১৩।
  • তেলঙ্গনা: রাজ্য অসিদা মোবাইল কোবিদ-১৯ তেস্তিং সেন্তরশিং হৌদোক্লগনি; এম্বুলেন্সশিং অমসুং ত্রেন তৌরবা পর্সনএল য়াওরগা মোবাইল কোবিদ-১৯ তেস্তিং বসশিং অসিনা কন্তেনমেন্ত জোনশিংদা চৎকনি। রাজ্য অসিগী বুলেতিনগী মতুং ইন্না তেলঙ্গনা হোস্পিতালশিংদা কোবিদকী ফমুং ১৪,০০০ হেন্না হাংলি। তেলঙ্গনাদা অনৌবা কেস ১৮১১, ফগৎখিবা ৮২১ অমসুং লৈখিদবা ১৩ হৌখিবা পুং ২৪ অসিদা রিপোর্ত তৌখরকখি, কেস ১৮১১গী মনুংদা কেস ৫২১না জি.ঐচ.এম.সি.দগী রিপোর্ত তৌরকখি। অপুনবা কেস: ৬০,৭১৭; এক্তিব কেস: ১৫,৬৪০; লৈখিদবা: ৫০৫; দিসচার্জ তৌখিবা: ৪৪,৫৭২।
  • মনিপুর: মনিপুরগী সি.এম. এন.বিরেন সিংহনা চ্যের লৌদুনা বি.জে.পি.না লুচিংবা চুংশিন্নবা সরকারগী লেজিসলেতরশিংগা লোয়ননা রাজ্য অসিদা কোবিদ-১৯ লায়চৎগী ফীভম অসি য়েংশিন্নবা মীফম পাঙথোকখ্রেমনিপুরদা রিমস হোস্পিতালগী রেসিদেন্ত দোক্তর ২ কোবিদ পোজিতিব ওইখ্রে। হৌজিক ফাওবদা হোস্পিতাল অসিগী স্তাফ ২২ লায়না অসিনা নাহনখ্রে।
  • নাগালেন্দ: নাগালেন্দদা কোবিদ-১৯ পোজিতিব ওইবা অনৌবা কেস ৪৮ খঙদোকপা ঙমখ্রে। মসিগী মনুংদা ৩২না দিমাপুরদগী অমসুং ১৬না কোহিমাদগী ওইখী।
  • মহারাস্ত্র: য়ুমশকৈশা নুমিৎতা রাজ্য অসিদা রিপোর্ত তৌরকখিবা কোবিদ-১৯গী কেস লাখ ৪ হেনখ্রে। মীওই ৯,২১১ কোবিদ-১৯ পোজিতিব ওইখিবগা লোয়ননা রাজ্য অসিদা কোরোনাভাইরসনা নাহল্লবা মীওইগী মশিং ৪,০০,৬৫১ য়ৌখ্রে। অদুম ওইনমক, এক্তিব কেসকী মশিং অসি ১,৪৬,১২৯ ওইরি। নুমিৎ অসি মক্তদা রাজ্য শিনবা থুংনা ফগৎখিবা মীওইগী মশিং ৭,৪৭৮ শুখ্রে। মসিগা লোয়ননা ফগৎখিবা মীওইগী মশিং ২,৩৯,৭৫৫ য়ৌখ্রে। অদুম ওইনমক রাজ্য অসিদা লৈখিদবগী মশিং ২৯৮ রিপোর্ত তৌরকখি, মসিগা থারগা রাজ্য অসিদা লৈখিদবগী মশিং ১৪,৪৬৩ শুখ্রে। চৈরক অসিদা চৈরক অসিদা পুনে, সঙ্গলি, নাসিক, কোলহাপুরগুম্বদা ফীভম লুন্না লৈবগা লোয়ননা অতোপ্পা সহরশিং অমসুং তাউনশিংদা মহারাস্ত্রনা লোকদাউন ওগস্ত ৩১ ফাওবা শাদোকখ্রে। নুমিদাংগী কর্ফিয়ু অসি মহারাস্ত্রগী মফম পুম্নমক্তা অদুমক লৈখিগনি।
  • গুজরাত: হৌখিবা পুং ২৪দা অনৌবা পোজিতিব কেস ১,১৪৪ অমসুং লৈখিদবা ২৪ গুজরাত্তা রিপোর্ত তৌরকখিবগা লোয়ননা রাজ্য অসিগী অপুনবা মশিং ৫৯,১২৬ শুখ্রে অমসুং লৈখিদবগী মশিংনা ২,৩৯৬ ওইরি। এক্তিব কেসশিংগী মশিং ১৩,৫৩৫নি। গুজরাতকী মুখ্য মন্ত্রী বিজে রুপানিনা ওরগনাইজরশিংদা গনেশ চতুর্থি, জনমশতমি, মোহরম  অসিগুম্বা ধর্মগী ওইবা থৌরমশিং পাঙথোক্তনবা খঙহনখ্রে; কোবিদ-১৯গী ফীভম অসি অদুমক লৈরবদি নবরতিসু পাঙথোক্লোই। সরকার অসিনা মাস্ক উপ্তবশিংদগী ফাইন লুপা ২০০দগী লুপা ৫০০ ফাওবা লৌরি।
  • রাজস্থান: ঙসি অয়ুক অনৌবা কোবিদ-১৯ অনাবা ৩৬৫ রিপোর্ত তৌখ্রে। খ্বাইদগী য়াম্বা অনৌবা অনাবা ১০৮না কোতা দিস্ত্রিক্ততগীনি, মসিগী মতুংদা অজমি (৫০) অমসুং অলৱর (৪৮)নি। রাজ্য অসিগী কোবিদ-১৯গী অপুনবা কেস ৪০,১৪৫নি। রাজ্য অসিদা এক্তিব ওইরীবা অপুনবা কেস ১০,৮১৭নি অদুগা মীওই ৬৫৪না লায়না অসিনা মরম ওইরগা শীখ্রে।
  • মধ্য প্রদেশ: মধ্য প্রদেশ সরকারনা অচৌবা শহর অহুম ইন্দোর, ভোপাল অমসুং উজ্জেন্দা সেরো সর্ভিলেন্স স্তদী অমা পাংথোক্নবা ৱারেপ লৌখ্রে; সর্ভে অসি এম্স ভোপালগী লমজিং মখাদা পাঙথোক্কনি। শীবগী চাং খ্বাইগী ৱাংবা মফম ওইবনা সর্ভে অসি উজ্জেন্দগী হৌগনি। য়ুমশকৈশা নুমিত্তা রাজ্য অসিদা অনৌবা কেস ৯১৭ রিপোর্ত তৌখিবগা লোয়ননা রাজ্য অসিগী অপুনবা কেস ৩০,১৩৪ শুখ্রে।  

******