কেন্দ্রনা শেন পুথোকপা নেস্নেল আয়ুশ মিসন অমসুং আয়ুশ হেল্থ এন্দ ৱেলনেস সেন্তরশিংগী থবক হন্না য়েংশিন্নবা রাজ্যশিং/য়ু.তিশিংগী হেল্থ/আয়ুশ মিনিস্তরশিংগী ৱেবিনার অমা ঙসি আয়ুশকী রাজ্য মন্ত্রী(ইন-চার্জ) এস.ঐচ শ্রীপাদ য়েসো নাইকনা লুচিংদুনা পাংথোকখ্রে।

রাজ্যগী চহিগী পায়খৎকদবা থবকশিং, য়ুতিলাইজেসন সর্তিফিকেদশিং, শেন-থুমগী অমসুং থবক পাংথোকখিবগী রিপোর্ত অমসুং দি.বি.তিগা মরী লৈনবা ই-পাউশিং মিনিস্ত্রিদা ওনলাইন্দা পীশিন্নবা নেস্নেল আয়ুশ মিসনগী ৱেব-পোর্তেল অমা থৌরম অদুদা শ্রী নাইকনা হাংদোকখি। আয়ুশ মিনিস্ত্রিগী থবক অসিনা অরোন-অথুপ লৈহল্লোই অমসুং সরকারগী থৌশিল মতুংইন্না আই.তি শীজিন্নদুনা থবক পাংথোকপা লাইহনগনি। আয়ুশ হেল্থ এন্দ ৱেলনেস সেন্তরশিং লিংখৎনবা চৎন-কাংলোনশিং য়াওনা চেফোঙ মরি মিনিস্তরনা ফোঙখি।

ৱেবিনার অদুদা, হেল্থ/আয়ুশ মিনিস্তর ১৫না আয়ুশ হেল্থ এন্দ ৱেলনেস সেন্তরশিং থবক তৌবগী মতাংদা মখোয়গী ৱাখল্লোনশিং থমখি অমসুং মখোয়গী রাজ্যশিং/য়ু.তিশিংদা নেস্নেল আয়ুশ মিসন পায়খৎপগী মতাংদা পাউদমখি। আয়ুশ হেল্থ এন্দ ৱেলনেস সেন্তরশিং থবক তৌবদা অমসুং নেস্নেল আয়ুশ মিসনগী মখাদা অয়াবা পীরবা থবকশিং খুমাংচাউশিন্না পাংথোক্নবা মতেং পাংগনি হায়না হেল্থ/আয়ুশ মিনিস্তরশিংনা থাজবা পীখি।

মিনিস্তর নাইকনা হায়খি, তঙাইফদবা অনা-লায়েংগী থবকশিং পাংথোক্নবা অমসুং লায়রবা মীয়ামদা আয়ুশ লায়েংগী খুদোংবশিং য়ৌহন্নবা আয়ুশ হেল্থ এন্দ ৱেলনেস সেন্তরশিং অথুবদা লিংখৎনবা অমসুং থবক হৌনবা হেল্থ/আয়ুশ মিনিস্তরশিংনা মিৎয়েং চঙগদবনি। নেস্নেল আয়ুশ মিসন অমসুং আয়ুশ হেল্থ এন্দ ৱেলনেস সেন্তরশিং মখাদা পায়খৎনবা অয়াবা পীখ্রবা থবকশিং য়াংনা লোইশিনবা হোৎনবা দরকার ওই অমসুং মসিনা মীচম মীয়ামদা কান্নবা ফংহনগনি।

ৱেবিনার অদুদা রাজ্যশিং/য়ু.তিশিংগী হেল্থ/আয়ুশ মিনিস্তরশিংগা লোয়ননা প্রিন্সিপাল সেক্রেতরিশিং(হেল্থ/আয়ুশ), কম্মিসন্নরশিং/দিরেক্তরশিং শরুক য়াখি।

থৌরম অদুদা আয়ুশ বেদগী সেক্রেতরি, রাজেস কোতেচানা হায়খি আয়ুশ হেল্থ এন্দ ৱেলনেস সেন্তরশিং অসি মীয়ামদা আয়ুশ লায়েংগী কান্নবশিং ফংহন্নবা খুদোংচাবা অমনি। রাজ্যশিং/য়ু.তিশিংদা পীখিবা ফন্দশিং মতম চানা শীজিন্নগদবনি। আয়ুশকী জোইন্ত সেক্রেতরি, রোসন জাগগিনা নেস্নেল আয়ুশ মিসন অমসুং আয়ুশ হেল্থ এন্দ ৱেলনেস সেন্তরশিংগী মতাংদা ৱা ঙাংখি অমসুং মখোয়নদা শীন্নখিবা আয়ুশ হেল্থ এন্দ ৱেলনেস সেন্তরশিং মতম চানা থবক পাংথোক্নবা রাজ্যশিং/য়ু.তিশিংদা হায়জখি।

*******