ভারত সরকারনা হন্দক্কী চহি ২০২০গী ওইনা দিজাস্তর মেনেজমেন্তকী লমদা খ্বাইদগী থোইদোক-হেন্দোক্না থবক পাংথোকপগীদমক “সুভাশ চন্দ্র বোস আপদা প্রবন্ধন পুরস্কার”দা নোমিনেসন তৌগদবশিং কৌখ্রে।

ইং কুমজা ২০২০গী ওইনা সুভাশ চন্দ্র বোস আপদা প্রবন্ধন পুরস্কারদা ওনলাই প্রোসেস তৌনিংবশিং হৌজিক-হৌজিক হাংদুনা থম্লি।তোঙান-তোঙানবা মীওইশিং অমসুং ইন্সতিত্যুসনশিংনা অগস্ত ৩১, ২০২০ ফাওবদা “www.dmawards.ndma.gov.in”দা অপলোদ তৌবা য়াগনি। মসিগী মনাশিং অসি চহি খুদিংগী জনুৱারী ২৩দা নেতাজী সুভাশ চন্দ্র বোসকী মপোক কুমওন্দা লাওথোকই

ভারত সরকারনা সুভাশ চন্দ্র বোস আপদা প্রবন্ধন পুরস্কার অসি তোঙান-তোঙানবা মীওইশিং অমসুং ইন্সতিত্যুসনশিংনা দিজাস্তর মেনেজমেন্তকী লমদা থোইদোক-হেন্দোক্না থবক তৌবশিং মশক খংবিনবা শেমখিবনি। মনা অসিদা সর্তিফিকেৎ অমগী মথক্তা ইন্সতিত্যুসনগীনা লুপা লাক্ষ ৫১গী অদুগা তোঙানবা-তোঙানবা মীওইশিংগীনা লুপা লাক্ষ ৫গী মনা য়াওই।

মনা অসিগীদমক্তা মীওই অমনা অপ্লাই তৌবগা য়াবগা লোয়ননা অতোপ্পা মীওই অমা নত্রগা ইন্সতিত্যুসন নোমিনেৎ তৌবা য়াই। নোমিনেৎ তোখ্রবা মীওই নত্রগা ইন্সতিত্যুসন অদুনা ঙাকথোক্নবগী, মিতিগেসন তৌনবগী, শেম-শাদুনা থৌরাং তৌবগী, কনবিবা, ওইরিবা ফীভমগী মতুং ইন্না থবক তৌবা, অৱা-তেংবাংবা, রিহেবিলিতেসন, রিসর্চ, ভারত্তা ইনৌ-নৌনা অমদি ঙন্না চেকশিন থৌরাংনচিংবা দিজাস্তর মেনেজমেন্তকী থবক তৌগদবনি।

অমাং-অতা থোকপা অসিনা ঐখোয়গী খুন্নাই অপুম্বদা থৱায় কয়া, য়ুম্লৈ-কৈরৈ অমসুং লন-থুমশিংদা চৈথেং পী।  অমাং-অতা থোকপা অসিনা লৈবাক অসিদা ৱামিন্নবগী অমসুং মশাগী ওইজবা থিদনা থবক তৌমিন্নবগী ৱাখল্লোন পোকল্লি। অমাং-অতা থোকপা অসিগী মতুংদা ঐখোয়গী খুন্নাইসিদা লৈরিবা তোঙান-তোঙানবা কাংলুপশিংনা অমত্তা ওইনা পুনশিন্নরকই অমসুং অমাং-অতা থোকপশিংনা চৈথেং ফংহল্লবা মীশিংগী অৱাবা অদু হন্থহন্নবগী মায়কৈরোমদা থবক তৌই। মিতিগেসন, খুদোংথিনিংঙাই ওইবা হন্থহনবা, নিংথিজনা ফগদবা থবক পাংথোকপা অমসুং হেন্না অফবা মওংদা শেম-শাদুনা থৱায় কন্নবা ভারত সরকারনা হোৎনরিবশিং অসি কাংলুপকী ওইবা ওর্গনাইজেসনশিং, মশাগী ওইজবা থিদনা থবক তৌরিবা ভলন্তিয়রশিং, কত্থোক্লবা সরকারগী নত্তবা ওর্গনাইজেসনশিং, কন্সাইসিয়স কোর্পোরেৎ, একাদমিক অমসুং রিসর্চ ইন্সতিত্যুসনশিং অমসুং লন্নাইগী ওইনা কন্না হোৎনবশিংগা পুনশিন্না পাংথোকমিন্নৈ।  ওর্গনাইজেসনশিং অমসুং মীওই কয়ানা তুমিন্না থবক পাংথোক্লি অদুবু তুংদা অমাং-অতা থোরকপশিংগী চৈথেং অসি হন্থহন্নবা  মিতিগেসন অমসুং শেম-শাবগী থবক লেপ্তনা চত্থরি।  অমাং-অতা থোকহল্লিবশিং অসিনা মীশিংদা অৱাবা নংহনবা অসি হন্থহন্নবা কনাগীসু মতেং য়াওদনা থবক তৌরিবা  অসিগুম্বা মীওইশিং অমসুং ইন্সতিত্যুসনশিংনা হোৎনরিবশিং অসি মশক খংবিবগী মথৌ তাই।  

****