কেন্দ্রগী ঐচ.আর.দি. মন্ত্রী শ্রী রমেশ পোখ্রিয়াল 'নিশাঙ্ক'না ঙসি ভর্চুএল ওইনা ইন্দিয়া রিপোর্ত ওন দিজিতেল এদজুকেসন, ২০২০ ফোংখ্রে। শ্রী পোখ্রিয়ালনা হায়খি মদুদি রিপোর্ত অসিনা ঐচ.আর.দি. মন্ত্রালয়, রাজ্য অমসুং য়ুনিয়ন তেরিতোরীশিংগী এদজুকেসন দিপার্তমেন্তশিংনা অঙাংশিংনা ময়ুমদা অমত্তা চীত্থদনা মহৈ তম্বীনবা অমসুং মহৈগী লমদা লৈরিবা অহোবশিং হন্থনবগী মতাংদা শুগাইনা পল্লি। মহাক্না রিপোর্ত অসিবু মীপুম খুদিংনা পাবীদুনা অথাপ্পদগী লাইরিক তাক্নবা অমসুং মহৈরোই অমত্তা চীত্থবা তৌদনা মহৈ তমহন্নবগীদমক লৌখৎলিবা থৌরাংশিংগী মতাংদা খঙনবা হোৎনবীনবা পুক্নিং চিংশিনখি।

স্কুল এদজুকেসন হায়বসি দিজিতেল এদজুকেসনবু পাক শন্না লৈরিবা প্রি নর্সরীদগী হৌদুনা হাইয়র সেকেন্দরী ফাওবদা অপুনবা ওইনা খঙহন্নবা হোৎনরিবা অশুপ্পা খোংথাং অমনি হায়না পানরি। হৌজিক্কী ওইরিবা গ্লোবেলাইজেসনগী মতম অসিদদি অফবা দিজিতেল এদজুকেসন হায়বসি য়াম্না তান্নরি। হ্যুমেন রিসোর্স দিবেলপমেন্ত মন্ত্রালয়না ওজা, স্কোলার, অমসুং মহৈরোইশিংনা তমশিনবদা মতেং পাংনবগীদমক দিকশা প্লেৎফোর্ম, স্বায়ম প্রভা তি.ভি. চেন্নেল, ওনলাইন এম.ও.ও.সি. কোর্সশিং, ওন এয়র – শিকশা ভানি, এন.আই.ও.এস.কী নাম্ম শোইরবশিংগীদমক দেজি, ই-পাথশালা, ই-কন্তেন্ত অমসুং লাইরিক হেন্না মপাঙ্গল কনখৎনবগীদমক নেসনেল রিপোজিতরী ওব ওপন এদজুকেসনেল রিসোর্সেস (এন.আর.ও.ই.আর.), তি.ভি. চেন্নেলশিংদা তেলিকাস্ত তৌবা, ই-লর্নিং পোর্তেলশিং, ৱেবিনার, চেৎ গ্রুপ, লাইরিক য়েন্থোকপা অমসুং অতোপ্পা দিজিতেলগী ওইবা খোংথাং কয়া রাজ্য অমসুং য়ু.তি. সরকারশিংগা লোইননা লৌখৎমিন্নদুনা মতেং পাংনবা হোৎনরি।

রিপোর্ত অসিদা প্রধান মন্ত্রী শ্রী নরেন্দ্র মোদী, কেন্দ্রগী ঐচ.আর.দি. মন্ত্রী শ্রী রমেশ পোখ্রিয়াল 'নিশাঙ্ক', রাজ্যগী ঐচ.আর.দি. মন্ত্রী শ্রী সঞ্জয় ধোত্রে, অমসুং দিপার্তমেন্ত ওব স্কুল এদজুকেসন এন্দ লিতরেসী, এম.ঐচ.আর.দি.এ.গী সেক্রেতরী শ্রীমতি অনিতা করৱালগী পাউজেল য়াওরি। রিপোর্ত অসি এম.ওইচ.আর.দি.এ.গী দিজিতেল এদজুকেসন দিবিজন্না রাজ্য অমসুং য়ু.তি.শিংগী এদজুকেসন দিপার্তমেন্তশিংগা লোইননা তান্নদুনা শেম্বনি।

মসিগী মথক্তা, কেন্দ্রগী নঅমসুং রাজ্য/য়ু.তি.গী খোংথাং কয়ানা মহৈরোইশিংগী য়ুম-য়ুমদা দিজিতেল এদজুকেসন পীনবগীদমক মরুওইবা খোংথাং কয়া লৌখৎলি। মহৈরোইশিং অসিগা শম্ননবগীদমক সোসিএল মীদিয়াগী খুৎলাই ৱাৎসপ গ্রুপশিং ক্লাস খুদিংমক্কী ওইনা শীজিন্নবা, য়ুত্যুব চেন্নেল, গুগঅল মীৎ, স্কাইপনচিংবশিং শীজিন্নদুনা ওনলাইন ক্লাসশিং লৌবা, ই-লর্নিং পোর্তেল, তি.ভি. (দুরদর্শন অমসুং রিজনেল চেন্নেলশিং), রেদিও, (এ.আই.আর.), দিকশা শীজিন্নবসু স্তেকহোল্দরশিংগী খ্বাইদগী মশক থোকপা খোংথাংশিং ওইনা শীজিন্নরি।

রাজ্য সরকারশিংনা লৌখৎপা মরুওইবা দিজিতেলগী ওইবা খোংথাংশিংগী মরক্তা খরদি রাজস্থানগী স্মাইল (সোসিএল মীদিয়া ইন্তর্ফেস ফোর লর্নিং এনলাইতন্মেন্ত), জম্মুগী প্রোজেক্ত হোম ক্লাসেস, ছতিসগরগী পধাই তুনহার দুভার (এদজুকেসন এৎ য়োর দোর্স্তেপ), বিহারগী পোর্তেল অমসুং মোবাইল এপ্লিকেসন ওইনা শীজিন্নবা উন্নায়ন ইনিসিএতিব, দিল্লীগী এন.সি.তি.গী মিসন বুনিয়াদ, কেরলাগী মশাগী এদজুকেসনেল  তেলিভিজন চেন্নেল (আই-তেক স্কুল প্রোগ্রাম), ই-স্কোলার পোর্তেলগা লোইননা মেঘালয়গী ওজাশিংগী ওইবা লেম্না পীবা ওনলাইন কোর্সশিংনি। তেলঙ্গানাদা ওজাশিংগী ওইনা 'কোবিদকী মনুংদা ৱাখল ফনা লৈনবগী মেনেজমেন্ত' হায়বসিদা ওনলাইন সর্তিফিকেৎ কোর্স লৈরি।

রাজ্য খরদা অনৌবা মোবাইল এপ অমসুং পোর্তেলশিং লাপ্না মহৈ তম্বীবা য়ানবগীদমক হৌদোকখ্রে। মধ্য প্রদেশতা তোপ পেরেন্ত এপ হায়বা শেল তিংদবা মোবাইল এপ অমা অঙাং লৈবা মপা মমাশিংগীদমক মখোয়গী অঙাংশিংগা নুংঙাইনা পুনবা য়ানবগীদমক ৱাখল লৌশিং কয়া য়াওরবা এপ অমা হৌদোকখ্রে। খেল (নোলেজ হব ফোর ইলেক্ত্রোনিক লর্নিং) হায়বা শান্নবদা য়ুম্ফম ওইবা এপ ক্লাস ১-৩ ফাওবগী অমা হৌদোকখ্রে। উত্তরাখন্দনা সম্পর্ক বাইথক এপ অমা প্রাইমরী স্কুলগী মহৈরোইশিংনা  অলেংবা ভিদিওশিং, মখোল, ৱার্কশিৎ, পজল অসিনচিংবশি য়েংবা অমসুং শান্নবা য়ানবগীদমক শেমখ্রে। অসমনা বিস্ব বিদ্যা অসম মোবাইল এপ্লিকেসন অমা ক্লাস ৬-১০ ফাওবগী হাংদোকখ্রে। বিহারদসু বিদ্যাবাহিনি এপ অমা ক্লাস ১দগী ১২ ফাওবগী লাইরিক য়াওবা এপ অমা হৌদোকখ্রে। উন্নায়ন বিহার ইনিসিএতিবকী মখাদা, বিহারদা মেরা মোবাইল মেরা বিদ্যালয় হায়বা মহৈরোইশিংগী ওইবা অমসুং উন্নায়ন বিহার তিচর এপ হায়বা মা হৌদোকখ্রে। চন্দিগরদসু ফিনিক্স মোবাইল এপ অমা ক্লাস ১দগী ৮ ফাওবগী মহৈরোইশিংগীদমক হৌদোকখ্রে। মহারাস্ত্রদা লর্নিং আউৎকমস স্মার্ত ক্যু মোবাইল এপ অমা মহৈরোইশিংনা রাজ্য অসিদা মহৈ তম্বা য়ানবগীদমক হৌদোকখ্রে। পঞ্জাবতা আইস্ক্যুএলা লর্ন মোবাইল এপ্লিকেসন অমা ক্লাস ১দগী ১০ ফাওবগী হৌদোকখ্রে। সিক্কিম এদুতেক এপনা সিক্কিমদা লৈবা স্কুল খুদিংমকপু রাজ্য অসিগী এদজুকেসন দিপার্তমেন্তকী মখাদা শম্নহন্দুনা মপা-মমা ওইবশিং অমসুং মহৈরোই, ওজা অমসুং এদ্মিনিস্ত্রেতিব য়ুনিৎশিং য়াওনা লোগ ইন তৌবা য়াহন্দুনা হাংদোকখ্রে। ত্রিপুরাদসু 'এম্পাৱরয়ু শিকশা দর্পন' কৌবা এপ অমা মহৈরোইশিংগীদমক হাংদোকখ্রে। উত্তর প্রদেশতা চহী ৩দ্গীনা ৮ফাওবদা লৈবা অঙাংশিংদা পান্দম থমদুনা 'তোপ পেরেন্ত' কৌবা এপ অমা হৌদোকখ্রে। এপ্লিকেসন অসিদা হৌজিক্কী ওইনা হাই ক্বালিতী ওইবা অঙাংশিংগী এদতেক এপ – চিম্পল, মেথ মস্তি অমসুং গুগল বোলো হায়না য়াওরি।

রাজ্যশিংনা ৱাৎসপপু মহৈগী ওইবা মেদিয়ম অমা ওইনা মাংজিল থানা শীজিন্নরি অমসুং মসিনা ওজা, মমা-মপা, অমসুং মহৈরোইশিং নকশন্নহল্লি। ওরিশা শিকশা সঞ্জোগ – হায়বা ৱাৎসপতা য়ুম্ফম ওইবা দিজিতেল লর্নিং প্রোগ্রাম অমা ওরিশাদা হৌদোক্তুনা তোঙান-তোঙানবা ক্লাস গ্রুপশিংগী ই-কন্তেন্তশিং পীরি। পঞ্জাব, পুদুচেরীদা ৱাৎসপকী খুথাংদা মহৈ মশিং তাকপী তম্বীরি। রাজস্থান্না ৱাৎসপ্পু হৱামহল জোইফুল সেতর্দে প্রোগ্রামগীদমক মহৈরোইশিংনা ৱারীশিং অমসুং হায়রিবশিংদুগা লোইননা শান্ন-শান্ননা পানবা  ৱাৎসপ শীজিন্নরি। মিসন প্রেরনা কি ই-পাথসালা হায়বসি ওজাশিংদগী মহৈরোইশিংদা পীবা উত্তর প্রদেশকী ৱাৎসপ গ্রুপনি। হিমাচল প্রদেশনা 'নুংঙাইনা লাইরক পানবা করোনা, থোরি মস্তি, থোরি পরাই অমসুং 'হর ঘর পাথসালা' হায়বা ৱাৎসপতা য়ুম্ফম ওইবা ই-কন্তেন্তশিং মহৈরোইশিংনা পানবা অমসুং ৱার্কশিৎশিং অদু হোৎহন্দুনা ওজানা করি হায়বদু খঙনবগীদমক হৌদোক্লি। তোখাইনা য়েংবীবা চঙবা মহৈরোইশিংগী ওইনদি কেম্পেন অসি 'হম কিসি সে কম নহি – মেরা ঘর মেরি পাথসালা" হায়না মমিং থোদুনা চত্থরি। কন্তেন্তশিং অসি তোঙানবা এদজুকেতর অমগা লোইননা ৱাৎসপ গ্রুপ শেম্লি।

তেক্নোলোজী কয়া চঙদবা মওংদা অমসুং ইন্তর্নেত চঙহন্দবা মওংদা রাজ্যশিংনা কোক পুথোক্তুনা তাকপী-তম্বীনবা হোৎনবীগদবনি। খুদম ওইনা পল্লবদা, অরুনাচল প্রদেশতা প্রাইমরী থাক্কী মহৈরোইশিংনা নুংঙাইরবা রেদিওগী ৱারী ৱাতাই মখোয়গী মশাগী মমালোলদা ওল ইন্দিয়া রেদিও, ইতানগরগী খুথাংদা তাহল্লি। ঝার্খন্দগী জিল্লাশিংনা রিজনেল দুরদর্শন শীজিন্নদুনা অমসুং অরৈবা রেদিওগী অহাংবা শীজিন্নদুনা অশেনবা ওজাশিংবু শীজিন্নরি। মসিগা মান্ননা পুদুচেরীগী ক্লাসশিংবু লোকেল তি.ভি. চেন্নেলশিংদা ভর্চুএল কন্ত্রোল রুম শীজিন্নদুনা শন্দোক্লি। মনিপুরদা ক্লাস ৩দগী ৫ ফাওবগী মহৈরোইশিংগীদমক নুংঙাইবা মওংদা কন্সেপশিং লৌশিন্নবগীদমক কোমিক লাইরিকশিং হৌদোকখ্রে। লদ্দাখনা এম্বিবে বেঙ্গলোর অমসুং ১৭০০০ ফিৎকুম্বা এন.জি.ও.শিংগা খুৎশম্নদুনা লম্বী থোং ফাওনবা ৱাবা মফমশিংদা ওনলাইন ক্লাস পীরি। হৌজিক্কী ওইরিবা খুদোং থীরবা মতম অসিদা লৈরিবা অহোবশিং অসি মেনশিন্নবগীদমক 'কম্ম্যুনিতী এঙ্গেজমেন্ত' তৌদুনা লমদম অসিগী অমসুং শেমদোক শাদোক্লবা রিসোর্সশিং হৌজিক্তি মঙাল উরে। ক্বিজ কম্পিতিসনশিংসু হরিয়ানা রাজ্যদা পাঙথোক্লি।

অথাপ্পা মফমদা মহৈ তম্বীবদা থেংনরিবা খুদোংচাদবশিং কোকহন্নবগীদমক, এন.আই.ও.এস. অমসুং স্বয়ম প্রভাগী কন্তেন্তশিং ইন্তর্নেৎ অমসুং রেদিও অমসুং তি.ভি. কয়া লৈজদবা অঙাংশিংদা মীৎয়েং থম্লদুনা য়েন্থোক্লি। রাজ্যশিংনা লৌখৎপা খোংথাংশিংনা কন্তেন্তশিং অসিবু অপুনবা ওইনা ফংহন্নবা হোৎনরি। খুদম ওইনা হায়রবদা – অন্ধ্র প্রদেশতা তোল ফ্রী কোল সেন্তর অমসুং তোল ফ্রী ভেদিও কোল সেন্তরশিং মহৈরোইশিংগীদমক অরুবা তোপিকশিং অমসুং মখোয়দা লৈরিবা চমম্নবশিং কোকহন্নবগীদমক হাংদোকখ্রে। মোবাই নেৎৱার্ক অমসুং ইন্তর্নেৎ সর্বিস ফংদবনা মরম ওইদুনা ছতিশগরদা মোতোর স্কুল হৌদোকখ্রে। রাজ্য অসিনা ভি.এফ.এস. (ভর্চুএল ফিল্দ সপ্পোর্ত) হায়বা তোল ফ্রী নম্বর অমসু হাংদোকখ্রে। ঝার্খন্দনা রোবিং তিচর হায়বা ওজাশিংনা অঙাংশিংবু চত্তুনা লাইরিক তাকপীবগী থবক পায়খৎলি। গুজরাত্তা রিদিং কেম্পেন ওইনা ওরেল রিদিং ফ্লুএন্সী ফংনবগীদমক – ভঞ্চন অভিয়ান অমসুং পরিবার নো মালো-সলামৎ অনে হম্ফালো (ফেমিলি'স নেস্ত সেফ এন্দ ৱার্ম) হায়বা সোসিও সাইকোলোজিকেল সপ্পোর্ত প্রোগ্রাম অমা অঙাংশিংগীদক হৌদোকখ্রে। নোংচুপ বেঙ্গলদা মহৈরোইশিংনা মখোয়দা লৈবা চমম্নবশিং কোক্নবগীদমক তোল ফ্রী নম্বর অমা হাংদোকখ্রে।

ইন্তর্নেৎ অমসুং মৈ চাং নাইনা ফংদবা মফমশিংদা মহৈ তম্বা লেপতনবগীদমক রাজ্য অমসুং য়ু.তি.শিংনা অঙাংশিংগী য়ুম-য়ুমদা লাইরিক য়েন্থোকপীরি। মহৈরোইশিংদা য়ৌনবগীদমক অসিগুম্বা খোংথাং লৌখৎখিবা রাজ্যশিংদি ওরিশা, মধ্য প্রদেশ (কশাতা উন্নায়ন প্রোগ্রাম), দাদ্রা অমসুং নগর হাবেলি অমসুং দামন এন্দ দিয়ু অসিনচিংবনি। লকশদ্বীপতা মহৈশিংদা ই-কন্তেন্তশিং য়াওরবা তেব্লেৎশিং য়েন্থোকখি। নাগালেন্দদা চি.ভি.দি./পেন দ্রাইবশিংদা মহৈরোইশিংগীদমক অপীকপা মমলদা তম্নবা পোৎলমশিং য়েন্থোকখি। জম্মু অমসুং কাশ্মিরদা মহৈরোইশিংদা লেপতোপ অমসুং মীৎ উদ্রবা মহৈরোইশিংগীদমক ব্রাইল তেক্তাইল রিদরশিং য়াওনা তেব্লেৎশিং য়েন্থোকখি।

দিজিতেল এদজুকেসনগী ওইবা খোংথাংশিং অসিনা মহৈরোইশিংদা কম্পিতিতিব একজামশিং থানবা হোৎনবদা মতেং কয়া অমা পীরি। গোৱানা এম্বাইব কৌবা আর্তিফিসিএল ইন্তেলিজেন্স (এ-আই)না পাৱর তৌবা লর্নিং, প্রেক্তিসিং অমসুং তেস্তিংদা য়ুম্ফম ওইবা ওনলাইন প্লেৎফোর্ম অমগা খুৎশম্নদুনা মহৈরোইশিংদা রাজ্য অসিগী এন্ত্রান্স একজামশিংগীদমক শেম শাবদা মতেং পাংলি।   কর্নাতকানা পরিখা বানি কৌবা একজাম প্রিপরেসন প্রোগ্রাম অমা দুরদর্শন অমসুং এস.এস.এল.সি. একজাম রিদিনেস প্রোগ্রাম অমগী মখাদা হৌদোকখ্রে। মকুপ তানা নৈনবগীদমক শরুক য়াওরবা ওনলাইন প্রেক্তিস তেস্তশিং তমিল নাদুদা সরকার অমসুং সরকারগী এদেদ স্কুলশিংগী মহৈরোইশিংনা নীৎ একজাম প্রেক্তিস তৌবা য়ানবগীদমক হৌদোকখ্রে।

রাজ্যশিং অসিদা লৈরিবা তোঙান-তোঙানবা তঙাইফদবশিং অসি য়েংদুনা পার্নেলিতী দিবেলপমেন্ত অমসুং লোল হেন্না খঙবা হেন্নবগী মীৎয়েং থমদুনা এন.সি.তি. দিল্লীনা হাইয়র ক্লাসশিংগীদমক লোকদাউন মনুংদা ৱাখল ফনা লৈনবা খোংথাংসু অঙাংশিংদা এস.এম.এস./আই.ভি.আর.গী খুথাংদা পারিমরী গ্রেদকী অঙাংশিংগীদমক লৌখৎলি। মসিগা মান্ননা, অতোপ্পা রাজ্যশিংনসু তমিল নাদু অমসুং তেলঙ্গানাগুম্বা রাজ্যশিংদা অঙাংশিংগী ৱাখল ফনা লৈনবগী খোংথাংশিং লৌখৎলি। মধ্য প্রদেশ অমসুং গুজরাৎনা অখন্নবা মীৎয়েং চঙবা দরকার লৈবা মহৈরোইশিংবু চীত্থদনবগী খোংথাং কয়া লৌখৎলি। অসিগুম্বা খোংথাং কয়া অসিনা, রাজ্যগী এদজুকেসন দিপার্তমেন্তশিংনা অপুনবা ওইনা মহৈ তম্বদা থোক্লক্লিবা খুদোংচাদবশিংবু কোকহন্নবগীদমক লাপনা হোৎনরি।

রিপোর্ত অসি মখাগীসিদা ফংবীগনিঃ

https://mhrd.gov.in/sites/upload_files/mhrd/files/India_Report_Digital_Education_0.pdf

*****