পাক-শন্না স্ক্রিন্নিং তৌনবা, লায়না অসি ঙন্না খঙদোকপা অমসুং খুদোংথিনিংঙাই কয়া য়াম্না ওইরবগে হায়বা থিজিন্নবা অনৌবা পাম্বৈশিং শীজিন্নবা অসি কোবিদ-১৯ লাইচৎ লাকশিনবগী অরুবা শিংনবা অমা ওইরে । লাইচৎ অসি লাকশিন্নবা তেক্নোলোজি শীজিন্নদুনা হকশেলগী মীওইশিংনা থেংনরিবা খুদোংচাদবশিং হন্থহন্দুনা য়াংনা তেস্ত তৌবা য়াগনি।

সাইন্স অমসুং তেক্নোলোজি দিপার্তমেন্তগী মখাদা লৈবা সেন্তর ফোর অগমেন্তিং ৱার ৱিথ কোবিদ-১৯ হেল্থ ক্রাইসিস(কাৱাচ)না লিফাস কোবিদ স্কোর কৌবা কোবিদ য়েংশিন্নবা প্রোফাইল অমা পুথোক্নবা বেঙ্গলোরদা লৈবা স্তার্দঅপ এক্কুলি লেব খল্লে। এক্কুলি লেবনা য়াম্না ঙন্না কোবিদ-১৯ খঙদোক্নবা দিজিতেল ওইনা থবক তৌবা বাইওমেকর স্মার্দফোন তুল পুথোকলে অমসুং মসিগী লায়না অসি য়ুমদা য়েংশিন্নবা লিফাস কোবিদ স্কোর হায়না অমুক হন্না শেমদোকপনি।

ভারত সরকারগী দি.এস.তিগী মখাদা লৈবা নেসেনেল সাইন্স এন্দ তেক্নোলোজি ওন্ত্রেপ্রেনিউয়রসিপ দিবলপমেন্ত বোর্দনা পায়খৎপা কাৱাচনা কোবিদ-১৯ লাকশিন্নবা কৈথেলদা য়োনবা য়ারবা অনৌবা পোৎথোকশিং শৌগৎকনি অমসুং অৱাবশিং কোকহন্নগদবা স্তার্দঅপশিংগী থবকশিং মতেং পাংগনি।

২০২০গী মার্চতগী ভারত সরকারগী দি.এস.তিনা কোবিদকী অৱাবা কোকহনবা ঙম্বা তেক্নোলোজিশিং শৌগৎতুনা লাক্লি। পাক-শন্না স্ক্রিন্নিং তৌনবা পাম্বৈ অমা পুথোক্নবা কয়ারক থোক্না য়েংশিল্লিবা মতুংদা এক্কুলি লেবস খনখিবনি। মসিনা পুথোকপা লিফাসনা দি.এস.দিগী লুপা লাখ ৩০গী গ্রান্ত অমা ফংলে অমসুং হৌজিক ভর্চুএল ওইনা আই.আই.তি মাদ্রাস, হেল্থকিয়ার তেক্নোলোজি ইন্নোবেসন সেন্তর অমসুং মেদতেক ইনকুবেতরনা শৌগৎলি।

লিফাস অসি এন্দ্রোইদ এপ্প অমনি , মসিদা মোবাইল ফোন অমগী মনিংগী কেমেরাদা মিনিত ৫ খুদোম্বী থম্বা মতমদা, মীহুন অমসুং ঈগী ভোলুম লৌখিগনি অমসুং এলগোরিথমস অমসুং সিঙ্গনেল প্রোসেস তৌনবা তেক্নোলোজিশিং শীজিন্নদুনা বাইওমার্কর ৯৫ খঙহনগনি। মসিনা হকচাংনা থাদোরকপা সিঙ্গনেলশিং লৌশিন্নবা স্মার্দফোন প্রোসেসর অমসুং স্মার্দফোন সেন্সরশিং শীজিন্নরি। ফোতোপ্লেথিসমোগ্রাফি(পি পি জি), ফোতো ক্রোমোতোগ্রাফি(পি সি জি), অর্তেরিএল ফোতোপ্লেথিসমোগ্রাফি(এ পি পি জি), মোবাইল স্পিরোমেত্রি অমসুং প্লস রেত ভেরিএবিলিতি(পি আর ভি)গী প্রিন্সিপালশিং সিঙ্গনেল প্রোসেস তৌনবা শীজিন্নরি।

হকচাং মনুংদা লাকপা পেথোফিজিওলোজিকেলগী অকুপ্পা অহোংবশিং খোঙ্গুল লিনবা লিফাসনা কার্দিও-রেস্পিরেতোরি, কার্দিও-ভাস্কুলার, হেমাতোলোজি , হেমোরিওলোজি, নিউরোজিদা য়ুমফম ওইবা পেরামিতরশিং পীগনি। হায়রিবা অহোংবশিং অসিনা মখা তানা হকচাংগী কয়াৎশিংনা পীরকপা অহোংবশিং উৎকনি।

তেক্নোলোজি অসি মীয়াম পাক-শন্না স্ক্রিন্নিং তৌনবা অমসুং লৈকায়দা শন্দোরকপা তাঙ্কক অদু য়েংশিন্নবা পান্দমদা মিৎয়েং থম্লি। মসিনা লাইওং উৎতবা মীওইশিং চাদা ৯২ ফাওবা চুম্না খঙদোকপা ঙম্লে ।

থিজিনবদা মাইপাকপদগী, মেদান্দা ইথিক্স কমিতিনা মসি মী মশিং য়াম্না থিজিনবদা শীজিন্নবগী অয়াবা পীরে। মসিগী থিজিনবা অসি ক্লিনিকেল ত্রাইএলস রেজিস্ত্রি-ইন্দিয়া(সি তি আর আই)দা রেজিস্তার তৌরে অমসুং ৱার্ল্দ হেল্থ ওর্গনাইজেসন্না মশক খঙলে। মীওই অমনা লাইওংশিং উৎলবা মতুংদা খোঙ্গুল লিবগী থবক অরোগ্যা সেতুনা পাংথোকলি অমসুং লিফাসনা তেস্তকী ফলশিংদা য়ুমফম ওইবা চপ চাবা মেদিকেল স্ত্রিন্নিং তেস্ত অমনি।

দি.এস.তিগী সেক্রেতরি, প্রোফেসার অসুতোস শর্মনা হায়খি মমল হোংবা, লাইনা ফংবা, স্মার্দফোনদা য়ুমফম ওইবা লায়না খঙদোক্নবা অফবা খুৎলায় অমনি অমসুং মসিনা খুদোংথিনিংঙাই ওইবা কেসশিং স্ক্রিন তৌবা, ক্বারেনতাইন কেসশিং য়েংশিনবা অমসুং মীয়াম মরক্তা লায়না লৈবরা হায়না য়েংশিনবদা চাউনা মতেং পাংগনি। লিফাস অসি স্তার্দঅপশিংগী তেক্নোলোজিশিং ফগৎলকপগী নুংঙাইরবা খুদম অমনি অমসুং হৌজিক থেংনরিবা অৱাবশিং য়াংনা অমসুং ফজনা কোকহন্নবা অনৌবা পাম্বৈশিংনি।

সেপ্তেম্বরগী অরোইবদা ক্লনিকেল ত্রাইএলশিং অমসুং আইনগী ওইবা থবকশিং লোইশিল্লবা মতুংদা তেস্ত তৌনবগী খুদোংচাবশিং মীয়ামদা ফংহল্লগনি।

কোবিদ-১৯না মালেম অমসুং ভারত্ত পীরিবা চৈথেং অসি য়েংলগা অৱাবা কোকহনবা ঙম্বা অমসুং শেন-থুমগী ফিবম শোকচিল্লকপা থিংবা ঙমগদবা রিছর্স অমসুং দিবলপমেন্তগী থবকশিং শৌগৎপা অসি তঙাইফদবনি। স্তার্দঅপ-ইকোসিস্তেমকী মখাদা ভারত সরকারগী সাইন্স অমসুং তেক্নোলোজি দিপার্তমেন্তনা অনৌবা থবকশিং শৌগৎলি অমসুং অসিগুম্বা পাম্বৈশিংগী মনুংদা লিফাস কোবিদ স্কোরসু অমনি।

*****