ঙসি, জুলাই ২৮, ২০২০,গী নুমিৎকী দি ত্রিব্যুনদা “দিলিমেতেসনগী মতুংদা জে. এন্দ কে.গী মীখল” হায়না মিংথোনবা রিপোর্ত  য়াওরক্লিবা অসি লেফতনেন্ত গবর্নর (এল.জি.), জে. এন্দ কে. শ্রী জি.সি. মুরমুগী থৌওংগী মরমদগীনি। মসিগা মান্ননা মহাক্না হায়খিবা ৱাফম অমসু তাং ১৮/১১/২০১৯দা দি হিন্দু; তাং ১৪/১১/২০১৯দা ন্যুস ১৮দা; তাং ২৬/৬/২০২০দা হিন্দুস্তান তাইমস্তা অমসুং তাং ২৮/৭/২০২০গী ইকোনোমিক তাইমস (ই.-পেপর)তা য়াওখি। ইলেক্সন কম্মিসন্না অসিগুম্বা হঞ্জিন হঞ্জিন্না ঙাংলকপা য়েৎপগী ৱারোলশিং অসি লুনা লৌদে অমসুং মসিগী মতাংদা এল.জি.দা খংহন্নিংবদি থবক কয়াগী কন্সতিত্যুস্নেল ওইবা হীরম কয়া, মীখলগী মতম লেপ্পনচিংবা অসি ইলেক্স কম্মিসন ওফ ইন্দিয়া খক্তনা লেপকদবনি হায়বসিনি। মতম লেপ্ত্রিঙৈগী মমাংদা কম্মিসন অসিনা তোপোগ্রাফী, অইং অশাগী ফিভম, মীখল পাংথোক্কদৌরিবা মফম মফমগী হরাও কুমহৈগী মতুং ইনবা মফমদুগী ফিভম্নচিংবা হীরম কয়া অমা হান্না য়েংশিল্লি। খুদম ওইনা হায়রবদা, হৌজিক ওইরিবা কোবিদ-১৯গী ইরাং অসিনা অনৌবা মওং অমা থোকহল্লে অমসুং মসি মতমগী মতুং ইন্না খন্নদবা য়াদবা  ৱাফম অমা ওইরি। ঙসিগী হীরম অসিগী মতাংদসু দিলিমিতেসন্দগী ওইরকপা মহৈদগী ওইরকপা ফিভম অসিসু ৱারেপ অসিগী মনুং চনগনি। মসিগা মান্নবা ওইনা সি.পি.এফ.কী মীওইশিং পুথোক পুশিন তৌনবা কেন্দ্রগী ফোর্স অমসুং রেলৱেগী দবাশিং মতিক চানা লৈবা লৈতবা অসিসু খন্নদবা য়াদবা মরু ওইবা হীরমশিংনি। থবকশিং অসি কম্মিসন অসিগী সেনিয়র ওফিসিএলশিংনা কুপ্না য়েংশিল্লবা তুংদা মসিগী অকুপ্পা ৱারোলশিং অসি মরী লৈনবা মীওইশিংগা খন্ন-নৈনরবা তুংদা পাংথোকপনি। মসিগী মখা তারকপা ওইনা কম্মিসন অসিনা মরী লৈনবা রাজ্যদা তঙাই ফদবগী মতুং ইন্না চৎকনি অমসুং স্তেকহোলদর্শিংগা মখা তানা কুপ্না ৱারী শাগনি। অসিগুম্বা ৱাফম অসি ইলেক্সন কম্মিসনগী নত্তবা অতোপ্পা মীওইনা পীদবনা ফগনি অমসুং অসিগুম্বা থৌওং অসি ইলেক্সন কম্মিসনগী শংবিধানগী ওইবা থবকশিংদা অয়েৎপা পীবগা মান্নৈ।

********