সাইন্স অমসুং তেক্নোলোজী মন্ত্রালয়

বাইওতেক্নোলোজী বিভাগনা রিকম্বিনেন্ত বি.সি.জি. তীকা অসি ফহনবা ঙম্বা মওংগী চাংয়েং পাংথোকপদা তেংবাং পীখ্রে, ভি.পি.এম. ১০০২না চাওরাক্না হেল্থ ৱার্কর ৬০০০ অমসুং চাং ৱাংনা খুদোংথিনিংঙাই ওইরবা মীওইশিংগী মমিং চনবগী থবক মপুং ফানা পাংথোকখ্রে

Posted On: 27 JUL 2020 4:55PM by PIB Imphal

সেরম ইন্সতিত্যুত ওফ ইন্দিয়া প্রাইভেৎ লিমিতেদ(এস.আই.আই.পি.এল.)না বাইওতেক্নোলোজী বিভাগকী নেস্নেল বাইওফার্মা মিশনগী মখাদা রিকম্বিনেন্ত বি.সি.জি. তীকাগী কেন্দিদেত ওইরিবা ভি.পি.এম. ১০০২গী মফম কয়াদা তাঞ্জা-তাঞ্জাগী ওইবা দবল-ব্লাইন্দ প্লেসবো-কন্ত্রোল ফেজ III গী লায়েং চত্থনবগী চাংয়েং পাংথোক্নবগীদমক্তা সেরম ইন্সতিত্যুত ওফ ইন্দিয়া প্রাইভেত লিমিতেদ(এস.আই.আই.পি.এল.)গী মতেং পাংখ্রে।   চাংয়েং অসিগী পান্দমদি চহি য়াম্লবা হেন্না খুদোংথিনিংঙাই ওইরবা মীওইশিং নত্রগা নারি শারি তৌরিবা থবক তৌমিন্নরিবা মীশিং অমসুং চাং ৱাংনা খুদোংথিনিংঙাই ওইরবা হেল্থৱার্কর(ঐচয়সি.দব্লয়ু.)শিংদা লায়চৎ অসিগী কেসশিং অসি হন্থহন্নবা অমসুং কোবিদ-১৯গী শাথিবা মওংদা ওইহল্লক্লিবশিং অসি হন্থহন্নবদা ভি.পি.এম. ১০০২গী থবক পাংথোকপা ঙম্বগী মঙম অসি ইভালুএত তৌনবনি।

বি.সি.জি. তীকা অসি চাং নাইবা মওংদা পোকপদা ঙাইরিবা অঙাংশিং খুদিংমকপু নেস্নেল চাইল্দহুদ ইম্যুনাইজেসন প্রোগ্রামগী শরুক অমগী মওংদা ত্যুবরকুলোসিস(তি.বি.) লায়না অসি লৈহন্দনবগীদমক্তা ফংহল্লি।।  মসিগী লায়না অসি মরুওইনা থবোম্বিদা নাহনবা বেক্তরিয়াগী মরম্না থোকহল্লি। মসিগী কান্নরবা হেতেরোলোগস ওইনা ফহনবা অমসুং এন্তিভাইরেল ওইহনবা অমসুং ত্রেন তৌদুনা পোকপদা ঙাইরিবা অঙাংশিংদা ইম্যুন লৈহন্নবা অমসুং হেতেরোলোগস ওইবা মওংগী ইম্যুনিতী ওইবা ইম্যুন লৈহনবগী মতিক ময়াইশিং অসিনা লৌনগনবা লায়নাশিং ঙাকথোকই। চাওরাক্না হেল্থ ৱার্কর ৬,০০০ রোম অমসুং কোবিদ-১৯না নারবা মীশিংগা নকশিন্না শম্নরুবা মীশিং য়াওনা চাং ৱাংনা খুদোংথিনিংঙাই ওইরবা মীশিং অসি লায়েং চত্থনবগী চাংয়েংদা মসি ফংদোক্নবগীদমক্তা মিং চনশিন্দুনা অমুক হন্না শিজিন্নবা য়াহনবা বেসিলস কৈলমেত-গ্বেরিয়ন(আর.বি.সি.জি.) অসি ভাইরস অসি ঙাকথোক্নবগী ইম্যুনিতী অসি হেনগৎহনবা ঙম্মি।

দি.বি.তি.গী সেক্রতরী অমসুং বিরাক্কী চেয়রমেন দা. রেনুস্বরুপ্না হিরম অসিগী মতাংদা ফোংদোকখি, “বি.সি.জি. তীকা অসি অফ-ফত্ত খংদোক্লবা প্লেৎফোর্ম অমনি অমসুং তি.বি.দা নত্তনা অতোপ্পা লায়নাশিংগী ওইনসু ওফ-তার্গেৎ ইফেক্ত অসি শিজিন্নবা অসি য়াম্না প্রেগমেতিক ওইবা ৱাফম্নি। মসিগী চাংয়েং অসি মে ২০২০দা হৌদোকখি অমসুং মসিনা লৈবাক পু্ম্বদা হোসপিতাল ৪০রোমদা মীওই ৬০০০রোম মিং চনবগী থবক মপুং ফাহনখ্রে। মসিগী লায়না অসি লৈহন্দনবা পাম্বৈ থিবদা মসি অথোইবা মাই পাকপা অমনি অমসুং ঐখোয়না মসিগী মরুওইবা চাংয়েং অসিগী রিজল্ত ঙাইরি।”

সেরম ইন্সতিত্যুত ওফ ইন্দিয়া(এস.আই.আই.)গী মপু অমদি সি.ই.ও. শ্রী অদর পূনাৱালানা হায়খি, "ঐখোয়না মসিগী নৈনবা অসিদা দি.বি.তি.-বি.আই.আর.এ.সি.গা লোয়ননা থৌবু ওইমিন্নবা অসিদা নুংহাইবা ফাওই অমসুং চাংয়েং অসিগী হন্দক্কী চহিসিনা লোইদ্রিঙৈগী মমাংদা ফংবা য়াবা অফবা রিজল্ত থোরকপা ঙাইরি।“  

লায়চৎ অসি লান্থেংনবদা খ্বাইদগী মমাং থারিবা, কোবিদ পোজিতিব ওইরবা অনাবশিং অসিগা ইমুং-মনুংদা শম্নবা অমসুং কোবিদ-১৯গী হোতস্পোত/নারকপা য়াবা মফমশিংদা লৈরিবা নত্রগা থবক তৌরিবা চাং ৱাংনা খুদোংথিনিংঙাই ওইবা হেল্থ ৱার্করশিং(ঐচ.সি.দব্লয়ু.)শিংগী ওইনা কোবিদ-১৯ গী লায়চৎ অসিগী খুদোংথিনিংঙাই ওইবা অসি য়াম্না লৈরিবা অসি ঙাকথোক্নবা নত্রগা মখোয়গী হকচাং অসি শোকহন্দনবা য়াম্না থুনা থবক পায়খৎপগী মথৌ তাই। পোল ইহর্লিক ইন্সতিত্যুত(পি.ই.আই.) অমসুং হেল্থ কেনাদানসু আর.বিয়সি.জি.গী অসিগুম্বা মখলগী চাংয়েংশিং পাংথোকপদা অয়াবা পীখ্রে।

দি.বি.তি.গী মতাংদাঃ

সাইন্স অমসুং তেক্নোলোজী মন্ত্রালয়গী মখাদা লৈরিবা বাইওতেক্নোলোজী বিভাগ অসিনা লৌউ-শিংউ, হকশেলগী চেকশিন-থৌরাং, এনিমেল সাইন্সেস, অকোয়বগী ফীভম অমসুং ইন্দস্ত্রীগী লমশিংদা বাইতেক্নোলোজী ফগৎহনবা অমসুং এপ্লিকেসন তৌবগী থবক য়াওনা ভারত্তা বাইওতেক্নোলোজী অসি চাওখৎহনবদা শৌগৎলি অমুং খোংজেল য়াংশিলহল্লি।

বিরাক্কী মতাংদাঃ

বাইওতেক্নোলোজী ইন্দস্ত্রী রিসর্চ এসিসতেন্স কাউন্সিল(বিরাক) অসি ভারত সরকারগী বাইওতেক্নোলোজী বিভাগ(দি.বি.তি.)না লিংখৎখিবা নেস্নেল লেভেলগী মতমগা চুনরবা প্রদক পুথোক্নবগী মথৌ তাবশিং অদুগী  য়েংলগা লাল্লোংগী ওইবা রিসর্চ অমসুং ইনৌ-নৌবা মায়কৈদা বাইওতেক্নোলোজী অসি মপাঙ্গল কনখৎহন্নবা অমসুং থবক পাংথোকপা ঙমহন্নবগীদমক্তা নোত-ফোর-প্রোফিত সেক্সন ৮, সেদ্যুল বি., পব্লিক সেক্তর ইন্তরপ্রাইজ অমনি।    

নেস্নেল বাইওফার্মা মিশনগী মতাংদা:

বাইওফার্মাসিয়ুতিকেল অসি থুনা-য়াংনা শেমগৎনবগীদমক্তা থিজিন্নবগী রিসর্চ অসি য়াংশিলহন্নবগীদমক্তা পুন্না মিলিয়ন দোলর ২৫০ চংগদবা কেবিনেৎনা অয়াবা পীখ্রবা অমসুং ৱর্ল্দ বেঙ্কতগী চাদা ৫০ ফন্দ পুথোকমিন্নদুনা ভারত সরকারগী বাইওতেক্নোলোজী বিভাগ(দি.বি.তি.)গী ইন্দস্ত্রী-একাদমিয়া কোলাবোরেতিব মিশন বাইওতেক্নোলোজী রিসর্চ এসিসিতেন্তস কাউন্সিল(বি.আই.আর.এ.সি.) অসি চৎনহল্লহগনি। মসিগী প্রোগ্রাম অসি ভারতকী মীশিংগী হকশেলগী স্তেন্দর্দশিং অসি ফগৎহন্নবগী পান্দমদা লৈবাক অসিগী অহোংবা প্রদকশিং অসি ফংহনবগীদমক কত্থোক্লবনি। তীকাশিং, হকশেলগী খুৎলাইশিং অমসুংবদাইগ্নোস্তিক্স অমদি বাইওথেরাপ্যুতিক্স অসি মসিগী খ্বাইদগী মরুওইবা দোমেন ওইবদা নত্তনা লৈবাক অসিদা লাইয়েং চত্থবগী চাংয়েংশিং পাংথোকপা ঙম্বা অমসুং বিল্দিং তেক্নোলোজী ত্রান্সফর তৌবগী মঙম অসি মপাঙ্গল কনখৎহল্লি।   

এস.আই.আই.পি.এল.গী মতাংদাঃ

সেরম ইন্সতিত্যুত ওফ ইন্দিয়া প্রাইভেত লিমিতেদ অসি পোৎলমশিং পুথোক্লিবা অমসুং য়োল্লিবা দোজশিংগী মশিংগী ওইনা পোলিওগী তীকাগা লোয়ননা দিফথেরিয়া, তিতানস, পর্তুসিস, ঐচআই.বি. বি.সি.জি., আর.হেপাতাইতিস বি., মিজল্স, থৃখৌ পাোম্বা অমসুং রুবেলাগী তীকা য়াওনা মালেমদা খ্বাইদগী চাওবা তীকা শাবনি। সেরম ইন্সতিত্যুত অসিনা সারিবা তীকাশিং অসি ৱর্ল্দ হেল্থ ওর্গনাইজেসন্না লৌখৎখ্রে অমসুং তীকাশিং অসিদা মালেম পুম্বগী মীওই লাক্ষ-লাক্ষকী থৱায় কল্লিবা মালেম অসিগী লৈবাক ১৭০রোমদা নেস্নেল ইম্যুনাইজেসন প্রোগ্রামশিংদা শিজিন্নরি।   

(মখা তাবা ই-পাওগীদমক্তা: DBT/BIRAC@DBTIndia @BIRAC_2012www.dbtindia.gov.in www.birac.nic.in) দা পাও ফাওবিয়ু)

********



(Release ID: 1641787) Visitor Counter : 4