কমর্স অমসুং ইন্দস্ত্রী মন্ত্রালয়

ইন্দস্ত্রীএল ক্লিয়ারেন্স অমসুং এপ্রুবেলগী সিঙ্গল ৱিন্দো সীস্তেম অমা য়াম্না থুনা শেম্লগনি

শ্রী পিয়ুশ গোয়ানা লেন্দ বেঙ্ক অমা শেম্নবা সরকারনা হোৎনরি অমসুং মসিগী ওইনা রাজ্য তরুক্না হান্ননা অয়াবা পীরকখ্রে

ভারতকী শাহৌ লৌবগী থৌওং অসিদা মীরমগী মীওইশিংনা শেল থাদরকউ হায়রদুনা শ্রী গোয়লনা রিস্ক-রীৱার্দ মেত্রিক্স অসি ভারতকা খ্বাইদগী চান্নৈ হায়খি

Posted On: 27 JUL 2020 6:20PM by PIB Imphal

সরকারনা য়াম্না অথুবা মতমদা লৈবাক অসিদা ইন্দস্ত্রীশিংগী ক্লিয়ারেন্স অমসুং এপ্রুবেল পীনবা সিঙ্গল ৱিন্দো সীস্তেম অমা শেম্লগনি। রাজ্যনা য়ুম্বু ওইবা শেল থাদবগী পথাপশিং, ফোরেন পেন্সন ফন্দ অমসুং কারবার নুংঙাইনা তৌবগী অতোপ্পা হীরমশিং অমদি ভারতকী ইনফ্রাস্ত্রকচর সেক্তরশিংদা শেল থাদবগী মতাংদা ৱারী শারদুনা কম্মর্স অমসুং ইন্দস্ত্রী মন্ত্রী শ্রী পিয়ুশ গোয়লনা হায়রিবা সীস্তেম অসি তশেংনা সিঙ্গল ৱিন্দো ওইগনি অমসুং পথাপ অসিগী মনুংদা রাজ্য অমসুং কেন্দ্রগী মন্ত্রালয় খুদিংসু লৈগনি হায়খি।

শ্রী পিয়ুশ গোয়লনা লেন্দ বেঙ্ক অমা শেম্নবা সরকারনা হোৎনরি অমসুং মসিগী ওইনা রাজ্য তরুক্না হান্ননা অয়াবা পীরকখ্রে হায়নসু হায়খি। শেল থাদরক্কদবা মীওইশিং অসিনা লাপ্না লৈবা মখোয়গী লোয়শংশিংদগী লেন্দ বেঙ্কশিং অসিগী মশক অমসুং লৈফম খংবা ঙমগনি অমসুং লমগী মপু ওইবা এজেন্সীশিংদা তোয়না চত্ত্রবসু য়ারগনি হায়না মহাক্না হায়খি।

ইন্দস্ত্রী অমসুং শেল থাদবগী অয়াবা পীবদা লায়হনবা অমসুং থুগৎপা হেলহনবা হীরমগী মতাংদা মন্ত্রীনা ইন্দস্ত্রী কয়াগী স্কিম অমসুং প্রোজেক্তশিংগী মতাংদা ৱারেপ লৌনবা শেমখিবা কেবিনেৎ সেক্রেতরীনা লুচিংবা ইম্পাৱর্দ  গ্রুপ ওফ সেক্রেতরীগী মতাংদসু পনখি। কেন্দ্রগী বিভাগ খুদিংমক্তা নোদেল ওফিসার অমমম খনখ্রে অমসুং কেন্দ্র অমসুং রাজ্য সরকারনা খুৎশম্নদুনা শেল থাদবা য়াবা প্রোজেক্তশিং  শেমগৎপগী চাউখৎহনবদা তেংবাংগদবা প্রোজেক্ত দিবেলপমেন্ত সেলশিংসু শেমখ্রে হায়খি। অমসুং মসিনা ভারত্তা লৈবা শেল থাদবা য়াবা প্রোজেক্তকী মশিং হেনগৎহন্দুনা এফ.দি.আই.গী ইনফ্লোসু হেনগৎহনগনি।

সরকারনা অহানবদা মিৎয়েং চংনবা ইন্দস্ত্রীগী সেক্তর ১২ মশক খংলম্বা অদু হৌজিক্তি ২০দা হেনগৎখ্রে হায়না মন্ত্রীনা হায়খি। মসিনা শেল থাদবা হেনগৎহনবা অমসুং লৈবাক অসিদা চাংদম্নবগী অহেনবা মওং লৈহনবদা তেংবাংগনি হায়খি। মসিগী সেক্তরশিং অসিগী মনুং চনবশিংদি- তঙাইফদবা অমসুং অখন্নবা ফর্নিচরশিং, এয়র কন্দিস্নর, শউন, খোংদা উপ্নবশিং, এগ্রো-কেমিকেলশিং, চাবা য়ারবা চিঞ্জাকশিং, স্তীল, এলুমিনিয়ম, কোরি, তেক্সতাইল, ইলেক্ত্রিক্কী গারিশিং, গারিগী মচাকশিং, তি.ভি. সেৎ তোপ বোক্সশিং, সি.সি.তি.ভি.শিং, শান-খোৎনবগী পোত্থোকশিং, ইথানোল অমসুং বাইও-ফুএল শুংবা অমসুং শান্নপোৎশিংনি। আত্মানির্ভর ভারতনা মালেমদা ভারতনা থোং থিংজিনগদবা নত্তে, ভারত্তা পোত্থোক পুথোকপগী শেন্মিৎলোন হেনগৎহন্নবা ভারতকী মগুন লৈবা পোত্থোকশিংদা মিৎয়েং চংদুনা খুদোংচাবা কয়া লৌনবা অমসুং শেল থাদরক্নবা মালেমদা থোং লাউনা হাংদোকপনি। লৈবাক অসিনা পাঙ্গল কনবা, চাংয়েংনবা হেনবা অমসুং তেক্নোলোজী অমসুং খুৎলায় অফবা শিজিন্নবগী থাক্তা লৈদুনা মালেমগা থেংনগনি। ইন্দস্ত্রী অসিনা আর্তিফিসিএল ইন্তেল্লিজেন্স, দেতা এনালাইতিক্স, রোবোতিক্স অমসুং অতোপ্পা অফবা থৌওং কয়া অমসু শিজিন্নগনি। তেক্নোলোজী শিজিন্নবনা হীরম অমত্তদা থবক মাংহনবা ওইরোয় তৌবতবু পোত্থোক পুথোকপা হেনগহন্দুনা অহেনবা থবক পীবা ঙমগনি।

হকশেল অমসুং মহৈ-মশিংগী সেক্তরদা মীরমগী লৈবাক্না শেল থাদরকপগী খুদোংচাবা কয়া পীবা য়াবা অকোয়বা অমসু শেম্লগনি হায়না মন্ত্রীনা হায়খি। পোলিসী, প্রোসেস তৌবা, কাংলোন ইনবা হীরমশিংগী মতাংদা শেল থাদরক্লিবা মীওইশিংদা নীংথিনা শৌগৎকনি অমসুং থৌওং খুদিংমক ময়েক লাবা, মীয়ামগী ওইবা অমসুং মান্নবা ওইহনগনি হায়না মহাক্না হায়খি। শেল থাদরকপা য়াবা মীওই খরগী খুদোংচাদবশিংগী মতাংদা শ্রী গোয়লনা হায়খিবদা স্পেসিএল ইকোনোমিক জোনগী মতাংগী বাবা কল্যানি রিপোর্ত অসি মন্ত্রালয়না য়াম্না লুনা খন্নরি হায়খি। লেবর শেন্দোকপগী হীরমগী মতাংদসু গোয়লনা লেবর অমসুং শেল থাদরকপশিংগী অপাম্বশিংগী মরক্তা মান্নবা খল অমা লৈহনবগী তঙাই ফদে হায়খি।

শ্রী পিয়ুশ গোয়লনা সরকারনা হিংবদা অচুম্বা মিৎয়েং চংলি অমসুং মালেমদা খ্বাইদগী কনবা লোকদাউন থমখি। মসিগী থৌওং অসিনা তুংদদি কোরোনাগী লায়চৎ অসি হেন্না নিংথিনা শেন্নবা ঙমহন্দুনা য়াম্না কান্নবা অমা ওইরকখি। হৌজিক্তি লৈবাক অসিনা পুন্সি অমসুং পুন্সি মহিংদা মিৎয়েং চংলি অমসুং অনলোক্কী তাঙ্কক্তা য়ৌশিল্লক্লবনি। ইন্দিকেতর কয়া অমনা উৎপগী মতুং ইন্না শেন্মিৎলোনগী থবকশিং অসি অফবা থাক্তা লৈরে। ঐখোয়না হৌজিক ৩শুবা অমসুং ৪শুবা ক্বার্তরদা শাহৌ লৌনবা মিৎয়েং থম্লি হায়না মহাক্না হায়খি। লোকদাউন মনুংদা ভারতনা হেলথ ইনফ্রাস্ত্রকচর কয়া শেম-শাবা ঙমখি অমসুং হায়রিবা অসি লমদমসিদা ৱাত্ত-পাদনা শিজিন্নবা কোন্ননবা পি.পি.পি.ই. অমসুং বেন্তিলেতর পুথোকচবা অমসুং নোংমদা কোবিদ তেস্ত মশিং কয়া অমা পাংথোকপা ঙম্বা অসিদা উবা ফঙই।

শ্রী গোয়লনা রিস্ক-রীৱার্দ মেত্রিক্স সীস্তেম অসি ভারতকা খ্বাইদগী চানবশিংগী মনুংদা অমনি মরমদি ভারত অসি অফবা পন্থুংফম অমনি অমসুং মসিদা অফবা পুন্সি মহিং পাম্বা মীওই কয়াগী মশিং হেনগৎলক্লি। ভারত্তা শেল থাদরকপদা মখল খুদিংগী তেংবাং পীগনি হায়বগী মহাক্না থাজবা পীখি। মহাক্না মীরমগী মীওইশিংনা ভারত্তা শেল থাদরক্তুনা ভারতকী শাহৌ লৌবগী থৌওংদা শরুক য়াবিয়ু হায়খি। মীফম অদুদা শরুক য়াখিবা মীওইশিংনা ভারত্তা কারবার তৌবা হেন্না নুংঙাইহন্নবা পাউতাক কয়া অমা পীখি অমসুং শ্রী গোয়লনা হায়রিবশিং অসি অথুবা মতমদা খন্নগনি হায়বগী থাজবা পীখি।

***



(Release ID: 1641786) Visitor Counter : 4