অকোইবগী ফিভম অমসুং ঊমংগী মন্ত্রালয়
কেন্দ্রগী ইনভাইরোনমেন্ত মন্ত্রীনা মালেমগী কৈগী নুমিত্তা কৈগী অকুপ্পা মরোল য়াওরবা সেন্সস রিপোর্ত ফোংগদৌরি
Posted On:
27 JUL 2020 5:28PM by PIB Imphal
মালেমগী কৈগী নুমিৎ, ২০২০দা কেন্দ্রগী ইনভাইরোন্মেন্ত মন্ত্রী শ্রী প্রকাশ জাবেদকরনা মরিশুবা ভারত পুম্বগী কৈ মশীং থীবা- ২০১৮গী অকুপ্পা মরোল য়াওরবা রিপোর্ত ফোংগনি।
থৌরম অসি নেসনেল মীদিয়া সেন্তর, নই দিল্লীদা পাঙথোক্কনি অমসুং https://youtu.be/526Dn0T9P3Eদা জুলাই ২৮গী অয়ুক পুং ১১দগী হৌদুনা লাইব থাগনি। থৌরম অসিদা লৈবাক অসিদা লৈরিবা মীওই ৫০০ হেনবনা শরুক য়াগনি হায়না পারি।
গবর্নমেন্তস ওব তাইগর রেঞ্জগী মকোক ওইরিবা লৈবাকশিংনা সেন্ত পিতর্সবর্গ, রুসিয়াদা কৈ কন্নবগী মতাংদা সেন্ত পিতর্সবর্গ দিক্লারেসন খুৎয়েক পীনদুনা ২০২২ ফাওবদা কৈ মশীং অসি শরুক অনী হেনগৎহন্নবা ৱারেপ লৌখ্রে। হায়রিবা মীফম অদুদা জুলাই ২৯বু মালেম শীনবা থুনা কৈগী নুমিৎ পালন তৌনবা ৱারেপসু লৌখি, মসিগী মরম অসিননি কৈ কন্নবগী মতাংদা ৱাখল লৌশিং য়েন্থোক্নবা অমসুং শন্দোক্নবা পাঙথোক্লিবসি।
মমাং চহীগী হায়রিবা নুমিৎ অসিমক্তদনি সেন্ত পিতর্সবর্গ দিক্লারেসন্না কৈ কন্নবগীদমক রুসিয়াদা ২০১০দা পান্দম থমখিবা চহী ২০২২দগী চহী মরি ঙনখৎনা ভারতনা পান্দম অদুবু ফংলে হায়না প্রধান মন্ত্রী শ্রী নরেন্দ্র মোদীনা লাউথোকখিবদু। হৌজিক্তি ভারত্তা মালেমগী কৈগী মশীংদগী চাদা ৭০ লৈরে।
ইনভাইরোন্মেন্ত মন্ত্রীনা ভারত্তা লৈবা অপীকপা লম্লক্কী হৌদোকশিংগী পোস্তর অমসু ফোংগনি। থৌরম অসি মখাগী লিঙ্ক অসিদা য়েংবা য়াগনি
https://youtu.be/526Dn0T9P3E
********
(Release ID: 1641741)
Visitor Counter : 184