সরকারগী এমপ্লোয়ীশিংনা কোবিকী লাইচৎ আসিগী মনুংদা থবক্তগী পোত্থাখিবশিংনা মখোয়গী রিগুলর পেন্সন পেমেন্ত ওর্দর (পি.পি.ও.) থোক্ত্রিবফাওবা অমসুং অতোপ্পা ওফিসিয়েল ফোর্মেলিতীশিং লোইশিন্দ্রিফাওবা “প্রোভিজনেল” পেন্সন ফংগনি

দিবেলপমেন্ত ওফ নোর্থ ইস্তর্ন রিজন (দি,ও,এন,ই,আর.), পি.এম.ও.গী এম.ও.এস., পর্সোনেল, পব্লিক গ্রীভান্সেস, পেন্সনশিং, এতোমিক ইনর্জী অমসুং স্পেসকী কেন্দ্রগী রাজ্য মন্ত্রী, শ্রী জিতেন্দ্র সিংনা হায়খি মদুদি মোদি সরকারনা পাইরবা মতুংদা দিপার্তমেন্ত ওফ পেন্সন অপগ্রেদ তৌখ্রে অমসুং মরী লৈনবা এমপ্লোয়ী অমনা মহাক্কী সুপরএনুৱেশনগী মতুংদা থেংথদনা পি.পি.ও ফংহন্নবা মতিক চানা থবক তৌদুনা লৈরি। মসিদা নত্তনা হৌখিবা চহি খরসিদা দিজিতাইজেশনগী মতাংদা প্রধান মন্ত্রী নরেন্দ্র মোদিগী অয়াবগী মতুং ইন্না দিপার্তমেন্ত ওফ পেন্সন্নসু পোর্তল অমা শেমখ্রে, হায়রিবা অসি সরকারগী এমপ্লোয়ী অমনা মহাক্কী সুপরএনুৱেশন নকশিল্লক্লবা মতমদা মহাক্কী পেন্সন পেপরশিংগী স্তেতস অদু খঙদোক্নবা এক্সেস তৌবা য়াগনি হায়না মহাক্না হায়খি।

তৌইগুম্বসুং কোবিদকী লাইচৎ অমসুং লোকদাউন মরম ওইরগা ওফিসিয়েল ওইবা থবক্তা অখাইবা লৈবনা মরম ওইরগা হায়রিবা মতম অসিগী মনুংদা থবক্তগী পোত্থাখিবা এমপ্লোয়ী খরদি পি.পি.ও. ফংলমদবা য়াই হায়না মহাক্না হায়খি। অদুবু হৌজিক্কী সরকার অসিনা পেন্সনরশিং অমসুং সেনিয়র সিতিজনশিংগী মতাংদা খনবগী খুদম ওইনা ১৯৭২গী সি.সি.এস. (পেন্সন রুলেশিং)গী মখাদা মনুং চন্না লৈবা রিগুলর পেন্সন হৌদোকপদা থেংথবা লৈতনবা ৱারেপ অমা লৌখি, হায়রিবা রুলশিং অসি রিগুলর পি.পি.ও. থোক্ত্রিবফাওবা “প্রোভিজনেল পেন্সন” অমসুং “প্রোভিজনেল গ্রেত্যুইতী”গী পেমেন্তশিং অদু অথিংবা-অপনবা লৈতনা কোম্না তৌবা য়ানবা রুলশিং অসি কোমথোকপা য়াগনি।

পর্সোনেলগী মন্ত্রালয়দা এফিলিয়েত তৌবা, দিপার্তমেন্ত ওফ পেন্সননা থোকপা ও.এম. (ওফিস মেমোরেন্দম)গী মতুং ইন্না, “প্রোভিজনেল পেন্সন”গী পেমমেন্ত অদু অহানবগী ওইনা থবক্তগী পোত্থাখিবা নুমিৎ অদুদগী থা তুরক্কী মতম ফাওবগী ওইনা চত্থগনি অমসুং “প্রোভিজনেল পেন্সন”গী মতম অসি অখন্না কেস খরদা চহি অমা ফাওবগী ওইনা মখাতানা শাংদোকপা য়াই। হায়রিবা ইন্সত্রক্সনশীং অসি সরকারগী থবক তৌবা অমনা থবক্তগী পোত্থাবা মতমদা নত্রগা সুপরএনুৱেশন তৌবা মতমদা হায়বদি এফ.আর. ৫৬কী মখাদা ভোলন্তরী রিতায়রমেন্ত তৌবা অসিনচিংবা কেসশিংদা চৎনবা য়াগনি।

দা. জিতেন্দ্র সিংনা হায়খি, মসিগী ৱারেপ অসি লাইচৎ অমসুং লোকদাউনগী অথিংবা-অপনবশিং লৈরিবশিং অসিগী মতাংদা খন্থরগা লৌখিবনি, সরকারগী থবক তৌবা অমনা হেদ ওফিস্তা মহাক্কী পেন্সন ফোর্মশিং থাজিনবদা অৱাবা অমা ওইবা য়াই নত্রগা মরু ওইনা হায়রিবা ওফিস অনিমক অসি অতোপ্পা সিতীশিংদা লৈবা তারবদি, মতম চানা মরী লৈনবা পে অমসুং একাউন্তস ওফিস্তা সার্বিস বুক্কা লোইননা মহাক্কী ক্লেম ফোর্ম অদু হার্দ কোপী ওইনা থাজিনবা ঙমদবা য়াই। হায়রিবশিং অসি অনম্বা মতমদা মফম অমদগী অমদা চৎত্থোক-চৎশিন তৌবনা অমসুং মখোয়গী হেদ ওফিসশিংনা লৈরিবা মফম অদু পে অমসুং একাউন্তস ওফিস অদুনা লৈরিবা মফম অদুগী তোঙানবা সিতীশিংদা লৈবনা সেন্ত্রেল আর্মদ পুলিস ফোর্স (সি.এ.পি.এফ.শিং)দা য়াম্না তোইনা থোকই।

সার্কুলর অমগী মতুং ইন্না, দিপার্তমেন্ত ওফ পেন্সন & পেন্সনরস ৱেলফেয়র (দি.ও.পি.পি.দব্ল্যু.)না মতম চানা প্রোভিদেন্ত ফন্দ পীথোকপা য়ানবা মতম কুইনদগী তুংশিল্লক্লবা ইন্তরেস্ত য়াওনা ক্রেদিত এন্ত্রীশিং অদু থবক্তগী পোত্থাগদবা চহি অনি ৱাৎলিঙৈদা অমসুং মসিগী মতুংদা চহি অমা ৱাৎলিঙৈদা পুম্নমক এমপ্লোয়ীশিংদা পীথোকপা লোইশিনগদবনি হায়না জি.পি.এফ. (জেনরেল প্রোভিদেন্ত ফন্দ) একাউন্তশিং য়েংশিল্লিবা ওফিসশিংদা খঙহল্লকখ্রে।

*********