প্রধান মন্ত্রী নরেন্দ্র মোদীনা জুলাই ৪দা হৌদোকখিবা অত্মানির্ভর ভারত এপ ইনোবেসন চেলেঞ্জ লৈবাক শীনবা থুংনা লৈরিবা তেক ওন্ত্রেপ্রেনিউয়রশিং অমসুং স্তার্দঅপশিংনা পাম্নরে। ইন্ত্রিশিং লৌশিনবগী অরোইবা নুমিৎ জুলাই ২৬নি অমসুং মশক খঙদোক্লবা কাংলুপ ৮গী অপুনবা ইন্ত্রি ৬৯৪০ ফংলে। ইন্ত্রিশিং অদুগী মনুংদা লনাই মীওইগী ৩৯৩৯ অমসুং লুপশিং অমসুং ফার্মশিংগী ৩০০১ য়াওরি।

লনাই মীওইশিংগী ফংখিবশিং অদুগী মনুংদা এপ্লিকেসন ১৭৫৭না শীজিন্নরবা য়ারবশিংনি অমসুং ২১৮২না শেমগৎলিবশিংনি। লুপশিংনা পীখৎলকপা এপশিংগী মনুংদা, এপ ১৭৪২ শীজিন্নবা হৌখ্রে অমসুং লেমহৌরিবা ১২৫৯না হৌজিক শেমগৎলি।পীশিল্লকখিবা এপশিং কাংলুপ কয়া থোক্না খাইদোকপদা ললোন-ইতিক্কী ১১৪২, হকশেলগী ৯০১, ই-লার্নিংগী ১০৬২, সোসিএল নেতৱার্কিংগী ১১৫৫, গেমসগী ৩২৬, ওফিস অমসুং য়ুমদগী থবক শুনবা ৬৬২, ই-পাউগী ২৩৭ অমসুং হরাও-কুম্মৈগী ৩২০ য়াওরি। অতোপ্পা কাংলুপশিংদা এপ ১১৩৫ পীশিল্লকখি। চাউরাক্না এপ ২৭১ ১০০,০০০ হেন্না দাউনলোদ তৌখ্রে অমসুং এপ ৮৯না মিল্লিয়ন হেন্না দাউনলোদ তৌখ্রে। পীশিল্লকখিবা মীওইশিং অদু মনুং হুঞ্জিনবা মফমশিং অমসুং অপীকপা সহরশিংদগী য়াওনা লৈবাক্কী মফম কয়াদগী য়াওরি।

ঐখোয়গী লৈবাক্তা হৈ-থোই শিংথোইবা মীওই কয়া লৈরি হায়বা মসিনা তাক্লে অমসুং মসিগী এপ ইনোবেসন চেলেঞ্জ অসি মালেমগী মফম অমতদা লাম্বা লৈত্রবা ভারতকী তেক শেমগৎপশিং, ওন্ত্রেপ্রেনিউয়রশিং অমসুং কম্পেনশিংগী চপ চারবা খুদোংচাবা অমনি। চাংদম্নবা অসিনা শীজিন্নবদা নুংঙাইবা, অচৌবা, পাক-থোক চাউথোকপা য়াবা অমসুং অফবা এপশিং মশক খঙদোক্কনি অমসুং এপ স্ক্রিন্নিং কমিতিশিংদা অমুক য়েংশিনহনগনি।  

অত্মানির্ভর ভারত এপ ইকোসিস্তেম অসিনা ভারতকী তেক স্তার্দঅপশিংগী মগুনশিং ফোংদোকহনগনি অমসুং এপ ইকোনোমিগী দোল্লর ত্রিলিয়ন কয়াদগী মখোয়গী চাকথুং মচেৎ অমা ফংবদা মতেং পাংগনি। এপশিং খ্বাইদগী য়াম্না দাউনলোদ তৌখিবা শুপ্নগী কম্পেনি অহুমগী চহি অসিদা অপুনবা মার্কেত কেপিতেল দোল্লর ত্রিলিয়ন ২ ওইখি অমসুং য়াংনা চাউখৎলক্লি।

*******