কেমিকেল্স অমসুং ফর্তিলাইজর মন্ত্রালয়

শ্রী সদান্দা গৌদানা স্কিম অমা লাউথোক্লদুনা লৈবাক অসিদা বল্ক দ্রগ পার্ক অমসুং মেদিকেল দিবাইস পার্ক শেম্বা য়ানবা লম্বি য়াৎখ্রে হায়খ্রে

মসিনা অৱাংবা থাক্কী অরুবা এ.পি.আই. অমসুং মেদিকেলগী খুৎলায়শিং শেম-শাবগী অয়াবা পীরগনি

রাজ্যশিংনা শৌগৎনরক্লিঃ শেল য়াম্না থাদরকপগী মওং ফংনবা হায়দুনা কেন্দ্র সরকারনা চেলেঞ্জ মোদতা চৎনবা ৱারেপ লৌখ্রে

ভারতনা মালেমগী ফার্মাস্যুতিকেলসকী মফম অমা ওইরিবা অসি হেন্না মপাঙ্গল কনখৎহল্লগনি

অৱাংবা থাক্কী মেদিকেলগী খুৎলায়শিং পুথোকপদা ভারতনা মরোমদোম লেপ্পা ঙমজনবা শেম শাখ্রে

Posted On: 27 JUL 2020 4:48PM by PIB Imphal

কেন্দ্রগী কেমিকেল অমসুং ফর্তিলাইজর মন্ত্রী শ্রী দী.ভি. সদানন্দা গৌদানা ঙসি লৈবাক অসিদা বল্ক দ্রগ অমসুং মেদিকেল দিভাইস পার্ক খুমাং চাউশিলহন্নবা হায়দুনা ফার্মাস্যুতিকেলস বিভাগকী স্কিম মরি লোঞ্চ তৌখ্রে। থৌরম অসিদা শিপ্পিংগী এম.ও.এস. (আই./সি.) অমসুং কেমিকেলস অমসুং ফর্তিলাইজরগী এম.ও.এস., নিতি আয়োগকী সি.ই.ও. শ্রী অমিতাভ কন্ত অমসুং ফার্মাস্যুতিকেলস বিভাগকী সেক্রেতরী দাঃ পি.দি. ৱাগেলানা শরুক য়াখি।

থৌরম অদুদা ৱা ঙাংবদা শ্রী গৌদানা প্রধান মন্ত্রী শ্রী নরেন্দ্র মোদীনা ভারতপু ফার্মা সেক্তরদা আত্মানির্ভর ওইহনবগী মংলানগা মরী লৈননা খোংথাং অসি পায়খৎখিবনি হায়খি।  মসিগীদমক্তা ভারত সরকারনা স্কিম মরি লাউথোকখি, বল্ক দ্রগ অমসুং মেদিকেল দিভাইস পার্ক্কী স্কিম অনি অনিনি। মহাক্না রাজ্যশিং অমসুং ইন্দস্ত্রীশিংনা মাং থানা থোক্লক্তুনা স্কিম অসিদা শরুক য়ানবা হায়খি।

মহাক্না হায়খিবদা ভারত অসি মীয়াম্না ‘মালেমগী ফার্মাসী’ হায়না খংনৈ অমসুং মসিগী ৱাফম অসি হন্দক্কী কোরোনাভাইরস্কী লায়চৎ অসিগী মনুংদা লৈবাক পুম্বদা লোকদাউন লৈরবসু হিদাক্কী তঙাই ফদবা লৈবা লৈবাকশিংদা পুন্সি কন্নবা হিদাক কয়া অমা পীখিবা অদুনা তসেংনা চুম্মি হায়বসি তাক্লি। তৌবতবু অসিগুম্বা মায় পাকপা কয়া লৈরবসু ঐখোয়গী লৈবাক অসিনা তঙাই ফদবা হিদাক খরা পুথোক্নবগীদমক্তা মীরমদগী পুশিল্লকপা হিদাক পুথোক্নবা  পোৎশকশিং, মিং ওইনা পল্লবদা বল্ক দ্রগ (কী স্তারতিং মেতরিলে [কে.এম.এস.]/দ্রগ ইন্তর্মেদিএৎস [দি.আই.] অমসুং এক্তিব ফার্মাস্যুতিকেলস ইনগ্রেদিএন্ত [এ.পি.আই.]), অসিদা তাংজদুনা লৈরি। মসিগা মান্ননা মেদিকেল দিভাইস সেক্তরদসু ঐখোয়গী লৈবাক্না মসিগী তঙাই ফদবা মেদিকেলগী খুৎলায়শিংগীদমক্তা মীরমদগী পুশিল্লকপা পোত্থোক্কী ৮৬%তা তাংলি।

শ্রী মান্দিবিয়ানা হায়রিবা অসি ভারতকী ফার্মাস্যুতিকেলসকী তৌবা ঙম্বা অদুবু হেন্না খুমাং চাউশিলহন্নবা য়াম্না মরু ওইবা খোংথাং অমনি হায়খি। গাইদলাইন অসিগী অকুপ্পা ৱারোল পীরদুনা শ্রী মান্দাবিয়ানা কে.এস.এম., দি.আই. অমসুং এ.পি.আই.শিং অমদি মেদিকেল দিভাইসশিং অসি লমদমসিদা পুথোকপদা চাউখৎহন্নবা প্রদক্সন লিঙ্কদ ইন্সেন্তিব (পি.এল.আই.) স্কিম অসিনা ভারতনা মীরমদগী পুশিল্লকপদা তাংজদুনা লৈরিবা বল্ক দ্রগ ৫৩ লমদমসিদা পুথোকপদা য়াম্না তেংবাংগনি হায়খি।

স্কিমগী গাইদলাইন্দা য়াওরিবা পোত্থোক ৪১ অসিনা বল্ক দ্রগ ৫৩ অসি লমদমসিদা পুথোকপদা তেংবাংগনি। দোমেস্তিক বেল্যু এদিসনগী তঙাই ফদবা চাং য়াওদুনা লমদমসিদা পুত্থোক্লিবা পোত্থোক ৪১ অসি য়োনবগী অকক্নবা চাদা ওইবা চাং অমা স্কিম অসিগী মখাদা পোত্থোক পুত্থোক্লিবা কাংবুদা য়াম্লবদা ১৩৬তা শেলগী ইন্সেন্তিব পীগনি।

অয়াবা পীবগী চিথিদা পনবগী মতুং ইন্না চহিগী ওইবা অকক্নবা অমদা য়ুম্ফম ওইদুনা ইন্সেন্তিব অসি পীগনি। ইন্সেন্সতিব অসি চহি ৬কী পীগনি। বেজদ প্রদক্তশিং অসিনা করিগুম্বা ফর্মেন্তেসন তৌরবদি ইন্সেন্তিব অসি চহি মরিগী ওইনা ২০%, মঙাশুবা চহিগী ১৫% অমসুং তরশুবা চহিগী ৫% ওইগনি।

কেমিকেলগী ওইনা সিন্থেসাইজ তৌরবা পোত্থোকশিংগী ওইনদি চহি তরুক্কী ইন্সেন্তিবকী চাং অসি ১০% ওইগনি। খনগৎলবা পোত্থোক শাবশিং অসিনা পোত্থোক অমমমগী ওইবা শেল থাদফম থোকপা অদু মশিং শুনা থাদগবনি অমসুং ইন্সেন্তিব ফংবগী মতিক চাবা ফিভম য়ৌদ্রিঙৈগী মনুংদা হায়খ্রবা মিনিমম ইন্সতোল্দ কেপাসিতী ফংবা ঙমগদবনি। ফর্মেন্সতেসন্দা য়ুম্ফম ওইবা পোত্থোকশিংগী ওইবা থাদফম থোকপা শেনফম অসি লুপা কোতি ৪০০ নি অমসুং তেন ফর্মেন্সতেসন্দা য়ুম্ফম ওইবা পোত্থোকশিংগীনা লুপা কোতি ৫০নি। মসিগা মান্ননা কেমিকেল্লী সিন্থেসাইজদ পোত্থোকশিংগী থাদফম থোকপা শেনফম অসি লুপা কোতি ৫০ অমসুং কেমিকেল্লী সিন্থেসাইজদ পোত্থোক ২৩গী থাদফম থোকপা শেনফম অসি লুপা কোতি ২০নি। হায়রিবা পোত্থোক ৪১ অসিগী মিনিমম ইন্সতোল্দ কেপাসিতী অসি গাইদলাইন অসিদা পল্লবনি। ফর্মেন্সতেসন্দা য়ুম্ফম ওইবা পোত্থোকশিংগী ইন্সেন্তিব অসি শেনবা চহি ২০২৩-২৪, খনগৎলবা কাংলুপশিংনা থাদফম থোকপা শেনফম থাদরবা অমসুং হায়নখিবা ইন্সতোল কেপাসিতী ফংলবা মতুংগী মনুংদা লৈবা মতমদগী চহি ২গী মতুংদগী ফংবা হৌগনি।

কেমিকেল্লী সিন্থেসাইজদ পোত্থোকশিংগী ইন্সেন্তিব অসি শেনবা চহি ২০২২-২৩, খনগৎলবা কাংলুপশিংনা থাদফম থোকপা শেনফম থাদরবা অমসুং হায়নখিবা ইন্সতোল কেপাসিতী ফংলবা মতুংগী মনুংদা লৈবা মতমদগী চহি ১গী মতুংদগী ফংবা হৌগনি। য়ানরিবা শেল থাদবগী শেনফমগী য়ামদ্রবদা ৩০% ওইবা মশাগী মমল (গ্রুপ কম্পেনীশিং য়াওনা) লৈজবা   কম্পেনী, পার্ত্নর্শিপ ফর্ম, প্রোপ্রাইতরশিপ ফর্ম নত্ত্রগা ভারত্তা রেজিস্তর তৌবা এল.এল.সি. অমনা স্কিম অসিগী মখাদা ইন্সেন্তিব ফংনবা চে থাবা য়াগনি। চে থারিবা মীওই অমনা পোত্থোক ময়াম অমা খনবা য়াই।

এপ্লিকেন্ত অমনা চহিদা পোত্থোক পুথোকপা ঙমগনি হায়বা চাং অমসুং পোত্থোক অদু য়োনবগী মমলগী ৱারোল য়াওনা অতৈ খন্নবগী হীরম কয়াদা য়ুম্ফম ওইদুনা ময়েক লাবা থৌওংগী খুত্থাংদা মতিক চাবা এপ্লিকেন্ত খনগনি। পোত্থোক য়োনবগী অনেম্বা  মমল অমসুং অৱাংবা পুথোকপা ঙম্বগী চাং পল্লকপা এপ্লিকেন্তশিংনা খন্নবদা মার্ক হেন্না ফংগনি।

গাইদলাইন অসি ফার্মাস্যুতিকেলস বিভাগকী ৱেবসাইত্তা ফংগনি। স্কিম মরিগী মরু ওইবা হীরমশিং অদুদিঃ

গাইদলাইন ফোংখিবা নুমিত্তগী নুমিৎ ১২০নিগী মনুংদা স্কিম অসিদা য়াওনবা চে থাবা য়াগনি অমসুং চে থাবা লোয়বা নুমিৎ ৯০নিগী মনুংদা খনগৎলবা এপ্লিকেন্সতশিংদা থবক হৌবগী অয়াবা পীগনি। এপ্লিকেসন অসি ওনলাইন পোর্তেলগী খুত্থাংখক্তগী লৌগনি। স্কিম অসিদা ওইগদবা অপুনবা শেম্ফম মসি লুপা কোতি ৬৯৪০নি।

বল্ক দ্রগ পার্ক চাউখৎহনবগী স্কিমঃ স্কিম অসিনা লৈবাক অসিদা বল্ক দ্রগ পার্ক অহুম শাগনি হায়রি। অ ৱাং-নোংপোক অমসুং চিংগী লমশিংগী গ্রান্ত-ইন-এদ অসিগী প্রোহেক্তকী শেনফমগী ৯০% ওইগনি অমসুং অতোপ্পা রাজ্যশিংগীনা ৭০% ওইগনি। বল্ক দ্রগ পার্ক অমগী খ্বাইদগী য়াম্বা গ্রান্ত-ইন-এদ অসি লুপা কোতি ১০০০নি।

রাজ্যশিং অসি চেলেঞ্জ মেথদ অমগী খুত্থাংদা খনগনি। অসিগুম্বা পার্ক শানিংবা রাজ্যশিংনা বল্ক দ্রগ পার্ক অসিগী মনুংদা লৈগদবা বল্ক  দ্রগ থমফমশিংদা ২৪*৭গী মৈ অমসুং ঈশিং ফংবা অমসুং মফম অসিগী চাংদম্ননিংঙাই ওইবা লম ৱাইবগী মমল পীবা ঙম্বা ওইগদবনি। হায়রিবা পার্ক অসিগী লৈফম অসি অকোয়বা  অমসুং লোজিস্তিক্কী মাইকৈদগী ওইবা ফিভমশিংগী মতুং ইন্না চানবা রাজ্য খনগনি।

রাজ্য অসিগী কারবার তৌবা নুংঙাইবগী লৈরিবা থাক, বল্ক দ্রগ ইন্দস্ত্রীগা মরি লৈনবা ইন্সেন্তিন পোলিসী লৈবা, তেক্নিকেল মেনপাৱর লৈবা, ফার্মাস্যুতিকেল/কেমিকেল ক্লস্তর লৈবগী হীরমশিং অসি চানবা রাজ্য খনবদা য়েংগনি। মথক্তা পল্লিবা হীরমশিং মনুং চনবা গাইদলাইন্দা পীরিবশিং অসিগী মতুং ইন্না মসিদা থৱাই য়াওবা রাজ্যশিং অসিগী স্কোর পীদুনা মথং মনাও শেমগনি। অহানবা মকোক্কী থাক ৩দা লৈবা রাজ্যশিং অদু খনগনি। গাইদলাইন পীরবা মতুংগী নুমিৎ ৬০নিগী মনুংদা রাজ্যশিংনা মখোয়গী প্রোপোজেল পীশিনগদবনি। প্রোপোজেল পীশিনবগী অরোয়বা নুমিৎত্তগী হৌদুনা খনবগী থৌওং অমসুং খল্লবা রাজ্য অহুমদা অয়াবা পীবগী চে অসি নুমিৎ ৩০নিগী মনুংদা পীগনি।

মসিগী মখা তাবা ওইনা অয়াবা পীবা নুমিত্তগী হৌদুনা খল্লবা রাজ্যশিংনা দিতেল্দ প্রোজেক্ত রিপোর্ত (দি.পি.আর.) অসি নুমিৎ ১৮০নিগী মনুংদা পীশিনগদবনি অমসুং মসিগী মতুং ইন্না ইরোয় লোয়বা অয়াবগী চে পীগনি। গ্রান্ত-ইন-এদ অসি ইন্সতোলমেন্ত মরি থোক্না পীগনি। অহানবা ইন্সতোলমেন্ত অহুম অসিদি গ্রান্ত-ইন-এদকী ৩০% ওইগনি অমসুং অরোয়বা অসিনা ১০% ওইগনি। খল্লবা রাজ্যশিংনা য়ানখ্রবা দি.পি.আর.গী মতুং ইন্না গ্রান্ত-ইন-এদকী অহানবা ইন্সতোলমেন্ত ফংবগী চহি অনিগী মনুংদা পার্ক শাবা লোয়শিনগদবনি। পার্ক অসিগী মতাংদা অয়াবা পীবগী কাংলোনশিং অসি মফম অমত্তদগী তৌগনি হায়না পনবা লৈ। সেন্তর ওফ এক্সেলেন্স অমা শেমদুনা রিসর্চ অমসুং দিবেলপমেন্তকী ইকোসীস্তেম অমা শেম্বা অসিসু মরু ওইনা পল্লি। স্কিম অসিগী অপুনবা শেনফম অসি লুপা কোতি ৩০০০নি।

লমদমসিদা মেদিকেল দিভাইসশিং শাবদা খুমাং চাউশিলহন্নবা প্রদক্সন লিঙ্কদ ইন্সেন্তিব (পি.এল.আই.) স্কিমঃ স্কিম অসিনা লমদমসিদা মেদিকেল দিভাইসশিং শাবদা খল্লবা এপ্লিকেন্ত ২৮দা চহি ৫গী ওইনা মখোয়না য়োল্লিবা পোত্থোকশিংগী শেলগী ইন্সেন্তিব পীদুনা সেগেমেন্ত মরিদা খুমাং চাউশিলহন্নবা পান্দম থম্লি।  লমদমসিদা শাজবা খুৎলায়শিংগী য়োনবদা শেলগী ইন্সেন্তিব ৫%গী চাংদা পীগনি। অয়াবা পীবগী চেদা পনবা চহিগী সিলিংগী মতুং ইন্না ইন্সেন্তিব অসি পীগনি অমসুং মসি পীবা হৌবা অসি এফ.ৱাই. ২০২১-২২দগী হৌগনি। পান্দম থম্লিবা সেগমেন্ত মরি অদুদিঃ

কেন্সর কেয়র/রেদিওথেরাপী মেদিকেল দিভাইস

রেদিওলোজী অমসুং ইমেজিং মেদিকেল দিভাইস (আইওনাইজিং অমসুং নন-আইওনাইজিং রেদিএসন প্রদক্ত অনিমক) অমসুং ন্যুক্লিয়ার ইমেজিং দিভাইস

কার্দিও রেস্পিরেতরীগী কেথেতর য়াওবা এনেস্থেতিক অমসুং কার্দিও-রেস্পিরেতরী মেদিকেল দিভাইস

কেতেগরী অমসুং রেনেল কেয়র মেদিকেল দিভাইস

ইমপ্লান্তেবল ইলেক্ত্রোনিক দিভাইস য়াওবা ইমপ্লান্ত খুদিংমক

 

ভারত্তা রেজিস্তর তৌবা অমসুং য়ামদ্রবদা লুপা কোতি ১৮গী (অহানবা চহিগী শেল থাদফম থোকপগী ৩০%) মশাগী মমল (গ্রুপ কম্পেনীশিং য়াওবা) লৈবা কম্পেনী অমা হেক্তনা স্কিম অসিগী মখাদা ইন্সেন্তিব ফংনবা চে থাবা য়াগনি। সেগমেন্ত অমদা নত্ত্রগা সেগমেন্ত কয়াদা পান্দম থমদুনা পোত্থোক কয়াগী মতাংদা চে থাবা য়াগনি। খল্লবা এপ্লিকেন্ত অমনা হায়নবগী মতুং ইন্না চহি অমদা থাদফম থোকপা শেনফম থাদগদবনি অমসুং চহিদুদা য়োনফম থোকপা শেনফমগী পোত্থোক ফংলবদি ইন্সেন্তিব ফংবা য়াগনি। চে থাবগী মতম অসি গাইদলাইন থোকখিবা নুমিত্তগী পারগা নুমিৎ ১২০গী মনুংদনি অমসুং চে থাবা লোইবগী মতুং নুমিৎ ৬০নিগী মনুংদা খল্লবা এপ্লিকেন্তশিংদা পাউ ফাওগনি। এপ্লিকেসন অসি ওনলাইন পোর্তেলগী খুত্থাংখক্তগী লৌগনি। স্কিম অসিদা ওইগদবা অপুনবা শেম্ফম মসি লুপা কোতি ৩৪২০নি।

নিতি আয়োগকী সি.ই.ও. শ্রী অমিতাভ পন্তনা ভারতনা জেনেরিক্কী হিদাক য়াম্না অমসুং এ.পি.আই. ৫০০ হেন্না পুথোক্লবা ফাওবা মীরমদগী এ.পি.আই. য়াম্না লৈরি হায়খি। প্রধান মন্ত্রীনা মীরমদগী লৈবা পোত্থোকশিংদা তাংজবা অসি তোক্লসি  হায়রে হায়না মহাক্না হায়খি।

ফার্মাস্যুতিকেলস সেক্রেতরী শ্রী পি.দি. বঘেলানা গাইদলাইন অসিগী অকুপ্পা প্রজেন্তেসন অমা পীখি।

স্কিমশিং অসিনা ভারতপু মরোমদোম লেপচবা ঙমহনবতা নত্তনা অখন্নবা বল্ক দ্রগ অমসুং মেদিকেল দিভাইসকী মালেমদা য়াম্না চাউনা দিমান্দ লৈরিবা অসিসু থেংনবা ঙমহনগনি হায়না থাজবা থম্মি। ইন্দস্ত্রীশিংদা ইন্সেন্তিব পীবগা লোয়ননা মালেমগী থাক্তা লৈবা তেক্নোলোজীনা শৌগৎকদৌরিবা অসিনা পোত্থোক পুথোকপদা চংবা শেনফম য়াম্না হন্থহনগদৌরিবা অসিনা ইনবেস্তরশিংনা মসিদা শেল থাদবগী খ্বাইদগী ফরবা খুদোংচাবা লৌবা য়াগনি। মসিগী সেক্তরগী এফ.দি.আই. পোলিসী অফবা অমসুং চাউরাক্না ১৭%মুক্কী চাংদা কান্নবা কোর্পোরেৎ তেক্স  রেৎ (সর্চার্জ অমসুং সেস য়াওবা) অমগা লোয়ননা স্কিম অসিনা ভারত্তা খনগৎলবা পোত্থোকশিং অসিগী হীরমদা অতোপ্পা শেন্মিৎলোনশিংগা চাংয়েংনবা ঙম্বগী মতিক পীগনি।

গাইদলাইন অসিগী অকুপ্পা মরোল খংবিনিংলবদি মখাদা ক্লিক তৌবিয়ুঃ

https://pharmaceuticals.gov.in/schemes

************



(Release ID: 1641647) Visitor Counter : 3