ঙাকশেল মন্ত্রালয়

ঙসি দিফেন্স মিনিস্তরশিং ৱারী শানবদা নাকল অনিগী ঙাক-শেনগী মতেং পাংনবা মখা তানা হেনগৎহনবা হায়না ভারত অমসুং ইন্দোনেসিয়ানা য়ানখ্রে

Posted On: 27 JUL 2020 5:09PM by PIB Imphal

ঙসি ভারত অমসুং ইন্দোনেসিয়াগী দিফেন্স মিনিস্তরশিংগী মরক্তা ৱারী শানখ্রে। ভারতকী মীহুৎ কাংবু অদু দিফেন্স মিনিস্তর রাজনাথ সিংহনা লুচিংখি অমসুং ইন্দোনেসিয়াগী মীহুৎ কাংবু অদুনা ঈশিংগী শরুক্তা য়ুম্লোন্নরিবা লৈবাক অনিগী মরীশিং ফগৎহন্নবা হৌজিক ভারত্ত লৈরিবা লৈবাক অদুগী দিফেন্স মিনিস্তরনা জেনেরেল প্রাবোৱো সুবিয়ান্তোনা লুচিংখি।

ৱারী শানবা অদুদা দিফেন্স মিনিস্তরনা লৈবাক অনিগী মরক্তা মতম কয়াগী মমাংদগী লৈরক্লবা শেন-থুম, ললোন-ইতিক্কী মরীশিং, কলচর অমসুং মীয়ামগী মরীশিং অমসুং রাজনিতিগী ৱারী শানবগী চৎনবীশিং অমুক হন্না নিংশিংখি।

লান্মীগা লান্মীগা পাউ ফাওদোক্নবা অসিদা অপেনবা ফোংদোকলদুনা রাজনাথ সিংহনা হায়খি চহি খর অসিদা ভারত অমসুং ইন্দোনেসিয়া অনিগী মরক্তা ঙাক-শেনগী মতেং পাংনবা হেনগৎলকপা উরে ,মসিনা নাকল অনিগী মরক্তা লৈনরিবা মরুওইবা ঙাক-শেনগী মরীগী শরুক অমা ওইনা পাংথোকপনি । নাকল অনিনা য়ানরবা শরুকশিংদা মখা তানা লৈবাক অনিনা ঙাক-শেনগী মতেং পাংনবা হেনগৎহনবা হায়না মিনিস্তর অনিনা য়ানখি।

দিফেন্স ইন্দস্ত্রিশিং অমসুং দিফেন্স তেক্নোলোজিগী হিরমশিং মতেং পাংনবা য়াবা শরুকশিং লৈবাক অনিনা মশক খঙদোকখি। হায়রিবা হিরমশিং অসিদা মখা তানা মতেং পাংনবা হেনগৎহনবা অমসুং মথংগী ৱারী শানবদা হায়রিবা ৱাফমশিং অসি পুখৎপা হায়না মিনিস্তর অনিমক্না থাজবা পীনখি।

লৈবাক অনিগী মরক্তা মতেং পাংনবা পাকথোক-চাউথোকহনবা অমসুং মপাঙ্গল কনখৎহনবা হায়নবা থাজবা অমগা লোয়ননা অফবা ৱাখল্লোন অমগা লোয়ননা মীফম অদু লোইশিনখি।

লৈবাক অনিগী মীফম অদুদা চীফ ওফ দিফেন্স স্তাফ অমসুং মিলিতর এফেয়ার্স দিপার্তমেন্তগী সেক্রেতরি জেনেরেল বিপিন রৱাত, চীফ ওফ আর্মি স্তাফ জেনেরেল এম.এম নারাবানে, চীফ ওফ নেভেল স্তাফ এদমিরেল করামবির সিংহ, চীফ ওফ এয়র স্তাফ এয়র মার্সেল আর.কে.এস বাদৌরিয়া অমসুং দিফেন্স সে্ক্রেতরি দোক্তর অজয় কুমার অমসুং সিবিল অমসুং মিলিতরিগী ওফিসিএলশিংসু শরুক য়াখি।

ৱারী শান্নবা মহাক থুংলবগা সাউথ ব্লোক্কী লম্পাক্তা জেনেরেল সুবিয়ান্তোদা গার্দ ওফ ওনর পীখি। মহাক মফম অদুদা দিফেন্স মিনিস্তর রাজনাথ সিংহনা তরাম্না ওকখি। মমাংদা জেনেরেল সুবিয়ান্তোনা নেসনেল ৱারী মেমোরিয়েলদা চৎখি অমসুং লৈখিদ্রবা অথৌবশিংগী মফমদা ইকায়খুম্নবা উৎপা ওইনা লৈ কৎখি।

*******



(Release ID: 1641633) Visitor Counter : 48