তশেংনা পোৎ-চৈশিং পীদনবা ইনভোইসনশিং পীরম্বদা চেন্নবা এম/এস. ফোর্চুন গ্রাফিক্স লিমিতেদ, এম/এস. রিমা পোলিকেম প্রাইবেদ লিমিতেদ অমসুং এম/এস. গনপতি ইন্তরপ্রাইজেসকী মথক্তা কেস অমা লৌখৎলে । চৎনবা য়াদবা আই.তি.সিগী মখাদা এক্সপোর্তরশিংনা অরানবা মওংদা আই.জি.এস.তি রিফন্দ তৌনবা ক্লেম তৌরকপগী, ২০১৯গী সেপ্তেম্বরদা ভারত পুম্বগী ওইনা অপুনবা ওপরেসন অমা দি.জি.জি.আই-দি.আর.আইনা পাংথোকপদা এক্সপোর্তর অমা হায়বদি এম/এস.অন্নন্যা একজিমগী মথক্ত কেস অমা পান্দুনা থিজিনবদগী ফংলকপদগী মখা তানা ওফিসারশিংনা কেস অসি থেংনখিবনি। থিজিনবা অদুদগী হায়রিবা ফার্মশিং এম/এস. ফোর্চুন গ্রাফিক্স লিমিতেদ, এম/এস. রিমা পোলিকেম প্রাইবেদ লিমিতেদ অমসুং এম/এস. গনপতি ইন্তরপ্রাইজেসনা তোঙান-তোঙানবা ফার্মসিং আই.তি.সি ক্রেদিৎ ওইনা অরানবা মওংদা লুপা করোর ৬০০ হেনবগী তেক্স ওইগদবা লুপা করোর ৪,১০০গী ইনভোইসশিং পীরমখি।

মসিগী মতাংদা জি.এস.তি এক্তকী মখাদা মীওই অহুম ফারে। এম/এস. ফোর্চুন গ্রাফিক্স লিমিতেদ, এম/এস. রিমা পোলিকেম প্রাইবেদ লিমিতেদ অমসুং এম/এস. গনপতি ইন্তরপ্রাইজেসকী দিরেক্তরশিং/মপুশিংগী মনুংদা মীওই অনি লোৎতুনা লৈরি অমসুং দি.জি.জি.আই হেদক্বাতরদা লাক্ত্রে । অহুমশুবা মীওই অদু এম/এস. এ.বি প্লেয়ার্স এক্সপোর্তস প্রাইবেদ লিমিতেদকী দিরেক্তরনি অমসুং হায়রিবা ফার্মশিং অসিনা পীবা শাশিন্নবা ইনভোইসশিংগী খুৎথাংদা আই.জি.এস.তি রিফন্দ তৌনবা হোৎনবা অতোপ্পা ফার্মশিং মহাক্কী মখাদা লৈবনি ।

সি.জি.এস.তি এক্ত, ২০১৭গী সেক্সন ১৩২(১)(বি) অমসুং ১৩২(১)(সি)গী মখাদা অরানবা থবকশিং পাংথোকপগীদমক মীওই অহুম অসি দি.জি.জি.আই হেদক্বাতরসনা ফারে অমসুং মেজিস্ত্রেদনা জিদুসিএল কস্তদিদা থমখ্রে।  

মসিদা মখা তাবা থিবা-হুমবগী থবক চৎথরি ।

**********