লো অমসুং জস্তিস, কম্ম্যুনিকেসন, ইলেক্ত্রোনিক্স অমসুং ইনফোর্মেসন তেক্নোলোজী মন্ত্রী  শ্রী রবি শঙ্কর প্রসাদনা মাইগোবকী ইহৌ অসি মাং থানা চত্থখিগদবনি হায়খ্রে। মহাক্না মাইগোবনা চহি ৬ শুবগী নুংঙাইবা ফোংদোকপগী থৌরম অমদা ৱা ঙাংবদা ৱাফম অসি হায়খিবনি।

মাইগোব শিজিন্নবা অমসুং তুং ইনবা মীওই কোতি ১.২গী মীহুৎ ওইরিবা মাইগোব ‘সাথি’শিংনা ঙসি অঙনবদা মীয়াম্না শরুক য়াবা লৈঙাকপা অসিগী চহি ৬ শুবগী নুংঙাইবা ফোংদোকখি।

শ্রী প্রসাদনা মাইগোবনা পাংথোক্লিবা থবকশিং অসিবু থাগৎখি অমসুং মাইগোবকী খুত্থাংদা মীয়ামশিংশু শরুক য়াহন্দুনা মসিগী থবকশিং অসিবু ম্যুনিসিপাল বোদী অমসুং জিলা খুদিং অমসুং পঞ্চায়ৎ খুদিংদা য়ৌহন্দুনা হৈ-শিংলবা ৱাখল্লোন লৈবা মীয়ামশিংগী ৱাখল্লোনশিং অসি ময়ামদা খংহন্নবা প্লেৎফোর্ম অমা ওইনা শিজিন্নহন্নবা হায়খি। মন্ত্রীনা মাইগোবপু দেতা নীংথিনা য়েংশিন্নবা অমসুং মীয়াম্না পীরকপা পাউতাকশিংবু মরী লৈনবা বিভাগশিংগা তান্নদুনা থবক ওইনা পাংথোকপা য়ানবা হোৎননবসু হায়খি।

ওনলাইনগী থৌরম অদুদা ঐচ.আর.দি., কম্ম্যুনিকেসন, ইলেক্ত্রোনিক্স অমসুং আই.তি.গী রাজ্য মন্ত্রী শ্রী সঞ্জয় ধোত্রে, ইলেক্ত্রোনিক্স অমসুং আই.তি. মন্ত্রালয়গী সেক্রেতরী শ্রী অজয় সাউহনে অমসুং মাইগোবকী সি.ই.ও. শ্রী অভিশেক সিংহসু শরুক য়াখি।

থৌরম অদুদা অখন্নবা মীওই খরসু শরুক য়াখি- অসম, উত্তরাখন্দ, হিমাচল প্রদেশ অমসুং ত্রিপুরাগী মুখ্য মন্ত্রীশিংসু য়াওখি অমসুং মখোয়গী ভিদিও মেসেজশিংসু মীয়ামদা উৎখি।

নাগালেন্দগী কেরলা, মুম্বাই, কশ্মির ফাওবগী মনুংদা লৈরিবা সাথিশিংনা থৌরম অসিবু শকখংবা ওইনা অখন্ননা শেম শারবা ঈশৈ অমসুং শৈরেং লান্থোকখি অমসুং মীয়াম শরুক য়াহনবগী পাউতাক কয়া অমসুং ঐখোয়গী লৈবাক অসিবু আত্মানির্ভর ওইহন্নবা ৱাফম কয়া থমখি।

এম.ও.এস. শ্রী সঞ্জয় ধোত্রেনা মীয়াম্না পুন্না শরুক য়ামিন্নবা লৈঙাকপগী থৌওং অসিবু মপাঙ্গল লৈহন্নবা থৌওং পাংথোকপগী পান্দম থমগদবনি হায়খি।

শ্রী সঞ্জয় সাউহনেনা মাইগোবনা লৈবাক অসিগী মীওই খুদিংদা য়ৌবা ঙম্নবা হায়দুনা মফম মফমগী লোলশিংদশু মসিগী থৌওংশিং অসি পান্থোক্তুনা পাক চাউথোক্কদবনি হায়খি।

মীয়াম পুন্না শরুক য়ামিন্নবা মাইগোব প্লেৎফোর্ম অসি প্রধান মন্ত্রীনা হায়বা “সুরাজ্যা ফংনবা ইহৌ অসিদা ময়াম য়াওমিন্নরসি অমসুং মীয়ামগী অনিংবা অপাম্বশিং অসি ওইথোকহন্দুনা ভারতপু অৱাংবা থাক্তা পুবা ঙম্বা ওইহল্লসি” অসিগী মংলানগা লোয়ননা  মন্ত্রীনা জুলাই ২৬, ২০১৪দা হৌদোকখিবনি।

মাইগোব অসি ভারতকী মীয়াম্না “মীয়ামদগী লৈঙাকপগী পাউতাক লৌবা”গী অমত্তা ওইবা প্লেৎফোর্ম ওইনা শেমখিবনি।

মাইগোব প্লেৎফোর্ম অসিনা মালেম শিনবা থুংনা লৈবা মীয়াম অমসুং স্তেকহোলদর্শিংদা সরকারগী বিভাগশিং, পোলিসী শেম্বা অমসুং থবক ওইনা পাংথোকপশিংগা হকথেংননা তান্নদুনা লৈঙাকপগী হীরম খুদিংদা পাউতাক পীবা য়াবগী খুদোংচাবা পীরি। 

মাইগোব অসি মীয়াম্না পাম্নবা অমসুং সরকারগী প্রোগ্রাম অমসুং পোলিসী কয়াগী পাউ পীফম ওইবা প্লেৎফোর্ম অমা ওইবদা মায় পাক্লে।  ইং ২০১৪দগী মসিনা হেক হৌদোরকপদগী মাইগোবতা রেজিস্তর তৌরবা মীওই মশিং লাখ ১২২ হেন্না লৈরে, থবক ৯৫৩গী ওইনা সবমিসন ৭৭৮,০০০ পীরকখ্রে অমসুং ৱা তানবগী ফোরমদা কম্মেন্ত লাখ ৪৫ ফংখ্রে। চাউরাকপা মীওই লাখ ৫৩না ক্বিজ ১২৬তা শরুক য়াখি অমসুং প্লেদজ ২৪দা প্লেদজ ৩৩.৭০ লৌখ্রে।

সরকারগী বিভাগ অয়াম্বনা মাইগোব প্লেৎফোর্ম অসি মীয়াম শরুক য়াহনবগী থবকশিং, পোলিসী শেম্বগী তান্নবশিং অমসুং সরকারগী প্রোগ্রাম অমসুং স্কিম কয়াগী মতাংদা পাউ ফাওনবা থবকশিংদা শিজিন্নরি।

মাইগোব অসি সোসিএল মীদিয়া- ত্বীত্তর, ফেসবুক, ইন্সতাগ্রাম, য়ুত্যুব অমসুং লিঙ্কইন-দা মথৌ খ্বাইদগী পাংথোকপশিংগী মনুং চল্লি। মসিগী ত্বীত্তরদা মিলিয়ন ২.১, ফেসবুক্তা মিলিয়ন ১.১ অমসুং ইন্সতাগ্রামদা মিলিয়ন ১ হেনবা তুং ইনবশিং লৈ।

মাইগোবনা রাজ্য ১২ থবক পাংথোকপগী থৌওং হৌদোকখ্রে অমসুং অতোপ্পা রাজ্যশিংদসু পাংথোক্নবা হোৎনরি।

মাইগোবনা মীয়ামদা য়ৌবা ঙম্বা অসিনা পোলিসী শেম্বা মতমদা মীয়ামদগী পাউতাক কয়া লৌদুনা মীয়ামগী খুদোংচাদবশিংবু হকথেংননা তেংবাংবা চাউখৎপগী প্রোগ্রাম কয়া শেম্বা ঙমখ্রে। মসিনা সরকারগী থৌওং কয়া মীয়ামদা য়ৌবা ঙমহন্দুনা মীয়াম্না সরকারবুসু অফবা মিৎয়েংদা য়েংহনবগী থৌওংশিংসু পাক চাউথোক্লি। ঙসিদি মাইগোব অসি মপুং ফাবা অমসুং মীয়াম পুম্বনা শরুক য়াদুনা সরকারগী ফ্লেগশিপ প্রোগ্রাম কয়াগী থবক তৌবগী থাক খংদোক্নবগী প্লেৎফোর্ম অমা ওইরে।

ঙসিদি কোরোনাগী লুরবা তাঞ্জা অসিদা মাইগোবনা মীয়ামদা ই-পাউ পীবগী থাজবা য়াবা মফম অমা ওইরে। কাংবু অসিনা অচুম্বা ই-পাউ কয়া মীয়ামদা মতম চানা ফংহন্নবা কন্না হোৎনরি।

******