PIB Headquarters
কোবিদ-১৯গী মতাংদা নুমিৎ খুদিংগী ফোংবা পি.আই.বি.গী বুলেতিন
Posted On:
26 JUL 2020 6:31PM by PIB Imphal
(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )
- নোংমগী মনুংদা খ্বাইদগী মশীং য়াম্না নাবা ফবা ঙমখ্রে; অনাবা ৩৬,০০০ হেন্না নাবা ফদুনা য়ুমদা থাখ্রে
- এক্তিব কেস মশীংদগী নাবা ফবগী মশীংনা লাখ ৪ হেন্না লানখ্রে
- ঙসি নাবা ফবগী চাং অসি চাদা ৬৪ য়ৌনা ৱাংখি
- প্রধান মন্ত্রীনা হায়খি মদুদি কোরোনাগী হাজার্দ অসি লোইগদবা ৱাৎলিবনা ঐখোয়না থোইদোক হেন্দোক্না চেকশিন্না লৈবা মথৌ তাই
- নোংমা খক্তদা তেস্ত লাখ ৪.৪ হেন্না পাংথোকখ্রে
- লৈবাক অসিদা এক্তিব কেস মশীং ৪,৬৭,৮৮২ লৈরি
- প্রধান মন্ত্রীনা হয়েং থ্রুপুৎ ৱাংবা কোবিদ-১৯ তেস্ত তৌনবা ফেসিলিতী হাংদোক্লগনি
নোংমগী মনুংদা খ্বাইদগী মশীং য়াম্না নাবা ফবা ঙমখ্রে; অনাবা ৩৬,০০০ হেন্না নাবা ফদুনা য়ুমদা থাখ্রে; এক্তিব কেস মশীংদগী নাবা ফবগী মশীংনা লাখ ৪ হেন্না লানখ্রে; ঙসি নাবা ফবগী চাং অসি চাদা ৬৪ য়ৌনা ৱাংখি
ঙরাং নোংমদা মশীং খ্বাইদগী ৱাংবা ওইনা নাবা ফবগী রেকোর্দ লৈখি। হৌখিবা পুং ২৪ অসিদা কোবিদ-১৯ অনাবা মীওই ৩৬,১৪৫ নাবা ফখি অমসুং দিসচার্জ তৌখি। মসিনা নাবা ফরবগী অপুনবা মশীং অসি ৮,৮৫,৫৭৬ য়ৌখ্রে। নাবা ফবগী চাংসু খোংজেল য়াংখৎলক্তুনা অনৌবা ওইনা চাদা ৬৪ য়ৌশিনলক্লি। ঙসি ফাওবদা ৬৩.৯২% য়ৌখি। মসিনা তাক্লে মদুদি অনাবা কয়া অমা ফগৎলক্তুনা নাবা ফরবা মশীংগা কোবিদ-১৯ নারিবা এক্তিব কেস মশীংগগী মরক্তা লৈবা খেন্নবসু হেনগৎলক্লি। খেন্নবা মশীং অসি হৌজিক্কী ওইনা লাখ ৪ লান্দুনা ৪,১৭,৬৯৪ লৈরে। নাবা ফরবা কেস মশীংনা এক্তিব কেস মশীংদগী শরুক ১.৮৯ ওইরি (৪,৬৪৭,৮৮২)। ইহান হানবা ওইনা নোংমদা রেকোর্দ ওইনা তেস্ত ৪,৪০,০০০ হেন্না তেস্ত তৌখি। হৌখিবা পুং ২৪ অসিদা সেম্পল ৪,৪২,২৬৩ তেস্ত তৌখিবগা লোইননা ভারত্তা মিল্লিয়ন অমদা তেস্ত তৌবগী চাং অসি ১১,৮০৫ য়ৌরে অমসুং অপুনবা ওইনা তেস্ত তৌখ্রবা সেমপল ১,৬২,৯১,৩৩১ য়ৌরে। অহানবা ওইনা নোংমদা সেম্পল ৪,৪০,০০০ তেস্ত তৌখি। হৌখিবা পুং ২৪দা সেম্পল ৪,৪২,২৬৩ তেস্ত তৌখিবগা লোয়ননা তেস্ত পর মিলিয়ন (তি.পি.এম.)গী মশিং অসি মখা তানা ১১,৮০৫দা হেঙ্গৎলে অমদি অপুনবা তেস্ত তৌখিবা মশিংনা ১,৬২,৯১,৩৩১দা হেঙ্গৎলে।
প্রধান মন্ত্রীনা জুলাই ২৭দা থ্রুপুৎ ৱাংবা কোবিদ-১৯ তেস্ত তৌনবা ফেসিলিতী হাংদোক্লগনি
প্রধান মন্ত্রী শ্রী নরেন্দ্র মোদীনা জুলাই ২৭তা ভিদিও কনফরেন্সিংগী খুথাংদা থ্রুপুৎ ৱাংবা কোবিদ-১৯ তেস্ত তৌনবগী ফেসিলিতী অমা হাংদোক্লগনি। মসিগী ফেসিলিতী অসিনা লৈবাক অসিদা তেস্ত তৌবগী চাং হেনগৎহনলগনি অমসুং ঙন্না খঙদোকপা অমসুং লাইয়েংবদা মপাঙ্গল হেনগৎহল্লগনি, অসুম তৌদুনা লাইচৎ অসিনা শন্দোকপা থিংবদা মতেং পাংলগনি। হায়রিবা থ্রুপুৎ ৱাংবা তেস্ত তৌনবগী ফেসিলিতী অসি আই.সি.এম.আর.- নেসএনল ইন্সতিত্যুৎ ওব কেন্সর প্রিবেন্সন এন্দ রিসর্চ, নোইদা; আই.সি.এম.আর.- নেসনেল ইন্সতিত্যুৎ ফোর রিসর্চ ইন রিপ্রদক্তিব হেলথ, মুম্বাই; অমসুং আই.সি.এম.আর.- নেসনেল ইন্সতিত্যুৎ ওব কোলেতা এন্দ এন্তরিক দিজিজ, কোলকতাদা লিংখৎকনি অমসুং নোংমদা মসিনা সেম্পল ১০,০০০ তেস্ত তৌবা ঙমগনি। মসিগী লেবশিং অসিনা অচঙবা মতম হন্থহল্লগনি অমসুং লেব পার্সনেলশিং লৌনগনগদবা ক্লিনিকেলগী খুৎজু খুৎলাইশিংদগী ঙাকথোক্লগনি।
অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1641340
২৬.০৭.২০২০দা ঙাংখিবা পি.এম.গী "মন কী বাত ২.০"গী ১৪শুবা তাঙ্কক্কী মনিপুরী ৱাহন্থোক
“নুংশিরবা ঐগী ইরৈচাশিং, খুরুমজরি। ঙসি জুলাই ২৬নি, ঙসিগী নুমিৎ অসি য়াম্না থোইদোক হেন্দোক্না মরু ওইবা নুমিৎ অমনি ... ঙসি অসি কার্গিল বিজয় দিৱসনি। চহি ২১গী মমাংদা ঙসিগী নুমিৎ অসি মক্তদা কার্গিলগী লানফমদা ভারতকী লান্মীশিংনা লানঙম ফিরাল থেৎখিবনি…………। হৌখিবা থা খরা অসিদা, লৈবাক পুম্বনা অমত্তা ওইদুনা কোরোনাগা লান্থেংন্দুনা লাক্লি লোয়ননা ওইরকপা য়াই খনবা ফত্তবা কয়াবু চুমহনখিদ্রে। ঙসি ঐখোয়গী লৈবাক্তা নাবা ফগৎলকপগী চাং অসি অতোপ্পা লৈবাকশিংগা য়েংনবদা য়াম্না ৱাংলি; লৈবাক অসিদা কোরোনাদগী শিখিবগী চাং অসি অয়াম্বা লৈবাকশিংগা য়েংনবদা য়াম্না হন্থরি, তশেংনা মী অমা কায়নবা হায়বা অসি য়াম্না নুংঙাইতবা থৌওংনি অদুবু ভারত্তদি ইরৈচা লাখ কয়াগী থৱায় কনবা ঙম্লি। অদুবু মরূপশিং কোরোনাগী অকীবা অসিদি কোকপা লৈত্রি। মফম কয়াদা মসি য়াম্না য়াংনা শন্দোরক্লি। ঐখোয় য়াম্না হেন্না চেকশিনবা তঙাই ফদে। ঐখোয়না নীংশিংগদবদি কোরোনা অসি হৌরকোপদা শাথিবগুম হৌজিকসু শাথিরি – অদুনা ঐখোয় চেকশিনবা মথৌ তাই। মায়দা মাস্ক অমা উপ্পা, লেংয়ান নত্ত্রগা ফি মচা অমনা মায় খুমইনবা, খুদুপ অনিগী অরাপ্পা থম্বা, খুৎ তোয়না হাম্বা, মফম চাদনা লোক-তিন শিত্তবা, লুনান্না লৈবা – হায়রিবশিং অসিনা কোরোনাদগী ঙাকথোক্নবা ঐখোয়গী খুৎলাই ওইরি। ৱারী শাবা মতমদা মায়দা মাস্ক উপ্পা অসি নুংঙাইতে হায়দুনা লৌথোক্নীংবা ফাওবা য়াওই। মাস্ক খ্বাইদগী মথৌ তাবা মতমদা ঐখোয়না মাস্ক লৌথোকই। ঐনা হায়জনীংবদি অসিগুম্বা মতমদা মাস্কনা মরম ওইদুনা নুংঙাইতবা ফাওরকপা মতমদা ঙাকহাক্তংগী ওইনা দোক্তর, নর্স, কোরোনাগী লান্থেংনরিবা ৱারিয়রশিংবু নীংশিংবীয়ু। মখোয়না পুং কয়া মাস্ক উপ্তুনা ঐখোয়গী পুন্সি কন্নবা হোৎনরি – করিগুম্বদা মখোয়না পুং নিপালদগী তরা ফাওবা মাস্ক উপ্পি। মহোয়দা নুংঙাইতবা ফাওরম্লোইদ্রা? মখোয়গী খন্দুনা য়েংবীয়ু…”
উপ-রাস্ত্রপতিনা কোরোনা ভাইরসকী অনাবশিংবু তাথি-তাওইনা তৌবিবা অমসুং কোবিদ-১৯না শিহনখ্রবা মীশিংগী নিংথিনা অরোইবা মথৌ-মঙম পাংথোকপা য়াহন্দবদা নুংনাংবা ফোংদোকখ্রে
উপ-রাস্ত্রপতি শ্রী এম.ভেঙ্কয়া নাইদুনা ঙসি কোবিদ-১৯গী অনাবশিংবু তাথি-তাওইনা তৌবিবা অমসুং ভাইরস অসিগী লানফমদা মায়থিহনখ্রবা মীশিংবু নিংথিনা অরোইবা বিদাই পীবা য়াহন্দবদা নুংনাংবা ফোংদোকখ্রে।
অসিগুম্বা থৌদৌ অসি মপুং ওইনা থিংখ্রে অমসুং মফমদুদা লৈরিবা কাংলুপশিং অমসুং খুন্নাইশিংদা অসিগুম্বা থৌদৌ অসি অমুক হন্না হেক পাংথোরকপদা চাওনা থিংনবা তকশিন ৱাফম থমখ্রে। ফেসবুক্তা থাগৎলকখিবা পোস্ত অমদা শ্রী নায়দুনা হায়খি, “মতম অসিদা মথৌ তারিবা অসি অচুম-অরান খংদনা ৱাখলনা শাগৎপশিং অসি থেংনদুনা হেক হৌরকপদা মাংহন্নবা হোৎনবনি। অদু নত্তবা তারগদি অসিগুম্বা তোকঙা অমসুং অরানবা ই-পাওশিংনা অসিনা হেন্না মহু চেনবা হেনগৎলক্কনি”। মীপুম খুদিংমক্তা কোবিদ-১৯না নারবশিংবু ৱাখল লৈনা অমদি মীনুংশি লৈনা লোয়নবিনবা তকশিল্লদুনা মহাক্না হায়খি, “কনা অমত্তনা চপ-চানা শোহল্লক্লোই হাইনিঙাই লৈতে অমদি মশক উবা ঙমদবা ভাইরস অসি মী অমদা হেক্তা চংলকপা য়াই”। কোবিদ-১৯না শিখিবা মীশিংবু লৈরোন চনবা য়াহন্দবগী থৌদৌশিং অসিগা মরি লৈননা মসি তশেংনা চৎনদবা অমসুং অৱাবা নংলিবা ইমুংগী মীশিংগীদমক্তা পুন্না হোৎনমিন্নবগী ভারতকী অরিবা চৎনবিগী মায়োক্তনি হায়না মহাক্না ফোংদোকখি। শ্রী নায়দুনা হকশেলগী থৌ পুরিবশিং অমসুং মেদিয়াদা কোরোনাভাইরসকা মরি লৈনবা অচুম্বশিং অমসুং মসি লৌনরকপগী মতাংদা মীশিংনা চেকশিন্না লৈনবা অমসুং মহৈ তম্বিনবদা মতেং ওইগদবা অখন্নবা কেম্পেন পাংথোক্নবা তকশিনখি।
ফিল্দ ওফিসশিংদগী ফংবা পাউ
• অরুনাচল প্রদেশ: অরুনাচল প্রদেশকী ইতানাগর কেপিতল রিজনদা রেপিদ রেসপোন্স তীমশিংনা এন্তিজেন তেস্ত তৌরবা মতুংদা কোবিদ পোজিতিব ওইবা মীওই ৩৫ ফংখি। ইতানাগর কেপিতল রিজনগী দিপ্যুতী কমিশনরনা অরুনাচলগী রাজভদা চংলক্লিবা ত্রক দ্রাইভরশিংগীদমক্তা গাইদলাইনশিং থোকখি।
• মনিপুর: মনিপুরদা মুখ্য মন্ত্রী এন.বিরেন সিংহনা সভাপতি ওইদুনা মহাক্কী মখাদা কোবিদ-১৯ স্তেত কন্সল্তেতিব কমিতীগী মীফম অমদা হৌজিক চত্থরিবা লোকদাউন অসি হেন্না কনশিলহন্নবা ৱারেপ লৌখ্রে। মনিপুর সরকারনা মনিপুর এপিদেমিক দিজীজ (এনফোর্সমেন্ত ওফ কোবিদ-১৯ গাইদলাইনস) রেগুলেশন, ২০২০ চৎনহনখ্রে। ক্বারন্তিন গাইদলাইনশিং অমসুং প্রোতোকোলশিং থুগাইদুনা চৎপশিংদা লুপা ১,০০০গী ফাইন থিহনগনি।
• মিজোরাম: মিজোরামদা ঙসি কোবিদ-১৯গী পেসেন্ত ১০ ফদুনা দিসচার্জ তৌখ্রে। হৌজিক রাজ্য অসিদা এক্তিব কেস ১৬৮ অমসুং হৌজিক ফাওবদা ১৯৩ দিসচার্জ তৌখিবগা লোইননা পুন্না কেস ৩৬১ শুখ্রে।
• নাগালেন্দদা কোবিদ-১৯গী অনৌবা কেস ৫০ থেংনখি। কোহিমাদা ২৮, মোনদা ১৩ অমসুং দিমাপুর জিলাদা ৯। নগালেন্দদা এক্তিব কেস ৭৯৪ অমসুং ৫৪১ ফখিবগা লোইননা অপুনবা পোজিতিব কেস ১৩৩৯ শুখ্রে।
• সিক্কিম: সিক্কিম সরকারনা রাজ্য অসিদা কোবিদ কেসশিং হেনগৎলকপনা মরম ওইরগা ওগস্ত ১, ২০২০ ফাওবা লোকদাউন শাংদোক্নবগীদমক্তা নোতিফিকেশন থোকখ্রে।
• কেরলা: রাজ্য অসিদা ঙসি কোবিদনা মরম ওইরগা ৫ অমগা অমুক লৈখিদ্রে মসিনা মশিং ৬৪ য়ৌহনখ্রে, জিলা অয়াম্বদা কোবিদ-১৯গী কেস লেপ্তনা হেনগৎলক্লি, হায়রিবশিং অসিদা অনম্বনা কন্তেক্ত কেসশিংনি। কেরলাদা ঙরাং অনৌবা কেস ১,১০৩ থেংনবগা লোইননা নোংমদা রাজ্য অসিদা খ্বাইদগী য়াম্না হেনগৎখি। কেস ৮৩৮দি লোকেল ত্রান্সমিশন্না ওইখি। রাজ্য অসিনা ঙরাং ঙরাং ১,০৪৯ ফদুনা হৌজিক ফাওবদা খ্বাইদগী য়াম্না ফখিবা ওইখি। হৌজিক পেসেন্ত ৯,৪২০ লাইয়েংদুনা লৈরি অমসুং রাজ্য শিনবা থুংনা মীওই লাখ ৫৪ ওবজার্ভেশনদা থম্লি।
• তামিল নাদু: পুচেরীগী হকশেল মন্ত্রীনা য়ু.তি. অসিদা কোবিদ-১৯ কেসশিংগী মশিং ওগেস্তকী অরোইবা ফাওবদা কেস ৬০০০তা হেনগৎলকপগী থাজবা লৈ হায়না হায়খি অমসুং য়ু.তি. অসিনা বেদ হেন্না মথৌ তাগনি। চেন্নাইদা ভোলন্তিয়র খরা খক্তমক প্লাস্মা দোনেত তৌনবা চোংথোরকখি; খুদম ওইনা পেসেন্ত ৮৫,০০০গী মথক্তা ফখি অদুবু ১৫ খক্তমক দোনর ওইনা থোরকখি। রাজ্য অসিদা ঙরাং অনৌবা কেস ৬,৯৮৮ অমসুং ৮৯ শিখিবগা লোইননা তি.এন.দা কোবিদকী মশিং অসি হান্নদগী হেন্না নৌনা অমুক ৱাংখৎখ্রে, মসিনা অপুনবা মশিং অদু ২,০৬,৭৩৭ অমসুং শিবগী মশিং অদু ৩,৪০৯ য়ৌহনখ্রে।
• কর্নাতকা: বেঙ্গলুরুদা রেলৱে কোপ ৩৬ কোবিদ-১৯গী পোজিতিব ওইখ্রে; এমপ্লোয়ী অমমুক ভাইরস অসিদগী লৈখিদ্রে মসিনা এস.দবল্যু. রেলৱে জোনদা লৈবা এমপ্লোয়ীশিংদা কোবিদ-১৯না মরম ওইরগা লৈখিদবশিংগী মশিং অদু ৫ শুহনখ্রে। কর্নাতকাদা কোবিদ-১৯ কেসশিংগী মশিং লেপ্তনা হেনগৎলক্লি, রাজ্য অসিদা ঙরাং কেস ৫,০৭২ লৈখিবগা লৌইননা ৯০,০০০গী মথক য়ৌহনখ্রে। রাজ্য অসিদা এক্তিব কেস ৫৫,৩৮৮ অমসুং শিখিবগী মশিং অদু ১৭৯৬ শুখ্রে।
• অন্ধ্র প্রদেশ: রাজ্যনা প্রজাশিংদা কোবিদ-১৯গী মায়োক্তা লান্থেংনবদা তঙাইফদবা হেল্থ সার্বিসশিংগা পাউ ফাওননবা ‘কোবিদ-১৯ অন্ধ্র প্রদেশ’, হায়বা স্মার্তফোন এপ অসি শিজিন্ননবা হায়খ্রে। রাজ্য অসিদা লৈরিবা ওসপিতালশিংদা অহেনবা ভেন্তিলেতর লিশিং ১০ হাপ্লগনি; অদুবু হান্নদগী ওক্সিজেন বেদ ২২,৫০০ লৈরি। কোবিদ কেসশিং হেনগৎলকপনা চিত্তুর জিলাগী মদনাপল্লেদাওগস্ত ২ ফাওবা লোকদাউন লৈখিগনি। রাজ্যনা ২০২০-২১ একাদেমিক কেলন্দর থাদোকখ্রে। জুলাই ২৭তগী স্কুলশিংদা এদমিশন হৌরগনি। সরকারনা সেপ্তেম্বর ৫দগী স্কুলশিং হাংবা হৌনবা আসা তৌরি। ঙরাং অনৌবা কেস ৭৮১৩ অমসুং ৫২ শিখিবগা লোইননা রাজ্য অসিদা অপুনবা কেস ৮৮,৬৭১ হেনগৎখি, মসিদা এক্তিব কেস ৪৪,৪৩১ অমসুং শিবগী মশিং ৯৮৫ শুখ্রে।
• তেলঙ্গানা: দোক্তরশিংনা অনৌবা ওসমানিয়া হোসপিতাল বিল্দিং অসি খরা য়াংনা লৌইশিন্নবা সি.এম. কে.সি.আর.দা তকশিনখ্রে। রেইজিস্তরদ মেদিকেল প্রক্তিশনর (আর.এম.পি.) অমসুং ফার্মসিতিকেল মেদিসিন প্রোগ্রাম (পি.এম.পি.) দোক্তরশিংনা হকশেল মন্ত্রী ইতালা রাজেন্দর উনখি অমসুং রাজ্য অসিদা কোরোনাভাইরস শন্দোরকপা থিংবদা মখোয়গী সার্বিসশিং পীরগনি হায়না ফোংদোকখি। থাংজা নুমিত্তা অনৌবা কেস ১৫৯৩, ৯৯৮ ফখি অমসুং ০৮ শিখিবগী পাউ লৈখি। কেস ১৫৯৩ অসিগী মনুংদা কেস ৬৪১দি জি.ঐচ.এম.সি.দগীনি। অপুনবা কেসশিং: ৫৪,০৫৯; এক্তিব কেসশিং: ১২,২৬৪; শিখিবশিং: ৪৬৩; দিসচার্জ তৌখিবশিং: ৪১,৩৩২।
• পঞ্জাব: পঞ্জাবকী মুখ্য মন্ত্রী, কেপ্তেন অমরিন্দর সিংনা কোবিদকী চিরবা তাঙ্কক অসিনা মরম ওইরগা একাদেমিক সেশন ২০২০-২১গীদমক্তা রাজ্য অসিদা লৈরিবা সরকারগী স্কুলশিংনা মহৈরোইশিংদগী এদমিশন, রি-এদমিশন অমসুং ত্যুশন ফী অমত্তা লৌরোই হায়না লাউথোকখি।
• হরিয়ানা: শান্না-খোৎনবগী লমদা হরিয়ানাগী পোতেন্সিয়েল অমসুং কন্ত্রিব্যুশনবু থাগৎলদুনা, কেন্দ্রগী য়ুথ এফিয়র্স অমসুং স্পোর্তসকী রাজ্য মন্ত্রী, শ্রী কেরেন রিজিজুনা হরিয়ানাগী পঞ্চকুলানা ‘খেলো ইন্দিয়া য়ুথ গেম্স-২০২১’গী মরিশুবা এদিশনগী য়ুম্বু ওইরগনি হায়না লাউথোকখি। কোবিদ-১৯গী চিরবা তাঙ্কক অসিনা মরম ওইরগা ‘খেলো ইন্দিয়া য়ুথ গেম্স-২০২০’ অসি হন্দক চহিদি শিল্লরোই হায়না কেন্দ্রগী মন্ত্রীনা হায়খি।
• হিমাচল প্রদেশ: গোবর্নর শ্রী বন্দারু দত্তাত্রয়ানা হিমাচল প্রদেশতা লৈরিবাকোবিদ-১৯গী ফিভম অসিগী মতাংদা খন্ননবা পি.জি.এম.ই.আর., চান্দিগরগী দাইরেক্তর দা. জগত রামগা ভীদিও কনফরেন্স অমা পাংথোকখি অমসুং রাজ্য অসিদা লাইচৎ অসি শন্দোরকপদগী থিংনবগী মতাংদা সজেসশন কয়া অমসু হংখি।হিমাচল প্রদেশতা কোবিদ-১৯গী কেসশিং হেনগৎলকপা অসি য়েংলগা, পি.জি.এম.ই.আর., চান্দিগরনা কোবিদ কেয়র সেন্তরশিং স্তদী তৌনবা রাজ্য অসিদা য়েংশিন্নবা তীম থারক্কদবনি অমসুং রাজ্য অসিগী দোক্তরশিংগা খন্ন-নৈনবগী থবক পাংথোক্কদবনি অমসুং মখাতানা ফগৎহন্নবগী মতাংদা রাজ্যদা রিপোর্ত অমা থাগদবনি হায়না মহাক্না হায়খি।
• মহারাস্ত্র: রাজ্য অসিনা কোবিদ-১৯গী কেসশিং লেপ্তনা হেনগৎলকপা থেংনখি। রাজ্য অসিনা হৌখিবা পুং ২৪দা অনৌবা কেস ৯,২৫১ থেংনখি, মসিনা অপুনবা মশিং অদু ৩,৬৬,৩৬৮ য়ৌহনখ্রে। মসিনা রাজ্য অসিদা নোংমদা খ্বাইদগী ৱাংনা হেনগৎলকপা নত্রবসু হৌখিবা মতম খরদা নুংতিগী কেস ৯,০০০গী মথক্তা থেংনখি।
• গুজরাত: রাজ্য অসিনা অনৌবা ইনফেক্সন ১,০৮১গা লোইননা কোরোনা ভাইরস কেসকী নোংমদা খ্বাইদগী বাম্না হেনগৎলকপা থেংনখি, মসিনা অপুনবা মশিং অদু ৫৪,৭১২ য়ৌহনখ্রে অদুগা পেসেন্ত ২২ শিখ্রে, মসিদা সুরত্তগী ১১ য়ৌখি হায়না রাজ্যগী হকশেলগী দিপার্তমেন্তনা হায়খি। হৌজিক রাজ্য অসিদা শিবগী মশিং অদু ২,৩০৫ য়ৌখ্রে। ঙরাং পেসেন্ত ৭৮২ ফদুনা দিসচার্জ তৌখ্রে, মসিনা রাজ্য অসিদা ফখিবা কেসশিংগী মশিং অদু ৩৯,৬১২দা হেনগৎহনখ্রে হায়না হায়খি।
• রাজস্থান: সরকারনা রাজ্য অসিদা কোবিদ-১৯ তেস্ত তৌবগী অনৌবা গাইদলাইনশিং থোকখ্রে। অনৌবা গাইদলাইনশিং অসিগী মতুং ইন্না পুং ২৪গী মনুংদা কোবিদ-১৯গী তেস্ত তোবগী রিজল্তশিং অদু তেস্ত তৌরিবা লেবশিংনা শোইদনা পীবা মথৌ তাই। রাজ্য অসিনা নোংমদা কোবিদ-১৯গী সেম্পল ৪০,০০০গী মথক্তা তেস্ত তৌবগী কেপাসিতী লৈহনখ্রে।
*******
(Release ID: 1641443)
Visitor Counter : 147